十字冰室 (恆陞大樓)

营业中

休息中

用十字牌鮮奶作招徠的冰室，除了有用十字奶做的正常冰室食品，還有軟雪糕等甜品。這天來吃早餐，與11:30開始供應的甜品無緣。點了兩個早餐。這個豐富早餐有牛奶豬骨湯通粉、多士、炒蛋和雞扒。牛奶豬骨湯比想像中稀得多，或者是最近吃得多拉麵，自己想多了，但都有少少奶味。喜歡烘得剛好，外脆內鬆軟的厚多士。用十字奶炒的炒蛋沒想像中好吃，不夠濕，不滑，蛋味不重，奶味欠奉。對雞扒沒那麼大期望，正常。熱咖啡，應該都是用十字奶沖的，還好吧。朱古力奶比鮮奶甜，也失了鮮奶的奶香。打開櫃桶，全是印上十子的糖，就是這噱頭吸引了我，卻失望而回。另一個餐是牛奶麥皮配炒蛋多士。牛奶麥皮賣相不甚討好，無謂拍照。味道可以，沒有下甜，夠健康。星期日的早上，一直滿座，分不清大家是慕名而來，還是回頭客。不過，我應該不會再來了。

西營盤第三街呢間十字冰室打正旗號用十字奶梗係要入去試下啦。店舖食品款式不多,冇乜得選擇，叫咗個瑞士雞翼撈麵同唔記得係咪常餐,佢地既炒滑蛋應該加咗十字奶嚟炒嘅，又滑又好食，算係近來食得最好味嘅炒蛋。反而個瑞士雞翼就冇乜特別，味道一般。最後試咗佢地用十字奶做嘅軟雪糕，好重奶味幾好食。可惜間舖走高檔路線，唔算好平民，同十字奶個品牌唔係咁襯，又喺地鐵起好後租金起飛既必然景像。不過要食炒蛋嘅話,點都要嚟呢間試下，希望下次嚟食嘅時候佢可以保持水準。

聽聞附近開左間十字冰室，即刻落去睇下，第一次見到感覺太貴啦（雖然平時食飯已經好貴，但比例上仲貴過食飯），咁第二次終於決定黎呢度食個下午茶啦入到去即刻點左個常餐同鮮奶燉蛋白先啦，必試既兩樣野，即刻講個鮮奶燉蛋白先啦飲左咁耐十字奶（當然都飲左好耐維記）老實講，呢個燉蛋白真係好滑，而且鮮奶味都好重、好濃，雖然價格已經外面貴，但十分值得一試而常餐方面，整體黎講都還可以，同外面既差唔多，但價格係比外面貴既，蛋方面既水多左少少，做到滑蛋既效果，但口感上都係差D，有興趣可以黎試下，但價格上面比較貴，食物無特別突出，可能食家黎之前需要調整一下心態。

位於西營盤高街，有一間以老字號十字奶為主題的冰室，大大個店鋪招牌用霓紅燈組成，搶眼之餘又充滿市井玩味，店內設計以黑白色加上十字奶經典紅色為主，還重現了幾乎絕跡的樽裝十字奶，利用美式工業風元素如天花板的露管線和鐵件燈，營造創意時尚感，十字冰室不單是復克回憶的食店，還是充滿個性的空間。Menu 是一般港式茶餐廳的常見的大路餐點，有常餐、三文治和小食等，其中炒滑蛋、麥皮、奶昔、軟雪糕、燉奶等均加入了十字牌牛奶。皇牌餐的黑松露炒滑蛋有淡淡的松露香，不會太膩。牛尾湯通粉的鮮茄湯夠濃稠夠入味，用肉粒非肉碎，用料誠意十足。芝士焗意粉啖啖都是creamy的奶油味和芝味，很邪惡但很愛。除了一般的四人座之外，冰室還添加了吧枱形式的單人座，供應電源給用筆記本的客人，把西式咖啡店的元素也巧妙地融入冰室裡，無論尋地道茶餐還是咖啡茶座的客人都一樣能照顧到。

讀書時候曾經的偶像係小雪，從她得知十字牌鮮奶。之前也聽過十字冰室，但一直沒有去過。這次去表姐屋企（在西營盤），順路去了十字冰室下午茶。店裡面人唔多，裝修幾有特色，OK舒服。店員都算友善，起碼唔會黑臉態度差。一眼就看到種草很久的「忌廉溝鮮奶」，雖然有D驚搞肚，最終還是勇敢一識！（難得嚟到吖嘛～）原來口感清爽，味道都唔錯。（就係鮮奶味同忌廉蘇打味加埋一齊囉～）另外仲點咗鮮奶紅豆冰、菠蘿油、奶油多士，埋單$80幾。價錢同廣州食下午茶差唔多。

打住十字奶嘅名應該可以做到間有質素嘅茶記，今日就特登過到嚟高街食下。夜晚7半左右到，可能附近都冇乜office所以一枱客都冇:-IAnyway,最後揀左常餐，50幾蚊，呢頭嚟講算平，光速就上到枱。豬骨湯意粉0豬骨味，甚至可以話係冇味！豬扒正常，都食得落。而炒蛋就熟得濟多士只有半塊，幾香脆同鬆軟，算係最好食！野飲叫左凍OT,玻璃杯上幾有誠意，茶味重。朋友叫左辛辣麵，嫌午餐肉淋哂，廚師腸有煎過都算係咁！

皇牌餐- 十字冰室蕃茄牛尾湯通粉配上黑松露炒蛋多士! 蕃茄湯尚算濃郁, 牛尾肉少口感太老太韌, 難以咬開, 炒蛋松露味濃, 但質感太水未做至厚實, 自己就不太喜歡, 還是較鍾情華星/澳牛的常餐!冰鎮奶茶- 十字冰室以十字牌牛奶玻璃樽盛載, 並以冰鎮方式鎖住茶味, 以免奶茶變淡變稀, 相比起普通凍奶茶, 茶味明顯較濃厚, 茶澀味突出, 甜度亦適中, 不錯!

小時候沒有太多的牛奶牌子選擇, 十字牌牛奶的香濃味道, 早早在兒時已深入腦海, 所以一直期待著到來十字冰室品嚐室內沒有喬裝得很懷舊的模樣, 簡簡單單的鋁通作餐牌, 幾張桌子,  其實簡單一點就已經很足夠了, 會專誠走來半山找小店的, 除了附近街坊, 相信不少就是為了找尋童年回憶的客人吧!點了輕量的陽光早餐及十字營養餐(很有小時候學校裡的餐目風味), 炒蛋幼滑, 不過火煺略咸, 不過醉翁之意只在奶 - 今次點了十字牌朱古力奶, 依然奶味濃, 也許朱古力味道不及新品牌的重, 但是回憶這個分數, 很難被打倒, 尤其是在往昔香港品牌講的都是質數, 良心製作, 不比現今的品牌, 都是以市場策略攻勢的人造懷舊, 愈裝作懷舊, 卻只有愈失真

見過好多人排隊，羊群心理，一見無隊就試下啦！（後來發現可能是附近教會完活動好多人來吃才現人龍）其實沒有飲開十字牌，所以沒有什麼特別心態，裝修都有心思，玩近來流行的懷舊風。最愛的all day breakfast，算豐富，都夠飽。蛋滑、多士脆，雞扒入味。不過感覺多肉，如果加多半個蕃茄，感覺清爽點，沒有那麼熱氣啦！招牌菠蘿包都不錯，想吃點甜的就可以試，自認細食的朋友就可以加野飲當一餐。當然同華x的不能相提並論啦～令人失望的冰震奶茶！一向喜歡泰X的冰震奶茶，所以見到有就叫了。誰知竟然唔凍！最低要求都做唔到。樽裝奶茶沒有驚喜，比較淡。完全不值$22。

琴日大約2,3點左右去左西環高街試左呢間十字冰室,可能因為過左食LUNCH既時間,所以唔洗等位就有得食。門口有個霓虹燈招牌,寫住十字冰室4個字,都幾有懷舊既味道。入到去發現裝修都幾時尚,靠牆有BAR檯,顏色以黑白紅為主,環境十分之唔錯!坐低睇一睇個餐牌,最後叫左個常餐跟凍奶茶試下。餐牌設計得幾有特色,而且清楚簡潔,一目了然常餐入面有豬骨湯意粉,另外跟一塊香煎豬扒,牛奶炒滑蛋同埋牛油方包整體賣相都十分之唔錯阿~一黎到首先就係試下佢個凍奶茶,唔知會唔會有十字牌鮮奶既味道呢?驚奇地,十字奶味我就唔係好試得出,相反佢個茶味幾濃幾香,甜度又岩岩好,又唔會太澀,味道相當唔錯跟住就到滑蛋同埋豬扒。佢個滑蛋炒得好嫩好滑,牛奶味又重又濃,加上D蛋汁,雖然唔係話超級好食,但都算係相當有水準。相比之下,牛油方包同煎豬扒就顯得比較普通喇。塊方包上面都幾多牛油,包既質感都幾軟熟,算係不過不失,另外塊豬扒都比較普通,雖然都係幾軟熟,但就煎得唔夠香口。最後係個意粉個豬骨湯底味道唔錯,幾CREAMY幾濃另外個意粉都唔錯,唔會太硬或者太淋唯獨是個份量偏少,如果大份番少少就PERFECT今次就試左個常餐,期待下次正式開業

不曉得是否因為「阿X來了」的人氣的關係，西營盤近年「突然」變得很熱鬧，突然多了不少食店進駐西營盤內，西營盤一下子變成了「美食區」。當然，都有一些食店因為各種原因，被迫離開西營盤，搬到其他地區營業，最典型例子就是著名的韓國菜餐廳「Seoulmxxe Cafe」。當日我來到西營盤時，「阿X來了」固然是好生意，連帶其他食店都一同受惠，在食店前排隊大量輪候的食客。就好像開設於西營盤較高位置，名副其實的「高街」，最近亦有食店選擇租下「高街」的舖位開門做生意，這食店店名叫做「十字冰室」。「高街」以前在我的眼中，「高街」最有代表性的建築物，就是在網絡上流傳傳聞至今，傳說中的「高街鬼屋」。不過我今次來到西營盤，沒有想過嘗試找以前「高街鬼屋」的位置，反而是為了試食「十字冰室」。以前我在其他食評，經常都會用上「試食」這字眼，去概括形容初次去食店享用美食的體驗。但其實那些一般的食店，大多已經開業很長時間，只有甚少食店會先以「試業」狀態運作，然後才正式開業運作。偏偏當時的「十字冰室」，就是以「試業」的狀態開門運作，店員在店門位置，貼上了一張告示，告訴來到「十字冰室」的食客，食店處於「試業」性質，每日營業時間暫

見到呢間餐廳用十字奶做主題，即刻就泥試一試！ 一直覺得樽裝既十字奶比盒裝既特別好味，更有風味！ 係西營盤B2 出口, 要行一條長長既大斜路大概五分鐘,就到高街到達既時候大概下午12:30 (星期六), 好彩咁岩唔洗等位, 一到就有位.但餐廳當時都坐滿95%. 首先第一時間就睇餐牌 同其他茶餐廳一樣，餐牌都係放係枱既玻璃下花多眼亂,樣樣都想試之後就叫左一個皇牌餐,火腿爆蛋菠蘿包,懷舊薯條配松露蛋黃醬皇牌餐 (方包+松露炒蛋+蕃茄牛尾通粉) ($58) +$6 十字牌牛奶牛油方包可選擇烘底,我地就簡左烘底 因為香d松露炒蛋份量好夠 ,睇得出嘗試用多d松露醬帶香個蛋, 蛋其實都做得好好,但如果做到流質多少少就perfect炒蛋放係方包上面一齊食 味道口感都好match, 亦更加突顯方包既厚身和質感由於炒蛋太多,而方包只有一塊, 所以有d炒蛋要分開食,如果有多一塊就更好 (7.5/10)蕃茹牛尾通粉 (7.5/10)第一淡個味道超正, 個湯做得好好 無味精通粉個質感都做得岩岩好,不太硬,不太軟牛尾味道就好好,但不夠林,要花少少時間去骨Overall 都唔錯,但份量對於一個常餐泥講就太少啦火腿爆

11點幾去到，門口已經排左十幾人～等左大概15-20分鐘就入得！地方吾算大！食完即走～揀左皇牌餐同豐富早餐～一黎黎左個火腿通😍火腿比平時食既厚！但食落有點酸酸地！感覺好似過左期定「縮」左甘～吾無單只我一個人覺得～連坐我格離個姐姐都覺得有點酸！吾食個火腿～單食佢個通粉都好好味佢地既通粉好薄身～好香牛奶味～叫左杯朱古力奶昔（無得加錢轉要單叫）都好香奶味同朱古力餐果杯野飲就叫左外埋咖啡～但吾知係咪用十字奶沖呢～口感好「傑」麻麻地炒蛋好滑～睇相就知啦⋯⋯到呢個牛尾通粉！吾係講少都幾多牛尾！真係一節節牛尾仲好入味～又好淋～連骨都啜落有味牛尾餐係跟黑蟲露炒蛋～都好多黑蟲露勁香多士係厚多士～好鬆軟～最終食吾曬多士同炒蛋外賣變蛋治

之前星期六黎諗住食，但望到人龍就卻步了今日平日都驚多人，12點鐘左右黎到就唔使等位，直接入得雖然小弟唔飲奶，但身邊朋友都一致話十字牌既奶好飲。今次十字牌開冰室，就一於黎試下一行6人，唔係嗌常餐就係皇牌餐，見餐廳其他顧客都係嗌依兩個餐為主嗌咩食之前都糾結左好耐常餐($49)定皇牌餐($53)好，常餐有吉列豬扒同豬骨湯，但又想食皇牌餐既蕃茄牛尾湯，最大原因係皇牌餐有黑松露炒蛋但常餐係普通炒蛋。既然咁難諗，就決定同朋友share一人一款餐，咁就滿足晒咁多個願望飲品本身想試特色飲品，但無得加錢轉，一定要額外散嗌，咁餐有飲品既情況下就+$5轉左十字牌朱古力奶，朋友就有嗌普通既十字奶同士多啤梨奶可惜唔記得轉多士，就得方包；皇牌餐既通粉可以轉意粉，常餐既意粉又可以轉通粉，啱晒我地依啲麻煩人嘢食方面，兩個湯底比較之下，我個人就鐘意牛奶豬骨湯多啲，好濃郁好好飲；反而香濃蕃茄湯就一啲都唔香濃，無乜味。但點方包黎講，點蕃茄湯又啱味過點豬骨湯，所以最後兩個湯底都所剩無幾。炒蛋方面，黑松露炒蛋就明顯係出色好多，黑松露味好夠最後仲嗌多左個西多士share如果下次自己一個黎，真係唔知嗌皇牌定常餐好，各有千秋，所以下

這是我第一個食評，因為實在太唔掂。20分鐘出常餐，只是一少口，奶茶超淡，炒滑蛋變炒水旦。$49+$2轉多士。Bye. Not See You. Very disappointeD meal. Not only me say so, but also the kid sits opposite to me with the same commend.Everyone has left over items on the dish. Saw this while waiting outside of the shop.