北京水餃皇

营业中

休息中

有幾次行經謝斐道也好想入來一試其餃子。上兩星期終於不用再過門不入，時為下午接近 2 時 30 分，店內一枱客人都冇。坐下後，看看餐牌，發覺有許多特色餃子，先問問一客餃子有多少隻，一位上了年紀的阿姐說 10 隻，她還建議多點一碗上海麵便足夠二人享用，所以我們便點了一客煎白菜豬肉餃和一碗上海麵。上海麵不是淨麵，而是鋪滿肉絲和白菜仔，煎餃好大隻，個底仲好香口。二者味道是不錯的，但不知為何那碗上海麵的湯底好多油，煎餃又係好多油，唔怪得知她說二樣已足夠，因為多吃一兩隻餃、一兩箸麵已覺得好膩。

上次0係隔0黎間茶記等位時留意到呢間0野, 今日 lunch 同埋朋友 J 0黎試試. 呢度叫自己做「水餃皇」, 當然要試試北方餃子啦, 再聽埋伙計阿叔介紹話無湯的餃子比有湯的「爽」, 結果叫了兩客(淨)白菜豬肉餃 (每客 $28), 加碟蒜泥白肉 ($38) share 食, 再一人一杯凍豆漿解0下暑.豆漿好大杯, 稀稀的, 味道淡淡的, 麻麻0地. 不過可能因為每人食滿了 $35, 伙計阿叔竟然免費了我0地的兩杯豆漿, 而其實呢個著數又只係叫客飯先可以受惠的, 真係多謝晒. 兩份白菜豬肉餃 serve 埋一碟, 賣相好住家, 隻隻脹卜卜的幾吸引. 以北方餃子0黎講, 層皮算薄, 帶麵粉香, 而餡料就係勁多的白菜及幾多肥的豬肉, 食落爽爽的, 味道清鮮, 唔錯唔錯. 不過兩客加埋成 20 隻, 結果都係食唔晒.蒜泥白肉賣相幾靚 (仲引了搭檯個女人叫一碟自己當飯食...), 白肉圍邊, 中間就有大量粉皮, 再淋上勁多蒜泥及甜醬油. 白肉「片」得太厚, 仲帶軟骨 (!!), 食落乾乾硬硬的, 感覺麻麻; 粉皮滑滑的, size 就完全係「透明寬條麵」, 勁粗! 而「靈魂」蒜泥

師傅見今日食晏時間見冇雨落, 加上唔係好熱, 於是就決定行遠d, 本想去老友"傑佬"介紹嗰間食店, 奈何去到都幾多人, 於是師傅就轉戰黎左呢間食店, 反正未試過, 就黎呢間試一試, 睇下得唔得先!入到去唔係好多人, 侍應招呼入座; 坐底後即刻睇下有咩好食, 有客飯有麵, 都幾多選擇; 既然呢家食店係主打餃子, 師傅當然係要試下呢度嘅餃子, 所以就柯打左個白菜豬肉水餃麵, 再要多杯豆漿!等左一陣白菜豬肉水餃麵同埋杯豆漿就到, 睇到白菜豬肉水餃麵嘅賣相唔差, 一碗有五隻水餃, 水餃真係幾靚, 皮唔算厚, 加上又唔硬, 而個餡都幾爽口, 肉汁又夠, 唔會乾身, 味道唔錯; 而麵就應該係拉麵, 麵質就麻麻, 腍左少少唔夠煙韌, 一般; 面頭仲有少少雪菜, 雪菜味道唔會太濃太咸, 都幾好味; 而豆漿都幾大杯, 不過就比較淡口, 麻麻地喇!總括黎講食物質素都尚可, 服務都普通, 環境就一般, 不過地面就比較濕滑, 好果唔少心好容易會跌倒, 價錢就可以啦, 廿八蚊碗白菜豬肉水餃麵, 加多六蚊就有杯豆漿, 可以啦; 師傅覺得下次最好約埋三五知己黎, 皆因可以試多幾款唔同菜式! 笑臉今次師傅會比, 皆因

呢度食晏時段同打仗冇乜分別。仕應鬧顧客﹐顧客鬧仕應。你有你舉晒手叫落單﹐d仕應永遠都係望都唔望你﹐剩係一路行一路講﹐“得”﹐“得”﹐“得”就當幫你落左單,然後繼續做自己野。呢度環境超級嘈﹐要聽你隔離果個講乜東東都有難度。坐亦坐得好逼﹐7﹐8個人屈埋一張細臺不足為奇。本人就叫左韭菜豬肉水餃麵﹐湯底唔鹹﹐幾好。水餃有五隻﹐碗麵亦會有雪菜。但餃既餡料就有肥肉﹐如果成日來同埋次次都係成隻成隻食唔咬開簡d肥肉出來﹐係唔知情既情況下食咁多肥肉落肚真係絕對唔健康。

Went there for lunch, and ordered the tofu with spring onions because it looked delicious from the poster.Turned out it was delicous, also ordered the bean thread noodle soup with egg and tomato, no tomato taste whatsoever.. Lastly the lamp and celerly dumpling were ok.Although the food is ok, I don't think I will eat in next time, too noisy, and the staff are arguing.

6,7年前食過同而家相比下差, 今次叫羊肉餃,白菜餃,炒年糕,高力豆沙,三杯豆漿.水餃d餡少, 其他都好似麻麻地, 不過反而最後高力豆沙最欣賞, 我d朋友勁鍾意, 早知之前唔食咁多餃, 豆漿唔算太甜, 但老闆態度Keep住麻麻.

星期五晚外出晚饍, 隨意走進此館子.一進門...怎麼沒冷氣似的??? 心想很快便會吃完, 便不太計較. 先來杯凍豆漿(不會是不開冷氣的苦肉計吧?) ($7), 總算大大杯. 再來碗豬肉水餃麵, 水餃不錯, 麵卻普通. 又點了京式素鵝- 怎麼只有腐皮????自問差不多吃盡香港的京式素鵝, 全都有紅蘿蔔做料的, 今次什麼都沒有, 卻賣$45, 十分搵笨!!!!擔擔麵上的芝麻醬也少得可憐.一定不會再去!!

雖然菜炒飯得d菜同飯, 無其他材料, 但個飯就出奇地炒得好香...簡單午餐首選水餃都好夠味, 唔錯!

參歡電腦展前，想起以前朋皮曾帶我在這裹吃過晚飯，貪這邊沒那麽擠廹，便決定再來吃吃餃子，看店內裝修的風格和職員的口音，都像是地道的北京人主理，應該是正宗北京水餃，近年國內有醫學研究報告指出餃子含有多種維生素，是一道可口又健康的食品，多吃也無妨。店內沒有套餐供應，全部都是散叫的，今天兩個人要了一碟雜錦海鮮粗炒加上一碗十只的韮菜餃，招牌水餃水準依舊，跟我在北京吃的風味沒有大分別，是真正的北京水餃；粗炒沒有像一般上海舖的那麽油淋淋，挺乾身的較好口感，後來再要兩杯冰凍豆漿，豆漿很大杯而且有豆香，真材實料很抵飲。侍應會主動介紹食品配搭及自動添茶，不像前文所述這麽差，整體來說是可以經常到的食肆。

叫得做水餃皇...應該唔差卦... 碗水餃有十隻, 超過一半個皮上䒷 時係已經爛左... 仲要係厚皮... 厚皮都咁易爛? 即係d皮差囉... 個肉味道都ok.. 但係有d渣... 如果食水餃, 都係去番王x 那些級數好d..

因為地點o係公司附近,久唔久都去食,又食左幾年.我會超級韮菜餃fans,食黎食去,最好食係我媽媽整,因為媽媽識買薄皮加好既豬肉.呢間店皮好厚,豬肉好渣(肥肉有筋),次次食都係因為餃子癮起,明知唔掂都用黎"頂癮". 價位就唔算貴,二十幾蚊碗.鼓油,醋都冇特色,一般現成貨.鋪位裝修好舊啦, service亦都麻麻,舊式人,唔好期望d乜.

2007年7月11日中午。去了好久沒去過的北京水餃皇。以前常常去，大家對這裏的態度很不同，有很喜歡的，也有很討厭的。討厭是因為這裏的人（特別是老闆）的態度很茶，喜歡的人也覺得服務差。喜歡的原因是這裏的餃子好吃，以前的餃子大一點，皮也厚一點，現在的明顯變小，是變相加價吧？味道方面，以前的較實一點，現在的教軟身，我比較喜歡以前的。另外，這裏的上海粗炒不好吃，很多汁，水汪汪的，沒有鑊氣。堝塌豆腐則不錯。今天吃的仍然是水餃：白菜豬肉餃($23)豆漿($5)：大杯但淡而無味。可能因為吃滿每位35元是免費的。

12:00同同事食,一行四人叫了一個羊肉餃子麵($38)同蝦仁三鮮餃子麵(每$32).見到餐牌寫消費滿$35有飲料送.我們問問伙計,他以半生不熟的廣東話同我們說三鮮餃子麵沒有,但是他可以私下送.後來他先端出羊肉餃子麵,弄錯端出菜豬肉餃子麵,我同事給予我兩只後那伙計才發現端錯了,立即收回,但菜豬肉餃子已袋袋平安.我最後試過三款餃子,好滿足,餃子皮同用料足,湯不會過咸.No service charge!

今日中午叫咗個冬菇雞絲湯粗麵黎食，ｄ冬菇唔知用ｄ咩汁去煮，好好味，個湯都鬼正，但果ｄ雞絲就好靭喇，好多肥膏喎．個阿姐介紹我買水餃，但我又記得openrice會員話好油，當然我唔會上當喇．

我食左個白菜豬肉水餃好咸+好多油咁樣$23超唔抵仲要d人冇咩禮貌............唔摺埋........等咩...?