十字冰室 (恆陞大樓)

营业中

休息中

I decided to wait until June to try this restaurant because the queue was insane when it first opened. Within a week, I actually visited twice, which goes to show how much I absolutely love it. The interior decoration of the restaurant is quite retro, but it's quite cramped and the tables are very close to each other. Often times, you have to wait about 5-10 minutes for a table, and it can get quite hot in the summer, so I recommend coming earlier if you don't want to wait.The menu isn't too ext

前果排得知西環有間新既冰室開張，而且係以十字牌牛奶做主題既十字冰室，一路都好想試下，奈何每次LUNCH時間經過都見到好多人排隊，好冇耐性既我每一次都放棄去排隊。誰不知琴日下午大約3點幾4點經過，見到唔洗排隊，當然唔放過呢個機會即刻走入去試試佢。因為較早時間都已經食左個LUNCH，都仲有少少飽，所以諗住叫D輕便D份量少D既野食當係下午茶。佢個MENU入面主要都係麵食呀、三文治呀、多士呢類港式茶餐廳野，仲有燉奶、朱古力奶昔呢類特色飲品甜品等等。最後叫左個火腿扒牛奶炒滑蛋三文治食，另外仲叫左一枝充滿回憶，用玻璃樽裝住既十字牌鮮奶飲。呢到師傅做野都幾快手，我落左單大約5分鐘咁上下三文治就到左。碟三文治一放到落檯已經聞到好香既炒蛋味，而且仲係出緊煙，果然係新鮮滾熱辣。件三文治塊麵包都切得幾厚，所以其實食落都飽飽地。另外塊包都幾柔軟，夾埋入面熱辣辣既炒蛋同火腿扒，食落下口感好舒服。炒蛋炒得十分之唔錯，有好香好重既牛奶味!而且佢炒得好滑好嫩，份量又多，十分抵讚!火腿扒相較之下就相對普通，不過不失。整體黎講呢到食物水準唔錯，而且環境都幾理想，乾淨又整潔，係個價錢稍為貴左少少，都係都可以接受，下次有機會

最近很火的茶餐廳，又在家附近，便走來一試！坐位有限，四人枱三張，兩張卡位（私隱極高），其他是高椅八張，大堂中間大概十二個位。地方雖小但佈置加分！沒有飯吃的，只有意粉，通粉之類的餐，點了一個英式早餐 $59 + 凍飲$3，算正常價。等候時間比其他餐長，賣相尚可！多士算脆，茄豆只有半小杯，腸仔、煙肉過份咸，雞扒死實兼無味，而且雞扒邊好硬，有翻炸之類！不過，炒蛋好滑，杯奶茶不錯。總括，不用排隊就不妨試試。如果專程來會有點失望。

近年人年紀越來越大, 總是喜歡懷緬過去常陶醉. 還記得小時候, 每天早上6時多就會起床極速穿好校服去等校車, 但無論有多趕急, 老媽都一定會煮好一份份早餐放在桌上, 旁邊亦總會有一瓶或一盒牛奶, 雖然有時也會是牛奶公司的出現, 但十字牌牛奶就一定陪伴著宅女渡過了小學時期的不少美好時光. 這個本地品牌至今巳有五十多年算是老字號, 不過步伐仍沒有落後, 繼早前推出了不少新口味配搭的牛奶後, 最新攪作就有這家十字冰室, 內裡當然就是用上十字牌牛奶來做主題了! 這家十字冰室剛於4月底才開業, 店子位於西營盤高街那邊, 老實說地點並非在鬧市區亦非商業區, 平常逛街的話基本上很少會走過來這邊. 如果坐地鐵來的話只要在西營盤站B2出口, 再轉上斜走多一條街, 徒步大約3-4分鐘便會到. 宅女來過好幾次, 最初來的時候人潮還滿多的, 可能是新開的關係大家都想嘗新, 要等個大約5-6分鐘才有位. 不過最近再來時, 中午時份基本上都可以直接入座不用等位. 說起這個十字牌牛奶, 先簡單說一下這個品牌的背景吧. 其實早於1960年他們是聖母神樂院在香港大嶼山經營, 最初以只小型規模供應牛奶給當地居民為主.

今日特登同男友去西環試，其實都預左要排隊，不過咁熱天氣排隊，真係好辛苦，但食完後覺得唔值得排隊。我地各要左一個餐，吉列豬扒濃豬骨湯意粉，配炒蛋方包。另一個係牛尾蕃茄湯通粉，配黑松露炒蛋方包。意粉份量少到嚇親，完全覺得係人地食剩俾我。如果要俾四十幾蚊，但得到既係呢個份量，一啲都唔值。吉列豬扒好“鞋”，根本唔想放入口。唯一讚賞既係咖啡同鴛鴦，可能用十字牌沖既關係，所以奶味好香！未食之前都有啲期望，點知比想像中仲要差。另外，成間餐廳完全唔夠冷氣，一路食，一路流汗，好似條街仲涼過間舖入面。

最近開左一陣子 以十字牌牛奶加入懷舊既元素 擺滿左牛奶箱同牛奶樽🍼 又有茶餐廳既手寫餐牌📝 可能係假日既緣故 排隊排左十分鐘🕛-french toast with nutella hkd$34熱愛nutella既我 特登為哩個西多士而走過黎食🍞 當然都無令我失望 好match😍-all day breakfast hkd$59冰室都有英式早餐 當然要試下😏 順便加多樽十字版牛奶一齊食 唔單只有原味 仲有朱古力味同士多啤梨味揀 正啊!

今日中午同幾位同事去食午餐，聽講開左間冰室想去試下睇下有乜食。入到去睇下裡面環境裝修都唔錯，點知中左計得幾個套餐，咁大家都不約而同叫左個49蚊嘅常餐試下，等左一陣個意粉送黎，真係俾佢嚇死細碟到呢幾啖就食完，又冇乜味道得一條白菜，我身邊個同事仲搞笑，食左幾啖可以起咁細碟意粉到揾到隻🕸烏蠅😂😂，就算侍應換個碟食埋都唔夠飽啦，不過好彩個多士同吉列豬扒炒蛋味道都唔錯好滑。不過意粉份量真係太少，現時我就覺得我無下次囉

今日中午咁岩行開呢頭，醒起前排係附近開左間十字冰室，係同十字奶合作既，夠晒特別，正好可以去試下。因為早餐食得少少野，見MENU上面個all day breakfast好似幾足料，就嗌左黎試試。入面有雞扒、腸仔、牛奶炒滑蛋、茄汁豆、煙肉、多士，仲有塊好JUICY既蓄茄扒TIM!塊雞扒煎得好香好好味，厚度都唔薄，唔錯!另外不得不提既係佢既牛奶炒滑蛋。平時食炒蛋最怕佢炒得太熟太老，但呢個炒蛋佢炒得岩岩好，唔會話太生或太熟，入面仲有少少蛋汁係入面，好香好滑，而且個炒蛋有好香既牛奶味，夾埋D蛋香，認真唔錯。成個全日餐個份量都唔細，一個成人當係LUNCH食都完全夠飽，係唯獨是個價錢有少少偏貴，但係個質素都幾好。有機會下次一定會再試下呢度其他野食，特別係個燉奶!

十字冰室🏥入面除左有十字牛奶飲之外 我已經諗唔到同十字牌有咩大關係😂.常餐 $49比平常食既大份 有炒滑蛋 吉列豬排 牛油多士（+$3）同牛乳豬骨意粉炒蛋🍳🍳感覺真係加左好多牛奶 唔會炒到水汪汪但入口滑身吉列豬排🐖另外問左佢拎沙律醬黎點 佢炸粉唔會過厚 脆得黎入面唔乾 食完好飽肚🤤牛乳豬骨意粉💕呢個湯底大愛啊❣️豬骨味超清甜再加上少少牛奶味 會唔覺唔覺飲晒架😍推薦指數：4/5.📍十字冰室 西環西營盤高街48-78號恆陞大樓地下12號舖

近期見有咁多介紹，鍾意幫襯冰室既我點可以唔去試吓呢。 假期預左人多， 安排入座既速度比預期中快。 由於食左午餐先嚟， 所以都係以輕食為主，見咁多人都食喱個爆蛋火腿菠蘿包，自己都唔執輸試返個， 加埋杯凍檸檬茶， 絕配！ 至於我媽對奶茶紅豆冰更加讚不絕口， 縱橫奶茶界多年既佢都俾咁高分數， 喱杯飲品真係非同小可。冰室設計幾新穎， 高枱位置又有“USB補給站”，手機想打卡， 無電都靠哂佢今次自己食唔到太多野， 下次再幫襯要留定個肚先得！

下午茶時段去左高街試新開既十字冰室，我見假日都大排長龍，所以就揀閒日嚟試，吾使排隊，太好了 !叫左個常餐，有牛奶豬骨湯意粉 配吉列豬扒及炒滑蛋，整體嚟講覺得不錯，好飽。牛奶豬骨湯夠特別，有少少既牛奶香味，我自己都鍾意飲牛奶，所以覺得不錯，本身會以為牛奶搭豬骨湯會不太夾，但出嚟既效果又幾好另外個吉列豬扒好脆，個炸粉夠薄，個人不太喜歡食到厚厚既炸粉，唯略嫌醃得吾夠入味。牛奶炒滑蛋好味，好滑，有少少既牛奶香。常餐$49 再有熱飲一杯，吾太貴，值得一試

一朝早黎搵個朋友，跟住想揾餐廳坐低食下早餐傾下偈，就費事走太遠揾野食，一上openrice就見到呢邊多左間食新舖頭，於是就去左簡下有邊間好食，行行下見到呢間舖個名叫十字冰室，作為十字牌發燒友嘅我地，就簡左呢度開飯喇。陽光早餐一開始就緊係要簡個早餐先喇，呢個早餐有腸有蛋有火腿扒，咩都有啲咁，個份量都算足，入口唔會太油膩同埋咸，真係令人對其他野有更深嘅期待。奶醬厚多士奶醬多好有口感，夠晒脆身，加埋佢本身果種濃濃嘅花生醬，已經好令人滿足。今次嘅體驗都算幾好，比起一般茶記所有野都做得好更到位，食材亦都算足料，有機會都要再黎先得

估唔到十字奶會開冰室！而且仲有咁多野食！真係舊得嚟又夠新呀！見佢地有個皇牌餐，睇過介紹會有大大件牛尾喺上面，又真係無呃人wor！你睇個湯底幾深色！濃到呢！！食完真係連湯都飲埋！而佢件牛尾就大到成塊扒咁！連住少少肥膏食真係好香！正呀！個餐仲有份埋松露炒蛋同多士！炒蛋好大份而且又好滑，啲黑松露唔係是但放少少上去就算！而係好平均咁撈咗入蛋上面！所以成個滑蛋都食到好大嘅松露味！！多士就用咗厚麵包！成個餐真係好豐富，好夠飽！唔怪得係依到嘅皇牌！最後仲有支凍鮮奶！係凍鎮架！樽裝鮮奶一向都香啲好味啲！再加埋冰鎮！爽！

同朋友慕名而嚟西營盤試十字冰室食個tea，門口個霓虹招牌好靚，入面既design 亦好有懷舊feel，環境真係幾舒服。我地order 左全日早餐，懷舊薯條 配松露醬 同燉奶。全日早餐好大份好抵食，個雞扒好厚好juicy, 牛奶炒滑蛋炒得幾滑，仲有腸仔，煙肉，扒蕃茄，茄汁豆同多士，整體不錯另外再order 左懷舊薯條，係懷舊波浪紋型個種，厚身又多脆，松露醬好味，好特別，如果吾想要松露醬，亦可配茄汁。最後食埋甜品，燉奶用左十字牌牛奶整，幾滑幾有牛奶香，不錯值得再嚟食

今日見屋企附近開左間新既茶室，叫十字冰室，咪諗住去試下味道，點知竟然要排隊，心諗一定幾好食，如果唔係點會咁的人排隊！但其實食物種類唔多如果想食飯嗰啲就唔使諗，不過既然嚟到，就試吓囉！唔知係咪期望太高，有d失望用辛辣麵底加左芝士、午餐肉、腸仔，真係自己返屋企都煮到，腸仔仲有些煎窿左，但價錢成$44另一個係辛辣撈麵，又係冇特別，基本上自己屋企可以煮得到，而且價錢太貴Ice lemon tea, 完全冇茶既香味，唔合格熱奶茶，普普通通！