北京王府水餃 (已搬遷) 新店位置

最鐘意係去d細細間既店仔幫趁~起初入到去都有d期望 (喺門口有大大張有阿蘇推介既報紙...)只係想講4個point... 1. d侍應態度有d串... 不過都未叫令人好反感既...2. 果日推介係紅蘿蔔餃, 見係推介立即叫嚟試... 點知...好鹹呀...3. 阿蘇推介既蕃茄蛋餃就唔錯~4. 其他食物都ok啦~ 不過講到話好好食就未至於...整體嚟講係有d失望... 但都可能會再去既~

怪獸同女王中午時份來搵我食飯，本來諗住同佢地去食沾仔記，但好多人出面又熱，就是但求其入左隔離的王府。我地每人都叫了一個水餃麵，我要了韭菜餃。朋友的水餃麵好快就來到，偏偏我的就遲左成五分鐘先到...。唔緊要，等一等冇所謂，但係味道真係有啲強差人意。餃子做得最好係個皮，幾薄的但仍帶點咬口。餡就只係好普通的韭菜餃，冇咩特別。個麵係最差的，麵質不好，有點鞋又冇咬口。個湯冇味，只不過係用來淥熟餃子同麵的白開水。感覺好似我平時自己係屋企煮的「頹麵」...但起碼我都會落下雞粉，未至於咩味都冇。中環的平野食通常都有番咁上下，如果唔係都唔能夠支持到咁貴的租。但依度的麵，以佢既「名氣」同位置來講，都真係幾差。全女班的師奶服務員們仲要幾惡的，此地不宜久留，食完就拿林走了去第二度飲野。

同bf去開果面....then食依間...叫左個芝麻醬冷面 & 雞絲粉皮first....成間店得我地兩個客......落左order成15mins先黎.....非常之慢~!then.....芝麻醬冷面出奇地難食....好似有芥辣味......而且非常之怪.....第一次出去食野係想倒左佢.......真係難食到............then 雞絲粉皮都ok...唔太難食.....不過....份量係超少....得一個細碟仔咋.....就要$25 la.....一d都唔值~!~!食食下....發現下面有好多青瓜絲......火都黎埋.....已經少ga la.....仲要〝煎〞起佢....唔係ar ma??之後.......我同bf都肚痛....bf仲荷左個幾鐘.......以後都唔去食間~!~!

近水流台, 辦公室附近的食肆當然會是我的首選. 日常開飯的地方, 必須價錢平, 地點就腳, 快, 乾淨, 無葱無芫茜(如有外賣送遞更佳)...北京皇府水餃 是我其中一個心水選擇, 很多中環友也知道她們的餃子出色, 所以我並不打算再在此介紹. 反而, 內裏有一味甜點是鮮為中環食家為知的, 是其貌不揚的 - 驢打滾.驢打滾是北京甜點, 用糯米粉成皮卷埋紅豆蓉, 桂花, 芝麻, 再滾上擂沙湯圓嘅黃豆粉, 老實說, 賣相極一般! 最過份的, 是與她們貼在門口那篇雜誌訪問上, 介紹驢打滾的相片, 竟是天壤之別.不過, 軟綿綿的感覺, 清香的桂花味, 咬下芝麻時脆脆的, 紫糯米亦有趙口, 最重要是味道不太甜, 令我回味無窮! 閒時路過亦心思思想買一盒!一盒兩件售$15, 很多時侯也會在旁晚過後售罄, 想吃的請早.順帶一提, 今天吃過的"今日推介" - 粟米餃子亦叫我與徒弟仔驚喜! 明天要encore!http://hk.myblog.yahoo.com/gracyhon/article?mid=986

同同學黎開中環溫野食同學帶左我地黎王府鋪面吾系好乾淨不過勝在有大冷氣!大熱天時無計啦, 入左去先算入到去哇!洗吾洗甘貴?!可能系人地隔離人又多d環境又好d既沾仔記太平$16已經有雲吞面所以顯得呢度好貴=_=其實有d想走已經同人搭台我地叫左1碟雞絲粉皮share食另1個同學要左1碟水餃同1杯豆漿果個遲過我黎又遲過我地叫我地叫左既1杯豆漿同1碟水餃全部比曬佢地先一怒之下就吾客氣甘吹一吹果個人果個人仲好驚奇甘話:最後d野終於黎左同學話水餃Ok至於個雞絲粉皮....黎到我地2個都呆左呢個系雞絲粉皮?細細碟而且d粉皮又好奇怪吾似粉皮有d羅白粒同青瓜絲有d怪汁成蝶野都幾嘔心下總之如果你叫左一定後悔!又貴野又吾好食服務又吾好環境都系吾好1個字可以形容曬!差!

今天叫了是日推介, 芹菜餃子, 叫完先知要成40$有點嚇一跳. 等了數分鐘餃子上台了, 有2隻餃子穿左 (無咩味), 無穿既有淡淡香芹菜味, 除了芹菜味, 我食不出其實味道<-唔通黎d就係做食出原材料鮮味? 我下了一些豆板醬, 之後我就只食到豆板醬的味道, 真係唔知究竟係好食呀還是不好食. 只可以說皮真的薄. 另外值得一提就係佢既豆漿 , 真係唔太甜又有豆味, 真的唔錯. 同餃子比較豆漿的價錢平好多.$5一杯

21/5/2009 (Thu)與媽媽在中環辦完一些事，想找地方吃東西，但到處都坐滿人，竟發現這裡還有數個座位，於是入內吃餃子麵。鮮肉韮菜餃麵($26)：餃子餡料飽滿，菜多肉少，很鮮味。湯底無味，麵質不太好。鮮肉津菜餃麵($26)：餃子餡料飽滿，但餡料不像是津菜，不過幸好味道不錯。湯底無味，麵質不太好。看見多數人都是叫淨餃子，或者是酸辣湯底，才知道來這裡不應叫湯麵......

沒有final的上午，踏出super云吞店的大門，兩人悠哉游哉（步履蹣跚？）地走向這里——滯滯“一試鐘情”的水餃店。店面裝修并無特別之處，乍看去普普通通；但是，自邁入門的那一瞬間，一股熟悉的氣息便撲面而來——那一瞬間，我便肯定了，這里的餃子味道絕對不會令我們失望，雖然我在第一次試時便已差不多肯定了這一點。但是，那股味道，是真真正正再正宗不過的餃子餡料的味道，蔬菜和鮮肉魚蝦的氣息里，夾雜著必不可少的蒜香，絕對正！拿過菜單，滯滯開始猶豫這次要試哪款餃子；漏漏則十分明智地確定了小菜和點心——雞絲涼皮和豌豆黃，再來一杯豆漿。滯滯隨后決定一試翠玉豆鮮肉餃，那么，敲定！豆漿先上，一試后發現特殊之處：很濃，濃到你能試出豆渣的味道，但又不會太過，不會讓你有豆渣沾在喉嚨里的痛癢感。個人很喜歡，因為在家的時候，早晨媽媽用豆漿機做出來的豆漿也是這樣，不過更濃，飲畢碗底都是豆渣這家的豆漿不太甜，怕甜的朋友一定會鐘意！隨后是雞絲涼皮。其實，雞絲涼面香港很多店都能找到，在此滯滯要隆重兩家：一是位于九龍城的“偽牛肉餅”店做的雞絲涼面（就是和正宗牛肉餅位于同一條街的那家），青瓜很多很爽口，麻醬很濃很香口；另一家就是頗

出此食評時正值一年一度的長洲太平清醮，但實情這次長洲遊是三月中旬的事了，只因平日太懶，食評只好一再延遲面世。三月的二十二日，一早到沙田寶福山迫了一大輪，拖著疲勞的身驅到中環，行程頗為緊迫，打算到筷子記食個快飯再入長洲，但當時餐廳正在裝修中，摸門釘下唯有改去附近的北京王府水餃店吧。每逢來這種北方小館，慣性地點一客水餃、雞絲粉皮及拍青瓜就準沒錯的了。水餃要了不花巧的鮮肉津菜餃，水餃外型飽滿，肉餡的比例剛好，味道不俗，但由於不是即叫即包的新鮮貨，難免帶點雪藏味。小吃要了不能或缺的拍青瓜，可惜青瓜同樣不新鮮，亦略嫌不夠凍，口感不爽不脆，疑似 XO 醬的醬汁味道也不夠惹味，實在令人失望。至於雞絲粉皮，更是不知所謂的賣相，不予置評的味道，粉皮又韌又少，青瓜絲及雞肉絲都是雜亂成章的，看在眼裡真的有點倒胃口。正當品嚐食物時，頭頂上的冷氣卻不停滴水，環境衛生應該要加倍注意，如果冷氣機水滴落食物上不就更噁心嗎？總的而言，北京王府水餃雖打正旗號大賣正宗北京水餃，但質素又未算是頂級，如跟半山京香餃比較，更是小巫見大巫，不值一晒！

今日專登黎試正宗北京水餃.果然好好味,不過最特別都係雞絲粉皮.粉皮又薄又滑.雞絲有山東燒雞既味道. 好好食.炸醤麵都幾香.不過有點乾,不過麵質QQ,好有咬勁.豬肉津白水餃都幾好食,不過好像對面間X餃園好食少少.不過整體我都係覺得王府水餃優勝.因為冇咁多味精.本想試驢打滾...可惜售罄,唯有下次再食過啦!

一個人在中環閒逛。在中環工作過的人都會認同, 平時你不大有機會去嘗試一些就在中環的餐廳, 因為平日實在實在太過多人來排隊了。恰巧長假期當日下午, 沒事幹, 就由西營盆的家徒步走往中環去。走進王府, 要了一碟嫩豆豬肉水餃及冷麵一碗。水餃的皮有點厚, 但水餃餡的水準尚算ok, 只是不太吃得出嫩豆和豬肉的味道, 彷彿都被麻油及醃料蓋過了。冷麵乏善可陳, 麻醬味濃, 鹵蛋卻嫌味道淡了點。

慘喇~唔通跟得男友多, 食嘅野變得濃味咗? 食完呢碗麵, 我唸我下次再揾野食都要check清楚佢清湯定濃湯先得喇~羊肉餃麵$30 羊肉餃食落冇味, 又淋, 有d奇怪, 可能叫錯野, 聽到其他人都叫時餃(西洋菜餃$38六隻), 再叫多碗麵, 又或者叫韮菜餃, 個麵好似用機啤嘅咁(估下喳)因為條條麵個sharp都扭嚟扭去, 唔會圓滑, 不過食落唔會彈牙, 普普通通, 個湯好清下, 嫌佢唔夠熱驢打滾$15 用糯米粉成皮卷埋紅豆蓉, 再滾上擂沙湯圓嘅黃豆粉, 碟上亂放兩舊, 賣相一般, 食落凍凍地, 感覺麻麻P.S. 我媽媽食開清淡野, 都話呢度d野冇味, 咁食開濃味嘅人真係要唸清楚喇~

前幾晚原本專程想黎食驢打滾的，點知賣晒好肚餓，兩個人叫左酸辣湯 -- 我個人覺得個味有少少怪，好似唔係好夠酸炸醬麵 -- 好似同平時d炸醬麵有少少唔同，好大陣豆豉味，麻麻 ><西洋菜餃麵 -- d麵冇乜味但係d餃就算不錯雞絲粉皮 -- 呢個味道不錯但冇乜特別囉碗豆黃 -- 甜甜豆個質感好特別下次要再試下驢打滾！

點解要６點後來？心水清o既食客應該知道晚上６點後才有蕃茄蛋餃子而我，每次拿都必叫蕃茄蛋餃果個鮮甜味比普通任何一款餃都來得好味今晚仲叫o左酸辣湯,不過我就覺得無乜特別黃瓜,我都係覺得一般皮蛋豆腐今晚３個人叫o左３碟皮蛋就一定唔夠鏞記好食豆腐都未必夠人和呢Ｄ專賣店好吃個重點係個醬汁,同豆腐好夾,好開胃丫可惜今晚食唔到鱸打滾,下次再來吧～

驢打滾...為此而來因為上一次買唔到, 今日係專城真搭車去中環, 中午時份人都幾多, 但我只係外賣, 阿姐都好快手咁幫我包好 驢打滾 : 軟熟的糯米皮外層佈滿黃豆粉, 外形有如珍寶版芝麻卷, 而內涵包著有紅豆沙, 黑芝麻粒等等, 但對我這些紅豆迷來說, 實在不足, 有機會會再食, 但不必專誠去買