千房 (已結業)

難得這間在大阪都聞名已久的千房在香港設店，當然要專誠來一嘗究竟。鐵板魷魚鬚：魷魚份量都多，彈牙非常，惹味十足芝味豚平燒：豚平燒是一道雞蛋包裹著豬肉的料理，豬肉的鮮味，加上半熟蛋的口感，配上大阪燒汁的濃郁味道，令到這道簡單料理變得不再簡單。特盛海鮮大阪燒：這個大阪燒是我們專誠而來的，因為是可以選擇自行燒製。首先將粉漿作順時針攪拌，第二將海鮮炒至半熟，再者將攪拌好的粉漿的一半倒入燒熱的鐵板上，之後將半熟的海鮮鋪滿在鐵板上的粉漿上，跟住再將餘下的粉漿倒在鋪滿海鮮的表面上之後每面各煎3次，每次4分鐘，最後在燒好的大阪燒上在其表面添加上適量的大阪燒醬，沙律醬，木魚碎，紫菜粉等。這樣就能做到一份美味可口的海鮮大阪燒。千房燒：可以叫做雜錦大阪燒，有好多不同材料，包括大蝦，帶子，豚肉，牛肉，魷魚等，大蝦鮮味彈牙，帶子份量多，而大阪燒口感較自家製來得紮實，但內裡仍都是嫩滑，而醬汁濃郁香甜。

前幾日同男朋友講起好想食鐵餅燒 咁我地就搵下有邊間好食 一search就搵到旺角呢間千房喇～入面位置好闊落 都好舒服 睇睇menu 有好多款大阪燒可以揀 豚肉海鮮素雞肉等等先叫左個鐵板魷魚鬚 $48魷魚份量都多，好彈牙好惹味呀！芝味豚平燒 $55男朋友好想試呢個～豚平燒係一雞蛋包住豬肉咁燒 豬肉味勁出！好濃！試完前菜 就黎到重點！大阪燒！我地打試一個DIY 一個就比師傅整 DIY我地揀左特盛海鮮大阪燒 $88：這個大阪燒是我們專誠而來的，因為是可以選擇自行燒製。首先將粉漿作順時針攪拌，第二將海鮮炒至半熟，再者將攪拌好的粉漿的一半倒入燒熱的鐵板上，之後將半熟的海鮮鋪滿在鐵板上的粉漿上，跟住再將餘下的粉漿倒在鋪滿海鮮的表面上之後每面各煎3次，每次4分鐘，最後在燒好的大阪燒上在其表面添加上適量的大阪燒醬，沙律醬，木魚碎，紫菜粉等。這樣就能做到一份美味可口的海鮮大阪燒。呢個千房燒 $108 就交比師傅 ( 喂靚咁多既！厚身好多！）可以叫做雜錦大阪燒，有好多不同材料，包括大蝦，帶子，豚肉，牛肉，魷魚等，大蝦鮮味彈牙，帶子份量多，而大阪燒口感較自家製來得紮實，但內裡仍都是嫩滑，而醬汁濃郁香甜

今日去行旺角新商場T.O.P。依度有間大阪燒DIY，有多種大阪燒口味可以選擇我哋揀咗海鮮大阪燒，豚平燒，蛋包餐炒麵特盛海鮮大阪燒店員會先預熱枱上的鐵板，然後我地跟步驟去做～👩🏻‍🍳👨🏻‍🍳先拌好粉漿，放部分椰菜粉漿煎一下，再放海鮮，有魷魚，蝦，帶子，八爪魚。。翻面3-4次，每次4分鐘。。抬上有大阪燒醬，沙律醬，木魚碎和紫菜粉無限添加DIY 大阪燒大成功，我地覺得好好食，自己整係好食d豚平燒半熟蛋包入豚肉片，有d似玉子燒，煎得好香口！蛋包炒麵厚蛋包了日式炒麵，麵的口感煙韌，味道帶點微辣，好食而且份量都幾多👍🏻👍🏻👍🏻放工後有得行街，又有得食有得玩，好開心

昨天同老公到旺角行街街，行到晚餐時間，老公記起之前朋友推介~千房大板燒 那就去試試，千房的食物全都是熱辣辣鐵板燒，食物款式很多，我們就叫了海鮮拼盤，拼盤不只賣相吸引，味道也非常頂瓜瓜，跟住還點了 蔬菜大板燒，蛋包麵蔬菜大板燒非常特别，蔬菜健康，而蛋包麵也好好味，麵質非常煙韌，還有芝味烤蘆筍波菜，蒜香牛油煎薯角，芝味烤蘆筍菠菜，廚師把握得很好烤焗時間，蔬菜青青綠綠，蒜香牛油煎薯角雖然普通，但千房烹調也特別美味，最後還有三色雪糕，雪糕香滑，份量十足，另千房的地方環境非常整潔，職員也很有禮貌，令我們都滿足得很。

一向都很喜歡吃大版燒，這些大版燒餅吃起來鬆軟又多汁，最重要是照燒汁跟沙律醬調得好。在TOP4樓的轉角位，有些隱蔽日本很有名的千房開到來香港，當然要去試試。看看餐牌原來還可以自制大版燒，超好玩！點了一個泡菜玉子燒，原來有些特色燒餅沒有自製的呢！可惜啊～不過這個燒餅性價比滿高的，有豚肉，泡菜，牛筋，加一塊煎蛋也不過$78！厚度也是十足的。上面的煎蛋半流心，燶邊，一切下去蛋漿流出，超吸晴！照燒醬跟沙律醬，木魚都沒有吝嗇，下得很多，而且還是任添的，桌前就放著這三款讓你自由任加。不過蒽花的份量超多，如果不喜歡蒽建議點其他款式。另外又點了一份鐵板餃子，外皮焦脆滿有特色的，不過肉就有點少，外皮也比想像厚了點，小食不及大版燒出色喔。店員禮貌滿不錯，也算勤快，可能是因爲日本餐廳，對服務大多有些要求吧！

嗰日聽朋友講千房大阪燒喺旺角開分店，嗰晚經過旺角就去試下。 店內佈置雅潔乾淨 好有日本 feel 。侍應好殷勤招待，坐低叫咗呢幾款 食物。 食物包括海鮮 拼盤， 芝士烤 蘆筍 菠菜，蒜香牛 油 煎 薯角 ，特盛蔬菜大阪燒， 蛋包麵 。海鮮拼 盤 有帶子，魷魚 ，海蝦 等 等。 魷魚 就非常有咬口， 海蝦同 帶子非常新鮮嫩滑， 蘆筍芝士入口即溶，蔬菜大阪燒加埋啲 沙律 醬 就 相得益彰呀。 鹹淡適中非常好 吃 我口。 嗰個蒜香牛油 煎薯角 ，加埋啲豚肉 ，薯角混和牛油 煮得 非常好吃。我差不多 成碟食晒。 蛋包麵呢喺個大鐵板上面一路加熱 ，加埋啲醬汁非常好吃 。 最後食埋 甜品 雪糕 。

對老虎黎講,食物既味道先係最重要,唔洗太多花臣。我深吸(都幾大啖下)同老虎乸講,唔洗指意我地DIY,食已經整好既已經足夠。啊,老虎乸今次又順灘無咩投訴。$88牛舌,對老虎黎講係好食既,本身個牛舌已經有調味,但係叫一個就真係唔夠ZIP牙縫$108千房燒﹑$78激辛特製醬汁日式炒麵。兩者都無咩特別,無咩想講,激辛特製醬汁都唔係好激辛埋單老虎乸竟然拋左句,一般般就走左去睇衫千房整體評分 5.0 /10 味道不過不失,唔覺得係特別好食,叫左三樣野一個可樂埋單$318推介: N/A(五分滿)老虎回頭率：🐯

一直都想自己整大阪燒，今日終於有機會喇！旺角T.O.P.商場新開無幾耐，但係客人如潮。今日約埋朋友去玩餐飽！首先點左兩款小食—雜菌、牛舌。炒雜菌好香口。上桌前已經煮好，不過食之前兜一兜熱更美味。用大量蒜頭爆香，加少少鹽已經好入味。至於另一款小食—牛舌，放上微微冒煙嘅烤盤，厚切嘅牛舌輕輕一烤就熟了。7成熟剛剛好，烤太耐會易燶啊！處理完牛舌，烤盤會剩餘少許牛肉嘅汁水，用黎煎洋蔥、蛋、芽菜等配料最好不過。輪到主菜大阪燒，揀左芝士豚平燒，只係$55，性價比高，又平又好味。廚師用一層薄薄嘅蛋包住豚肉，夾雜住厚厚嘅芝士，夾起會有拉絲嘅效果，好邪惡。雖然話就話係自己燒，但大部分款式都係預先煮好，啱晒我呢個懶人，唔雖要好識控制火喉，想玩下過下癮又可以放上pan燒一燒，好玩又好味。

人氣大阪燒 自己動手DIY燒出個人化和風口味大阪燒 有得食有得玩 【千房】‼️‼️一心淨係想食個大阪燒，中意可以自己燒，吾同人吾同手勢，可以隨時打造出一個屬於自己嘅大阪燒，真係好正！餐廳位於旺角新開嘅T.O.P商場，一出地鐵站就到，所以好容易搵到佢。日式嘅裝飾，座位闊又大，坐得舒服😌晚市都幾多人架，都要等咗一陣先有位～豚玉燒其實可以選擇師父燒或自己燒，呢個就選擇咗DIY自己燒，餐廳好貼心咁有曬清楚嘅教學教你點燒架喇，所以其實都好容易😆豚玉薄切好快熟，燒耐少少會變脆，好香口！想個豚玉燒香口啲，可以每邊都燒耐少少，咁就會惹味好多，燒完之後就可以自己隨意落，大阪燒醬、沙律醬、海苔碎同鰹魚碎都可以任你落，熱辣辣咁即刻食真係好吸引好滿足🤗.香蔥雞蛋大阪燒呢個就由師父燒，賣相係會靚好多齊整好多！愛蔥者必試，因為超級多蔥，勁香口😵😵時間控制得啱啱好，所以外脆內軟，仲有好濃郁嘅蛋香味，正！芝士豚平燒係用蛋包住豬肉嘅一種日式料理，雖然介紹係寫住半熟，但端上嘅時候，其實已經全熟😂加入咗半溶嘅芝士，有拉絲嘅效果，認真吸引！蛋好軟林好滑，有種入口即溶嘅感覺，豬肉份量都夠多。

如果要喺香港食正宗大阪燒,講真如果要一流嘅味道,首先就要承擔番一定嘅代價...就係付出金錢XDD想要食到好味嘅而價格又相宜,真係要嚟呢間喺旺角T.O.P.四樓嘅<千房>喇~店舖面積都夠大,座位充裕,所以嚟到要等位都好快就有喇^^因為每張枱都會有私家爐嘅原故,連張枱都夠哂位置放食物,坐得舒舒服服。同阿肥相議過後,決定叫咗幾款嘢食,一解大阪燒單思之苦~香腸鐵板燒($38蚊)：香腸有條骨好似比較少見,原來都幾香口喎,另外有款都有小小黑椒味,由於熱得快所以都食得好快狂熱雞翼($48蚊)：見佢個名都幾惹火,於是又叫嚟試下~雞翼醃得好惹味,配合埋檸檬汁更加開胃,$48蚊有四隻都幾抵嗌。千房燒($108蚊)：唔好以為兩個人share食就唔夠分,一份大阪燒嘅份量都幾大,呢個叫千房燒嘅材料有豚肉+牛肉+大蝦+帶子四款,所以都足料非常,啖啖滋味最開心嘅莫過於可以自己玩吓燒吓,雖然食物本身已經煮熟,上碟嘅時候都總會覺得由自己加啲調味料同埋分切嚟食都幾過癮,加小小美乃滋醬同埋郁郁吓嘅木魚,成個大阪燒嘅味道都好豐富。裡面嘅大蝦食得出都幾新鮮彈牙,豚肉同牛肉亦切到好薄,唔會嚡口。蛋包麵($88蚊)

今晚放工，同朋友行商場，見到依間食大阪燒嘅餐廳，因為好掛住日本的大阪燒，所以同朋友試一試。間餐廳都幾大，座位好闊落，門口掛著千房大阪燒的橫額。餐廳除咗有二人枱同四人枱之外，仲可以坐在bar枱，望著廚師整大阪燒。餐牌種類唔係太多。我地點咗一個特盛海鮮大阪燒$88，一個什錦日式炒麵$88同一客香脆鐵板餃子🥟。落單後，店員好貼心咁問：大阪燒你地想DIY定廚師整，咁我地當然揀咗DIY玩一玩。店員會附上材料同一個計時器。我地可以自己整啦。之後按住指示牌，step by step 整，就完成了。不過我地整個唔係幾靚。不過都叫好食。個大阪燒我地加咗大阪燒醬丶沙律醬丶日本紫菜碎同木魚片變得好濃味。同大阪燒好夾。而啲香脆鐵板餃子都好脆，皮薄，不過餡料實在太少。而餃子沾上醬油會較入味。什錦日式炒麵，都幾大份，自己可以炒幾下。啲炒麵都幾大條同彈牙，啲蝦大隻而爽脆，不過啲麵醬油味太濃所以有些許咸。有得食仲有得玩，係一次好好的晚餐體驗。仲有一點，餐廳係要加一服務費的。

DIY大阪燒其實係香港都已經唔係新鮮野~ 但小女子真係第一次食!今次係黎到旺角T.O.P 見到樓下有水牌介紹就去試下既心態~ 當日大慨6點45分到達, 店鋪客人人數未見多! 全部店員都有好熱烈咁歡迎你 (你知道日本餐廳D氣勢架啦 哈哈)店員安排左我地坐一張2人檯~ 檯上附有鐵板爐~ 其實每張檯都有鐵板爐! 幾好~ 就算2個人都可以自己燒! 唔使同人Share 另外，佢地仲有D鐵板位.. 你可以睇到師傅即整食物比你/比其他客人~ 但我冇留意果D位有冇鐵板爐 哈哈! 呢度仲有食物過敏既清單表比有食物過敏既朋友仔睇自己有咩食得/唔食得~我地order左3樣食物:<<豚肉燒>> $68豚肉燒可揀DIY定係師傅整比你…師傅整就係師傅佢地係鐵板位度整完比你就放係你地個鐵板爐上保溫的~一場黎到就緊係DIY啦~ 店方都會有個教學比你知道整豚肉燒既程序! 應該地獄廚神都搞得掂~材料黎既時候，基本上所有野都已經係晒個碗度, 你只有mix埋再放上鐵板爐就OK! 小朋友都可參與的~Around煎左20-25分鐘(視乎你整到塊燒幾厚) 之後加埋大阪燒醬汁, 沙律醬, 紫菜碎 &

對於日式小食，我最中意既就係章魚小丸子同埋大阪燒🇯🇵 每次經過街邊見到有賣大阪燒，都會忍吾住幫趁，食完先會有大大滿足感🤣.係旺角新開張既T.O.P. 商場行街，無意中留意到呢間「千房」，除左供應多種吾同口味既大阪燒外，最最最重要既係可以自己DIY‼️ 既有娛樂性又可以食到大阪燒，真係超級吸引呀😍.店舖以日式裝潢，格調清新，地方亦十分寬敞，坐得舒服又輕鬆👍.餐牌款式簡而精，分為8大類別：大阪燒，炒麵，豚平燒，鐵板燒，一品，米飯湯類，甜品同飲品，簡潔又易明😎.特盛海鮮大阪燒 ($88)其實可以選擇自己DIY 或者由師父操刀，好玩既我地當然係揀自己DIY啦🙈 落單後，店員會先開爐再放好適量既油係鐵板上，再放低一碗已處理好左既海鮮同一碗已調配好既大阪燒原料。海鮮好足料，有鮮蝦，帶子魷魚等～只要跟住呢張圖文並茂既教學流程圖加上大阪燒半製成品，真係想失敗都難呀😂我地跟住個流程圖，好快好安全咁完成左我地「嘔心瀝血」既大阪燒🥰 最重要既環節千奇吾好忘記👉落醬汁❗️無論係沙律醬，大阪燒醬，鰹魚碎定係海苔碎，都係任落吾嬲🙆‍♀️ 至於味道方面，當然係無得頂，話哂都係出自自己手🤣 大阪燒厚度約有3cm，咬落香脆，

勁差既體驗！！！去到我地book左位 重要對我講我地到左 我本人係佢面前點樣到左？之後我地落order個陣佢完全無講清楚邊樣係自己整邊樣係佢整好 個menu亦無好明顯指示 只得一個唔太大既logo寫左勁易落錯 我地一問發覺落錯即時更改但一問佢就話佢地整左唔會比你改但講真 病咩可能3分鍾就已經話整左唔比改？格黎個張桌早我地5分鍾order咩都未整好啦而且著襯衫個位禮貌好差 完全唔會再黎！成件事都勁差 同荃灣另一公司個間無得比！

有次早左上完堂, 11點幾唔知去邊食野...平時成班FD帶隊, 今日自己一個無陪.走左去TOP個商場, 行行下去到一家大板燒店.初初都擔心要自己燒同埋搞唔掂, 整我唔好睇就比FD笑.點知又唔會WO.問問店員, 原來依到可以選擇, 自己整或師傅整埋...喧一家師傅喇...款式都幾多..又夠份量,,,肉類都足..又有好多木魚,紫菜粉, SALAD醬同燒醬....可以自己DIY...唔洗下下問職員拎,,,又唔洗怕唔好意思仲可以PICK坐師傅前面玩爐邊燒. 拍拖一家親都唔錯!