千両 (港威商場)

营业中

休息中

兩個女生在尖沙咀想不到吃什麼，於是我提議去千兩。我們去了海港城分店，不用等位便可以入座，大概是晚上六時吧，我們點了一份二人壽司套餐，總共有20件壽司，都是我們想吃的魚生，上菜時間大概15分鐘吧。好好味！

這兒的午餐性價比不錯，合共有八款，價錢由$82-$138。今天試百両定食$82這個定食都幾抵食，有五件壽司、兩隻炸蝦，仲有烏冬。炸蝦炸得十分香脆，而且幾乾身，冇乜油膩嘅感覺，味道鮮美。三文魚壽司十分肥美；而赤身壽司的味道亦幾ok;白身魚味道比較淡口；蟹籽壽司拌以沙律醬又幾滋味；加洲卷口感爽脆；這樣的壽司組合都幾多元化。食完壽司再食下烏冬。烏冬口感滑溜，而且都有口感，加上清清地嘅木魚湯底，都幾啱夏天食。即磨咖啡$8見到即磨咖啡只是加$8真係好抵飲，一定要試吓。即磨咖啡後味道甘醇，加埋香滑嘅忌廉奶，整體都幾唔錯。

今日中午同一班同事去到圓方，周圍食嘢都好多人，咁岩千両唔駛等好耐，就入咗去食，剛剛換咗新餐牌，感覺高級到好多，但價錢冇乜加到，比連鎖式嘅壽司店，質素同價錢都好合理

-•ᴥ• 8/10 •ᴥ•👫晚餐時間經過沒有太多人必walkin去吃👫💕 日本海膽壽司是期待以上 💕⚠️ 但記得是日本那個 普通海膽不推薦⚠️😋 海膽控必試 😋🐟 喜歡入口即溶的呑拿魚 🐟😋我喜歡油脂滿滿的 但男友就普普通通😋.在迴轉帶拿下來的 不知道是什麼😋 但意外的好味 😋#ғᴏᴏᴅɪᴇ.#香港 #尖沙咀 #尖沙咀美食 #相機食先 #海港城 #刺身 #呑拿魚 #100分 #海膽控 #海膽壽司 #日本料理 #美食 #Foodie #Japanesefood #Eatallday

去到星期日都諗唔到食咩，都必定會嚟呢度，因為呢度真係好有水準！今日又來試吓啦水準有冇唔同到先！首先見咗個中拖羅，再叫一個辣蒜蓉煮蠔！然後都係其他常叫壽司，首先中拖羅，一貫作風勁新鮮！而個辣蒜蓉煮蠔都幾好食，不過味道可以再濃啲！

開頭我諗其實佢同元氣有咩分別，原來都幾大分別！食物真係特別新鮮！不過就要提一提大家，係呢到食拖攞，最好就食中拖 ！俾起大拖 更好食更底食！服務態度都好好 ，尼間等位又無咁耐！可以位置比較偏僻！無其他分店排咁耐!坐位都坐得幾舒服！唯一問題係，冇獨立廁所要行去商場！不過都唔成問！重有尼到既沙津都比想像中好食😘真係估吾到 沙津上面重有一隻溫泉蛋，沙津菜吾苦！食得出吾係雪咗好耐！沙津汁吾多吾少岩啱好！决定以後都keep住黎食!

星期日既夜晚6點鍾。。。本身想食cheesecake factory。。。點知要等個半鍾先有位所以轉移陣地上左樓上一層既千両，一去到就有卡位比我地5個。。。6點3出座，8點前要還台，係香港呢個租金咁貴既地方。。。 比1個鍾9個字大家食飯。。。。其實都好合理食得千両就知佢唔係平價壽司， 所以對佢嘅質素係有期待， 壽司水準幾好， 上面d魚生吾會切到好薄，大部分既魚生都對得起佢幾價錢有好多平時元氣你食吾到既壽司。。。 例如安康魚肝， 拖羅都有分極上，大細拖羅。。。。食物既水準係中上既， 不錯

實在很久沒到「千兩」吃過東西了，這天合該有緣，來到海港城，找不著想去的餐廳，來到「千兩」附近，兩夫妻已經肚餓，便改變原來計劃，在「千兩」吃個午餐。兩夫妻不約而同，都點了午市餐牌中最貴的一款「特上便當」（$138）做午餐。 這午餐可真是幾豐富的，除了不過不失的「麵豉湯」和「日式沙律」外，定食盒內還有「刺身三點」、「燒鯖魚」、「千兩特製厚燒甜蛋」、「炸物」、「炸蝦卷」、「鰻魚飯」和「蕨餅」。當中的「千兩特製厚燒甜蛋」的確不錯，濕潤嫩滑和有蛋汁，「刺身三點」有兩片三文魚和一片吞拿魚，都是厚切，而且十分新鮮，極之大隻的甜蝦更是粘糯鮮甜。「炸物」有天婦羅炸蝦和粟米各一，兩者都過得去，切成兩半的炸蕃薯餅就夠飽肚。至於「燒鯖魚」、「鰻魚飯」、「炸蝦卷」和「蕨餅」就正正常常的，不特別好，可也不差。 這頓千兩午膳，還不錯！

呢一日突然間好想食壽司，就諗起呢間連鎖壽司店，於是約咗兩個朋友一齊去千兩度食～我哋每人都叫咗個10件嘅sushi set，夠晒包羅萬有唔使煩，點知食落質素非常普通，佢嘅價錢又唔係特別平，所以都幾失望🤔另外在叫咗海膽軍艦，我最鍾意就係食海膽，呢個就真係幾好食，早知全部都叫晒海膽唔要嗰個10件裝啦🤧🤧

朋友話今日晏晝好想食千両，去到都好多人排隊！等左差不多20分鐘！終於入去啦！我地2個都係叫左一樣既set定食！前菜有龍蝦湯同湯沙律！之後來定食！一個定食有魚生，炸物同曼魚飯！一份定食量對我來講岩岩好！都可以食到好飽好滿足！價錢盛惠$138都幾貴！但好味。

千両間唔中都會去食啲壽司質量比較好魚生較新鮮性價比高既日本餐廳之一海港城依間成日要排隊好彩早去完全唔洗等位👍🏻我每次黎到都食鰻魚天婦羅卷$58😂炸既壽司其他地方唔覺有令我諗起美國食既fuji roll依度可以食返個類似既懷念下芝士年糕$45 又係必食~大舊又炸得夠脆仲有流心芝士真心覺得千両做得夠好 又唔會好油咁上枱加州卷$28 係媽媽鍾意食既好大舊卷👍🏻👍🏻燒三文魚$22 燒得好香~帶子$28 亦夠晒大粒反而和牛$46 少少失望, 牛味無乜下次唔叫和牛壽司lu

有時想不起食咩，自自然然就會去千両🤤簡簡單單食返幾件壽司好滿足😍.🥢日本特大帶子壽司 $22特大既帶子食落得別彈牙，質感厚厚的，原味已經富有鮮味啦！🥢特大赤海蝦壽司 $28最愛個蝦既爽脆，夠大隻同新鮮，又比牡丹蝦既價錢平一截😁🥢特選大吞拿魚腩壽司 $56魚身透光好完整的一片，雖然覺得薄左少少，但脂肪既魚香依然係好香，同埋唔係每次去都有齊咁多款拖羅架，難得❣️🥢大吞拿魚腩壽司 $46雖然價錢比特選既低，但我較喜愛呢個啊！望到較厚肉，油脂含量飽滿，有入口即溶既感覺😍🤤🥢三文魚腩壽司 $22/兩件愛三文魚腩位因為咬口較好，油脂更豐腴🤤

由細就鍾意食魚生，記得5-6年前，偶然去食千兩，俾巨型帶子嚇到，真係好味又鮮甜.同日本壽司可以媲美一路以來都支持千兩，我覺得板x同元x壽司真係好一般，完全沒有壽司的鮮同精緻，千兩的壽司雖然價錢略貴小小，但絕對物有所值.如果你不想去太高端餐廳，又想食到有質素的壽司，千兩絕對係不二選擇.食左咁多次千兩，出來未試過lunch set，今日就試下佢，兩個人分別叫左一個魚生飯128元同壽司拼盤.魚生飯，份量足，有兩隻大蝦很新鮮，肉質很彈呀.米飯醋味岩岩好，仲有配送味增湯.lunch set 有九件壽司108元本以為大食嘅我會食唔飽，結果食完好滿足. 配上蝦頭先味增湯，仲有沙律可以解膩.

約左做寫字樓既朋友食飯，佢話呢間千両長年都排晒隊，好難會食到，咁放假既我就排定啦～12:30黎到都係7-8個人等緊，要等7張枱左右，12:50左右就有得入，朋友又岩岩好黎到！叫左個鰻魚壽司飯同特上便當個鰻魚壽司飯個幾塊鰻魚較普通，口感味道都唔太出色，帶偏硬！但鰻魚飯重點係鰻魚丫嘛😂 舊玉子燒ok既，滑！特上便當都係貴$10，個樣抵食啲又豐富🤣有鰻魚飯，燒鯖魚，刺身，炸蝦壽司，天婦羅同炸薯餅！仲有甜品，相比之下正好多，吞拿魚刺身無根，幾好🤣蝦刺身正啲，三文魚就留返俾朋友食。燒魚都幾香，唔會差！薯餅應該撈左啲肉碎，格外有香味！炸蝦壽司就普通野啦！午餐包埋麵豉湯&生菜沙拉🥗綠茶任斟！食到飽飽！總結特上便當🍱好啲.多啲花款食都開心啲！係海港城食舊幾水一個午餐就走唔甩架喇～味道不過不失啦！但午餐款式多數有魚生，選擇唔多！想唔食魚生就剩得揀鰻魚飯～

作為一個哈日族，無無得返鄉下嘅時候就梗係要係香港搵性價比高嘅日本嘢黎安撫下個胃啦。而係香港黎講，千兩就一定係我嘅首選！可能有人話講平價不如去食元氣啦，但論魚生既新鮮度、menu嘅多元化、服務同環境等等…我自己就寧願去千兩食嚕！個人都比較偏愛海港城分店，可能因為個到食物選擇較多，所以我去過幾次都唔洗等位。同元氣唔同層次嘅炸蝦卷：價錢上其實大家都差不多，但新鮮炸起嘅炸蝦卷真係外脆內軟，咬落寧捨鬆化。炸軟殼蟹：啖啖肉嘅炸軟殼蟹，食落唔會覺得油膩，相反炸得香脆嘅外皮包住蟹肉，蟹身嘅蟹膏就好似食緊炸咸蛋嘅食物咁，真係估唔到咁細隻蟹仔都可以咁有口感。江戶前甜蛋：依個真係超抵食，$14就有好件嘅甜蛋，曾經有次有幸望住師傅即叫即製，原來真係好考功夫架！佢嘅味道調校得好出色，唔會過份死甜，依然食到濃厚嘅蛋味。講咗咁多熟食類，其實佢嘅壽司都好出色架！包括每次都必叫嘅三文魚腩、榮螺、腐皮、帆立貝等..兩個人已經食到做咗佢地嘅會員嚕！佢地會員生日有折，可以儲分當錢咁扣，同埋去到附近嘅千兩門市仲可以搖距攞飛，都幾方便架！成日見IFC都好多人等位，搵日真係想try try睇下中環店嘅水準係咪會更加好食先！