千房 (已結業)

呢間野真係全香港我去過ge餐廳服務態度左垃圾ge一間？到底d員工明唔明booking係咩意思？我book 8點,你同我講等耐過5分鐘可能會讓檯俾其他人.咁我早左到,坐低埋,然後有人冇位你要我讓位？好,我重新等過,我等到8點10先有位？說好的5分鐘？你自己都hold左超過10分鐘啦既然係咁我book位做乜？然後又係同一個店員,我好好地地睇餐牌 你就搶我餐牌同我介紹呢樣個樣 佢講完 我放翻低餐牌 仲要同我講：係咪唔要呀？你唔要俾翻我 我要服務質素垃圾到不得了以後都唔會黎 反正咁大間餐廳做少單生意都唔拘啦

兩個人中午walk-in 前往，成個場好靜，最多只係三、四枱，但員工至少有十個，企哂出嚟揚聲說話而非工作，站在客人立場上認為非常滋擾。期間一男一女上前，女似係經理，喺未問過客人嘅情況下失驚無神拎電話出嚟影，話要「幫」我地影食物相，但事後並無發回相片，令人感覺佢哋只係想自己「幫」自己影。而且非常失望嘅一點係，本來抱著可以享受吓「DIY大阪燒」嘅樂趣，入座時亦有再三提醒店員，結果所有食物都係煮好哂上，座位前嘅鐵板只係用嚟熱住啲食物。如是者我忍唔住手即刻上OpenRice 望吓千房（旺角）依間餐廳嘅食評，見到都有唔少正評，再望吓中評同負評，先發現我都感同身受。抱歉並無影到食物相，因為當時已經無哂心情，只想快手食完離開。我哋點咗三樣嘢，和牛、大阪燒同廣島燒，食物質素上認為絕對有好多更好嘅選擇。依間餐廳，無下次。

同幾位朋友行開商場見到呢間野好似幾好食咁而且我又想食日本菜喎 咁就去試吓啦 個午市定食 芝士煙肉烏冬淡淡嘅芝士香 令到個烏冬冇咁濟 今餐有味噌湯 同小菜醬油炒麵 將由炒麵啲味好出好濃嘅醬油香味 甜甜地幾好食 海鮮大板燒 呢個係DIY自己整 自己落手落腳炒 幾好玩 整完之後仲可以自己加啲燒汁沙律醬紫菜碎木魚 味道唔錯雞腎鐵板燒 超好味 加咗少少檸檬汁更加正幾爽口芝味烤蘆筍波菜 芝士味好重 番茄汁煮埋蘆筍同菠菜連埋芝士 比例啱啱好唔會太過火

我同朋友都係見到網上推介先過黎朝聖，分別嗌左一個廣島燒同大阪燒，即叫即整係唔錯既，但味道就...個底有少少燶咁.......整體黎講算ok啦，但我寧願去日本食。

前一晚突然好想食大阪燒，今日就搵到呢一間，上網睇介紹話幾好，咁就去試下啦。入到去，d員工比人感覺係好hea。落單落左三樣，一個大阪燒（蔥個隻），一份醬油炒麵，一份牛舌。等左好耐，牛舌上先，圖入面係6片，上到黎得10粒，算，我當佢兩粒一塊，都少左塊啦！跟住黎炒麵，好野，勁細份，以為正常，因為個個時間冇乜客冇對比，幾片椰菜咁，豚肉得一片半：0）？餵雞架？圖係未食話架，只係攤開左先影。上埋大阪燒，一般，同日本比差好遠，同埋豚肉都幾咸下，都係得兩塊。冇影到，因為心情已經唔好。後尾隔離黎左一枱，佢地都有叫炒麵。我同朋友見到真係呆 左，係我地既1.5-2倍。即刻搵店員，比相佢睇，佢話幫我地問問，叫左經理黎，佢問咩事，比相佢睇仲話得兩塊肉係正常，sor，其中一塊係得半塊咁大把，餸頭餸尾咁。之後先講話比多份新既炒麵同兩個雪糕，都已經勁失望，仲洗乜食呀，食完淨返既野起身去埋單先拎杯溶溶地既雪糕過黎，笑死人咩，完全想像唔到佢係日本過江龍。。後尾個經理話係執碼執錯左，咁點？廚師炒過咁多份唔發現？成個份量成個賣相都同另一枱差咁多（去賣單見到仲有另一枱差唔多係我個份double），係咪因為我地咁早到阻住你地he

《千房》聞說是大阪道頓堀的著名大阪燒，現於旺角T.O.P. 開了分店，今日特別約朋友到此朝聖。由於是午膳時間，有午市套餐供應。我們叫了豚肉燒and和風牛肉炒烏冬。首先送上小食：冬菇絲。味道不錯。很重香菇味，而且好淋。套餐沒有飲品但是有味增湯。味道都可以。䐁肉燒材料很豐富，除了有䐁肉片外，還有很多蔬菜在裏面。而且蛋味很香。麵粉亦不會很糊口。大阪上面鋪滿滿滿的特別醬汁，沙律醬及木魚絲。味道很有層次。口感十分豐富。很好味😋！每張枱上有一支沙律汁，大阪燒醬汁，和一盒木魚絲。覺得味道不夠的朋友可以自行加一點🤗。和風牛肉炒烏冬烏冬應該是讚岐烏冬吧。 彈牙好味👍。牛肉分量亦算多。味道剛好，不會太鹹！食完飽飽我哋就喺呢間商場行下街買下野。見到呢度有好多特別嘅鋪頭有唔同種類的商品。 優優閑閑又一日！

豚肉燒Pork Oknomiyaki(HK$68 lunch set with soup)Ranking: 3/5 ⭐普普通通，唔算大油煙味。不過最好係佢會幫你煮埋😂（本人唔多中意DIY）。中意食大阪燒嘅可以一試，因為香港根本無咩呢類御好燒專門店😔Average, but the good thing the place doesn't smell greasy. The best thing (for me) is you do not need to DIY, the staff would cook it for you. If you like okonomiyaki, do go try it, there aren't many okonomiyaki specialist places in Hong Kong 😔

有個吸引啲有圖、一版兩個菜既既menu，但我都係實際啲俾個文字版大家睇 😂地方好坐呀！紅日夜晚大約等左15分鐘入座。我地叫既所有野都係即食，但佢都會幫手撥落去個鐵板度。呢個餃子。。。好粉😂 反轉仲見到佢有白色粉末。味道好，但入面有啲肥，唔太岩我健康人生😂雜菌好好味！好香牛油味。但比例上較多冬菇，食客可多加留意。薯角又係牛油，fat！蛋包麵都唔錯。包得好實，唔會散晒。味道就都係標準大阪味，冇乜驚喜。千房燒入面好多海鮮，有蝦有帶子，分來食時有機會唔平均，我地都係再拆啲餸大家share。牛舌。。。好韌。冇入口即溶感覺，有排咬。。。芽菜就幾好食😂蒜香炒飯正！我地仲加埋薯角食淨果啲蒜落去自製超級蒜香炒飯😂

今日嚟度前身係工業貿易署大樓改建而成既新商場 T.O.P This is Our Place ; 雖然商場唔係話好大，但係食肆都算幾多，有柞木炭家、紅葉茶屋、山下菓子、千房、牛布拉日式牛肉麵、緣蝦壹麵等等，而且下層重有美食廣場添，真係花多眼亂。最後就去咗日本超人氣大阪燒「千房」食午餐，入去時發現地板好多油，坐係張櫈度重可以滑來滑去，衛生情況欠佳 ; 叫咗兩個大阪燒，分別係千房燒、關西風同小食芝味豚平燒，餐牌只得兩款大阪燒可以自己 DIY 有點失望。三款食物都係廚房整好就送嚟，感覺張枱既鐵板要嚟都無作用，最多都係開熱個鐵板等啲嘢無咁快凍。芝味豚平燒 ($55) : 玉子口感滑溜，味道亦不錯，而且豚肉份量都合理，可以一試。千房燒 ($108) : 未食睇落就已經覺得好實好粉，一如所料食落真係成口都係麵粉，除左食到原隻蝦同少量豚肉外，其他食材 (牛肉，帶子) 都好似無出現過，味道一般。關西風 ($78) : 呢款口感層次較為豐富，有蒽、豚肉、魷魚、牛筋魔芋、風乾小蝦，可能用上大量蒽制作，所以麵粉感覺無咁重，不過味道都係一般。

之前成日聽人講千房喺日本好正所以香港開咗就好想試下naaa一坐底 經理姐姐就狂hard sell叫我哋叫牛食話鐵板燒要等好耐ga 起碼叫左3次叫我哋食牛😂不過一心尼試鐵板燒既我地都無試到反而叫咗2款大板燒同一個豚平燒不過一上枱 師父已經整好晒 所以面前既鐵板只系用尼保溫。。。😅首先系蛋捲上鐵板先但放咗落去好似都咁凍既原來。。。佢地爐都無同我地開。。。系就咁放啲油系個凍冰冰既鐵板上。。。之後再睇都唔睇放啲蛋系啲凍既油上面🤢之後2款大板燒到了自己加左醬汁同配料之後樣子都不錯不過左邊既千房燒實物同meau既系有一段既距離之後味道上都幾失望 雖然都食到系有海鮮餡料係入邊但係感覺真係太多麵粉 食幾啖就好飽同埋成個大阪燒都太結實 太熟既感覺當然系到諗 會否系自己個鐵板太熱呢但由於鐵板都系啱啱開 所以應該唔關事😅😅地方方面 無論枱面同地下都好油好明顯冇乜點清潔🧹 就咁抹下就算我晏晝去食冇乜人 但係佢都要迫晒全部人黐埋一齊坐之後我一食完 9秒9就衝過尼收晒我啲碟感覺好似趕你快啲走。。。到埋單嘅時候 仲要話今日淨係收現金🙂咁大間食肆 系有特定一啲日子淨收現金？🙂真系一次就夠 不會再幫襯了

琴日12點幾同fd想試下DIY大阪燒，點知入到去先知得兩款可以DIY，失望 （d嘢食麻麻哋，女經理服務態度極差）下文有女經理d相 ，lunch時間都冇人食生意差第一次去試，就先order一個大阪燒，試下睇好唔好食，跟住再order其他主食點知果個女經理係咁行埋黎話，你哋三個人食一個唔夠食，（我哋肯定知一個大阪燒唔夠三個人食la）要另外再order兩個定食，我哋話要試下睇好唔好食，先再order其他嘢食。佢轉頭又行過來話，如果你哋唔order其他嘢食，我可以幫你哋order三杯嘢飲佢起碼有過黎四次同我哋講要我哋order其他嘢食搞到冇曬心情食lunch

昨天與家人嚟旺角行街，經過附近有間寫著食大板燒的商場，大家都贊成試吓。地方好企理、乾淨、舒服。坐低四處望吓，個厨房係開放式，可以清楚睇到D食材和厨師係點煑出美味的食物。我們點咗海鮮拼盤，有蝦、帶子、鮮魚、魷魚……伴以南瓜放在盤上再放鐵板上， 熱辣辣、香噴噴，真好味再嚟芝味烤蘆筍菠菜，這個菜好特別好似食素，但係加咗芝士香濃撲鼻。蛋包麵好香味，將D蛋撥開，裏面又粗又滑麵條慢慢夾出來，真係好熱好有口感 yummy yummy蒜香牛油煎薯角更有特色，薯角外鬆內軟，香口味濃，配合牛油蒜，絕對合味。

旺角T.O.P.一直係後生潮人地，今日和朋友行街係四樓食個lunch。鐵板牛肋肉 $78鐵板上，中間係白飯，旁邊有芽菜，甘筍絲，菠菜，洋蔥，主角牛肋肉，日式蒜蓉汁。配菜預先淋左汁，好好味。牛肋肉牛味超濃，最岩我地中意食牛肉的人，配埋個蒜蓉汁，送飯一流！配味噌湯和冬菇絲，個湯中規中矩，冬菇絲好香好軟好好味。豚肉燒 $68生配料上，自己燒。唔使驚唔會做，因為有教程放定係檯面，傻瓜式跟住做就ok。將配料撈渾，倒落鐵板煎，得閑翻下，將豚肉放旁邊一起煎熟，做好後放醋醬，沙律醬同木魚絲，大功告成！做好後效果超專業！自己做，食得令舍開心！如果唔想自己動手，可以坐吧檯睇住師傅做，一樣有得睇有得食！

話說見到DIY大阪燒，本身好興奮諗住去玩下試下自己整，唔估到一入黎就受悔氣，入座無5分鐘個經理已經催咗幾次落單未，心諗黎食餐飯姐洗唔洗催命咁？之後無奈下落咗個diy大阪燒先，再繼續睇下menu，個經理喺落單果陣已經用好不屑嘅語氣話一個大阪燒三個人唔夠食，我地都解釋咗係落住先，仲睇緊個menu，畢竟係第一次黎，都唔知咩好食，之後個經理仲一直強調三個人要叫三樣嘢，唔係佢開個爐俾我地diy會蝕。我地會落，但唔係一坐低即刻就落單好無？全個場咁大得兩檯客又唔係忙？又唔見有客喺出邊等緊位？洗乜咁樣催？個經理仲威脅我地如果無叫三樣嘢就格硬幫我地order幾杯嘢飲，落完個diy大阪燒之後仲聽到個經理好大聲咁嘲笑我地話三個女仔叫得一個大阪燒，真係第一次見咁無理嘅人都做到經理，真心為呢間舖嘅營業深感擔憂呵呵，最後我地都係無心情食呢餐飯，叫多咗個lunch set就算。呢間餐廳應該算係全香港最差服務態度嘅餐廳？第一次食嘢食到成肚氣，從來唔寫食評嘅我第一次寫食評，真係令我印象深刻嘅餐廳，永遠嘅blacklist，不會再幫襯。（其他侍應服務態度好好，係個女人經理連做人嘅基本質素都無）

嗰日咁啱考完試想約同學嚟旺角食嘢慶祝下開心啲。係ig度見到推介呢間店，睇到d嘢好似好好味咁，有人評論又話好好食。咁我哋最終決定就黎呢間食。果日我哋去到大概係兩點鍾左右，入到去几靜下，得兩三台嘅客人，之後我哋坐低咗，個經理同我哋講只有兩款diy大阪燒，咁我哋就點咗豚肉個款喇，之後個經理就過黎同我哋講，三個人開爐要點三樣嘢。咁我哋就捻住點住一樣嘢先，睇下好好食，再慢慢決定點邊樣好。個八婆經理就大大聲同我哋講，你宜家唔可以點咩？我哋可能要好耐先有噶窩？？我心捻，點啊？？我哋又唔趕時間，你呢間客人又少得可憐，又夾硬話如果我哋唔點嘅話，就幫我哋一人加支飲品。丟佢系咪憨9,我哋坐低都冇幾分鐘，係咁催我哋。兼格個經理鬧我哋話大陸妹可能唔知呢d規矩，話呢度係香港。佢真係態度極惡劣咯，都唔知點做得經理出嚟嘅，勁冇禮貌。最後仲要個侍應勸佢唔好咁。我哋食咩都係我哋嘅自由，間店又冇寫明話要點要點規定咯～最後搞得我哋都冇咩心情再點嘢食了，唯有點了個烏冬。兩點幾個間店d人全走曬，得翻我哋。怪唔之得冇人幫襯，d嘢最好食又有咩用姐，經理個態度咁差！btw，除咗個經理之外，個d侍應都好好。總之唔想再黎第二次了。