北京水餃皇

营业中

休息中

昨天2030 左右，和姐姐路過，進去吃了兩碗麵，後來也叫了一客豆沙鍋餅。叫的時候，那個外省女服務員已經背對著我們，也一副越叫越走的樣子。勉強聽到她應了一聲，以為她好專業啦，就算是點了菜。過了好久，終於來了，但是變了高力豆沙！又是那個上了年紀的外省女服務員！態度是隨手扔下，掉頭就走。既然點菜送菜都是那個人，當然和她說啦。點知她一再堅持，強調是我們要高力豆沙，還指著我們大聲粗魯地，用唔鹹唔淡的廣東話罵：<<我唔知你地邊個叫呀，總知你地叫ｏ左高力豆沙啦！>>說完就走，留下了高力豆沙！我們當然０嘴啦！既然如此，我們嘗試找另一個來講道理啦！幸好，這個有禮好多。（男的，不是光頭的，說廣東話的！）我們說明了她落錯單，還夾硬要我們要了那個錯的。他說可能是誤會了，但仍問我們ｏ岩唔ｏ岩食。我們沒有吃那個甜品就走了。臨踏出門口時，還聽到稍遠處有第三個服務員（男的），很不相信地問他的同事，是不是說他們逼我們食！他們還不明白問題是他們囂張的服務態度！食物呢：沒有特別，怎麼說也不算是抵食lor！

由於OFFICE在附近,很多時都會途經的. 很奇怪, 每次午飯時間12點上下,幾乎只有依間食肆咁靜…. 上星期終於一試, 試完就知…無怪乎生意咁冷清!! 我是買外賣的, 我望望餐牌, 就向其中一個光光地頭的伙計點了一個白菜餃面, 點知佢無應我不單止, 仲同個收銀阿姐大聲講大聲笑(我站在櫃面向他叫外賣, 他竟然一眼都無望我?!) 咁我唯有向收銀阿姐講: "唔該你…." 點知佢竟然可以同時間拎起電話泥打…果時, 我真係想轉身走, 幸好有個老小小既伙計見到無人理我, 至行過泥問我食咩…叫完野食之後我就企左響度等啦, 等左好耐~~ (可以話比大家聽, 我入去之後到我拿到碗面其間係無一個食客入過去既! 無錯! 一個都無~~ 但係比大家估下我等左幾耐?! …. 係15分鐘既!!!!!!) 對於午飯時間外出買外賣既打工仔, 15分鐘絕對係過份囉! 最激死既係,當我企係度等既時候, 個無禮貌既店員(光光地頭果個)向我大叫–幾乎可以說是罵..!其實我懷疑他是老闆來的, 不然, 又怎可能對一個食客如此無禮?? “你坐低等啦! 邊有咁快!”我實在從未遇過這樣無禮貌既伙計!! 我肯定,態度

很喜歡食餃子的。呢度ｄ下午茶餐\，二十元左右，可以選餃子，湯麵，上海粗炒等。餃子都幾好味，係北京那種，不放湯的食法。灣仔只得兩間有傳統餃子的！

今次係第二去食..第一次係行完書展去的...果晚真係好多人,同埋得返一款白菜豬肉餃,今晚終於食到我上次食唔到的煎羊肉餃子啦~煎得好脆,不過唔太夠羊肉味,即係唔夠"蘇",跟住再叫左個蒸九菜豬肉餃.同大的酸辣湯!豬肉餃.ok,唔錯!酸辣湯,辣味剛剛好.真係好足料!兩個人share一碗大的都幾多...仲有杯豆漿,幾好飲,夠凍有豆味.不過去呢度要習慣下一d唔太有禮貌的小二...好似好惡咁...其實都係善意既...

星期日和男友去書展前來這裡食午餐。一進店便覺得很嘈吵, 伙計聲浪頗大。坐下不久,伙計便問了幾次要點什麼,好像在吹我們落單,頗煩厭!而且其中一名店員語氣都幾重！但係當他替鄰檯的外國人點菜時,語氣則客氣了很多,其實大家都是顧客,為何態度竟有這樣的分別,很討厭這樣的服務態度！兩人點了：白菜豬肉水餃 蝦仁蛋炒飯 凍豆漿水餃不是太特別,而且菜少肉多,並非想像中好。炒飯是店員推介的,味道不錯,而且賣相都幾好,色香味俱全, 都算值得一食的。豆漿甜味適中,不會太甜或太淡,很好。

同老死去書展前來了這家本來還滿心期待的,因為openricer們真的十個推的樣子,加上店子滿滿的都是人可是,結果令人十個失望我叫了白菜水餃麵,老死叫9菜水餃麵外加一冷一熱豆漿意想不到的,最美味的就是那豆漿水餃的皮又厚又粉湯嘛,只有咸味麵嘛,應該叫麵粉會正確點唯一可以入口的應是餡吧,可水準也只是平平最後我吃了2/3就放棄了埋單$30...一杯豆漿$30!?

話說今日去書展前，想黎呢到醫肚叫左碗９菜豬肉水餃麵ｄ料好普通咋啵！ｄ麵仲要係唔好食的！口感勁粉！咩事？仲有大大杯豆漿最好味係呢樣喇！無論凍熱，ｄ味都剛剛好服務態度好，見到有侍應識用英文同外國人溝通對住我地兩個靚妹都好好禮貌但賣單呢個價，真係唔抵囉！唔係睇左杯豆漿同服務態度份上，劣評架！

昨晚行書展之前打算食南記，見到咁多人又冇位，就轉移陣地過對面食呢間野。以前都食過幾次午餐\\\\\\\，感覺不錯，點知今趟經驗不得不列入黑名單...因為並非太肚餓，兩個人叫左菜肉雲吞、鮮蝦三鮮水餃，和番茄炒蛋。首先，伙計落單態度已經很差，問佢\\\\\\\鮮蝦三鮮水餃可否不跟湯，佢\\\\\\\\\\\\\\\黑面反問：點解冇喎？客人唔了解想問清楚姐，好似食左火藥咁。食物陸續送到，番茄炒蛋不錯；鮮蝦三鮮水餃也過得去，蝦肉新鮮；但餃皮略厚。菜肉雲吞，呢碟質素最差，感覺d豬肉好霉不新鮮，而且\\\\\\\"菜\\\\\\\"既份量少得可憐，好似食緊成肉咁。叫左咁少野，每人都要成50蚊先落得樓。最慘係唔好食嘛！

我好鍾意飲酸辣湯，呢度都滿足到我對酸辣湯的要求--夠酸夠辣！！我係lunch time 去食，叫左個酸辣水餃麵，$35 送野飲，我要左凍豆漿（因我諗住要食辣野）好多人呀，仲幾嘈下~~~~酸辣湯o既料OK，基本材料如蛋花、豬肚絲、豬紅（定雞紅？）、木耳，豆腐，夠酸夠辣，食到我有D 流鼻水，哈哈……但我覺得夠酸夠辣先好食~~~~至於D水餃，還可以吧，沒有驚喜，餡料好散下$35 ，略貴啦~~p.s. 食完之後，成個晏晝都feel 到味精帶黎o既口渴，要沖返杯飲返D 凍蘋果醋飲先好D

昨天(may 01, 2006) 一個人shopping 後到此店, 叫了一豬肉湯餃, 一牛肉煎餃, 一杯豆漿. 湯餃不錯,只是很多地方也有得吃, 不太大差別. 牛肉煎餃...上碟每隻是圓的(不像日式煎餃), 皮煎得剛好,沒有焦的. 因是即煎,皮很脆,很香口. 咬下去,要小心了.... 內有牛肉湯的, 非常熱啊. 咬下時肉汁都射了出來, 真狼狽. 吃了一碟煎的(有十隻餃子), 賣31元. 湯的23元, 豆漿7元. 61元埋單, 有點貴(也有點太大食..很飽啊~~~~!). 下次我會考慮只叫煎餃加豆漿. 又或者約朋友一起來, 可吃多點.

睇完砵砵豬嘅 食評, 決定一試. 叫左個酸辣水餃麵, 果然如砵砵豬噉講- 辣度適中, 亦非常足料. 我食到一滴都冇剩.不過$35 碗麵冇包飲品.

同朋友食lunch, 兩個人坐卡位, 我要酸辣雲吞麵, 朋友食酸辣水餃麵.雲吞比水餃大, 不過水餃的皮煙un d, 而且水餃可以自選, 朋友就選擇左最普通既白菜豬肉餃. 酸辣的辣度適中, 幾香.成碗麵要$35, 包飲品. 我地叫左熱豆漿, 但可能店員太忙, 催左幾次, 食完麵都未到. 後來豆漿終於到, 但太熱, 飲唔到!!

9/11下午，黎左呢度食晏晝飯。我好鐘意黎呢度，雖然今次只係第二次，但係我真係好鐘意食水餃，所以成日都想試唔同地方0既水餃囉。兩個人坐卡位，食左韮菜水餃拉麵，同埋糖醋排骨客飯，包一杯豆漿，另外再叫一杯，值得嘉許0既係杯豆漿都幾大杯，抵番d。個韮菜水餃拉麵好食d，糖醋排骨個汁麻麻地囉。下次想再試其他水餃。佢d野唔係勁好食，不過又會太差咁囉，晏晝飯黎講就幾好架啦。夜晚都幾貴。除左甜品外，我諗水餃就係我0既至愛。

好食好食！在香港能吃到这末正宗的北方饺子，好是难得！共食了三种：猪肉韭菜（好熟悉的北方味道） 羊肉（略带膻味的，正的食！） 三鲜（在北京不会把整只虾放在饺子里，但这样食也好过瘾！相比，炒菜略有逊色，而且有点贵。店员很多是北方人，还有一位大姐是东北人，好是亲切！

這間店食左2次, 第一次去就好好味, 所以我先去第二次…點知第二次都唔好味既.. (好奇怪).. 個女侍應成日sell 豆漿, 我沒有叫, 因為無寫價錢, 望下部豆漿機都不太吸引我叫..他們的餃子味道不錯的, 皮不厚, 要 的呀…放湯的不好味的.酸辣湯味道也不錯, 很足料…其實味道不差的, 但第二次去食的時候真係麻麻左, 可能個日師傅手藝失左水準啦…可以試一試的~~