千房 (已結業)

朋友想食大阪燒，決定去千房試下😋係openrice search 既時候，發現原來可以透過openrice book位，又可以賺里數😂 我緊係搶住book位!一去到就有位，menu 好清晰寫左邊個大阪燒有邊款餡👍🏻👍🏻咁貪玩既我地緊係食DIY即係自己燒個個豚肉燒😍有guideline 話比我地聽點燒，亦都不時有好好既員工行過黎幫下我地🤣🤣話說我係日本燒既時候，因為言語不通，最後9成都係師傅燒。但反而係香港我可以自己燒9成。自己燒既特別好食，我地仲食左牛肉同埋炒麵👍🏻👍🏻重點黎喇重點係openrice book位有coupon有8折😱埋單既時候發現實在太抵👍🏻👍🏻一定有下次，下次同老公去試下😍

黎到旺角TOP商場見到呢間餐廳有大阪燒 !! 同埋7點仲早無乜人排隊就入去試試😛見到個menu都有唔同既大阪燒選擇，我同朋友就揀左「特盛海鮮大阪燒」、「豚平燒」同「蒜香炒雜菌」Menu最後一頁非常細心😍佢寫晒每樣食物有乜嘢材料以防食用這會敏感。另外亦有一張卡係教你點樣自己做大阪燒😋店員都好細心會走過嚟同我地解釋😛首先嚟咗一兜粉漿同一兜海鮮，首先要炒半熟啲海鮮跟住就撈勻粉漿。然後就放一半粉漿落去！然後再倒埋剩餘嘅粉漿。然後等六個4分鐘每面煎三次 哈哈 同朋友等到好肚餓。最後自己加燒汁、沙律醬、柴魚、紫菜粉，就食得啦！好好食😍（well只能說我煎得幾好咁💃🏻）豚平燒係蛋包住豚肉，外面有燒汁同沙律醬，都幾開胃 熱辣辣幾好味😛最後呢個菇 侍應一嚟到就將成碟野放落個燒板度，我同朋友都呆左問佢有冇擺錯😂然後侍應話無擺錯🤣食落口好有蒜香味 又唔會太咸，放係燒板上面仲可以keep warm😜環境都唔錯 餐廳都幾大 坐位亦都好闊落下 坐得幾舒服👍🏿食左一個鐘左右埋完單出去都發覺好多人等緊位 ! 下次再食都係要揀早啲嘅時候食咁就唔使等位😝

收工同朋友去旺角700號到搵野食，因為有好多新餐廳都系新開，睇下有咩岩食試下先。行到4樓見到有間日本大板燒，仲可以DIY，價錢適中，入去試試拉。餐廳環境吾錯，可能因為我地去到個陣先6點幾，人吾多，但就算多人坐位都好闊寬呀，吾錯睇睇餐牌先⋯⋯下面系大板燒的list原來可以DIY只有豚肉同埋特盛海鮮兩款我同朋友最後揀左特盛海鮮試下，但吾自己DIY了，因為自問廚藝吾好同埋怕會散，因見隔離台自己DIY散哂呀，都系叫師傅整埋，哈中意自己動手的朋友可以自己DIY呀我地仲叫左個小食，芝味豚平燒芝士控不能不試呀這個！！看相⋯樣子吾錯，蛋皮入面包住滿滿的豚肉，仲有溶左的芝士！好好食呀！請各位一定要叫這款食，芝士味好夠，豚肉又多，正。可惜$55只得4件，如果6件就夠哂滿足無幾耐主菜登場拉，大板燒師傅燒果然吾同，整塊完完整整上台！好令好吸引。每張台旁邊都會有配料自己再加上，中意多汁既朋友可以自由加呀，因為最怕大板燒吾夠汁，好干嫁嘛嗯⋯呢個主菜大板燒吾夠剛剛小食豚平燒驚喜，比較普通，椰菜同麵粉溝埋燒出來都好扎實，但都吾會好似食麵粉甘，海鮮材料吾夠多，其實剛剛見隔離叫左個應該是炒面的款式，更大更吸引。下次可以試

蛋包麵唔好當普通野梗係唔係買走個種蛋老面鞋唔juicy 個d la呢個麵爽滑又彈牙 ，唔會一pat pat係有靈魂既醬汁同炒法👍🏻蒜香烤蝦蒜香香濃惹味唔會太咸 唔會遮左鮮甜味肉質彈牙不過如果可以再鮮甜d就超正😆😆個鐵板牛肋肉太好味好快食晒唔記得左影...🤦🏻‍♀️🤦🏻‍♀️🤦🏻‍♀️煎得好香又juicy 薄薄的 入口肉味濃郁 混埋點脂肪帶出來的油連我咁易飽都食完一舊再食一舊😂絕對是大阪的味道同感覺☺️☺️辛苦師傅們4星速度去完成全場爆滿既單同時不失水準(不過食得清淡既可能會覺得過咸,不過呢個的確係大阪既味道)如果可以多款炒雜菜就可以冇咁漏，可以食多點了，哈哈多謝老公為左令我冇得飛都有返家鄉既感覺花費心思去揾我食得而又好有家鄉風味既美食😘

日式定食都有大阪燒，但打正招牌大阪燒專門店嘅，相信會好食啲掛😬於是就試下啦😅睇到menu真係款款都想試下😆但見到隔離枱。。。份量都唔細👍兩個人都係叫一個試下好啦😜唔好做大嘥鬼嘛😂睇完圖片就可以畫紙仔，寫低自己鍾意食乜嘅~唔止大板燒😬仲有其他小食可以選擇， 價錢都相當實惠呀👍每張枱都有個鐵板如果想自己燒都有曬step，跟住做就得啦😊唔喜歡自己燒嘅，就用個鐵板來加熱食物，保溫 。都諗得好周到噃~芝味廣島燒， 侍應會將送嚟嘅食物放喺鐵板上，雖然我哋唔係自己燒，但係揸住個鏟仔慢慢切，有幾有風味喎😍自己在灑上木魚絲，唧埋啲沙律醬，切開慢慢食，好似特別好味咁噃😬面頭係蛋漿，切開裏面係炒麵，豚肉，仲有牛根魔芋😋😋😋最喜歡牛根魔芋，口感qq呀，咬落好得意，好似食啫喱咁~平時食嘅餃子係一隻一隻，今次佢整嘅餃子係用兩塊皮夾住啲饀，然後外面煎得脆脆，又幾特別喎👍厚切牛舌，佢將啲牛舌切到長方形咁，一口一啖，咬落牛味濃！拌埋啲牙菜一齊食，爽口之餘又有牛香，味道唔錯~店內大部分都係後生仔女，雖然我唔算係好後生嗰個😜但係講到食。。。我都算追得上潮流㗎🤣所以有新嘢，梗係要嚟試下啦🤗

其實大阪燒嘅意思是把自己喜歡的東西拿來烤😜但吾知點解會咁好食噃😋旺角就開左間千房，主打大阪燒👍有多款口味，餡料都相當豐富，而且非常飽肚😬定價方面也沒有特別貴，某部分菜式比起另一專門店還要便宜👍座位寬敞餐具別緻大阪燒份量可不少，一個人想獨食也有點難度。😬每張枱都設有鐵板，煮好的食物都會放在上面保溫。芝味廣島燒，自己再加上木魚絲，沙律醬，饀料有豚肉，牛筋魔芋，炒麵，賣相跟味道都咁正😋最特別的是牛筋魔芋，煙煙韌韌，口感好特別😍芝士控的我，order左芝士烤蘆筍菠菜，望到厚厚嘅芝士面，口水都流晒😜蘆筍青綠嫩口😍日本店的餃子都是三角形，不過知道香港人喜歡香脆口感，所以就用兩塊餃子皮包，令脆邊效果更明顯。裡面嘅肉，好嫩滑，肉汁鮮味😋仲有好多小食未試，下次再嚟過食至得😬

話說lunch突然很想吃大阪燒於是去左之前食過嘅 “千房”之前食過覺得不錯但無得自己DIY總係覺得爭啲估唔到無黎一排，已經有lunch menu 仲有兩款大阪燒可以自己DIY添於是我地揀左其中一款玩下。。。。。。。。。。。。。。。。特盛海鮮大阪燒 (魷魚🦑，帶子，小蝦🦐，八爪魚🐙)▸自己DIY所以好緊張，不過店員好好，解釋得好清楚，又不時走黎睇下要不要幫忙😊 海鮮份量都ok，可能因為自己燒嘅關係，覺得特別好食，厚薄同醬汁又可以自己調節😊。。。。。。。。。。。。。。。。泡菜蔥花雞蛋燒(豚肉，嫩牛筋，雞蛋，蔥，泡菜)▸賣相真係好靚，因為面頭有半熟蛋，見到啲蛋漿流落黎真係好治癒，裡面嘅嫩牛筋好正，滿滿嘅骨膠原，整體味道不錯，唯獨泡菜咸左少少😊

一直想試大阪燒，但幾次去日本都無機會食到，以為無望之際，聽到同事話旺角有間新開，就立刻打電話book位！餐廳位於ＴＯＰ內，交通方便，我們也特地在商場逛逛才醫肚！入到餐廳，已經坐左好多人，看到周圍都食緊，就更加急不及待點菜。先來鐵板魷魚鬚～送來的魷魚鬚已經經廚師炒好，侍應把魷魚鬚送到我們面前已預熱的鐵板上，香味隨之走進鼻上！魷魚鬚除了香口外，肉質亦軟硬適中，微微加上檸檬汁在魷魚鬚上，味道更覺香甜可口，絕對是得推介的前菜！然後再來蛋包麵！同樣地，侍應熟練地把手上的蛋包麵放進鐵板上，還細心地替我們加上沙律醬！吃落很有日式的味道，大大份，兩個人食剛剛好！最後當然唔少得自製大阪燒！侍應送來魷魚海鮮和蛋蔥等大阪燒醬材料我們先攬拌蛋蔥，然後再把魷魚煎至半熟！再把大阪燒醬放在鐵板煎，然後再放海鮮和餘外的燒醬，再來來回回地煎數次即成！看看製成品～也不錯呀！哈哈過程簡單得意，煮得開心！配上合適的醬汁，啖啖魷魚大阪燒，口感不錯呢～總括而言，今晚餐飯食得開心，玩得開心，加上環境坐得舒服，值得推介給大家！

一入到呢間鋪就感受到濃濃嘅日本味，差啲以為自己去咗日本，感覺好地道咁，服務員會用日文同你講歡迎光臨咁，仲會好似日本人咁有禮貌～好好呢帶你去坐之後，唔明仲可以問佢係乜嚟，就好似見到有個材料叫牛筋魔芋，以為是一種芋頭之類的名，原來是真係含有牛成份的加工食材～真係唔問唔知呢咁我就叫咗個豚平燒啦廣島風仲有個鐵板餃子，仲有豚肉大阪燒～先嚟咗個豚平燒，一嚟到就覺得好好食感，點知不乎所料，真係好好好食嘅，有啲似食奄列咁，而且入面啲料都好豐富。之後到廣島風，呢個係咩都有啲咁，有麵底仲有菜呀同肉合集嘅大阪燒，好好味呀！！仲後食埋個最特別嘅鐵板餃子，呢個真係無可能唔食嘅食物，又甜又脆，簡直係無敵小食👍🏻👍🏻店員仲幫我地個豚肉大阪燒畫花～任我喜好多少的柴魚絲！真係好正丫！

本來同老公食得好開心食物算好味，份量足夠價錢好合理加水都好快可惜，過程中侍應調轉左我同隔離枱既炒面食個陣兩張枱都無為意，隔離枱講先知發現原來個炒面有泡菜，老公唔食得spicy food不過見食左少少就算無叫人換過賣單個陣個收銀好快手換左張單我問數目岩嗎？好似貴左咁既佢話岩，我傾緊電話無詳細睇之後睇返張單先知原來佢靜靜雞改左張單，要我比返佢上錯既炒面既差額點解要食客承擔員工做錯野既成本既？仲要我老公都食唔到～其實要我比多$10唔緊要，講聲就得不動聲色地改單個人覺得咁既行為好唔老實本來同老公講一定要再黎有左今次唔愉快既經驗無下次了！

大阪成日要排隊先有得食嘅千房大阪燒嚟左香港。所以去食返餐先，因為知道佢地大阪燒都係即叫即做，每份餐要起碼二十分鐘先整好，所以一坐低就落order要左個招牌菜-千房燒($108)，有蝦、豬肉丶牛肉同埋帶子，等左二十分鐘左右就已經上枱，成份放喺枱上面已經恒温預熱嘅鐵板上面，侍應表演高空加上沙律醬，另外有灑啲綠茶粉上去，我就自己再加埋鏗魚薄片，成件事變得又好睇又好食。跟著又叫左個甜品，有三球雪榚，加埋啲cream嚟食真係正吖。

早幾日上網見到新開餐廳-千房嘅報導介紹 ，決定同女朋友去試，星期日下午一點打去book晚上七點兩位，搞掂左餐牌整得幾靚有一排位係可以望住師傅既手藝兩人坐四人位，闊落特盛海鮮大板燒入面嘅海鮮有魷魚，帶子及蝦，咬落口感好豐富。另外餐桌上有沙律醬，及木魚等調味料可以自行再落燒魷魚鬚份量唔算太多，但味道可以燒牛舌口感有啲硬，感覺平時食串燒牛舌會好味啲燒雞翼不過不失燒雞腎依個真心推介，配上秘製醬汁好好食蒜蓉牛油燒野菌 呢個女朋友好鍾意食，啖啖蒜蓉香味初時上菜有啲慢，後期一次過嚟，好驚個鐵板燒到啲野食太熟請留意，千房既餸菜基本上師傅係一早燒好哂，唔需要自己另外煮熟，個鐵板嘅作用係畀你溫住啲嘢食兩個人食到飽哂都係416蚊，依個價錢要係香港食鐵板燒，邊到搵丫？真心抵食！

放假就緊係要同朋友見下面～今次朋友帶我去左間新餐廳，說是想食日本料理咁話～呢到食的大部份都是鐵板燒的東西呢～不過是師父燒好了，再送到桌子上的鐵板熱住（微熱）來比客人食～呢個方式係日本都好常見呢～不會整到有好大陣的煙味，不錯👍🏻！來到這裡見到個豚平燒！見到好似幾好食又未食過就叫了來試試！又不錯wo~是一層薄薄的蛋包住好多豚肉片～表面有些醬汁～份量作為小食很不錯～蛋唔會太熟～所以口感都好滑～之後叫了個廣島燒！廣島燒是有麵在入面的～！配蛋、豚肉、魷魚同蝦～超級多的柴魚絲yummy~另外好欣賞呢家店可以試客人自己加醬汁/柴魚絲等等～好好呢～因每人的喜好都唔同～就好似我就超愛柴魚絲～最後～呢個是必必必必食啦香脆鐵板餃子呢個真係超讚！因外皮係超級脆！唔洗再點旁邊的那個醬汁都已經好夠味了，入面d肉都好好食～又有肉汁！超like!

呢日同朋友去旺角開飯食大阪燒，平時出開旺角都無為意翻新左個商場有咁多野睇同食店。搭地鐵直出就到好方便，入到去我哋立即order一份海鮮大阪燒&京蔥大阪燒&醬汁日式炒麵！海鮮大阪燒材料好豐富，有八爪魚、帶子、魷魚及椰菜，店員先燒好再移到鐵板上，唔使自己郁手，等一下就有得食，再搽相當多的燒汁、紫菜粉、沙律醬同木魚碎，賣相吸引，味道亦不錯！京蔥大阪燒，別有一番風味喔！蔥佈滿晒個大阪面，而蔥味好特別，好香口，令到食大阪燒唔覺得漏，大阪燒既醬汁真係一絕也，喜愛重口味既一定要自己動手落多d，味道十足既大阪燒，自己動手鐘意加幾多木魚都得，倒滿木魚佈滿整個面頭，咁先係真正大阪燒既風味。呢個口感滿很特別的，值得一試！炒麵入味，最緊要落埋d醬汁同菁苔更令香氣四溢，令人食指大動！仲點左個小食腸仔泥燒，香口小食配飲品，坐下食下好好feel！食大阪燒個爐一直熱住食物保持溫度，一定要order凍飲，一邊食一邊凍飲真係好爽!!老實講佢啲價錢真係唔算貴，食左咁多都係人均一百蚊左右，真心覺得幾抵！食完個身無咩油煙味，坐得都幾闊絡舒適，同朋友飯聚又多個好選擇！

朋友去親大阪日日都要食大阪燒，而家香港續漸開出同類型餐廳，所以佢心癮起想食時都拉我陪佢過下口癮揀千房除咗係日本出名好味，其次就係唔使自己落手落腳整，放工肚餓再自己落手整大阪燒真係等到餓暈都未開到餐，而且香港有得預約比日本排最少半小時方便好多，放工搭地鐵B出口一出就到。旺角貿易署翻新後都未行過，食完野再行下幫助消化醬燒日本式炒麵（$68）炒好上枱，份量二人夠晒，汁燒炒得入味，麵條好有咬口。枱面上面有上醬汁、蛋黃醬、鰹魚碎同海苔粉，可以按個人喜好再加什錦廣島燒（$88）材料豐富，燒得好有層次，都係燒好上枱，入面既菜同炒麵真係好好食，壓得好實在。最後唔少得梗係要加醬，係精華所在，店面問我地使唔使幫手撈埋醬，我地就梗係話好，唔識自己拿捏落幾多份量先為之剛好，有埋貼心服務就梗係樂意之極呢度抽煙系統幾好，食完無一身油煙味，店員服務態度都好有禮貌，會主動幫忙加水，以出咗名既餐廳嚟講價錢不貴，味道亦接近日本水準