千両 (港威商場)

营业中

休息中

天氣好熱除左諗到食壽司涼下就諗唔到食其他野 咁岩行到海港城就try下刺身拼盆 夠厚多大塊好鮮甜珍寶帶子 左口魚 吞拿魚都好好食食得出係新鮮好似去左日本咁海鮮燉蛋 好大碗食唔哂😂好足料鵝肝壽司 煎得脆皮 入口即溶好食到要再點多個三文魚子 又係好食到停唔到

星期一大多是BLUE MONDAY 的感覺，而且因為疫症關係都好耐無得去日本旅行食好野，於是心掛掛想食日本野。專登係海港城約朋友兩點半等lunch time 過左先坐低慢慢食，因為平時係午市同晚市都大把長龍。今次一入鋪頭就可以就座，而佢既lunch set menu其實都成年幾無變過！但呢到既lunch 就相對性性價比！而我就叫左個刺身便當，而友人就揀乜都有既拼盤便當。野飲就係白桃果茶！送餐服務同時間有效率，而野食同飲品都係保持到應有水準！兩個人300蚊多就食到飽一飽！所以如果係閒日放假或者可以遲少少食晏既人都好岩黎呢到開餐！

前排喺海港城買完野，送咗好多coupon，於是就求其揀間餐廳去食，嗰陣咁啱想食壽司，就揀咗千兩。我哋兩個人食，嗌咗一個軍艦拼盤。上面每一件都好好食，魚係可以厚身啲嘅，但味道真係一流。如果硬係要揀一件最差嘅，可能係三文魚，其他都非常滿意。另外再嗌多左鵝肝壽司加海膽壽司，非常好食，非常抵食。最咪帶咗個綠茶卷蛋，加啲糯米糍做甜品。個卷蛋出乎我醫療，個餡係雪糕。整體來講非常滿意，坐得舒服，地方都幾闊。服務都唔錯，幾乎一舉手就有人嚟招呼。

老公男同事Z俾咗張呢喥聽日到期,惠顧$500.00減$200.00嘅優惠劵我哋,年近歲晚都要為過年做準備,咁我哋今日（6-2-2021 Sat）就嚟食啦.由於啱啱開門,所以冇乜人,就有卡位坐,睇完menu後,決定要:1. $35.00 嘅白桃燒酌梳打顏色好靚,味道唔太濃,唔錯.4. $22.00嘅串燒雞腎一串四件,兩大兩細,燒得脆卜卜同爽口,正常.3. $78.00嘅廣島蠔野菜味噌鍋有3隻廣島蠔,除咗野菜外,重有木薯粉,內裡嘅豆乾豆味好濃,好似海棉咁,索咗好多鹹淡適中嘅味噌湯,唔錯.而其他嘢都正常冇問題.2. $360.00嘅二人份千兩特盛壽司拼盤共有9款壽司同1款甜蛋.壽司中有3款係吞拿魚,相中左上角嗰兩款同右下角甜蛋隔離嘅吞拿魚都有筋,只係左上角粉紅色嗰隻冇咁多,可能係魚油比例較多啩.最上排中間嗰件應該係左口魚裙邊,煙韌同爽口,味道亦獨特.牡丹蝦大大隻;甜蛋唔太甜,而內裡仍juicy.其他都冇乜問題.5. $58.00嘅抹茶卷蛋抹茶卷蛋味道甘唔太甜,中間嘅唔係抹茶忌廉,而係好凍,類型雪葩嘅嘢;重有雲呢拿味雪糕糯米糍同其他嘅都正常冇問題.味道係4.8分服務:幾貼心嘅,卡位係高咗一級,

已有一段時間冇來，今次見佢燒和牛做優惠，忍吾住要試吓 🤣打開餐牌，見到d壽司同元氣差不多 😂， 所以決定今晚試其他野 ……鹽燒和牛～ 油脂分佈好平均， 燒到五六成熟，非常非常非常好味，入口時肉味同油甘香味充滿整個口腔 😋😋😋松葉蟹伴脆餅 ～ 蟹肉撈埋啲蟹膏再配埋三文魚籽🤤🤤🤤鰤魚鍋～ 青青嘅魚香味， 本身隻魚都唔係肥 ，但係入口又好滑 🤭麵豉蘿蔔煮牛舌份量足，清酒煮蜆及蕎麥麵一殷整體來講，餐飯食得好舒服，服務吾錯

今日想豪D又慳DD，用左六折優惠券去買壽司外賣。本來$280的壽司一人前，折左之後只是$168，有拖羅、中拖羅和海膽，一於試一下。壽司一人前$280（6折$168）這壽司便當算不上精美，但十分吸引。壽司有海膽、大拖羅、中拖羅、赤身、左口魚裙邊、帶子、三文魚籽、牡丹蝦等，選用較貴價的配料。海膽造型麻麻，而且紫菜已經腍了，但海膽色澤鮮明，味道不是極甜，但可算鮮甜，海膽味比較淡口，但完全沒有腥或苦澀味，可算不錯。大拖羅正呀！大拖羅入口即化，口腔充滿豐富的魚脂，油潤豐腴，魚肉肉質纖細又無筋，正！中拖羅沒有大拖羅的入口即化，但油脂適中，既有魚油脂香，又有魚味，而且口感滑溜，正！赤身的質素比預期的好。赤身口感柔軟，可能魚脂比較少，魚味是以上三款之中比較突出。牡丹蝦大大隻，蝦肉啖啖肉，口感爽彈又鮮美。而那三文魚籽十分新鮮，一放入口，鮮美的魚籽油在心中爆汁，味道咸鮮，唯一可惜的是紫菜比較腍身，不然的話，也十分不錯。三文魚的脂肪紋分佈平均，入口順滑，是正常水平。左口魚裙邊口感爽彈，而且充滿清爽的魚油，味道鮮甜，如果可以火炙，味道加倍鮮美。帶子大大件，完全是珍寶帶子！帶子又厚肉，味道鮮甜又鮮美，而且帶一點

今日喺呢頭做嘢，太耐冇嚟海港城，中午唔知食乜好，時間仲早，見到千両唔使排隊，於是入去食個lunch set。😬😬百鬆啲蚊喺尖沙咀，仲要海港城，性價比都算唔錯。👏🏻👏🏻Lunch set 有跟沙律菜，麵豉湯，及刺身丼飯。刺身都算幾新鮮，唯一係個飯份量少了一點。成個飯最大嘅驚喜係嗰兩隻蝦刺身， size非常大，味道非常甜，而且肉質非常結實。平心而論，食個日本丼飯，千両都算係一個唔錯嘅選擇👍🏻👍🏻

喺海港城食可以用現金券，食100-50，元氣壽司升級版平時都唔係好捨得食，依家用現金券真係平好多全單半價咁滯，叫多幾樣食到嘔都唔覺得肉赤，刺身壽司的確係新鮮，帶子肉厚嫩滑又鮮甜，軟殼蟹手卷炸得香脆配上紫菜牛油果食嘅口感豐富，最欣賞就係佢嘅千兩海鮮燉蛋，用日本蛋蒸到滑嘟嘟，內有大大隻鮮蝦加上其他海鮮同白果，真係好味到不得了，總括來講呢一餐用咗現金券十分之平靚正

近日千両推出外賣六折優惠，壽司午餐相當抵食！折扣後都是五六十左右，好抵食呀！穴子便當$69（折扣後）這便當都幾豐富，有穴子、炸蝦、可樂餅、沙律等。穴子大大條，魚肉具彈性又柔軟，帶有燒汁風味，甜甜地，好下飯。炸蝦仍然保持脆身口感，炸得夠乾身，唔太油膩，蝦肉鮮美。而可樂餅炸得比較稔身，主要是薯仔味，味道是ok的，再吃一口白飯，好飽足。火炙壽司便當$59（折扣後）這火炙壽司便當相當吸引！有加洲卷、火炙三文魚、火炙赤身、燒鰻魚和火炙甜蝦。火炙三文魚十分肥美，外層熟而內𥚃仍然是生的，令三文魚多一種焦香。赤身火炙後也十分吸引；甜蝦大大件，爽口又鮮甜，啖啖肉。燒鰻魚味道甜香，魚脂豐富了壽司飯的味道。加洲卷內有蟹柳、生菜和牛油果，很清新呀。

去海港城行街就喺附近搵嘢食，咁啱想食壽司，所以就去左千兩兩個人食所以唔係話叫得特別多千兩壽司拼盤$215(11件)質素唔錯，食材都好新鮮平均每件價錢抵過單叫榮螺壽司$22墨魚壽司$28百鳥貝 每件$28 鹽燒三文魚壽司$22大吞拿魚腩壽司$46三文魚腩刺身$56牛油清酒煮蜆$64整體來講質素唔錯，入職嘅時候已經差唔多9:00 ，但係都非常多人！

因為無聊出左嚟尖沙咀食野，以前在海港城食野等位要好耐，所以平時吾會出嚟食野，但依家相對冇甘多人，我哋去到等左大概15分鐘左右就有位喇，都算幾快，都係要量體溫先可以入去喇（疫症關係），但無損心情，人均消費$240左右，有加一，但野食都吾錯

今次嚟到呢間千兩就想試試佢哋嘅lunch set，Lunch set都幾多嘢揀，我就揀咗個刺身當食嘅食睇吓佢嘅刺身新唔新鮮。刺身嘅種類都算OK多，賣相亦都唔錯，望落都算有色彩，刺身都算係有新鮮嘅光澤， 將啲刺身撈埋啲飯食都算有口感，但係刺身好似有啲乾，啲飯都算係用靚米做都算有啲誠意。將啲刺身都埋佢哋提供嘅Wasabi食落都算係有少少日本嘅風味， 呢個價錢識落嘅質素都算唔錯佢嘅吞拿魚刺身算係咁多之中比較好嘅刺身。

太耐冇食過有質素嘅壽司，忍唔住見到公司附近有間千兩，就即刻衝左入去所有野都好新鮮，個一啖都覺得要細仔品嚐😋 不過睇過個menu 好似加左價？平時叫嘅海膽軍艦明明好似係$58，依家巳經係$68🤯，好貴啊🤭🤭

因為lunch time多人，我地又有6個人，所以就安排左坐，但當我地問唔要bar枱需要幾耐時間，個門口姐姐一下就彈過黎“有排呀，你地前面仲有好幾組人等緊(語氣重重地)”。我地費事嘈就坐左上bar枱。Lunch選擇非常少，我地揀左千両定食，特上便當同三色便當。野食都好食嘅，不過係啲曼魚飯啲飯又硬又乾，有啲飯焦咁。天婦羅佢地冇提供天婦羅汁，我地有兩個想要天婦羅汁，問佢攞嘅時候佢只係比左一少碗我地。有樣野我唔係好接受到係因為我地坐bar枱，所以見到裡面bar裡面同洗手盆嘅地方。見到有個員工放低左啲污糟碗筷之後，開一條細細細水柱，用蜻蜓點水嘅方式洗手指“頭”之後再去送餐下次都要諗下黎唔黎食了。

久違了的OPENRICE呀尋日開會經過尖沙咀見到最近千兩的熟食同小品幾吸引就試一試💛野菜味噌生蠔鍋😀味噌湯底濃郁 如果唔怕肥可以當味噌湯飲冬粉好足(本人覺得有冬粉的鍋物會加分)配搭其他野菜 菇 豆腐 成件事好夾到到最後的重點 生蠔!! 處理得好好唔會污穢 無腥味又唔會過熟👍🏻👍🏻值得一試蟹肉蟹籽蟹膏迷你壽司飯😀啖啖都有蟹肉蟹籽蟹膏伴住感覺好滿足 唯獨個杯太細要花啲技巧😛😛千兩一定有一兩間係屋企附近可以一試💛