十字冰室 (The Argyle)

营业中

休息中

今天專登到十字冰室試試。點了一個午餐~咖哩雞肶飯及熱奶茶。我比較少飲熱奶茶而這裡是冰室及出名是牛奶當然要試試啦。奶茶有茶味及奶味足，唔錯。但不太夠熱。個雞肶飯可以多汁一點，雞肶好脆但唔太熟，大概只有八成熟，切開還有血流出，感覺不太好。整體還不錯可以再試，但不會再專登再去囉～

好耐冇喺香港食早餐 咁啱有機會行過所以試下 完全普通到不得了炒蛋都算嫩滑 但見到佢塊包就唔開胃 已經唔係新鮮包 仲要得半塊 你使唔使咁孤寒本來碟通粉都冇乜特別 其實你嗰啲㗎鮑魚唔落好過落 食落去只係食到啲死咸 同假到不得了嘅雞精味 影響曬 杯奶茶的確幾正 好似一般茶餐廳叫咗佢多奶咁樣 飲得出佢係用鮮奶 不過可能又係因為佢加得太多奶 所以變咗唔夠熱 又扣分喺旺角市中心嚟講算係 正常價錢 其實佢嘅位置相當清淨 行前一個街口大把其他餐廳 完全冇任何嘢令我再想去多次

相信一碗火腿通粉對一般茶餐廳來說是好難會失手的食物。但今天一上枱見到碗通粉就知「奶」嘢。通粉上面加咗一絲絲的奶醬，個湯底更是好濃的奶味，根本個味道完全唔夾之餘，還怪怪的。於是我同侍應伯伯反應，可否轉過湯底走奶，呢位侍應伯伯好無禮貎話不嬲都係咁，冇得換一向都是加奶去煮，我説算了吧，叫佢收起碗粉。因為聞到陣味也想作嘔。此外，件多士淋身得嚟，好似吸了水咁，個所謂炒滑蛋炒到半水半蛋咁，一早起床諗住嘆返個靚早餐，可惜落空。唉！本身對佢冇期望，但冇諗住咁離譜。

奶茶吾濃吾香吾夠熱。煎蛋沙爹肥牛丁，食完睇返佢牌，先知原來係沙爹肥牛，真係食吾出。湯底冇嘢好講，因為就真係丁麵包味粉，不過比我自己煮既仲要淡啲。煮麵功力一般，未淋。仲要收咁既價。冇下次。

係旺角見到好多呢d冰室，感覺好懷舊，成日都會忍唔住入去食。叫左一個火腿爆蛋菠蘿包，一個西多士，一個常餐同一個皇牌餐。.爆蛋菠蘿包真係好爆蛋，d蛋黃流曬出黎，但要睇個人口味，因為平時食開既菠蘿包唔會有咸味，我就唔太喜歡。西多士係傳統既花生醬西多士，感覺上係出面已經好難食到，所以覺得好味。常餐係十字牛奶豬骨湯意粉配香煎豬扒，牛奶炒滑蛋及牛油多士。呢個餐既味比較清淡，好彩個豬扒唔係好薄既豬扒，救返成個餐。皇牌餐係香濃蕃茄牛肋肉湯通粉配黑松露炒滑蛋及牛油方包。呢個餐濃味d，黑松露滑蛋都唔錯，茶餐廳黎講都算特別。.雖然佢有好多特別菜式，但有得揀都唔會再揀呢間。

食物質素 ok , 不過偏貴。餐廳坐位很逼，枱很細。餐廳中間位置長枱setup 很古怪，枱很短，但中間又有一條黑色橫樑頂住，好唔方便。服務質素奇差，常常會呼喝客人。唔係要求好好服務態度，但係語氣絕對唔友善。

細細個最鍾意飲嘅牛奶就係十字牌牛奶，覺得佢最濃最香牛奶味，雖然香港啲牛奶真係濃極有限，但十字牌真係已經算唔錯。所以對十字牌有種情意結。幾年前十字牌玩埋茶餐廳，都覺得幾開心，好似童年回憶咁。但老實講，以茶餐廳來講，唔係特別好食，只係有份感情。同男朋友夜媽媽嚟食常餐當dinner,不過都好平常，香港人無分晝夜，幾時都咁鍾意食茶餐廳。常餐－十字牛奶豬骨湯公仔麵，配香煎豬扒、牛奶炒滑蛋、牛油多士 $58比起一般茶餐廳都比較貴啲啲，始終都sell下十字牌奶gimmick嘢，炒蛋唔算話特別好食，份量唔係太多，少食多滋味。最開心嘅係飲咗玻璃樽朱古力奶！係 玻 璃 樽 ！朱古力奶呢家嘢係好似飲極都唔夠喉咁，可能因為佢根本冇解過渴，所以越飲越想繼續飲...

上班族短暫食飯時間當然要快靚正見呢間裝修幾有特式就入去試下好彩唔洗等好耐就入得坐高枱望住街景食都幾寫意不過男朋友就覺得有少少尷尬 😅食物種類都多 我地就揀咗皇牌餐牛肋肉湯通粉同一個牛奶豬骨湯意粉👍牛肋肉湯通粉個湯底係羅宋湯，好濃郁😁個牛煮得焾，幾香！牛奶豬骨湯意粉個湯底都好濃，塊豬扒好大塊，煎得好香，但唔好係放埋落湯，令到湯好油個餐仲有黑松露炒滑蛋，好香黑松露味亦都見到，唔係得個香字🤩蛋炒得好滑岩岩好多士比起好多茶記厚好多，配埋牛油，正！整體黎講，抵食好味！

行過勝利道，見到開左呢間十字冰室，見未食過就入去食下啦。去冰室嘅好處就係無論你幾點去都有得食早餐類嘅食物😋我地叫左一個常餐、一個皇牌餐，兩杯餐飲都係叫左熱奶茶。.常餐($62)十字牛奶豬骨湯意粉配香煎豬扒、牛奶炒滑蛋及牛油多士豬骨湯味道好淡，同普通清湯無咩分別。豬扒、滑蛋、多士都味道一般。皇牌餐($65)香濃蕃茄牛肋肉湯通粉配黑松露炒滑蛋及手油方包個湯底我覺得係幾好食，有啲似羅宋湯，不過甜左少少，食得耐有啲膩。黑松露炒滑蛋味道同普通滑蛋無咩分別，無特別。熱奶茶算係幾香濃，不過無特別重奶香味，所以普通啦。60幾蚊食呢個質素嘅常餐唔算抵食，就算裝修好靚都吸引唔到我再黎食

今日天陰陰, 隨時落雨咁 😐 男朋友話去旺角買嘢, 順便食埋野, 行過呢間貴價茶記, 就俾個機會入去試一試啦😬睇一睇餐牌, 呢間茶記係屬於貴嘅 (之前經過都唔捨得食), 三個常餐由$62到$68不等, 我哋就諗住叫個王牌餐$65 share, 男朋友自己另外再叫多個十字牛奶麥皮 ($25), 話好耐冇食喎😜杯奶茶都OK個炒蛋同方包就賣相一般啦, 黑松露就普普通通啦, 有佢個炒蛋就矜貴D(注意隔離兩蚊銀比較炒蛋嘅大細🤣)蕃茄牛肋肉湯通粉, 都OK嘅吃後感, 嘢食偏貴, 食物都OK嘅, 未食過嘅可以一試!

最近突然好想去澳牛食茶記野不過又唔想好趕咁食完走，突然就醒起十字牌牛奶開嘅冰室，諗住sell嘅嘢應該都差唔多掛，一於走去試下。一開始叫咗個火腿爆蛋菠蘿包（完全唔係主打）但黎到一啖咬落去啲蛋黃係嘴角流哂出來，食到踢哂腳但又好爽，菠蘿包嘅甜同蛋味原來幾夾。第一次黎到呢度試食唔試佢地啲奶制品又好似唔應境，跟住就畀menu上面白雪公主呢個名吸引咗，係十字奶雪糕溝雪碧！上到枱就自己倒雪碧落去啲雪糕，係咁爆泡食落口感係好過癮！最後忍唔住嗌咗碟椒鹽燒賣收尾，三樣嘢入面最普通果樣。燒賣同d汁好似分開哂咁，唔入味。但整體來講都幾好，可以再返兜！

- 嘢食唔熟：嘢食味精多唔在講，連最基本煮塊雞扒到煮唔熟😵- 態度服務差：除咗冇指示要到店舖外面排隊，正常人見到鋪頭裏面咁多吉位，自然會走入去自己搵位坐低，點知除咗我之外見到好多其他嘅客人都俾人趕返出去，態度除咗比粗口好啲之外，我都唔知點形容😞　- 時間等得耐：我見到同我一齊嗰兩個女仔叫外賣，叫完之後喺鋪外面等，都我食完之後大概大半個鐘頭到，佢哋都仲係等緊。- 侍應多次搞錯菜單：我杯凍咖啡叫少冰少甜，見到張單上面都有打出嚟，但點知杯野嚟到嘅時候，都係太多冰同太甜，叫夥計幫手換過杯，到最後等我食晒所有嘢之後差唔多半個鐘頭到都仲未到。

Small Mui 早前喺銅鑼灣食完呢家十字冰室就覺得佢好正！所以今日星期六出開嚟到旺角都專登試吓佢間分店！係地鐵站行出嚟都幾遠下！我揀左皇牌餐$651.蕃茄牛肋骨通粉2.黑松露炒蛋3.牛油方包包熱咖啡茶 凍飲加$3都好食，不過無特別牛油方包如果可以烘下仲正午餐肉煎蛋撈一丁麵$38喂，正呀，唔健康嘅嘢食真係特別好食！Small mui想食椒鹽燒賣$28 呢個同我想像中唔一樣，我以為係香口野，不過都好食！凍奶茶透心涼，茶味濃郁！正正正！埋單$134

試左兩次一次晩餐，一次下午茶晚餐點了焗豬扒飯，鐵板西冷. 主菜一般，質素不及翠華餐廳。餐湯同個餐飽都太差了。薯條超正👍🏻飲品美祿山都幾特別👍🏻第二日去食下午茶，因為想試黑松露炒蛋菠蘿包。炒蛋ok, 不過唔襯個包，菠蘿包都好差。試埋單點個瑞士雞翼，好好味😋其實有幾多小食同飲品水凖不錯，唔跟餐會比較自由，冇咁浪費食物。

不嬲鍾意飲佢嘅牛奶，所以抱住試吓嘅心態，而且見到網上食評都唔差，點知中伏首先，奶茶冇奶味，茶又冇茶味，好似奶水咁個豬扒意粉，塊豬扒又靭，炒蛋無味，多士又燶啲侍應又態度勁差，一定冇下次，帶位呼呼喝喝咁，落單又黑面，其實咁唔想做可以唔做今次係我第一次寫食評，平時我都唔會寫，但堅係忍唔住認真，呢間餐廳真係唔會再有下次