十字冰室 (The Argyle)

营业中

休息中

計劃左去勝利道啲寵物店睇下貓貓狗狗😺 早一日都睇左附近有咩食，而我同男朋友都想搵一啲茶餐廳類型既嘢食，所以最後就揀咗十字冰室試試佢！餐廳就有差唔多9-10款下午茶我自己就揀咗常餐而男朋友就揀咗下午茶咁叫得十字香滑奶茶我估如無意外裏面應該有十字奶喇第一啖飲落去係係我預料之外我冇預計到佢會咁滑同埋香濃🤤所以我覺得依杯奶茶係絕對推介嘅👍🏼呢個係我叫嘅十字皇牌餐由於本身唔係特別中意食通粉所以加左$5轉出前一丁佢煮既硬度適中 唔會林pat pat🤤黑松露炒蛋亦都唔錯 黑松露係一大pat😹 不過可惜分布唔平均另一個餐係斧頭巨人炸雞髀雞髀好大隻但係略嫌揸得太燶另外好欣賞佢係傳統嘅波浪紋薯條而家餐廳好少見會有

呢間「十字冰室」 顧名思義 食材上用嘅都係十字牌牛奶 裝修係幾有特色 係我鐘意嘅懷舊風 但野食就真係麻麻😢十字營養常餐 $65 (⭐️6/10)【 鮮牛奶豬骨湯意粉 •豬扒 • 炒蛋 (黑松露+$6) • 牛油多士 • ☕️/ 十字牌牛奶 】炒蛋細份又唔滑🥺 黑松露味又唔夠濃郁 豬扒厚身而且肉質都算鬆軟 但個豬骨湯底味道真係好淡🥲 天天見麵 $62 (⭐️5.6/10)【 咸蛋黃金炸雞塊麵 • 牛乳叻沙湯配米粉 】炸雞有少少厚粉 而且咸蛋味唔夠突出😔 米粉份量幾多 但叻沙湯底亦偏向清淡 椰香欠奉

星期日經過，見度度都坐滿晒人，就入嚟試吓叫兩個午餐，焗鮮茄吉列魚柳飯（茄汁味道太酸）。西冷扒配蘑菇燒汁飯（西冷有點兒煙韌）其實餸嘅份量都相對多，普普通通食個lunch OK啦。

今日毛孩照超聲波，等待時間唔想再食西餐，見到冰室即刻衝入去！剛好剩返兩個位！坐高枱望街景環境也不錯，只係冷氣好似爭啲！出門口嘅時候已經食咗個蛋糕唔係好餓，唯有叫返個王牌餐，牛肋肉是真的！不會太韌咬口不錯，蕃茄亦都唔會太酸！而且份量也不少！麵包多士加松露炒蛋！炒蛋味道濃郁有驚喜！松露亦都唔會比得太孤寒份量係match個價錢lol!老公叫咗個三眼仔炸毗午餐，非常之啱佢！全中佢飛佛😆不過留意番白飯唔多，如果係男人超級肚餓未必夠食，可惜飲品就麻麻哋叫咗個凍央少甜少冰！超重奶味！唔知係咪因為十字牛奶嘅原因呢！茶餐廳來講佢價錢都唔平！如果Menu多啲選擇應該會更吸引

已唔係第一次幫襯呢間餐廳！每次都會掃安心出行，今次出到餐廳同樣有掃呢個app,好笑嘅係一個帶黑色四方框眼鏡嘅店員話一要出示返成功掃左嘅頁面俾佢睇返佢睇返，仲有同行嘅朋友都冇要求出示，我同店員講電話係我嘅私隱，我冇理由要出示，之後仲有個染金啡色頭髮女職員介入，個感覺似係兩個職員夾一個客人去出示佢部電話，感覺十分差勁！到最後拉隊走人！

我嗌左個炸雞髀薯條餐，頭先隻雞髀啲肉係酸嘅，又乾又鞋，個皮都唔脆，啲薯條嘅肉醬係一啲味都冇🤮，價錢又貴，跟住我嗌左杯熱朱古力，居然要$8，佢仲要唔同我講要加$8，一般去茶記熱朱古力點會要加錢🙄。跟住我個friend嗌咗個肉醬意粉，仲難食過大家樂，啲肉醬都係冇味，呢個價錢有大把選擇，千祈唔好食

食物質素我覺得一直都可以，係服務差d, 一年前亦都係度寫過負平畀佢哋。不過近來由於時間關係，見就腳就忍一忍啦。一次堂食一次外賣，無幫襯一排，覺得d staff態度唔同晒，當然唔可以同5星級酒店比啦，但我覺得改善了，係時候平反下。希望可以keep住啦，都想繼續幫襯。

平日晚上約7時吃晚飯，人不多，立即有位喜愛它裝修，是富有香港茶餐廳特色這餐廳應該是十字牌牛奶公司有關，除餐廳名外，所用的牛奶都是用十字牌的。原本想應該會再來吃，因為喜歡這茶餐廳的味道外，食物也挺特別。但不約而同，我和朋友吃完後有肚痾，應該都是這間店的問題了。我是一個直腸直肚的人，通常吃完食物有問題，很快便會肚痛。吃完這個晚飯，約一小時左右，變搞肚痛肚屙了。店內環境 ：很懷舊茶餐廳裝修，個人十分喜愛1）晚餐 ：熔岩肉醬滑蛋蓋飯，包湯、沙律及一杯飲品， $62羅宋湯餐湯 ：味道不濃郁，比一般茶餐廳的味道還要淡開胃沙律 ：茶餐廳水準，罐頭水果 熔岩肉醬滑蛋蓋飯 ：單點是$52，店員提醒我們有晚餐。分量足夠，滑蛋不錯，。2）十字牌皇牌套餐 $68 ：香濃鮮茄燴牛肋骨湯通粉 （可選米粉、意粉）,黑松露炒滑蛋牛油多士及十字鮮奶（可轉咖啡或奶茶）香膿鮮茄燴牛肋骨通湯通粉 ：牛肋感覺像牛腩，煮得很淋，很滿意。但鮮茄味不太濃。黑松露炒滑蛋及牛油多士 ：滑蛋不太滑，有點乾。黑松露味不太濃，單茶餐廳質素不要要求太多。凍奶茶熱奶茶 ：茶餐廳水準來說是不錯，喜愛白糖的設計，很有心思值得打卡。餐牌

咁啱經過所以入去食，因為店好似幾好，似牛奶公司，見到專賣十字牛奶🥛，所以入去食下野。這間店舖位置雖然比較少，但環境都十分乾淨整齊。安排好位置之後，正正是下午茶時間。今次係同細佬去食，小朋友當然會揀一啲下午茶餐，而我哋兩個不約而同都叫咗炸雞脾下午茶☕️因為個標題寫住係大size，所以有一個疑問隻究竟有幾大呢？當我個下午茶嚟到嘅時候我哋都嘩一聲真係好大隻雞比，可以再配以一個雜果沙律，外皮炸到卜卜趣，但裏便依然係好有肉汁，基本上係連一個大人都食唔晒嘅份量，再配埋佢嘅牛奶🥛而最好嘅係佢嘅牛奶可以揀熱或者凍。最後食完都係大概40幾蚊一個餐，幾好唔錯，下次會再試埋佢嘅其他嘢食例如常餐。

本身想食麥皮不過原來冇得散要麥皮，好彩都可以喺其他早餐度加$6要一碗。揀咗冰火菠蘿油加$6要麥皮之後再加$6飲十字牛奶。菠蘿油係有烘過的，下面嗰半塊有少少多士嘅感覺，nice👍🏼 麥皮唔係平時茶餐廳水汪汪嗰種，用鮮奶整嘅好滑好綿，啱feel! 如果可以叫一碗大啲嘅就好啦。

來到懷舊風情的冰室會想叫咩呢？都係離唔開炸雞脾，西多士，紅豆冰啦，最緊要可能係杯奶茶🧋🥛🥪🍴🧆🍚🍲☕🍴🥢🥤今次係六點後來，有晚餐叫，又有扒餐叫，但因為都係來想食返啲懷舊風情，叫左杯 雪糕奶茶紅豆冰 同 雪糕紅豆冰 仲有佢地 十字三文治 🥪🥤每個位都可以獨立睇到 menu ,呢個重要呀，疫情前四個唔識既要搭枱坐架。 兩杯野飲都係有層次既，即係有心機整，算係甘啦。環境一定要有啲懷舊野先可以帶出風味。今次最好食既係個雪糕😊😊👍👍

這間餐廳的裝橫很有特色不論地磚、窗花、磚牆都是走懷舊的調子不過可能鏡面和燈飾的配搭出奇地，竟然有種時尚的感覺餐廳很有格調，有種融合了新舊文化的味道 至於食物方面，我點了他們的下午茶-蝦多士配薯條和凍奶茶薯條就是大部分餐廳都能吃出的味道，不過不失但蝦多士我覺得十分出色咬下去即有"嗦"一聲的脆口感外皮部分鬆脆，蝦膠部分軟嫰真正外脆內軟!讚!飲品方面，其實個人本身不太喝奶茶不過難得來到一間以牛奶為主題的餐廳所以也嚐了他們有奶類成份的飲料凍奶茶調得不錯茶香和奶味並存，面且有順滑的口感喜歡喝奶茶的朋友推薦大家嚐嚐! 

十字冰室以茶餐廳來說, 環境可以, 食物質素叫好, 但是餐廳管理&員工服務態度還有進步空間平時來十字食下午茶/晚餐, 今天是來食早餐早餐J: 五香肉丁米粉, 正常罐頭五香肉丁, 真上湯, 碗內勝在加了三色豆, 令碗米粉加上一些色彩&增加口感. 正常煎餐肉&燶邊煎蛋🍳牛油多士較乾身, 可以進步一點點. 濃香奶茶, 夠滑不澀口, 好飲👍早餐K: 滑蛋配香煎雞扒, 🍅蕃茄濃湯手打烏冬🍜 滑蛋真是滑, 加上少少蔥花. 雞皮煎得脆脆, 雞肉不是乾乾的. 🍅蕃茄濃湯 味道非常濃郁, 手打烏冬是日本烏冬, 非常彈牙👍

疫情下外賣叫多左，早餐都唔例外。十字味道算係唔錯，同其他茶記比落油份量少d同無咁重口味。麥片本身唔甜應該無另外落糖，依點要讚。不過今次緊堅係失左望打開個袋見到麥皮得半碗心知不妙，差d仲以為係碗跟飯白汁，好！算！打開埋盒多士先知跟餐火腿失埋蹤。我真係感激你咁貼心知我依期想減肥呀 ：)

平時未幫襯過第一次幫襯就有啲咁差嘅經歷。簡直係離曬大普外賣送遞五點半接咗單要去到六點半先整完，有沒搞錯？人地送外賣個個都話係餐廳等成大半個鐘都未整完。唔好硬接呢order啦如果整唔切。