十字冰室 (The Argyle)

营业中

休息中

這是第二次在這裏吃了，第一次是剛開業時來吃早餐，地方不大，人很多，坐得非常不舒適。 來了個早餐，賣相還可以，可惜就是落錯單。今天再過來吃下午茶，人比較少，可惜再次落錯單，叫了杯熱奶茶少奶，單上沒有顯示少奶，飲落去也不是，店員要死撐話這是少奶，只是系統落單是不會顯示少奶的，可同行朋友點的凍奶茶卻有顯示少甜，要求換一柸，但被拒絕，卻表示可以給我加點茶，C真是特別招待方式

放假適逢落雨，懶懶閒響屋企hea到1點幾先出街食野，於是就去左一路好想試既十字冰室。本身仲擔心間野咁出名要排隊，好彩下午去到冇乜人，唔洗等就入得。一場黎到當然要試佢個皇牌餐，蕃茄牛肋湯通粉味道唔錯，蕃茄湯唔會太酸，岩岩好，而牛肉煮到淋淋地，雖然有少少筋，但可以接受。自己覺得個通粉份量太多，食到好飽跟餐野飲我叫左熱檸蜜，其實可以加錢轉其他十字牌野飲。個黑松露炒蛋好滑，抵讚呢。不過個多士我唔記得左叫烘底，味道係還好。價錢響茶記黎講算略貴，但環境+香港本地品牌就加哂分啦，間唔中試下都ok。

之前同朋友食過一次十字冰室，對於上次吃過的黑松露炒蛋菠蘿包十分懷念。這次經過旺角，決定重蹈覆轍十字冰室一個港味的地方，是沒有太多煮炒食款式選擇，餐單簡單，主要以菠蘿包/燉奶/十字牌鮮奶為主打。這次下午茶時段，決定叫了個A餐 黑松露炒蛋配菠蘿包。上菜時炒蛋是熱呼呼的，夾在暖暖的菠蘿包中間。咬下去時，菠蘿包上的甜味加上黑松露熱炒蛋的蛋鹹味，首尾呼應，回味無窮，甜味蛋味鹹味不斷重複在嘴邊，回甘不斷 。雖然點了凍飲，約40元結單，但也是值得的。

呢排返工太忙，收工要揾朋友吹下水呻下，近近地揾左間冰室，唔限時慢慢吹。今日大家都收早，趕得切食個下午茶餐下午茶餐係沙嗲牛肉棒丁面，一個朋友腸仔多士配炸魚柳，另一個就配咸牛肉炒蛋。棒丁面出自出前一丁，濃濃豬骨湯，但我就覺得浪費左沙嗲牛肉嘅汁，始終都係配公仔麵最好。炸魚柳比較普通，反而咸牛肉炒蛋比較特別 。我自己就無叫餐，叫左個花生醬厚多士。花生醬控嘅我一切開件多士，見到厚搽粗粒花生醬即刻😍。多士脆脆嘅表面，再加香濃花生醬，簡直絕配，朋友都忍唔住搶左幾舊黎食。吹到咁上下水又口痕，於是叫左個薯條配松露蛋黃醬，薯條中嘅一哥非波浪薯條莫屬，但都不及個醬吸引，碟薯條未食到一半，個醬已經無晒，正！

裝修 : 懷舊服務：除了一個似鄭秀雯的女侍應比較有禮貌外，其餘的黑囗黑面辣椒油：完全唔辣多士： 加$2 唔緊緊，但得半塊，仲要係唔熱，你見d 牛油就知咩事牛肋肉 : 腍通粉：真心好食，因為我中意食爽的黑松露炒蛋：正常凍奶茶：茶味唔夠濃，偏甜可能我無試皇牌野，所以覺得一般$70 偏貴如果去影下相，試下得意野，可能感受不一樣。。

由九龍城行過旺角，見到十字冰室，梗係要去食下喇門口等緊既客人唔算多，我地兩個人好快就有位喇好期待呀。餐廳既裝修係好有懷舊既感覺，佈局就白色為主，配合大玻璃同紅磚牆，令人覺得好有特色。因為兩個人，所以我地唔係嗌左好多野，叫左個常餐包括一個豬扒意粉，多士同炒蛋，另外就因為我係蛋控同復活節嘅關係我就額外叫左個黑松露炒蛋，士雞翼同冰室不可或缺既紅豆冰奶茶常餐既意粉湯底好多忌廉味，整體唔錯。而黑松露炒蛋就差咁啲松露味，有點小失望瑞士雞翼汁好入味，好出色而紅豆冰奶茶我叫左少甜，配合埋紅豆既甜度我覺得岩岩好（題外話：支紅白紙飲管好有特色，正呀）💕💕常餐💕💕豬扒意粉💕💕黑松露炒蛋💕💕瑞士雞全翼

成日經過唔同嘅十字冰室的分店，今天終於試吓入去食早餐！冰室的裝修用的是懷舊風，地板及牆身也用階磚切成！有時候經過也見到需要排隊的，但今天可能比較晏，所以不需要等候便可以坐下！不來也不知道原來十字冰室與十字奶係有關連的！餐牌上有些特別的菜式在一般冰室吃不到的，但這裡當然仍然有些傳統的冰室菜式。我叫了一碟黑松露炒滑蛋菠蘿包：炒蛋加了鮮奶去炒，所以很滑，配上黑松露也算很香，但是味道有點淡，菠蘿包的皮不夠鬆脆，減分了。熱檸茶：不過不失

香濃蕃茄牛肋肉通粉的湯底濃郁，牛肋肉夠冧，椒鹽雞全亦很香很脆，雖然雜果是罐頭雜果，但我喜歡，但黑松露炒滑蛋和麵包就比較麻麻，奶茶和燉奶都很滑很好味😋😋😋😋😋

呢日上完堂，同左啲同學去附近亞皆老街嘅食十字冰室食晚飯。見晚市套餐有六款選擇，$60幾$70幾蚊有湯有餐包同飲品，就叫咗個砵酒燴牛肋條返嚟試下。餐湯餐包，味道OK。牛肋條炆得夠腍個醬汁幾好味。奶茶紅豆冰，奶茶味香又夠濃，紅豆夠腍亦都幾好飲。

個人對冰室美食有一份情意結，每每看到冰室就必會選擇入內進食，特別對套餐常餐特別喜愛！這次經過旺角，又到了這間冰室，聽說黑松露炒滑蛋必試，終於這次吃到了我點了皇牌餐HKD62,轉冰鎮濃滑奶茶都只是加HKD3這個黑松露炒滑蛋很香濃，蛋是用十字牌鮮奶打的，炒出的滑蛋很細滑很有蛋及奶香口感綿滑香濃蕃茄牛尾湯通粉有香濃蕃茄湯，牛尾香濃，完全滲入通粉之中而奶茶很香很滑，茶不澀，加上用冰在外冰鎮，完全沒有加入冰塊，令其更是原汁原味另外還點了個小食籠仔椒鹽燒賣HKD38賣相精緻，味道惹味，口感彈牙這裡買有其他想吃的，可惜胃容量不大，只好下次再來！

新樓宇，新餐廳。見佢打正牌面用十字牌產品都成日心思思想食，不過食完一次覺得同普通茶餐廳冇咩分別。奶茶上先，滑但唔夠茶味一上枱見厚蛋都不錯🤤🤤，食落去唔知點解食到啲黑松露味🙄🙄 (扣分，我不太喜歡黑松露味）如果餐廳唔太多人都幾舒服，光猛闊落不過早餐3*蚊雙拼三文治安有啲貴，同埋佢早餐牌麵餐set 好你要食咩，冇得揀想要咩就好冇茶餐廳特色。食物質素不過不失，我諗憑大家對十字牌喜愛程度都會吸引大家慕名而來，但我會選擇同一條街其他餐廳。

勝利道新開，點都要試吓。環境賣相明顯有落心機，肉丁麵D肉丁比食開嘅大粒工整，少少青豆粟米甘筍亦起到重要作用，隻蛋煎得靚啦！好肯定會搶走唔少對面奇香同富華嘅生意！尤其係OL仕女。但，下次我都係會過番對面！裝修精緻反而坐得冇咁隨意、肉丁竟然冇跟罐頭辣油汁（真夠健康）！？只得出前一丁面，你要明白有時會想食D cheapcheap大光面、36蚊面only，對面30有面有包、杯咖啡唔夠對面好飲。不過，總結，多一間選擇間開吓都好嘅，特别係若果下次學校家長活動有老婆一齊就入依間四正好多咁話啦！

呢間新開的十字冰室，經過幾次，終於有時間朝聖一下。由於已經成下午三點幾，人流不算太多，我們點了一份常餐$58及Nutella 朱古力榛子醬厚多士$30，共$88。常餐：包括了十字牛奶豬骨湯意粉、牛奶炒滑蛋、牛油多士及熱奶茶☕️。十字牛奶豬骨湯意，湯底好香、意粉很滑，豬扒香脆。牛奶炒滑蛋、又滑又嫩。牛油多士鬆軟。熱奶茶，香滑。Nutella 朱古力榛子醬厚多士：西多士外脆內軟、再加上表面有一層榛子🌰醬，妙不可言。雖然價格有點少貴，但會再次幫襯。

之前都間唔中路過，但一直都冇見有餐牌放門外，唔知咩價錢今日決定把心一橫入去試試一望個餐牌原來冇話咩是日午餐之類，見佢有個常餐同皇牌餐，包埋飲品，咁就叫晒兩款啦 (亦有多款特式食物，例如火腿爆蛋菠蘿包，一睇個名爆蛋已經覺得幾搞鬼)店員先端上奶茶，飲落幾順滑，都唔差隻杯係印上餐廳名稱先黎呢個，牛肋肉蕃茄湯通粉呢個幾好食，有蕃茄味唔係只係個D罐頭茄汁湯，牛肋肉亦好腍唔韌黑松露炒蛋加油包，黑松露味幾濃，岩晒我，好味一般特餐常餐少見用上黑松露另一款係十字牛奶豬骨湯意粉當然，餐廳主打係十字牌牛奶，就緊係好多菜式都用上呢個牌字嘅牛奶啦望落都幾奶白色，但飲啖又唔係話個牛奶味好突出，不過塊豬扒都算好大塊，食完都飽，相對之下就覺得蕃茄湯通好食一點炒蛋多士，同黑松露炒蛋個款一樣都係咁滑有機會要試下其他食物，好多款式 不過可能店面細左D，食客坐滿晒後，路較窄，侍應傳菜時及食客進出都要小心點

今日即興想食個早餐，今次揀咗新開的十字冰室，炒蛋多士，加火腿通牛乳湯心粉，再另外加多一個黑松露炒蛋。 炒蛋多士來到的時候，先吃一口炒蛋，個心一路諗住華星冰室同埋澳洲牛奶公司嘅早餐，炒蛋差人哋好遠，多士係普通厚度的多士，牛油油唔夠香，烘底又烘得唔好。之後再想買個黑松露炒蛋，黑松露炒蛋用的黑松露是非常低級的黑松露，香味唔夠口感吖嘛，而炒蛋的份量極少，沒有加入北海道牛乳，只加入他們的十字牛奶去炒，味道同人比較真係差得更遠，相信不會再來。