十字冰室 (The Argyle)

营业中

休息中

平時未幫襯過第一次幫襯就有啲咁差嘅經歷。簡直係離曬大普外賣送遞五點半接咗單要去到六點半先整完，有沒搞錯？人地送外賣個個都話係餐廳等成大半個鐘都未整完。唔好硬接呢order啦如果整唔切。

午餐叫左個茄汁海鮮配意粉set lunch海鮮俾得多👍🏻少有餐廳配菜會有小菜球😃好新鮮不過魚柳太過鹹，過’林’熱奶茶鮮奶味濃，茶味較無咁出整體來講，不過不失

12:00坐低之後同我地講因為外賣單太多要等20分鐘嘅茶餐廳 = 唔對路。作為一間餐廳應該係擺堂食嘅客人在先，應付得來先接外賣嘅單。茶餐廳嘅定義就係平靚正，呢間較特殊。食物好一般，食裝修，舊香港的味道

因支付寶有外賣自取優惠，所以我會每星期都會買外賣，但半小時後到餐廳，餐廳職員竟然每次都會跟我說:「唔記得出單要我再等多20分鐘！」再出單之後又要重新排過隊！我翻查紀錄明明10時30分已經接了單，但11時我去到竟然話未出單。 其實都幾失望囉。我希望可以改善一下，尤其是外賣自取的部份我覺得做外賣部份的職員，每天都是同一樣工作，但每次都會錯漏。其實餐廳的食品質素是不錯的我很多時也會光顧，我每次也會光顧。 希望儘快改善。

新公司喺呢度附近路過見到十字牌呢個品牌已經令我有童年回憶好想入去試入到去見到個餐牌有個美祿恐龍真係童年回憶返晒黎記得以前細個去探婆婆喺佢屋企成日飲美祿就會係勁喪落美祿粉只係純粹想食上邊啲粉多個飲杯嘢佢個牛肋蕃茄通粉牛肋肉超林超好味第一啖咬落去已經好有驚喜你會喺個心到不自覺講一聲嘩咁淋咁入味佢個鰻魚飯條鰻魚真係好大條好好味蛋包飯份量夠充足啱晒我呢啲大胃王嘢食我覺得係水準之上但員工服務態度真係要有改善成日呼喝客人的態度真係幾好食都會係好趕客

一早來到勝利道，見平日經過好多次但都未有幫襯過街角的十字冰室，一於試下喇。餐廳是茶餐廳格局，主打懷舊風，打正十字牌牛奶旗號，餐單上大部分食物都跟十字牌牛奶有關。我們點了一杯熱檸水、蕃茄湯滑蛋雞扒烏冬和跟歺的冰奶茶。滑蛋是滑溜的、雞扒也算嫩滑、烏冬口感正常，唯獨蕃茄湯底出事了，一點蕃茄味都沒有，而且有點鹹，影響了整體味道，是不是我們點錯了？！凍奶茶和熱檸水都是一般般。總括：歺單上確實有不少菜式想試，例如咖喱牛腩和十字牌mike shake ，但是早餐水準已經好一般，短期內都不會有想再來的衝動了。

假日去得cafe多會突然好掛住港式味道，飲下三花沖出黎嘅咖啡奶茶，所以就揀左黎試十字冰室。叫左個皇牌餐，包括有香濃蕃茄湯牛肋肉通粉配黑松露炒滑蛋同牛油多士，再飲熱鴛鴦。一上枱見係厚多士已經感覺良好，有熱力係即烘。黑松露炒滑蛋夠滑溜同蛋味但又唔會生得滯流蛋液，而且黑松露夠均勻，好香～滿意～ 加落通粉一齊食又另一番風味蕃茄湯底濃郁，牛肋肉比我想像中多，有牛香又入味夠淋身，通粉爽口，不過略嫌湯太少，食到最後唔夠湯。熱鴛鴦滑口，比例不錯，咖啡亦唔酸。最後只能講佢對得住尼個價錢，好飽好滿足啊~~

友人今天放早，便去吃個下午茶。大家都想吃過通快，便點了C和F。先來個豬扒包，看看豬扒有半寸厚，麪包亦有烘過，配合一起吃，真好味。豬扒有肉味，肉質不柴，調配味道剛好。麵包外脆內軟雞腿有手掌般大，看到這賣相，令食慾大增。剛炸出來，香味十足，雞肉入囗也是外脆内軟，分量也是十足。乳酪沙律甜甜酸酸的，減卻炸物的油膩感，不錯之選。十字樽裝鮮奶真好味，也是很多人的回憶。熱好立克也是有水準，吃了一餐分量不容的下午茶，晩餐也吃不下了。

食過幾次，都知某部份員工態度差。不過附近無咩選擇，又諗住只係用OpenRice 外賣自取，唔洗接觸佢哋應該好d啦，點知都係避無可避...Order完隔一陣去攞啦，一入去問都未問就開火,就已經開火: “都話未有位，出面等一下”...我都無話堂食，問咗客先嘈啦....攞完order返屋企，一睇，常餐畀少咗蛋同多士，打去問啦，猛話我叫單點無叫餐，佢話佢張單都係咁打。好在個app有記錄，肯定無叫錯，叫佢check多次先，後來佢發現真係佢地入錯單，叫我過返黎攞....過嚟攞都要d時間架，叫個lunch都花咗咁多時間，咁叫佢pack定先啦，而佢都話ok....點知用咗十幾分鐘，落到去，又同我講”未得呀，出去出面等一下”......即刻火都嚟，唔係你哋pack漏，我都唔洗黎兩次啦，同埋蛋，多士，你都唔係即整架啦...最後同佢講，係你地漏單，可唔可以整先，先至快dd有得攞...最後一個外賣，攪左我成個半鐘。雖然食物質數唔差，但你估你米之蓮3星咩...如無特別需要，無謂再幫襯搵嘢煩。

An Easter Monday afternoon, working but casually, bumped into this place while drove by Mong Kok and Ho Man Tin area.A number of times when drove by their Sai Wan shop with long queue each time when they first opened. It was due to their signature milk brand which attracted us the most. We had been drinking this brand, both black and white, since little. Till now we still go to nearest market to buy their bottles of milk for our family regularly.We once again came at the right time when inside

下午三時四十六分等蝦多士，结果半小時先有，隔離炸豬扒同時叫，人地都食完，問侍應全部答好快，無下一次。食物一般炸到好乾，咖啡還好。但服務真係麻麻地，沒有必要會再來

我知道呢間十字冰室有好多間分店，但係我就比較鍾意喺呢一間度食啦！因為佢哋個位置就喺我工作地點嘅附近 ，尤其是下午茶時間可以嘆一嘆唞一唞簡直係人生樂事啦！ 呢個係用十字鮮奶所做嘅焦糖奶昔， 加上有塊心形嘅餅餅！ 味道唔錯！ 我嘅下午茶首選就係推介瑞士雞翼撈公仔麵，有成四隻雞翼咁多，而且隻隻都好大隻！這裏有好入味而且佢哋嘅公仔麵，唔會煮得太冧落單牙爽口！推介！

今日天氣凍冰冰，一於朝早八點半到十字冰室嘆翻個熱辣辣嘅港式早餐先。我有個幾月冇嚟食十字冰室，一坐低發現轉左早餐餐牌，冇左我平時食開嘅咸牛肉蛋治。平時冰室早餐時段座無虛席好熱鬧，今朝得幾張枱坐左客人，可能大家都因為武漢肺炎肆虐，怕左外出食野。我哋叫左十字牛奶麥皮餐配炒蛋牛油多士(走火腿)，滑蛋蕃茄湯手打烏冬配香煎雞扒，經典沙嗲肥牛煎蛋出前一丁。早餐配埋茶餐廳飲品，我哋要茶走，鴦走，熱檸茶。十字冰室主打用嘅係十字牛奶，十字牛奶麥皮有奶香味，唔會水汪汪，食得出佢冇額外再加糖去煮。個滑蛋番茄湯手打烏冬湯雞扒好大碗，番茄湯底好足料，飲落好鮮甜同食到蕃茄肉！沙嗲肥牛煎蛋出前一丁可以自己落麻油去調味，有自己係屋企煮公仔麵嘅感覺！值得一讚，冰室門口有酒精搓手液，可以食嘢之前同埋食完野臨走捽一捽，消毒返雙手，保持雙手衛生清潔好重要！

今次早餐比較食得晏，到了中午又不太餓，唯有2:30才到餐廳下午茶，這店推出特別優惠套餐，當然要試一試！火腿爆蛋菠蘿包，吃一啖便流出不少的蛋漿，菠蘿包也是新鮮出爐，味道不錯。奶茶紅豆冰紅豆比較甜，奶茶香滑，味道濃郁！只售$28 ，性價比高！

週五放工，去吃茶記，一直想試下這家十字冰室，就專門來了，奶昔裡面好似有燕麥，然後很喜歡十字的牛奶一定要試試，別的飲料也都還可以，菠蘿包滑蛋也還可以，菠蘿皮酥酥脆脆！