十三姨酸菜魚 (粉嶺中心) (已結業)

週未揾食，知道粉嶺中心開了十三姨酸菜魚 ，晩上六時多，未見人龍，二入可馬上入座。在開飯做了功課，有個$228二人套餐不錯，QRCode下單先來兩杯套餐飲品，冰凍的酸梅湯，酸酸甜甜，味道不錯賣相不俗，灑上蔥花和花生，無骨口水雞，雞去骨啖啖肉，有一件雞肉好像九成熟，我待酸菜魚到時，放入去浸返熟，底部的雞胸肉看到有一點冰，食落沒有雞味，滲出雪味，雞肉味道不合格。麻辣醬汁，味道又辣又麻，醬汁味道比雞肉好。雞絲涼粉雞絲撕成幼絲，味道正常，涼粉就一夾就散，醬汁味太濃，個人口味就不喜歡秘製雞翼四隻雞翼，辣粉伴在碟邊，雞翼熱辣辣，唔太乾，有肉汁，味道合格主角酸菜魚碟大份量也多，底部有很多寬身水晶粉，有大豆牙菜、蒿筍，酸菜，魚肉未見鮮味，肉質唔係霉，但又不是嫩滑緊緻，湯汁酸度辣度也不足，水晶粉又吸收不到湯的味道，整體味道麻麻。埋單$228，不收加一，套餐價算便宜，但味道一般。在此店找不到短期內再光顧的意慾。

住粉嶺的朋友介紹，一於來試試木枱木椅，裝修得幾清新。睇睇餐牌，嘩！又真係幾抵喎😆招牌二人套餐$228包酸菜魚一大盤 + 自選三款食物 + 白飯兩碗 + 酸梅湯兩杯。 其實單點二人份酸菜魚都要$188， 套餐真係抵到不得了秘製雞翼，一碟四隻，熱辣辣， 外面個皮好脆，肉質鮮嫩，味道香濃啖啖無骨口水雞，啖啖肉，食得好開心，加上花生同葱花，麻辣醬汁好開胃雞絲涼粉，涼粉滑嘟嘟，本身淡味，但配上惹味醬汁，好夾。 同樣有花生同蔥花主角十三姨酸菜魚，上枱嗰時真係嚇親，二人份好大盤，滿滿的 魚片，酸菜，辣椒，還有芽菜，薯粉，萵筍。 魚片嫩滑厚肉， 湯底酸酸辣辣，越食越辣，十分刺激除咗免費的酸梅湯，可以另外加錢飲其他飲品，我哋就轉咗飲罐裝可樂$6這裏還免收加一，正呀！

今晚收工去左搵"十三姨" 食佢出名既酸菜魚!餐廳係粉嶺中心開左無耐一直都好高人氣 ! 7點已經全部滿座!室內好寬敞，左右兩排都係卡位坐得好舒服! 食酸菜魚/烤魚好多時餐廳會好大陣味，但呢度抽風系統做得好好聞吾到!菜式種類都幾多, 最後叫左 $228 樣樣都有好似好抵食咁!招牌十三姨酸菜魚酸得過癮辣得滋味，辣度吾算好高岩岩好! 吾洗食到流哂鼻水魚片大片份量好足，滑DUDU好鮮嫩、底層有水晶粉+萵筍+芽菜 索哂D酸菜湯底超正!麻汁啖啖無骨雞冷盤，雞件好厚肉質軟稔，個椒麻汁調制得好好! 少辣甜甜地好開胃底層有青瓜拌碟中和一下 D 辣味! 好食!秘制雞翼南乳味雞翼，好香!!! 勁脆!!! 新鮮炸出熱辣辣好JUICY!擂椒松花皮蛋跟餐既涼拌小食 都係制作好認真又精美!!另外叫多份椒鹽小酥肉，香脆可口! 套餐仲要跟兩碗白飯 + 兩杯酸梅湯!總結: 2人套餐份量十足! 加多一人係完全夠食! CP值好高仲要吾洗加一!!

抵食6人驚四人餐唔夠食，叫多一個麻辣雞煲（一隻雞）。最後打包雞煲酸菜魚份量，仲有薯粉，是好飽4人餐仲包四碗飯除了酸菜魚，其他唔多好味。雞煲無一品雞煲惹味酸菜魚唔太酸，唔太辣，啱我。魚肉夠厚切，口感不錯

成日出面食辣野🌶，一定要大大份咁叫下下等fd先可以一齊食仲要唔係個個一樣食得辣🤦🏻‍♂️呢到新開，見到全部都一份份餐咁，就嚟食啦！餐牌選擇唔算多，不過中意食辣嘅朋友應該都夠食。佢有個人餐或者二人、四人餐，份量都好大，其實四人叫二人都夠食。因為係一條魚🦈再加一個餸🍲仲有白飯🍚同酸梅湯🥣今次自己一個叫咗椒麻雞餐，另加一碟皮蛋！比咗有大過1/4嘅雞🦃，我食唔哂要打包😆味道係偏辣，如果唔太受辣嘅朋友要記得叫佢小辣!!街坊得閒嚟試下啦！

因為工作關係先到粉嶺一帶，覺得多左好多野食。見有十三姨酸菜魚，名就聽得多，未試過既我，一於同朋友試下。我地三人，叫左一人份的酸菜魚、二人份的水煮魚同一份椒鹽酥肉。酸菜魚係夠辣，但就完全唔夠酸，魚既肉質都尚算嫩滑，一人份量黎講都叫多，但因為味道唔夠酸所以覺得好普通。至於水煮魚夠香夠麻，但就偏油，食到最尾既時候，太油會令人唔想再食。酥肉都幾令人失望，唔夠熱之餘，完全冇味叫左酸梅湯飲，性價比唔衰。如果可以選擇，我不會再來了

呢幾個月粉嶺中心開左好多新餐廳，多咗好多選擇，無諗十三姨會係粉嶺開分店，所以就入去試下。環境：因為開左無幾耐，裝修好新正，地方又乾淨，全兩個人坐低食好舒服食物酸菜魚酸菜魚嚟講一人前嘅話份量好夠，兩個人都夠我同女朋友食，略嫌金湯味度可以再濃啲食落會再香啲口水雞雞肉好嫩，夠厚肉，相信係雞髀肉。我點得唔係多，可以當小食試下。口水雞味道好香好入味服務雖然樓面唔多，但出菜都算好快

我本身唔鍾意食魚，怕細骨又怕腥，但酸菜魚就唔同，一來無骨二來無腥味，最近就試咗「十三姨酸菜魚」！同老公點咗「招牌二人餐」，再加配一個金蒜時蔬，飲品就揀咗可樂 + 冷泡桂花烏龍茶。二人餐有：招牌酸菜魚份量好多，魚肉滑溜，無骨，而且唔腥，辣辣地幾惹味，鍋內仲有酸菜同水晶粉，送飯一流！水晶粉彈牙煙韌，吸收哂辣汁，又辣又惹味，好味😋！四川回鍋肉少少辣，幾惹味，腩肉切到好薄，入口少少脆，無油膩感。手拍青瓜爽口嘅青瓜中和咗麻辣味，所以只吃到少少辣味，幾好味！雞絲涼粉開初以為是雞絲「粉皮」，原來是未吃過的@涼粉」，嫩滑的涼粉本身無味，配麻辣味嘅雞絲同花生粒同吃，估唔到幾好味！加配嘅金蒜時蔬，原來係娃娃菜，真係好香蒜蓉味。冷泡烏龍茶真係好解渴！

好耐冇食過川菜，今晚去左粉嶺中心新開嘅十三姨食酸菜魚～有朋友食過話幾好食～所以專誠來試一試～入店大約七點，已經全院滿座，人山人海，店內已聞到好香嘅麻辣味及酸辣味，頓時十分開胃我哋揀咗$228晚市自選套餐，可以揀四款，我揀咗十三姨酸菜魚、四川回鍋肉、酸辣小木耳、及雞絲涼粉酸辣小木耳，唔算太辣，木耳爽口，非常開胃雞絲粉皮，唔同一般吃的粉皮扁身，依度係一條條，口感唔錯，加上少少秘製辣醬， 十分惹味四川回鍋肉，炒得非常有鑊氣，回鍋肉唔算太乾身，夠辣～主角出場-酸菜魚，魚肉嫩滑，酸菜魚內有芽菜、水晶粉，非常入味，食到唔停得口大碟到兩個人都食唔晒～真係名副其實抵食夾大件自家製冷泡桂花烏龍茶，味道唔錯，夠解渴整體來說配合價錢及服務，可以再encore

屋企附近新開嘅酸菜魚，路過多次都覺得幾吸引，咁啱呢日又約左朋友食飯，大家又住喺附近就決定去試下。果日放工返到黎直接去攞飛，好彩唔洗排隊，姐姐都親切有禮，衛生情況都好算理想，性價比算高下次會再去。

粉嶺冇乜辣嘢食，見到新開呢間十三姨酸菜魚，就去試吓，點咗個四人餐。2大2小。慶祝父親節，估唔到食到個垃圾。想同個職員改1樣小菜菜單1秒時間都話唔俾改，講已經落單不能改。招牌十三姨酸菜魚。魚無味多粉一夾就爛。真係唔知食緊乜魚。配菜勁多，啲寬粉份量好多。搞到成碗都係粉，煮到淋哂，寬粉我本人超鍾意食，未試過啲粉有酸辣味浸都冇味，一句講晒超難食。秘製雞翼。小朋友食都話一般般。口水無骨雞。雞雪味太重，無雞味。四川回鍋肉，炒到不知所謂。一啲都唔香口，椒鹽小酥肉。炸粉太厚肉都係雪味太重。一句講晒超難食。無下次

外賣咗個冒粉，結果很失望。 個麵底係最失望，湯同粉係分開，放入湯之後好耐都整唔開個麵餅，去到最後要一路食，一路用筷子整散佢，而且因為係湯、粉分開，變左個粉係完全無味，好似食橡筋咁湯就死鹹，辣味尚可，鹹到要飲好多水

粉嶺新開十三姨酸菜魚，最鍾意四維食嘅我一定要去嚐嚐。新店開張地方潔淨光猛，座位間距寬闊坐得舒服。採用手機落單可以慢慢睇，方面我呢個心多嘅人。🥢十三姨酸菜魚 $93試一試招牌菜十三姨酸菜魚，樣子吸睛食慾即時大增，先嚐一嚐湯底鮮香微酸辣十分開胃，加洲鱸魚做酸菜魚比較少骨爽口鮮甜，我加了水晶粉爽滑柔韌與酸菜魚是最佳配搭，配菜有芽菜同萵筍吸收了湯汁同樣好食。😋🍹梳打 $6🥢紅糖糍粑 $36嘩😍😍我最鍾意食糍粑，即叫即做熱辣辣，金黃色外層香脆可口，內層軟糯 多點紅糖同黃豆粉超好食。這店有四件同六件選擇最適合我個人獨食。🤣上菜速度好快 ，特別係靚女店員Carrie 好有禮🥰

好耐都無返過去粉嶺，估唔到粉嶺中心有咁多嘢食🤤📍 十三姨酸菜魚 (粉嶺中心) (粉嶺)粉嶺新運路33號粉嶺中心地下149-151號舖餐廳好大 坐得好舒服招牌十三姨酸菜魚水晶十三姨秘製雞翼（5隻）豆漿清炒萵筍絲紅糖滋粑（4件）啖啖無骨雞椒麻汁都只係食咗$296 超級抵，依個價錢呢個質素絕對接受到不過佢個名叫酸菜魚，我覺得酸菜魚唔夠入味但勝在魚分量多 同埋都幾爽口彈牙食完之後唔會覺得成口味精要飲水另外秘製雞翼非常之入味 加上唔會覺得好油膩紅糖滋粑 食酸菜魚係必備 可以中和返酸辣嘅感覺

🐟十三姨酸菜魚🐟📍:粉嶺新運路33號粉嶺中心地下149-151號舖⏰:11:00am-10:00pm近日屋企附近開咗間新嘅酸菜魚 難得喺粉嶺咁偏僻嘅地方 都可以食到正宗嘅酸菜魚😍真係一流！餐廳新開 裏面乾淨闊落 喺門口已經聞到陣陣嘅香氣 價錢方面唔算貴 呢間真係好抵食 人均百幾蚊已經食到飽住個肚走🙈🔸晚市自選2人套餐🔸(白飯、口水汁啖啖無骨雞、秘制雞翼、擂椒松花皮蛋、招牌十三姨酸菜魚)呢個套餐真係好抵食 份量完全足夠兩個人食 酸菜魚啖啖肉 無骨之餘 食極都仲有😂比較辣 裏面仲有水晶粉、芽菜、酸菜同萵筍等 最鍾意佢哋嘅秘製雞翼 係用咗南乳製造 入味之餘仲啖啖肉 外皮仲要超級脆！強烈建議叫呢個套餐😆🔴紅糖滋粑一份有四件 軟淋 面層亦有香甜既紅糖 做甜品一流！🐷椒鹽小酥肉好彩有叫到 好食😋炸得好酥脆 肉質軟淋 仲有啲花椒同辣粉等 食落去好惹味可口！