半島漁港/阿翁火鍋館

营业中

休息中

每枱有環球海鮮盤，刺身拼盤，極品牛頸脊，至尊水餃王各一份，另外喺蠔皇鮑魚扣鵝掌，雞茸陪燕窩，蠔皇金錢花膠三揀一 雖然任食嘅配料就相對普通 不過價錢性價比黎講都幾高。

啊翁火窩館呢間野打邊爐都出名，成班朋友收工又住附近就話呢間近近嚟食下算，一去到職員就帶我哋入去，之後上牛同刺身，海鮮拼盤，真係幾正又新鮮，下次有機會會再食，價錢都適中

朝早同屋企人飲早茶，老老實實點心唔係特別好食，叫咗個鹹水角係凍嘅，牛肉球燒賣就大大粒粒正正常常，叉燒腸粉都幾厚皮，叉燒都係得一兩粒，最後叫咗個素菜餃，入面真係咩味都冇，同粉果係一樣，只不過入邊變咗菜，不推薦！但係佢嘅燒鵝係比起出面專做燒鵝嘅舖頭好食！之前晚市食過，叫半隻燒鵝下面仲會有個火爐俾你烘住吾會變凍！今次就叫咗碟燒鵝飯，水準仲喺度，燒鵝燒到脆皮，燒鵝油好香，咬落去啲肉汁係個口爆開，調味調校得啱啱好，唔會特別鹹仲甜甜地！

係油塘飲過茶既都知道油塘冇乜酒樓飲茶食飯，一隻手指都真係數得曬，咁岩屋企人生日，又有老人家，近近地黎半島漁港食晚飯，見佢平日飲早茶都還好，都諗住試下佢既晚飯如何。今次叫左個4寶餐、菠蘿咕嚕肉和1蚊燒鵝。4寶餐有羊腩煲，鼓油蝦，斑腩兩味。個羊腩煲加埋唔知有冇5舊羊腩仔😂😂😂老實說，真係有d少，味道偏淡，唔鐘意太重味既人都可以試下。鼓油蝦，賣樣都真係好一般，味道都係一般。斑腩兩味黎講，都叫做唔錯值得一讚既係個燒鵝，真係好好味，皮脆多汁，咬落去真係啵一聲，讚👍🏻

油塘一共有兩個商場：一個被稱為麵包大本型、另一個則進行重整。相比數年前，各類商店或食肆算是微微上升質素。(1) $1 - 乳豬$1優惠還可選擇文昌雞或燒鵝。乳豬油脂偏多，但外皮算是香脆。(2)  冰燒三層肉賣相精緻，但味道卻強差人意。三層肉：第一層外皮脆身有光澤、第二層肥肉香但與瘦肉比例尚有進步空間、第三層瘦肉帶著原本肉味，調味時間不足。補充一點，碟子上有少許水浸於燒腩仔，令口感味道大大下降。(3) 鼓油皇海中蝦洋蔥的甜味、青蔥的香氣，以及醬油均勻的滿佈每隻海蝦。(4) 陳皮清蒸斑頭腩陳皮絲的份量未能起畫龍點睛的效果。八件頭腩沒有帶骨，以清蒸做法略嫌失色。(1) 西蘭花炒龍躉腩正常輸出，韭黃彩椒配上龍躉增加咬口，亦為整頓菜的肉食帶來清新。無容置疑，酒樓的份量十分足夠。但出品卻未能穩定地發揮，不論是調味或火侯。不過，以街坊酒樓來說，整體質素也是合格以上。臨近中秋，甜品紅豆沙額外加芝麻湯丸，送上佳節祝福。

成日嚟飲早茶，但從未試過食晚市邊爐，今日釣魚後就同幾個朋友一齊試下。首先有雞煲豬骨煲2選1，可惜我海地遲嚟食時間不足，經理建議直接打邊爐，所以冇試。邊爐附送一個海鮮set，內容有聖子，蠔，蝦，青口等等一個刺身set，內容有三文魚，赤貝數款等等一碟牛頸脊，質數幾好，再叫要加$168一碟鮑魚鴨掌，不予置評海鮮幾新鮮，味道唔錯。火鍋料基本嘅豬牛羊都有，亦有滑同魚片，不過不失。款式數量中規中矩，見到有鴕鳥肉叫，可惜當日冇晒。野飲有好多茶類紙包飲品，亦有數款碳酸汽水，有一款啤酒。特別一提上菜速度超快，落單後10分鐘內上齊野食，值得一讚。埋單每人268加1因8點半後有8折，以呢個食物質數嚟講尚算唔錯。

其實食過好多次架啦~一開張見佢咁多差評都唔敢食，之後行過親都見勁多人咪試下囉，又有啲驚喜喎，從此轉咗會喺呢間飲茶。一直都冇寫食評。前2日又嚟飲早茶，所以野都如常，ok架，除咗。。。。牛肉腸，好似食緊蒸齋腸咁，平時都唔係咁架，失手呱。我冇叫佢換呀，食咗就算~ 會再返嚟嘅，希望下次好返啦。

每日都發生越嚟越荒謬嘅事，唔知幾時先可以一家人坐埋一齊飲啖茶食個包，返番正題，繼續我嚴重滯後嘅食評🤪返番去三個月前嘅平行時空，可以正常生活，一家人飲茶，就揀左新開嘅半島漁港試下，場地大就大，但枱同枱距離好近，有啲迫🥸❣️半島水晶蝦餃皇 $28.8蝦餃皮較厚，蝦肉多但唔係好彈牙同埋麻油味好重🥸❣️鮮蝦菜苗餃 $22.8味道好鹹，菜多過蝦🦐❣️鳳爪排骨飯配擂沙煎堆仔 $29.8飯軟硬適中，排骨同鳳爪調味唔會過鹹，煎堆仔啱啱炸起熱辣辣，黑芝麻餡料就唔係好多，但味道係好嘅😬❣️皮蛋瘦肉粥配香煎蝦米腸 $29.8皮蛋瘦肉粥正正常常，蝦米腸就唔好叫啦，腸粉質地偏硬，甜醬更加有啲怪味🥲❣️燒賣皇三粒 $10.8燒賣豬肉成份比較多，如果你當係豬肉燒賣嚟食就ok la🤣🤣，但調味都係偏鹹❣️薑蔥牛柏葉 $22.8牛柏葉入味，但份量唔太多🥶🥶❣️沙嗲蒸魷魚 $22.8呢個極度唔推介，份量少而且好鹹，沙嗲味偏向花生醬為主，食完都要飲番幾杯茶☕️☕️☕️🏦是次消費總額 $211（人均消費 $71）茶位$8 🍴須加一服務費👅好味度：7（10分滿分）點心質素中規中矩，如果有其他選擇未必會嚟呢度飲茶，但係面對疫情，餐廳執完一間

早幾日訂左個6人份既盆菜，今日下午去拎當晚就食（冇放隔夜）。未食之前覺得份量是適中，但眼見鮑魚唔係用乾鮑，而係汁煮過是鮮鮑仔；蝦亦是細隻得可憐，比海中蝦還細就是了（宣傳單張圖片中是有大蝦及乾鮑），不過試左個湯包，味道ok還是有期待的。當盆菜加熱後，急不及待就食左個鮑魚仔先，但食食下食到少少酸味，其他人亦陸續表示吃到有陣酸味，結果大家都吐了出來。而食蝦既時候，可能砌盆菜果個都知蝦仔太細隻而比多左兩隻，但可以食落去都是霉的…至於其他食材都只是中規中矩沒什麼特別，唯一覺得可取之處就只是湯包罷了。對於這個6人份量$1180的盆菜，圖片跟實物不相符就算，最大問題是食材當中竟然有一兩樣變質，而且我已經是取貨當日就進食，我個人覺得是不能接受的…

我並不想尖叫，淚水用雙手抹掉^^樓下開左間酒樓，又係非常唔好吃嘅體驗。🐷🐷🐷皮厚餡差，灌湯餃竟然用罐頭火腿，豬肉極肥，牛腸淨係食到好多皮，皮係一舊的，不是一塊的，所有點心都有肥肥嘅豬肉味，無其他評語了。$350蚊埋單，正宗貼錢買難受。從來都未食過啲咁難食嘅酒樓，仲諗住執左之前嗰間Hea底酒樓之後會有好嘢食，應該油塘區都滿心期待，但係所有街坊都媽聲四起。無食過佢嘅打邊爐晚餐，但係我一定唔會try。

最近新開，貪新鮮去試咗幾次，都係好失望，唔會再去。空間上，同以前間明星，間格上唔係爭太遠，但係佢哋為咗坐多啲人，咩都擠埋一齊，好逼，人與人之間太近，如果係要防疫，一早已經唔合格。 另外，咁多間酒樓，佢最吵雜，耳仔好辛苦。食物品質唔掂，做得好求其，每樣都差啲，嗌左幾樣野，燒味雙拼飯，叉燒好柴又乾又唔入味，飯唔熱又硬，點心還好，鹹水角餡少，唔好食。價錢: 喺油塘咁多間酒樓點心最貴一間，以為有驚喜，應該都係食佢裝修，搞到好似好貴大上咁，但係坐得唔舒服食物質素又唔得，無心情欣賞。

對油塘零認識之下白撞撞到呢間餐廳太肚餓之際 其實都無認真睇過餐牌就入左座😂餐廳可以揀食小菜/打爐爐後生仔就緊係揀打邊爐架啦見到有張紙係枱面就寫寫畫畫點知畫完交比姐姐時姐姐問我地要羊腩煲定雞煲我地先知原來任飲任食係包埋😮如果揀雞煲仲可以無限添食😮😮😮😮😮唔單止咁呀 仲每位包左一份海鮮 一份刺身 一隻至尊水餃皇 一份蠔皇鮑魚扣鵝掌 每檯一份阿翁極級牛頸脊聽到都已經飽左😂 上檯個刻直頭嚇親每樣野既份量都絕對唔係講笑每人有半隻膏蟹 蠔 帶子 青口 龍躉魚片 蝦x2 至尊水餃一粒等於平時既2-3粒 入面仲要有N隻蝦剩係食個套餐包既野食已經可以食得飽不過打邊爐又無理由唔叫啲野食烚下既所以嗌左魚皮 山根 竹笙 脆皮腸 午餐肉 墨魚膠等等...我地係張落單紙已經寫一人 點知每樣野食上枱都係跟返三人份量 放到成枱都係野食 墨魚膠好彈牙好好食 一定要叫👍🏻雖然餐廳無限時任食食左兩個鐘之後 根本已經完全無空間可以再放野食入口😂埋單連埋加一每人三百鬆啲 食咁咁多好野 真係好抵👍🏻👍🏻👍🏻

6點半入黎食野、 點左兩隻乳鴿， 半份乳豬， 一客小炒皇， 一個紅燒豆腐。 食完兩隻乳鴿， 半份乳豬後， 等半小時後都冇任何野食. 有一位傳菜伙記之後拎左一碟 蜜豆炒牛柳粒（碟餸完全無遮無蓋） 上我地枱， 我地即時話冇order 喎， 但係個傳菜員就堅持話張單伙我地張枱No. 我地叫佢拎走同埋唔好拎碟餸周圍行、 個個食客冇帶口罩， 碟餸又唔蓋住 好唔衛生。 結果又係要搵到部長行黎佢先拎開碟餸 再等多陣、 隔離幾張枱都開始追時候、 我地亦開始問是否漏單？ 結果到8點鐘左右同隔離枱 話冇豆腐！ 我地就再叫部長過黎， 同佢講啲餸唔到就除消 加 埋單 我地走喇！ 部長即時話黎梗黎梗， 我地都話唔要喇！ 到部長過黎同我地 收錢時、 就見到啲姐姐 一車 十幾碟既 小炒王， 原來係 夾埋十幾碟一次過先煮？ 總結食物完全冇蓋蓋上保持衛生, 疫情下咁樣真係好啱掂服務態度真係麻麻食左兩個餸、 其實唔差還可以價錢略貴、 唔算大眾化

適逢八號風球放假又新開張，入去試下佢嘅中午點心先⋯⋯見佢餐牌點心都算款多，價錢不是屋邨價，頗貴，應該質素唔錯⋯⋯叫咗10款點心炸雲吞～凍⋯⋯一般流沙包～可以黑椒牛肚～味道可以薑蔥牛柏葉～碎濕濕豉汁蒸鳳爪～可以叉燒酥～好難食，點心紙中有個手指公，推介點心，但係一啲都唔掂鮮蝦蒸腸粉～皮好厚雞扎～可以燒賣～還可以酥炸魷魚鬚～唔好食、又無味10款埋單422⋯⋯好食唔緊要，但係真係麻麻地，客家好棧有啲點心好食過佢

經過咗一段時間，鯉魚門廣場多番一間酒樓叫半島漁港，由於係新開張，大大個招牌打曬燈，門面望落十分光猛。入到去大多數老人家同一家大細，與一般假日屋邨酒樓差唔多。點心紙上都有幾唔少嘢揀，今次求其點幾個試吓。先嚟個紅油抄手，個汁正正常常，不過啲餡就比較鬆散，本身肉已經差少少，裏面加咗好雜菜，所以肉味就完全冇晒，整體變得難食。跟隨係棉花雞，底下嗰兩塊應該係魚肚，啲雞肉好大雪味，唯一好食嘅係夠冬菇。至於呢個排骨水晶粉，中規中矩。初時以為水晶粉無味，食落啲水晶粉有少少䓤香蒜油味，有啲似印尼撈麵既汁底。所以味道不過不失而用水晶粉頗有創意。最後燒賣本人覺得不錯，有啲似以前舊式既燒賣，將啲蝦肉同豬肉溝埋，唔係大大隻蝦放喺面個種。飲茶當然要品評下啲茶，本人一向飲開普洱，而好多時一般酒樓都會用比較差普洱，而呢一間亦都唔例外，有色無味，所以下次可以試吓其他嘅茶。