協盛大排檔 (已結業)

公司同事食過帶我嚟。醉雞煲湯底好驚喜呀，好濃好甜。啲雞件好滑，當然唔可以淥太耐，食完再叫多咗一碟。聽講呢度嘅牛肉都係出名。同意牛味都幾重，不過出面專食牛嘅地方實在太多，如果我再嚟應該只係為左醉雞湯底而黎😂佐酒小食椒鹽豆腐和椒鹽魷魚等，很脆口。象拔蚌正常，可以不叫，因為出面食象拔蚌新鮮嘅地方都多。（同牛肉一樣可以skip）啲蝦幾大隻，幾新鮮！叫。丸類亦都係必叫，墨魚丸、牛丸等都非常非常彈牙。呢個時候已經食到中段，但係湯底仍然很濃，要再讚。最後埋單比想像中貴少少，$400 per head，始終呢度環境只係一般，一個食魚蛋粉嘅地方，亦可以稱之為冇服務，所以少少surprise。

晚上一行八人去打邊爐，因為滿座了所以要坐舖頭後面嘅室外。其實就比較鄰近公廁環境同埋後街，衛生環境都比較差，幸好沒有見到小強，但就比較有大排檔風味。食物方面都還好，墨魚丸比較出色，食左兩輪，其他食物到一般，清湯真係好清無味，麻辣就比較好食，手切肥牛勁碎咁，完全唔係一塊塊。但最不滿嘅係老闆娘態度勁惡劣，大聲及沒有禮貌，一開始時問佢有冇枱，都唔回應，之後先推我去遠處個張枱。之後更聽到佢喺度鬧客人。呢個價錢打邊爐唔平亦唔貴，但香港人更需要的是一份尊重。

近排天寒地凍，真係晚晚都想打邊爐🤪身為九龍人嘅我平時如非必要都唔會特別過海，不過...要搵食就另計啦😆每次買料打邊爐都會令我諗起呢度嘅【手打墨魚丸】，如果唔係朋友介紹，都唔會諗到喺平平無奇嘅粉麵檔買到「神級」墨魚丸🤩食過返唔到轉頭，直頭係驚為天人，仲會念念不忘🤤🤤🤤手打墨魚丸粒粒晶瑩通透，而且超級‼️爽口‼️彈牙‼️每粒都隱約食到墨魚肉，真材實料，細細粒啱啱好一啖一粒食唔停😆

I was expecting this place to just serve wonton noodles but you get to choose other noodles which is really good.I ordered the five spice offal because I  was hoping it would be very flavourful thus making the noodles very tasty.The broth was much clearer than expected and it was good that it was not oily  and the noodles didn't have an alkaline taste.Will probably try it again as you can experiment with instant noodles for an extra HKD5

呢間係終極大排檔開張麻雀枱 鋪塊膠袋就可以打邊爐😂由於鋪頭比較細所以大部份人都要坐室外呢度嘅特級牛肉十分之出色牛肉味濃 個種質感係有咬口得來又入口即溶而且呢度海鮮種類比較多今次試咗聖子 好新鮮雲吞同埋韭菜餃都係人手包既估唔到佢咁好食墨魚丸就好彈牙細細粒可以一啖一粒🤗整體來講覺得所有嘢都好食 而且性價比高如果係鍾意食大排檔同埋唔驚坐街嘅朋友一定一定要試下呢間👍🏻👍🏻👍🏻👍🏻👍🏻👍🏻👍🏻

企足 10 個鐘仲要 OT，做到七點幾剛才會展收工，做到燥又上晒火！急急要隊返幾支大啤降降火先得呀！朋友推介協盛有好野食，近近地即時飛的達陣﹗夏日炎炎正好邊，開住冷氣食埋勁辣隊啤酒，爽到爆﹗餐餐大魚大肉又隊啤又不停打邊爐，唔肥就奇啦﹗好快珠圓玉潤、肥肥白白，可以劏得黎食喇。左兜右兜穿過舖頭，再穿過廚房，終於有位坐底。雖然裝修格局裝及衛生都使我有點滴汗，但食物質素非常好，生料十分新鮮。除珊瑚蚌、白鱔片、麻辣湯底、烏冬較為遜色外，其他樣樣讚，好好好好味喎！麻辣湯底，水汪汪淨係得大豆芽同豆腐，無料既？指天椒，明顯係機攪架喎，不是切也不是剪。就算個湯底淡荗荗，有椒萬事足，靠晒您喇。手切肥牛，其貌不揚，滾湯拖兩拖，沾少少指天椒豉油。驚喜牛肉味特濃，甜美無限，肉汁兇湧有彈滑幼嫩，可口非凡，好食到震！蟶子皇，看準時機，烚十多秒甩殼即起﹗爽爽勁甜，不腥不嗅又無沙，鮮嫩正斗！手打鮮蝦滑，手打鮮墨魚滑，未烚已聞到濃濃鮮味飄香。全部掉晒落湯讓她們自由地暢泳一番，浮起食得喇 ﹗細細粒可愛極至，卡娃兒呢﹗蝦味突出、墨魚味突出，爽彈味鮮，真材實料無得頂。白鱔片，刀功幼細，雙飛片片均秤，厚薄一致，師傅非常利害。烚一

協盛在香港區極少存在的大排檔之一，以打邊爐出名，原因食材新鮮，每日貨來貨去，好快賣曬。如果冬天一到，超多人會去此地方，其經營做法維持住古老方式，想一嘗香港古老味，此店絕對是首推之選。牛肉，多種部位選擇，我最喜愛是手切肥牛，件件均衡，肥瘦平均，件件都咁靚，一食就停不了。真係好好味㗎！ ！必選食材！！推介指數：10/10海蝦，超生猛，九節蝦最正，大大隻，跳跳紮。推介指數：10/10自家掣餃子，如水餃，韮菜餃等，二三歲小朋友手掌咁大隻。推介指數：8/10最後，價錢不便宜，7-8人，食下食下，都要二三千買單。不過，食材新鮮，質素佳。

又到打邊爐的季節！坊間有形形色色的火鍋店，但要數到夠地道夠新鮮，就會立刻想起協盛！她雖沒有富麗堂皇的裝修，卻是充滿香港地道風味特色，實實在在地把重點放在食材上。新鮮手切牛頸脊，充滿濃郁的牛肉香！配合辣椒豉油，令人欲罷不能！海鮮同樣是重點，老闆只會推介當晚最新鮮的海鮮供選擇，保證新鮮！手打四寶丸也是必吃之選！特別推介蝦丸和牛丸，新鮮彈牙，惹味非常！冬天還有海味煲仔飯供選擇，看見很多熟客都會點選。唯一缺點是，周末會非常多人，必須預早點訂坐，walk in機會很細。

呢間火鍋店，我們一班朋友都會經常嚟打邊爐，因為可以坐街邊，好有feel，尤其是冬天🌬超正！不過員工就粗聲粗氣，可能呢啲就係大排檔嘅作風總括嚟講 想試香港地道既大排擋就最啱喇！美道不算最美味，但風味搭夠舖頭 後門 芫荽皮蛋湯底，沙嗲濃郁，皮旦芫荽好多鱔片好脆口 蠔好大隻，熟後不會縮到好細👍花甲超甜，無沙脆骨腩好爽口👍韭菜豬肉適中，不會太大隻手打蝦丸拼墨魚丸炸魚片好脆，打邊爐前已食晒一碟西洋菜牛柏葉金菇 份量小左D 好似無左1/3咁

今晚九點幾想食下野走去天后打邊爐走咗去協盛大排檔好難得依家仲有得坐喺街佢哋鋪頭唔大但係出邊好多位冬天凍凍地食火鍋咁先有感覺叫咗個鹹菜豬腸湯底個樣真係好唔吸引但有時有睇嘢唔好睇個樣食落去都唔係好差最正係個手切肥牛大家必定要試都係果句個樣唔好睇但都好食雲吞併魚片頭真係好好味我自己外賣左兩打返屋企食自家手打墨魚丸食落去同平時急凍嗰啲唔一樣口感幾好其實佢哋仲有手打蝦丸帶兩條友食唔晒我哋下次先食兩條男人食下野咁梗係有啤酒啦

好多年前成班朋友黎過，第一次坐喺街邊打邊爐，覺得好正！幾年後終於又再有機會再黎！當晚無book位，去到大概8點左右，因為有少少飄雨，所以本來老闆話開唔到枱，後來就叫我地拍埋啲坐，咁就有得食啦！✌叫左芫荽皮蛋湯底先，芫荽味聞落都幾勁，但食落無乜。2個人唔食得多, 所以有啲嘢想食但叫唔到，好似餃子呀雲吞呀咁，一碟成12隻，食唔哂🙈最後叫左手切肥牛，西洋菜，金菇，花甲，炸魚皮，四寶丸仲有公仔麵同汽水。（2條友都食唔少嘢😂）雖然好多人，但啲店員服務態度非常好，我問左好多問題佢地都好有耐性答我。啲嘢食好快就送到，多到張枱都放唔哂，店員即刻拎張櫈俾我地放。手切肥牛嘅份量都幾多，絕對夠2~3個人食，食落同平時嗰啲急凍牛肉唔同，會厚身少少同細塊啲，食落比較有口感。花甲好新鮮，$128有6大隻，好抵食呀！啲花甲上枱嗰陣仲識郁，勁新鮮！烚耐左但都唔會韌，好好味。炸魚皮好脆，我地就咁食都食左好多。四寶丸入面有手打墨魚丸同蝦丸，另外2隻係牛丸同唔記得左咩丸，細細粒我鍾意，可以試又唔會話太飽。金菇同西洋菜就無咩特別。最後加個公仔麵就完滿！傳統Gas爐下次會再幫襯！

尋日難得過海，我就去左美食集中地天后尋寶。時值8點幾9點，街上的行人很多，但餐廳內的人流已不算多了。大概是已吃完晚餐在四處閑走。我們自琉璃街一直走到銅鑼灣街市，一直都猶而不決，突然轉個彎看到一間大排檔竟異常地熱鬧的在打邊爐，人山心海，我們便把心一橫，決定去最多人的地方尋寶。由於露天的地方沒有位置了，我們被安排到室內的茶餐廳位置，環境當然不能與高級餐廳媲美，但勝在夠風味！餐廳的湯底選擇很多，除了一般的湯底外，主要有以豬骨或魚頭為要的各類湯底。我但點了川芎白芷魚頭窩，湯一奉上就見到大大個魚頭，而且藥材味十足，感覺很真材實料及很滋補的感覺呢！我和朋友足足喝了一大碗仍意悠未盡。火鍋料方面，我們點了手切肥牛，要108元。另有四寶丸，由鮮蝦丸，手打牛丸，手打魚旦同墨魚丸組成。還有雲吞及菜肉餃雙拚及桂花蚌。推介如下:基本上各類食材都好新鮮同大份，用料嘅誠意十足。手切肥牛相中已被我們食了兩輪，味道好鮮好甜，好有牛味，而旦塊塊厚切，足媲美要兩百多元的質素，可謂物超所值。另外四寶丸是店家推介，因為鮮蝦丸和墨魚丸均是店內招牌。果然，兩都均爽口彈牙，而家食得出是用鮮蝦及黑魚打成，絕非一般。桂花蚌亦非常新鮮，8

呢間打邊爐 差不多日日爆場 如果唔掟位 咪駛想有得食今日同老友行過附近 忽然好想打邊邊 便走過去碰碰運氣 去到見到全條基巷都坐滿人 一問待應 佢話無位 正帶著失望嘅心情離去之際 老闆話 坐迫d 開多張枱細枱比你 好野menu 湯底選擇算多 由基本到特式都有小妹就叫咗杏汁豬肺煱 一上煱見到上面有超多白菜 奶白湯色 裏面有N舊豬肺 食極都食唔完咁 大合照 先講脆肉腩 新鮮到不得了 魚好甜 極級彈牙 加小小鼓油 令人回味 手打墨丸拼蝦丸 呢個超正 墨丸打得夠 好爽囗 無肥豬肉喺裏面 蝦丸中有完整嘅蝦身 好似食緊鮮蝦咁 仲有好香嘅麻油味 添 海蝦係新鮮嘅 用竹竿插住 上枱時仲跳跳下咁 哈哈 蝦肉爽而甜 蝦頭仲有蝦膏架 好味 打邊邊又點少得牛肉呢呢個特級手切肥牛 見到佢嘅油花同粉紅肉色 放入鍋中 滾一滾 加上辣椒醬油 嘩 太幸福了 菜 都甜 無蒤嘅 正 這樣質數加兩枝beer Hkd 750 算是value for money la

23/8 晚, 到外表好街坊的天后火鍋店吃生日飯. 由於是訂了位, 所以晚上六時便到, 全場只得一枱人, 以為中伏. 點知後來有walk-in都話無位, 其實已fully booked. 湯底都有幾個比較特別的, 我們選了蓄茄薯仔湯底. 火鍋材料方面, 值得一提的是極級牛肉. 它很有牛肉味, 又好似外地牛肉咁好諗. $108一碟正常size. 由於我們有10人, 所以叫加大. 加大即是乘3, 即$324. 我們一共吃了三碟加大.本地手切肥牛, 都是'un' 左D, 可能有人覺得有咬口, 我本人就唔buy. 但仍叫了一碟加大.由於有人生日, 所以豪一豪, 吃原隻鮑魚. 每人一隻, 一隻$42. 老闆話煮10分鐘, 我們便較定鬧鐘, 10分鐘準時起鮑. 結果是非常之合時, 非常好吃. 另外豪一豪之作, 繼續自製海鮮盛宴, 再叫象拔蚌. 我們說要四隻, 老闆話得五隻, 比埋我地. 象拔蚌切成簿片, '卓' 幾下就食得. 爽! 而且唔知點解, 食極都仲有. 抵. 有個朋友仲食埋粒好似雞子的東西. 係食得既, 不過膽固醇高D囉~今日花甲就細隻左D. 通菜都好新鮮. 響鈴又大大舊, 都係浸兩秒KO

一大班人一定係打邊爐吧!?湯底叫左"蕃茄薯仔豬骨" , 但其實唔算好味, 唔夠濃味.打邊爐必食既肥牛, 我地叫左兩款, 手切肥牛, 本地肥牛. 算係咁, 有牛味, 但肥瘦分佈不平均.花蝦夠晒大隻, 而且好生猛, 好抵!羊肉片好可惜無乜羊味.黑豚肉都幾好味, 索晒湯汁.手打墨魚丸就唔錯喇, 口感好, 味道OK.最正都係雞腸, 肥膏, 雞油爆出黎, 正!炸魚皮炸得好香好脆口, 必食.野食算OK, 最正其實係坐室外, 咁先夠風味!