十二味 (奧海城二期)

营业中

休息中

呢間主打川菜既中菜館係全香港已經有二十間分店, 而奧海城呢間因為新開, 裝修光鮮新淨, 所以就去試下. 秘製醬香鍋 $38鍾意食辣既朋友仔可以點經典香辣鍋, 見都有好多人推薦, 而我今次就選擇試佢唔辣既醬香鍋, 鍋底有京蔥、芝麻、芫茜、脆黃豆等做配襯, 醬香味十足, 調得非常惹味. 另外店舖亦提供數十款自選配料比你做配搭, 有肉類、丸類、鮮蝦、蔬菜等. 今次我地就揀左9樣配料, 包括肥牛、五花腩、雞翼、墨魚丸、年糕、娃娃菜等. 當中雞翼同肥牛都非常出色, 雞翼有先拎先炸再放入鍋中, 所以入口更加香脆, 肥牛亦都吸引哂鍋底既醬香汁, 非常惹味.而且我眼見店舖所有料理都非常足料, 每碟份量都好多, 好大碟, 所以絕對係高性價比餐廳!

今次呢間餐廳係老公想試，本身我見係川菜有少少擔心，因為食唔到好辣，但最後都有驚喜：川香回鍋肉回鍋肉一直俾我感覺都係好辣，但呢度照顧到唔食得辣嘅客人們（即係我😂），估唔到唔辣嘅回鍋肉係預料之外嘅好食，就算唔辣都好惹味😍，肉片唔鞋口仲好入味，而且一碟入面有好多肉，抵食😆清炒萵筍絲因為叫咗啲辣嘢同肉，想叫返個清少少嘅菜中和吓。萵筍好鮮甜爽脆，就算冇配菜一齊煮都好好食，感覺更健康，成碟好快清晒👍🏻蔥油拌麵我好鍾意拌麵炒麵之類，所以一見到就叫佢。麵質煙靭，又唔會太鹹，撈埋乾蔥好香口。燒椒皮蛋我哋揀咗小辣，雖然佢係麻辣，但小辣對我嚟講啱啱好，麻麻辣辣好過癮，仲好好送飯👍🏻慾望酸梅好大杯嘅酸梅湯，配重口味食物啱啱好，即刻減膩。地點方便，一出地鐵站🚉就係，餐廳亦好整齊乾淨，我哋會再去👍🏻

牛媽今日同一班朋友仔去左位於奧海城既十二味！必點菜式一定係佢哋嘅經典香辣鍋，自選配料非常豐富！牛媽今次就點咗牛柏葉、金錢肚、美國肥牛、牛舌、豆皮、寬粉，鍋內嘅辣椒非常之香，辣度仲可以任君選擇，仲有加入咗不同香菜等等嘅調味料，更令整體嘅味道非常之獨特美味 ！🌶️😋除此之外，仲點少得牛媽最愛嘅清炒萵筍絲同埋酸辣土豆絲呢！每道小菜都十分有鑊氣！飲品方面，配搭埋桂花冰讓，真係一絕啊👍其蔥油拌麵亦都非常好吃！Yummy! 甜品方面，紅糖糍粑係一定要叫嘅！糍粑配搭紅糖醬料，香脆可口👍快啲約埋家人朋友仔一齊嚟十二味品嚐唔同風味嘅小炒菜式啦！

這間餐廳，由於味道口感都很接近國內口味，所以最初開張的時候，很多人以為“它”也是國內過江龍，其實“它”係來自香港餐廳環境：主打簡單的裝修，實而不華！最有印象應該是隻吉祥物 - 熊貓食物方面：水煮牛肉 $158 水煮牛肉的牛肉肉質細嫩，鮮香可口，加上麻辣，香味濃烈，配菜亦很足夠，是伴飯的最佳拍檔川式口水雞 $73川式口水雞是一道經典的四川菜，雞肉鮮嫩，加了辣椒紅油的醬料，口感鮮香麻辣、香氣四溢！梅菜虎皮扣肉 $68梅菜加上扣肉，扣肉肉爛味香，重點是肥而不膩，吃起來咸中略帶甜味！同樣是伴飯的最佳拍檔慾望酸梅 $28超巨型酸梅汁，吃了这么多辣的东西，喝一口酸梅汁，既解渴又解辣整體來說：相信很多香港人對餐廳不會陌生，餐廳在香港建立當年，雖然以川味聞名，但仍為了香港人調配適合的味道！加上現在分店已經遍布港九新界，最近亦進駐奧海城，無辣不歡的朋友，一定要試試

川菜風味滋味‼️😋同屋企人去咗大角咀🏠奧海城二期新開的十二味🌶古典與現代的新裝修😀精緻的餐具到舒適的座椅🫶🏻餐廳場地非常大古典風格🔥視覺與味覺的盛宴😃水煮牛肉 🐮不僅辣而不燥，肉質鮮嫩，每一口都能感受到牛肉的鮮美與辣椒的醇厚。乾煸肥腸則是另一道令人讚不絕口的佳餚，肥而不膩，腸壁外酥內軟，配上秘製醬料 🫶🏻乾煸肥腸🐷一股辣味迅速襲來，辣椒與花椒的結合，讓這道菜的風味更加豐富。肥腸的油脂在高溫下炸至微脆，卻不失其鮮嫩。每一口都能感受到辣椒的火辣，肥腸的鮮香🥳蔥油拌麵🍜麵條彈牙，蔥香撲鼻，每一絲麵條都均勻地裹上了蔥油，簡單卻不失精緻😋整體總的來說，「十二味」不僅僅是一家餐廳，它是一個川菜的藝術殿堂。無論是對於川菜的愛好者🫶🏻

今日係奧海城收工，同朋友行下搵食！有時中午都會食十二味，奧海城新開就諗住去試下！位置都唔難搵，係奧海城2期好多食肆嘅1樓！座位都幾寬敞，不過十二味一向都係大熱餐廳，所以晚市都比較多人！坐低店員就會比個QR code你自己落單！🌶️招牌自選香鍋🌶️我哋今次就想食經典香辣鍋（其實我好鍾意食香鍋嘅味道），個鍋都只係$38蚊，當然配料全部都係自己揀，咁先好，鍾意食乜就點乜！我哋就點咗田雞、午餐肉🐽、滷水肥腸、牛百葉🐮、魚腐、豆皮同萵荀，揀辣度我哋就揀少辣！嚟到係勁大鍋🤣🤣🤣啲配菜勁多勁入味，由其係田雞同牛百葉，好香好爽！佢哋炒嘅香鍋啲味道真係啱啱好啱唔會太咸，好愛❤️‍🔥🌶️🥚燒椒皮蛋&🍜 蔥油拌麵我哋仲有點咗十二味好特色嘅燒椒皮蛋同蔥油拌麵！燒椒皮蛋我就只係食呢間，因為佢用嘅皮蛋係個皮晶瑩剔透，個多黃係流心黃，配埋佢哋自家製嘅辣汁，少酸少辣好開胃！蔥油拌麵個味道都幾濃，份量適中，2個人食啱啱好！我好鍾意食十二味嘅原因係佢真係好方便，我去好多地方都會有呢間食肆，啱曬我成日都好想食辣嘢嘅人！📌十二味（奧海城二期）📍大角咀海庭道18號奧海城2期1樓146B舖#十二味 #招牌香鍋 #經典香辣鍋 #燒椒皮蛋

這家連鎖餐廳分店遍佈港九新界，能做到成行成市都並非偶爾😏食物大份，價錢親民，大部分開在人流多的地方，夠方便😜餐廳點評：位置寬闊，員工服務親切，問是什麼食材都耐心回應和介紹🥰食物普遍都是辣，吃下去不太辣，但辣味停在口內一段時間🌶️🐟黑豆花鮮椒魚 $138新出的菜式，出乎意料之外地喜歡💕湯底比較清，帶有花椒的麻香😤下了豆腐、貢菜，很拌飯🍚魚當然不用多說，又大塊又滑😍🐓川式口水雞 $73平常午餐也會點，大部分都是雞肉，少量雞骨😄不太辣，但辣油很香，是老X媽的味道🤣✨鹵水拼盤 $88裡面有豬耳、牛𦟌、牛肚，滷水味不太出😗反而蘸了旁邊的調味粉，好像燒烤的味道😆白飯 $12總價錢－ $342評分－回頭草指數（🍀🍀🍀🍀🍀滿分）食物：🍀🍀🍀🍀環境：🍀🍀🍀🍀服務：🍀🍀🍀🍀

呢排可能因為想得內地多，成日都會想食啲辣嘢，早幾日就已經上網預訂咗位，嚟呢間奧海城嘅十二味！其實呢間餐廳都嚟過好多次，唔同分店都食過，覺得佢哋嘅食物都有品質保證！ 今次一坐低就已經覺得成間舖頭感覺都係好乾淨，唔會黐黐立立，員工嘅態度亦都好好，仲要我好鍾意佢碗碟嘅顏色，好特別！首先叫咗個極品麻婆豆腐要小辣 $73，呢樣係我每次嚟都必點嘅，因為豆腐真係好滑身，好好味，直接滑落喉嚨嗰度！之後要左個人見人愛酸菜魚，門口都有賣廣告話一年賣出咗190,000份，超級厲害！做到咁嘅銷售，就梗係有原因啦，比起一般香港好多食酸菜魚嘅地方，呢度魚嘅份量特別多，而且酸菜好好食，連個湯都可以直接飲埋，真係覺得好正，大家一定要點！

我好耐都冇來過奧海城，今日因為有朋友係附近返工，咁岩我哋兩個都夜收工，就決定不如食啲刺激啲嘅辣嘢，講吓講吓就決定嚟奧海城呢間十二味度食晚餐。今日大概八點嚟到，門口竟然仲有人排隊，不過好快都有得入座，坐低都係用QR code落單，十分之方便，加上呢度有提供冰檸檬水，所以食辣都唔怕！今日要左人見人愛酸菜魚，叫咗寬粉同小辣 ，價錢$276但係超大碗，好多塊魚，完全冇腥味，好新鮮，辣度剛剛好，加埋有少少麻辣，真係越食越過癮，不過最鍾意都係啲酸菜好好食，萵筍片亦都好多！干鍋要左小辣少油，另外要咗排骨仔，豬頸肉，牛片，土豆同油菜，咁樣加埋先$206，抵食啦！最後都要讚吓呢度嘅服務員個個都好好禮貌，同埋個個都笑面迎人，真係食得好開心！

今日放工同朋友一齊去食十二味，聽講黑豆花鮮椒魚蠻不錯，就一齊黎試吓～🙌🏻黑豆花鮮椒魚🐟魚片嘅量好足 食材新鮮 魚肉柔軟嫩滑 🫶🏻 我地揀小辣 辣度啱啱好～ 加上藤椒嘅麻香味 真係好食😋黑豆花第一次試 無豆腥味 味道唔錯 吸滿濃郁嘅湯汁 一口爆汁嘅感覺😌 貢菜嘅脆爽搭配軟滑嘅魚肉 增加左豐富嘅層次感👍🏻武隆尖椒雞🐓雞肉肉質較為緊實，搭配藕丁、青椒、麻椒等爆炒之後鍋氣十足，炫飯好搭配👍🏻蔥油拌面🍜看起黎平平無奇，但面條都掛滿蔥油香味，勁道順滑，體會嗦面嘅快樂🤩熱情果蘇打🥤好大一杯，看著蘇打不斷冒出嘅上升氣泡🫧好療愈嘅過程😂 就係有少少偏甜了 幺妹冰粉🥰四川甜品必點～ 熱辣辣之後冰粉黎緩解一下～ 🥳

唔知大家知唔知，奧海城二期1️⃣樓打通咗去戲院📽條路之後多咗幾間食肆，除咗有我至愛嘅拉麵店外🍜，仲有間壽司店🍣，點知未夠6點🕕已經大排長龍🚶‍♂️，唯有打退堂鼓🙈。望望下發現原來隔離開咗間 十二味，見仲有少量座位，即刻同阿仔衝咗入去😆。十二味一向係我至愛店舖之一，由於今次只有D兩父子，所以只點了個香辣鍋。經典香辣鍋小辣 $38(跟最少5️⃣款配料，總共$218) 鮮腐竹 $28肥牛 $48蓮藕片 $28土豆 $28鮮蝦 $48香辣鍋🥘用上大量切碎嘅青椒、辣椒、薑、蒜、蔥及芫茜，再加上調味料一齊炒，味道非常惹味香辣🌶，小辣對我嚟講就啱啱好，鮮腐竹口感柔韌，但一啲都唔乾身🥰、蓮藕片和土豆🥔吸收哂香辣鍋啲味，勁好食🤤、肥牛🐂肉質軟腍帶牛香味、大蝦🦐肉質彈牙。材料份量勁多☺️，兩個人都差啲食唔哂。白飯 $12食香辣鍋，真係一定要叫碗白飯食🍚，呢度白飯又真係唔錯，粒粒分明，又有飯香味😋。熱情果梳打 $28檸檬梳打 $28食完香辣鍋，飲返杯冰冰涼涼嘅梳打🥤，解膩解辣一流😋。

依間川菜都出名唔錯, 因為係同事午餐外賣常店之一~ 今次同同事去佢屋企附近個間食~晏晝會叫佢地既酸菜魚米線~魚肉爽口份量又多,個日夜晚收工到店食質素再好d~ 當晚分別叫左三樣野食~✅經典香辣鍋:小辣,加點左雞軟骨,肥腸,肥牛,萵筍,椰菜花~佢地既辣都幾惹味,小辣程度我仲可以接受到😂✅乾熓四季豆:有大量肉粒,送飯一流👍👍搞工我自己可以KO一個飯✅紅糖糍粑:比較貼近國內做法,外層鬆軟,同事推介必叫😆

今日同朋友突然之間想食川菜，咁岩佢住係大角咀附近，所以同佢去奧海城睇吓有咩川菜餐廳好食，朋友揀咗呢間餐廳所以一齊去食川式口水雞 ❤️❤️❤️❤️❤️我覺得呢個口水雞口感幾夠麻辣，而且個雞配埋個口水汁都好夠味，同埋好滑，味道好濃郁。配飯一流。👍🏻👍🏻酸辣鳳爪 ❤️❤️❤️❤️❤️呢個菜式係我個人嚟講最鍾意食嘅一款小菜，呢個嘅汁酸酸辣辣整得啱啱好好夠入味，而且鳳爪冇骨👍🏻啱晒我呢啲懶人食，再加上配搭青瓜好夠爽脆。梅菜扣肉 ❤️❤️❤️❤️食得太多開始有小小漏，佢份量都好夠👍🏻而且佢啲肥肉同瘦肉配搭得好好👍🏻 不過有小小可惜係佢唔係甜甜地啲肉😂我食開可能甜甜地既梅菜🤓但都幾好食🤤乾煸四季豆 ❤️❤️❤️❤️❤️呢個解制一流😂😂菜式試咗咁多菜式個口都有啲油膩，食返啲蔬菜解吓油膩🤓🤓呢個炒到啱啱好唔會過火候，清甜爽脆🤩🤩好推介👍🏻👍🏻👍🏻加埋欖菜一齊炒味道10分濃味🤤冰粉 ❤️❤️❤️❤️❤️夏天配上一碗涼浸浸嘅冰粉，作為今餐嘅完美ending🤩🤩加咗少少提子乾甜甜酸酸好解制🤩朋友都覺得呢間幾好食👍🏻同埋員工啲服務態度都好好五個心心為最高分十二味 (奧海城2期) (大角咀)大角咀海庭道18號奧海城2期1樓146B號舖

今次我地去食既一間川菜餐廳算係香港幾勁既一間連鎖店，好多分店，直頭可以話梗有一間係左近，而佢地依家奧海城都開新分店，黎開行街諗唔到食乜就梗左佢啦🤪夫妻肺片（$68）我地揀左小辣，裡面有青瓜墊底，牛肚，牛𦟌，牛舌，面頭舖上芝麻花生，d辣油雖然浸滿d肉，但小辣唔算好辣，入口既香口🌶️人見人愛酸菜魚（$248）今次黎食，就係想食個酸菜魚，佢地仲有個3-4人份量，或者配寬粉既揀，我就揀最基本既，已經夠2個人食，佢係用鱸魚做既，揀左小辣，唔太辣，如果食辣鍾意可嗌中辣，個辣度感覺夫妻肺片會辣d，花椒麻好過癮，酸菜夠多，個底有萵筍，酸蘿蔔，煎過嘅雞髀菇，個湯底都好正，我飲左3碗，佢地酸菜魚好旺場，8點15分就賣晒酸菜魚，好彩我地叫到🐟經典香辣鍋：（鍋底$38）午餐肉（$48）田雞（$48）嫩牛肉（$51）鵪鶉蛋（$38）花菜（$28）呢個香鍋最少嗌五個餸，我揀左田雞，午餐肉，鵪鶉蛋，花菜，嫩牛肉，都係揀左小辣，唔算辣，咁多樣餸田雞係必嗌，醃得夠味，炸香，餐肉煎香煎透，好正👏🏻呢間川菜既食物都好食，可以揀辣度又幾好，食左3款唔度方式既辣野，小辣對我黎講係適中，辣度呢d因人而異，量力而為，咁先食到最好味既

全香港有二十多間分店的麻辣餐廳，主打香鍋有辣有唔辣，可自己揀多款蔬食配料。全線用手機點餐方便客製化，一大鍋重口味蔬菜吃得非常滿足。部分小菜亦可以轉做全素，喜歡吃辣的素食者必須收藏。這天來到奧海城二期新店，位置在美食廣場旁邊，要轉入條巷我也找了一陣子。卡位為主坐得幾舒服，環境都乾淨整齊唔會好逼夾。這個品牌主打麻辣香鍋，有辣有唔辣，我本來想叫唔辣，但來到專門吃辣的店，又第一次吃就試一試小辣。我覺得辣度可以接受，會微出汗但味蕾可以handle。除了香鍋也有小菜可以食，找到數款蔬菜，部分菜式也可以轉全素。午市套餐也有素食選擇，價錢也很漂亮。經典香辣鍋 HK$262香辣鍋最少要揀5個配料，蔬菜選擇也蠻多，全部都想食，結果我選了8樣，超大一鍋被嚇到，基本上夠兩個人食。配埋白飯的話一個人可以分三餐食。香鍋本身已然很多調味料，大量辣椒乾看起來很厲害，另外有青蔥和炸黃豆，整個非常豐盛。油都沉在碗底，食上面的料不會覺得太油膩，香氣十足，重口味人士必試。第一次吃這個品牌很有驚喜，一餐吃到多款蔬菜，懶得煮懶得洗菜的時候要再去食。