千之壽 (已結業)

先講野食,壽司大又唔夠教育路另外果幾間大,well,反正又未至於難食;不過叫左個照燒牛仔骨,嘩,真係咸到生腎結石,又韌,都真係幾唔掂下.由於太咸關係,要不斷飲水,但叫極都唔加水,都算數喇,出街食飯都係為開心食餐唧,我都只係耐心等待...食食下野,有個金髮紮辮的女侍應叫我轉檯,奇怪係又唔係因為要遷就其他客人(因為果陣已經係九點幾,仲有吉檯淨),我示意仲有幾啖就食完所以唔希望轉檯,不久後果位姐姐仔一聲不晌將張單掉晌我檯面,若非女友在旁,我早就出聲鬧佢喇,好,我又忍埋哩次;俾左錢,佢仲要拎番我張廿蚊俾我,話太殘唔收,我真係佛都有火,係咪分明玩野先?我女友做銀行既,都話銀行一定會收果張紙幣先前幾位寫食評的仁兄講得岩,食野唔止味道,服務都好重要,遇到d咁既伙計,真係食左都背脊骨落>

服務差- 叫送都快，有加茶，又唔會見你食完碟野即刻走隻碟，喂！你仲想要乜野服務呀！差得過去酒樓食野，個部長經理樓面，要搵人果時就個個就裝聾扮啞！地方細- 一眼見晒啦，嫌泊咪唔好入去囉！唔係坐低見覺呀化？野唔好食- 我諗睇下門口條人龍咪知囉！雖則每人口味唔同！不過就返頭客好多，我指我呀！壽司我都未係果度食過，冇法，個刺生太吸引啦！大件夾低食，雖則都試過食正舊多根吞拿，不過都無損佢\\\ge低食程度！必食推介，什錦刺生拼盤！

之前聽人講大件夾抵食,所以我同男友就去千之壽試下啦,等左45分鐘終於有位坐,入到裡面又迫又唔夠冷氣.都算啦,d野食又唔算抵,一般價錢!而且d甜蝦刺身仲有雪味!d飯又易散!d服務員收碟就快,加水就慢!!!no good ar

因為聽人講呢間野好大件好飽...所以今日約左女友去試下,一入到去覺得地方好細好ｕｐ　ｄｕｐ．．跟住個伙計叫我地坐左張兩人台，係門口個位．當然我見到裡面有四人位又好坐小小．．跟住佢即刻同我講，話係俾四個人坐的．．我啞晒第一次有咁既服務態度．．本來想走．．但又想試下好無食．．．跟住叫左壽司．．係就係好大件．．．但好難食．．你地諗下壽司一定係要細件．．岩岩可以擺晒入口先食到個味到．我見壽司咁難食．．咁咪；試下叫個和風牛柳．．４８蚊得幾件．．又硬又難食．．（順便提一提．．大家如要吃牛柳．．去味千吃１８蚊的鐡板牛肉粒又多又好味）跟住叫多個螺肉．．太大件好難入口．．賣單都要１６０完．．我平時去元氣．．又好食又新鮮都係咁上下錢．．去唔去大家自己諗啦．．我就唔會再去．．掉錢落海不如去元氣．．．元朗間元氣ｄ三文魚好新鮮大家可以試下好食過旺角果間／．．壽司大件一定唔夠細件好食...食壽司一定要, 細件放入口先美味.... 螺肉又唔好食....最記得叫左個和風牛柳...得幾件..又硬幾乎要用手先扯得開....服務態度超劣....要轉位一定要睇面口..元朗食壽司最好係元朗廣埸間元氣...好新鮮..比出面既更新

話說有次我與朋友一行十人到此食店，時間尚早，只是6點左右，店內冇咩人，得幾枱客，雖然我們人未到齊，但出面又冇人等，但那超無禮的服務員以趕客般的口吻說不可以入內，仍要堅持人到齊先得，又說不可臨時加位、達八成人到了又唔可以入。卒之人齊了，仍要我們在外等等等，等佢加好水先喎。差不多等了5分鐘，可以入去了，場內唯一一張夠十個人坐的"他他米"，都唔係俾哂我地十個人，又要人跟水杯坐，空出其中一個角出黎。好了，坐了下來又問我地可唔可以遞張墊俾佢，點知佢伸手一扯，將張墊撞到我個friend的小朋友頭上，真的離哂譜，對唔住都痛人一聲。小朋友的爸爸火起了，我們雖己坐下，但仍決心離開，可想該店的人態度如何差劣。說實話，人人說元朗的日本料理好抵食，好大件，但食到一肚火，點食呀!今時今日平時選擇的其中因素，更重要的是服務!呢間，連同同區幾間的日本食店，其實水準與服務也差不多，如果一心入元朗食佢地的食物，我想也不必了!

星期六個日,妹妹終於過來我家玩一晚,我之前同她講過話係Yuen Long食日本菜好平好大件,所以她就拿了camer來拍照.因為經過上次經驗,所以今次我們就9點幾先去,但去到都仲係好多人,但等了不是很耐.我們都終於入去喇,妹妹十分之期望吾知係有幾大件呢? 喲食物終於都到了,她開心到呀,因為真係好大件,好在我們3個人吾係叫得好多.

係星期五我同男朋友去食~食左劍魚~刺生~炸&蝦壽司芒果蟹籽沙律但係好難食個沙律出水都幾多~~~~係大碗但唔好食~個壽司~好似個味道=有d問題~咁~個劍魚係最差的佢上個時大細不一~有d切到大過1cm,有d就細過0.5cm~~仲要魚入面有冰~~咬唔到~~所以叫佢左切過先好番d~~價錢都ok~但係品質就好差~我估我唔會再去啦~

尋晚細路去我們屋企打機,我們打到8點幾就去食日本菜.因為我同傻豬豬成日都去食,覺得好大件同好抵,想細路食下有幾大件,可能尋晚係星期日喇,等了好耐都仲末有位.結果9點幾先有,我們個時已經好肚餓.一入好快就叫食物,我們叫了三文魚壽司x3,鰻魚壽司x2,蟹子沙拉,鹽燒三文魚頭,炸蝦反卷,吞拿魚壽司x1,吞拿魚沙拉壽司x1,北寄貝壽司x1.嗶!喲食物一上細路見到當然呆了,因為佢話喲鰻魚壽司喲鰻魚係成條上,仲有喲吞拿魚沙拉壽司喲吞拿魚好像好多,多到就來潟出來,我們吾洗15分鐘已經好飽,結果我們最終都要拿走,因為仲有好多.至於味道都吾錯,如果以價錢來講算叫做好好.不過坐位就真係吾太舒適.

今日同朋友到元朗食日本野，於是乎去左呢間度等位，因為之前朋友都講過話唔錯，我地一行五人，等左半個鐘多都未有位，不過可以接受，因為真係人多，而間野地方又唔大，等得耐係正常。之不過，終於等到我地既時候，我剛剛有朋友行開左去附近，要兩分鐘先行到番黎，但佢竟然問完我地要等幾耐之後，即刻叫左兩pair兩位入去，即刻有少少慶﹗都算喇，之後佢再問我地齊人未，我朋友已經就快到，我地話好快就到，點知佢話已經等左兩分鐘喇，我真係無名火起，呢d咩野侍應呀，咁樣既服務態度都可以重有得撈既，佢唔講個句我都無咁火滾，佢真係以為全元朗得佢地一間日本料理咁，唔駛諗咁多，即時走人，以後都唔髮旨意我會去幫趁，大佬，今時今日食野，除左sale野食之外，服務都非常緊要，如果唔係食左都背脊骨落﹗

話說唸住今日一行5人去千之壽食野,其中2個朋友要遲少少先到, 咁去到要等位(都預0左), 等0左成差唔多45 mins,唸住入去的時候, 佢問我係咪所有人都係度,咁我就話而家有2個朋友係前面個街口黎緊, 等多幾份鐘(其實佢唔俾我０地入住去先, 都算啦),但係個waitress 竟然用0的好不禮貌的語氣話" 咁即係未黎啦,下位啦" 隨手即刻bang 埋對門, 當時真係嬲到爆，好似問佢攞飯食咁.答都唔想答,呢0的咁既服務態度真係低劣過低劣(我去過咁多地方食野都未試過咁，都唸唔到可以再用０的咩形容詞可以講得再差０的), 我唸佢0地都係覺得生意多得滯, 趕0的客走，之後我當然走０左去冇食啦．我唸呢間咁既野都係做唔長, ０的野幾好食都好啦，服務態度咁差，精明的客人一定會識選擇．千之壽　＝　日本壽司店之恥

咸咸咸! 所有野都咸!原來諗住去金田食日本野,點知佢星期二休息, 算啦, 去呢間食, 都見佢多人食, 應該好味既~~我入到去, 個位好窄, 不過總好過冇得坐. 我同朋友叫左三文魚壽司x 2黃金油魚x 1炸軟殼蟹x 1鹽燒三文魚頭x 1蟹籽沙津x 1劍魚壽司x 1第一樣野黎就係蟹籽沙津, 嘩, 超巨型, 一定就知食唔晒個隻... 痴線. 我心諗食完都唔使食其他啦. 曬野!!之後有劍魚壽司, 麻麻地, d飯唔得, 好大舊, 又散. 不過未食之前都未有碟俾我地裝豉油, 要叫到先有. 搞錯! 最搞笑就係, d豉油根本就係平時阿媽煮送d豉油!好咸! 都唔係平時去日本餐廳個d黎. cheap到死!!!之後出三文魚/ 黃金油魚壽司, d三文魚..冇乜口感, 只係大舊就算, d黃金油魚咸都死. 根本食唔到落口!!!之後黎左炸軟殼蟹, 黎蟹又唔黎天富羅汁, 我要叫佢先俾. 唔係呀化... 點食呀. d 蟹完全唔掂. 都唔知食左d乜野咁.最後鹽燒三文魚頭, 唔使講, 條魚頭麻麻.咁既食物同服務質素咁多人食? 真係令人費解. 冇下次! 價錢又貴, 明將仲好過佢...

去呢間野千萬唔好食壽司..食兩舊就飽啦~唔抵一定要食刺身...我bf第一次黎..佢第一次見d刺身長到可以當麵咁食...食完刺身已經幾飽...食多個蟹子沙律(食唔晒), 小食...已經超飽...d刺身都幾新鮮...不過壽司就唔建議食,d飯可能出唔切,食落都仲係暖~唯一唔好就係坐得太迫...

我和一家人第二次幫襯該店，到達該店時已有很多食客在門外等位，等左一陣，排在我們之前的食客已全部進入該店，只剩餘我一家人，但係一等，就等了約半小時，加埋天氣悶熱及門外噴出來油煙味，真係有點不耐煩。 終於輪到我們入內進食，該店員問我們坐不坐需(脫鞋)座位，因為說裡面之食客會吃很耐，當時我都想話不要，但不想大家再等，於是ok la!!一看見座位安排，真係極之不滿意，一張長枱，頭尾給其他食客佔據，我們四個人，有兩人需繞過他們背後，才可以坐下來，極之不方便及影響其他食客，坐了約兩分鐘，後面有四個位枱執拾緊，我們問店員可否轉枱，她答覆不可以，因店外有很多食客在輪侯。之後有兩位食客入座在我們的左面，他們坐了一陣，看見有兩座位枱，他們立即轉枱，店員亦沒有阻止，是否很不公平!!!很激氣!!! 到食物方面，真惡劣，壽司飯太濕、形狀肉酸。生帶子不新鮮。蟹子沙律中的青瓜連皮太硬。牛仔骨太咸。唯一三文魚算ok，總括來說，如果該店未有改善的話，我們都不會光顧!!!!

住了元朗快2年,已試了不少日本料理店,大致水平不錯,部份比市區更好!最近發現此店門口經常有人排隊,想必有水準,於是放心一試!!叫了一客三文魚壽司,咖哩飯,蟹子沙津!三文魚還算新鮮,但飯糰濕濕的,比超市賣的更難吃!!咖哩牛肉飯,只有淡淡咖哩味,不咸不甜,飯的質感又是濕濕的,天呀!!真失望!!再來一客蟹子沙律,很大碗,蟹子很多,這絕對是元朗特色,夾了蟹子來吃,很"聲"呀!!再看這碗東西應叫沙律醬浸青瓜絲,酸到吃不下,而且青瓜皮粗糙得過份,吞不下要吐出來,跟友人快快離開,不想留在這傷心地!!!

雖然d野食真係好大件，d刺身都好新鮮。但係d服務態度真係好差。我地叫個waiter\"唔該埋單\"叫左幾次都冇人應，咁咪叫\"阿姐，唔該埋單\"<br />到佢\找錢時，睥住我話:\"下次唔好叫阿姐呀，叫小姐呀，有禮貌d\"，嘩，激到我爆火，不過唔想0係0個度同佢\嘈。唔會再幫襯!