北京老家 (已結業)

夫妻肺片 $88全碟幾乎幾乎都係蔥同芽菜，好少肉片麻辣味，但唔係好辣，食到少少辣嘅都可以接受。不推薦！北京填鴨 $228味道可以，有青瓜同青蔥配喺側邊，味道都算正宗。老醋蜇頭 $108海蜇有啲少，全部下面用青瓜墊底，不推薦！

中菜適合多人聚餐京菜 北京填鴨6人行 叫左以下菜式土豆絲唔錯松子魚 👍🏻我最鍾意嗰個係蝦 幾香口👍🏻蔥爆牛肉 我平時多數叫蔥爆羊肉 不過有家人唔食羊 所以叫咗牛我覺得火喉同以前比好似爭啲其他小菜都唔差當然一定會叫北京填鴨啦 一隻剛剛好不過d皮唔夠 叫佢俾 話要加錢加錢都唔緊要 但叫咗好耐 仲未有 根本漏單😑最後cancel左士多啤梨拔絲 正常服務爭d 有待改善 加茶又等好耐其實見到客人冇茶就主動加啦要個客舉左好耐都冇乜反應🥲上菜快…但waiter好慢 好唔主動

原本都唔想寫劣評，但員工老闆處理投訴完全唔可以接受。😡今日跟家人食晚飯，其中叫了北京填鴨2食，一直都無黎第2食，到最後一碟都未到就問其中一位女職員，先知道原來漏咗單。都知道今晚多人少少失誤都無怪責佢地，就咁叫佢哋取消咗。之後我地叫左兩個甜品，一個豆沙窩餅，一個拔絲士多啤梨。過左一陣，豆沙窩餅黎到，但見到個拔絲士多啤梨送左去後邊張枱，但人地明明就仲食緊熱食，以為人地專登叫定。但過左20分鐘，我地嘅拔絲士多啤梨一直都冇送黎，我就開始覺得後邊張枱嘅士多啤梨應該係我哋嘅，就問個職員但都無再話我地聽點。之後過左10分鐘我地再追，就見到其中一位職員行去後面張枱，問佢地有冇叫，隨手就收起咗個士多啤梨（即係一直送錯咗去人哋度🤨），之後再有同事行過嚟問我地仲要唔要！ 我地當然唔要喇！叫左另一個拔絲蘋果，唔駛10分鐘，即刻送到枱上。但等待期間最奇怪係嗰位男同事行過去後面張枱話「送」左個拔絲士多啤梨俾佢地食。而我地嘅拔絲就要照收錢？ What ? 🤨但重點係呢位同事一直諸多解釋都無道歉！！！這一點真係不能接受！

仲記得嗰晚係聖誕前夕🎀，諗住一家人慶祝去食片皮鴨，一心諗住揀間比較多人推介嘅餐廳，點知睇咗好多間都full哂，本身都諗住都冇望，點知上OpenRice誤打誤撞搵到呢間，去到竟然冇乜人食，而且環境都好大，坐得又舒服，唔使出去同人逼。最記得最出色嘅係京燒排骨架🦴，味道甜酸甜酸，好開胃，而且肉質好軟糯。其次係二人餐裏面嘅咕嚕魚塊，因為平時小編都唔係太鍾意咕嚕肉，但係變咗係魚塊味道好夾，好出色。片皮鴨🦆唔算好出色，但係過吓口癮都唔錯嘅，份量都幾多。佢哋嘅小食都一啲都唔馬虎，平時出面嘅雞絲粉皮好多地方都差唔多，但係呢度嘅粉皮非常之彈牙，小編食唔停呀，所以佢嘅價錢都有少少貴🤑。整體嚟講呢間性價比好高如果平時喺出面想食片皮鴨，又唔會追求一啲比較多人食嘅餐廳，呢間都係比較小眾啲嘅，不妨去試吓，值得推介👍🏻因為都有好幾間分店

尖沙咀 北京老家聖誕節好即興咁帶埋屋企10幾個人試下京菜😊好好彩當日有位俾我哋，雖然菜式未見得到係好傳統京菜口味，但性價比夠高而且味道唔差 👍🏻叫咗12道餸都係千8左右🤩推薦：- 老家柚子魚 好fresh , 魚炸到好脆口- 北京填鴨 份量多，肉質👍🏻- 拔絲香蕉 外熱內冷，甜甜地好啱小朋友食

朋友介紹嚟咗食呢一間京菜 但係我哋就冇特別揀京菜食 都係揀返自己想食嘅嘢🤣🤣首先嗌咗半份片皮鴨 分量正常兩個人食我覺得啱啱好 之前食過其他餐廳嘅片皮鴨 呢一間嘅餅皮明顯比其他薄啲 同埋餅皮嘅厚薄度好似塊塊都唔同 不過味道上就冇乜大分別嘅 配料方面 呢一間冇我最鍾意嘅砂糖 不過食到中途我問左店員如果想要其實佢都會俾到你 唔錯！而d片皮鴨件件都切得好厚食得好滿足👍🏻另外嗌咗個擔擔麵 呢間嘅擔擔麵嘅湯底同平時食開嘅有少少唔同 感覺佢冇咗花生醬定係麻醬嘅味道同質感 所以味道比平時食開嘅感覺稀啲同淡啲 我自己就麻麻哋呢一款湯底 但朋友就話鍾意呢一款多啲仲嗌咗小籠包 不過可惜嘅係我覺得唔夠熱 而且味道比較普通 唔太特別最後仲嗌咗個拔絲香蕉 個份量都唔細 總共有八舊 不過兩個人食就太多 因為始終食多兩舊都好甜 但係係好味嘅！整體嚟講 呢間嘅性價比唔錯 而且食物嘅味道都不錯 有機會都會想再食！

今天和先生突然想吃中菜尤其京菜，Openrice咗呢間中菜館環境🌕🌕🌕整體都是以木質家具為主，牆壁有京劇塗鴉，這種裝修風格應想營造古色古香的氣息，但於個人而言大廳環境光線不足導致有點強差人意，雖然星期六但當天人流很少，所以相對環境比較清靜，如果人流多可能會比較嘈雜。爆光忘記調番正常，所以照片偏白食物由於我地得兩個人所以只能叫兩個菜，但絕對份量夠，遺憾的是餐牌菜式混合了大部分滬菜川菜粵菜等外來菜式，出名的京菜少得可憐🥺所以選了一個北京烤鴨及京醬骨架北京烤鴨🌕🌕🌕🌗order了半隻烤鴨，整體還可以，不過2人吃有點多，最後老公食了2/3「製」咗😂京醬烤骨架🌕🌕🌕🌕這道菜醬汁有點偏甜，但整體也不錯，性價比很高，選用豬的部位街市自己買都要40-50大元，燜得很淋，肉質滑。最後想叫個拔絲甜品試下，但實在無能為力。雖然只order了2個菜式，整體給我感覺不過不失，沒有太大驚喜但勝在性價比唔錯。但如果按嚴格以京菜評分就不合格了，若只按普通中菜而言有機會都可試第二次。

北京老家 （尖沙咀） 心血來潮想食中國菜，非常難得搵到一間屋企人都話唔錯的中菜，價錢、味道和環境都性價比極高。上湯地瓜苗 $98呢個上湯絕對唔係濃湯寶嘅味道，番薯葉唔會比上湯浸到有浸林到青的味道，仲有蝦，菇，爆蒜頭拌碟！農家小雞蘑菇 $98呢個雞啖啖肉，完全唔會係食緊骨頭🦴or 雞頭🐔雞味，份量好大，仲要有煮得好入味非常非常推介的薯粉！片皮鴨 （半隻）$218呢個片皮鴨好大份，外脆的皮切得肥瘦適中，再配埋簿餅真係好滿足，又係熱辣辣拎上枱，香港已經好少唔係涷冰冰的鴨！農家羊肉串 （2串）$38呢個好有驚喜，羊物完全唔會有SO味，剛剛燒好仲要調味調得勁好！同燒烤店的串燒都可以媲美。拔絲香蕉🍌呢個中國式甜品好靚 ！賣相已經好吸引！麥芽糖拉絲再加埋香蕉，雖然有少少甜，但炸得好香脆！真係要食多兩啖☺️

一大班朋友想聚一聚，就有朋友介紹呢間北京老家今次安排咗房仔比我地，坐式就叫咗幾個餸菜，上菜都算快嚟到當然要食扁皮鴨，一行6人食都夠食，鴨肉質保持嫩滑，皮脆多汁，煙韌嘅薄餅包住黎食，冇咁油膩~另外，叫咁個酸辣湯，酸味重啲，下次更辣會更完美！而小籠包都係唔可以錯過，內含嘅湯汁鮮甜，皮薄餡靚~甜品就叫咗拔絲香蕉😝真係必食，大大粒，香脆而甜而不膩~大家都好滿意整體：坐得舒服，而且唔會趕人走，一班人邊食邊傾好滿足

今次係第二次去北京老家尖沙咀分店，佢吸引我黎多次唔單止係因為舖頭嘅裝橫，啲枱下重有個魚缸係下面，一路食飯一路睇住啲魚游黎游去，感覺好特別🤣 不過今次去就冇坐到果款枱，坐左係卡位，好似古董咁，好懷舊🤔..不過今次啲食物有少少失色，食物唔夠熱，服務人員態度麻麻😟 但係不得不提佢呢一個宮保蝦仁值得一試，雖然唔係話好熱，但食左兩次，佢嗰種酸酸甜甜嘅味道真係令哩個菜色十分出眾，值得一試👍🏻..@lamlamfoodie

心血來潮想食北京填鴨，look下#openrice 就睇到呢間餐廳，於是乎就約埋班朋友一齊去試吓😋餐廳裝置充滿中國風嘅氣氛，而且座位都好闊落👍🏻主角：北京填鴨$218 半隻，$428 全隻配埋京蔥、青瓜條、薄餅鴨充滿油脂😍我哋同行3個人叫左半隻就已經好足夠京燒羊肉 $108充滿羊肉嘅膻味，調味唔會太濃烈，所以食到羊嘅肉味再加埋脆身嘅皮，好食拔絲香蕉 $88每碟8粒大大粒😋即叫即整，所以要預半個鐘嘅時間整鍋貼6隻 $78豬肉mix 津菜，皮有啲厚，但整體都好食嘅上湯豆苗 $88好fresh 嘅菜式，食落好舒服，連埋汁當湯飲都得😂

友人早前想吃北京烤鴨，在網上搜尋下便找到了北京老家。尖沙嘴的分店位置便利，店面十分寬敞，而且設計摻着濃濃的京城味道。甫打開菜單，菜色的選擇十分多，我們一行三人看得眼花撩亂，除了必點的北京烤鴨，我們還點選了麻辣肚絲、乾煸四季豆、鐵板牛肉、鍋貼和拔絲山藥。北京烤鴨（半隻）肉質算是嫩滑、油分充足，春卷皮也做得夠薄，配上青瓜絲和韭黃絲，一口吃下去沒有很膩；惟烤鴨和春卷皮能溫熱一些更好。麻辣肚絲的醬汁辣度適中，雖然豬肝絲切得薄薄的，但口感還可以。鐵板牛肉賣相不錯，熱騰騰的蒸氣四處溢出，看上去以為很重口味，但味道沒有很濃很鹹，而且牛肉挺腍，不錯。值得推薦的是這家店的拔絲系列，由於友人不吃水果，故一試店家是日有沒有拔絲山藥（菜單註明是要預訂的）。幸運地今天他們有山藥供應，我覺得拔絲配淡淡的山藥剛好，店家還把糖絲拔得高高，略帶金黄，絕對是打卡之選！

今晚適宜食北京菜，遙思北平。🪑環境：特色中國風裝修，勁多打咭位，好適合帶外國遊客嚟，我後面都坐咗一枱日本人。🔊若七成以上坐滿會嘈，餐廳有四個包廂，想靜靜地傾偈可以問吓可否坐包廂。🚾少少污糟。🐷紅燒丸子竟然有11粒肉丸！感覺係細粒版本嘅獅子頭，外皮應該有煎香過，有少少硬身，裏面有肉味，唔會太軟淋。性價比之選👍🌟推薦指數：7.5/10🐑孜然羊肉羊肉粒都幾多，口感鬆軟，香料係好有新疆風嘅孜然味，配菜有大蔥絲+芫茜，全碟都比較重口味。🌟推薦指數：7/10🍆鐵鍋燒茄子上枱鐵板出曬煙，好有鑊氣！茄子好多汁，釀咗豬肉增加結實彈牙嘅口感，幾好食。🌟推薦指數：8.5/10🍝擔擔麵 $78得好淡花生味，湯底太稀唔掛麵，麵質唔煙韌，麻麻地。🌟推薦指數：5/10🍠拔絲山藥 $88誇張造型好適合打咭。糖皮甜脆，山藥爽口，整體尚算可以，但下次揀香蕉之類軟嘅餡會好食啲，山藥太爽唔係好夾。🌟推薦指數：6.5/10整體而言，小菜一般$100左右，算係尖沙咀經濟之選，好過去對面K11食京菜（K11 Art mall食片皮鴨果間性價比好差），而如果有外國遊客嚟香港，我一定會帶佢地嚟呢間餐廳！📍 北京老家 (尖沙咀)尖沙咀加

北京老家 🏮📍 尖沙咀加拿分道25-31號國際商業信貸銀行大廈8樓♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎最近經過尖沙咀，發現有間裝修好靚既北京餐館🙈，包括個廁所都係睇得出有裝修過既😂，而佢地既野食係中餐，最岩同屋企人去食， 爸爸媽媽見到一定好鐘意🤣，冇得去旅行，去打卡都好呀🌝👏。🌟 老家炒年糕 $98有少少🤏辣味， 但食落口好惹味🤤，食呢個最好有杯啤酒🍻陪襯下😂。 🌟老家柚子魚 $328一上枱真係嘩左一聲🙈， 好大條魚呀⋯⋯⋯外層係經過油炸， 再用柚子去煮，入口超開胃， 一定要淋埋d汁上去食， 會令你食唔停口😂，食下食下， 成條魚都食晒。🌟士多啤梨拔絲🍓必點🌝👍🏻，除咗個樣靚之外， 仲好好味， 糖漿包住個士多啤梨， 外脆內軟🤤，食完想再食。整體推介指數：❤️❤️❤️❤️🤍♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

5月中嘅一個happy friday。放工後同食友去咗北京老家開餐，佢有三家分店，呢間係尖沙咀，商業大廈上面，位置比較難搵。食7點幾，當日都好多人，我哋叫咗個8人超值套餐，2千幾蚊。有三碟冷盤，全部都好味嘅，麻辣肚絲比較辣，但好野味。餐有6個主菜，酸菜魚，北京填鴨一隻，草捆牛骨，香辣雞丁，官保大蝦，京燒排骨架。仲有一個上湯浸菜，北京水餃，高力豆沙。北京填鴨一隻，係好大隻，夾皮都好薄，份量好多，鴨皮下塊肉仲好厚，啱喜歡食肉唔食皮嘅我😆。酸菜雨唔辣，酸味夠，湯好鮮，魚都好滑，唔係魚片係成條魚切同包理魚架上，不過冇乜魚骨，好好，仲有啲酸菜和薯粉係底。覺得最好食係草捆牛骨，牛骨係大大隻牛肋骨，目測有1kg以上，炆得好林，肉味濃，官保大蝦原來係炸蝦，炸皮太厚，味道係同咕嚕肉差唔多，再甜少少。香辣雞丁，雞丁真係好小小粒，好辣下，同太乾，比個朋友話呢個菜就係咁，我哋食剩好多。京燒排骨又係每人一隻，味道似甜叉燒金沙骨，呢個又係比較普通，但係好食嘅。仲有一個清湯浸時菜，一份12粒水餃同8大大粒高力豆沙球，我哋食到好飽。呢個餐二千幾蚊，真係超級抵。最後仲叫多個拔絲士多啤梨，一碟有8粒，大家都好滿足。