南小館 (已結業)

今日見得閒就去咗尖沙咀接一個朋友放工，順便一齊食飯，見大家都想食上海菜，就隨便嚟咗呢間😂既然食得上海菜，又點可以唔食小籠包呢🥰呢度嘅小籠包其實都有好多款，例如有黑松露味、蟹粉味同原味等等，而我同朋友反而對帶子嗰個感興趣，不過味道就麻麻地啦，帶子唔夠鮮味，而且好似蒸咗好耐咁，已經硬晒。。。早知要原味啦 (原味通常無伏😂）再嚟就係呢個松子魚啦，如果有睇過我寫十里x場嗰間上海菜嘅食評，就知道我好鍾意食松子魚啦😂😂🥰🥰賣相雖然就一般般，不過味道的確對得住佢嘅價錢㗎，就係略嫌佢啲肉少咗啲，條魚好似比較瘦，不過都只係$168 夫復何求呢😂另外，我哋都有叫到黑松露炒飯($98)同花雕白雞($68)，味道都唔錯👍🏻不過個老上海酸辣湯($42)都真係唔好飲，有啲油膩同重口味，可能係我哋食唔慣嘅關係啦，我哋飲咗一啖就放棄左啦😂😂

朋友喜歡吃上海菜，就選了這間吃入到店內，不是太多人，而且有好多近窗卡位，想坐卡位，但待應拒絕，只安排坐在近門口的位置，不知為何這麼多位都不讓人坐，又沒人等位，又沒有訂枱，又是平常日子，根本都不多人？？？？？？點了幾個餸：四小拼，小龍包，雲吞雞，黑松露🦐仁，松子🐟😉😉@四小拼（口水🐔，秋葵木耳，四喜烤夫，黑醋骨）口水雞只得皮和骨😰秋葵木耳——味道吳錯四喜烤夫——做得夠入味黑醋骨——-味道適中@帶子鲜肉小龍包——-做得吳錯，皮夠薄，肉入面再包住帶子，皮內的湯夠清甜😋@雲吞🐔——-味道都幾好味，可惜吳夠熱😰@黑松露🦐仁——味道不夠特出，食落吳覺得是黑松露的味道😨@松子🐟——-炸得都幾好，魚肉都滑，不過面頭吳夠松子🤭都經常有幫你加茶👍全晚最欣賞係個小龍包，其他就一般👌

食過幾次南小館都覺得唔錯，所以帶哥哥去試下，因為哥哥同我一樣喜歡食野😁南小館四小拼秋葵木耳爽脆花雕白雞唔夠酒香囗水雞好辣，但好食四喜烤麩夠入味金龬生煎窩貼窩貼皮脆，肉汁多唔錯上海粗炒炒得好夠味，麵質煙煙靭靭特色松子魚魚炸得香脆，配酸甜汁好開胃。

一早買了飛約了朋友係The One 睇戲，撞正下雨天，又唔想四圍去揼濕身。朋友話係返 The One 食嘢會方便啲，所以就去咗南小館食嘢。自己唔係太肚餓嘅關係，簡簡單單叫了個蝦肉餛飩湯麵，只有四粒蝦肉餛飩，雖然有啲少，幸好自己唔太肚餓。我喜歡吃的餛飩是肉的部份小小的，可以一口塞的大小就好，餛飩皮一定要夠大張，入口時才會特別感覺到那滑溜溜的口感。但這餛飩並沒有包得很大顆，size剛剛好可惜餛飩皮太小，口感上大減分，湯底就是普通餛飩湯的味道而已。 麵條看上去感覺好冧，食落唔係咁彈牙。價錢連加一要六十幾蚊，喺尖沙咀大型商場裏，又唔可以跟同區茶餐廳比較嘅。但如果落住雨，又唔想四周圍搵位，揀間簡簡單單嘅店都無可厚非嘅。

某日下午3點3輕食南小館，叫左3樣食物，帶子鮮肉小籠包，老上海酸辣湯和蝦仁薺菜香羹~小籠包一客5件，之前係銅鑼灣希慎食過同樣既小籠包，個時塊皮都冇咁厚，呢間塊皮又乾又厚，內裏d料係可以既，但塊皮就真係唔ok酸辣湯裏面有雲耳，筍味道就酸左d,需則明白酸辣湯係酸的，但佢係過酸 同埋個湯唔夠熱蝦仁薺菜香羹裏面有d魚肉同菜粒呢個好好味，同埋夠熱服務員態度有善，勤力加茶食物方面就有待改進希望下次小籠包塊皮唔好咁乾同咁厚啦是次消費$167

家的味道普通便飯2018/10/16已經係第二次黎依到食飯，晚上餐廳人唔多，唔洗等位，因為同朋友約咗去The One睇戲，所以再次黎南小館晚飯。今次坐係較入嘅位置，近落地玻璃嘅枱已經全部比人留哂位。入到去坐待應即時拎出小點。醃花生同菜圃，有啲咸，但都幾開胃。第一個小食上菜，酸酸甜甜嘅糖醋骨，有點偏酸，好似排骨嘅部位，但冇咩肥肉，肉質唔特別靚，都算可口開胃。第二道小食，雞絲粉皮，朋友話有啲太簡單，唔係好抵食，味道方面，就係芝麻醬味。黎到今餐嘅主食，黑松露炒飯，黑松露味特出，有蝦粒在內，朋友們好中意，我個人覺得有啲普通。餃子香脆多汁，網紋係比大家打卡，食落都係脆口，但冇咩特別，普通菜式，但賣得有點貴，係屋企整較化算，係比人睇嘅菜式。蒜蓉味重，有打芡咸香濃味，但感覺比較多汁。總括而言，係尖沙咀地段依個價有屋企便飯嘅質素算難得，埋單三人每人約100蚊。

其實我之前係葵芳食過南小館，嗰時覺得好好食，不過今次呢間令我好失望，可能因為期望太高掛。雪菜黃魚面我係上海食過，覺得幾特別幾好食，諗住呢間應該都唔會錯，但點知......其實佢一拎上嚟我已經覺得有少少伏，有陣腥味，條魚望落去未煎過咁，一食落口，gg了，超級無敵腥，個湯係唔飲得，我食得好辛苦，加咗好多胡椒粉都唔work，唯有加埋糖醋排骨一齊食，先遮到個味，不過真係不可一，不可再。其實佢都唔平，68蚊再加一，我情願食炒年糕好過，起碼d年糕正常好多。希望佢真係改善下la, 呢碗面係我人生食過最難食既面，真係太腥la。

(坐得舒服有茶歎 上海野食幾好)晚上同朋友去尖沙咀搵野食，想坐得舒服啲，記得去過the one南小館食過一次下午茶，幾好食又地方寬敞，於是決定再去，呢次係平日7點鐘晚飯時間，但都唔算多人唔使等位，仲有卡位坐添！兩個人點左招牌鮮肉小籠包、上海菜肉雲吞湯、老重慶擔擔麵、甜品椰香紅棗糕，整體黎講都幾好食，尤其係上海菜肉雲吞湯，好有菜味皮又夠薄，至於鮮肉小籠包都唔錯，但要小心啲夾，夾大力啲就會漏汁，唔好浪費啲肉汁丫嘛！老重慶擔擔麵熱辣辣都好香濃，不過可能我地唔食得辣，覺得辣得滯而且冇辣度揀，平時出面食開嘅擔擔麵就多啲花生味，呢度就辣啲，可能好辣嘅朋友會覺得正。最後上嘅椰香紅棗糕就夠清香，唔會好甜，都好好食！總結，我地唔算大胃王，只係叫左四樣野食，埋單200蚊多啲，坐得舒服，又有茶飲，啲野食都幾好食，下次會再去。

茶$9 介$15 青瓜辣菜5小拼 $88 有三個小籠包(蟹粉、帶子、豬肉)，一個糯米燒賣和一個水晶菜餃。開洋拌麵 $45春卷一個人吃，太多了。但是Buckwheat Tea挺好喝，可以外帶買走的。

位於The One高樓層既南小館,價錢十分affordable,食物也不失水準, 是一次很Humbling的午飯星期五中午,一入座就被安排坐在窗邊,景色說真的也不差,能看到一點點香港的風景小菜方面,我們叫了 (1) 紅油抄手 以及 (2)黑松露河蝦仁。紅油抄手的辣汁唔係普通辣椒油,食得出係調配過的,帶一點甜,不會太辣,好易入口! 而黑松露河蝦仁,食落真係嚐到一絲絲黑松露的香氣,非常貴氣! 蝦仁亦十分滑口主食方面, 則叫了上海炸豬排。炸豬排看起來平平無奇,吃起來味道蠻好,不會太乾身,肉質都夠稔,不會太油,讚!

星期六同朋友行尖沙咀，不知不覺行到6點，一於食埋晚飯先返屋企。想食上海野，就揀左南小館。六點三去到已經一半full左，好彩行快兩步啫。一坐底先上小食，上茶，服務殷勤。必叫的致愛—花雕醉雞。雞肉好有酒味，肉質又滑，仲要涼浸浸，啱晒夏天😎😎。叫左碗牛肉麵和陽春麵，湯汁惹味，麵條彈牙，牛肉夠曬淋。白菜肉絲炒年糕好入味，煙煙韌韌，食極都唔夠。而鮮肉小籠包一籠五個，一咬落去，好多湯汁，好鮮甜，皮又薄，下次黎想試埋無鍚小籠包😌。另外一定要推介松子魚（$168），好少地方煮得好食，但係南小館的松子魚我每次都會叫，酸酸甜甜，配飯食一流👍🏻👍🏻。最後係酒釀丸子，好香桂花味，配粒粒酒糟，加超多QQ小丸子，又一必叫食品😋。

係附近睇完戲都已經六點幾，依個時間就決定早些食晚飯，早食早消化，而且又唔使同咁多人迫等位。睇下The One 有咩食，決定就黎依度食中菜。 點左兩條風沙小黃魚 小黃魚好好味，炸到好香脆，每條魚都幾多肉，加埋D 蒜粒好香口。 一份鮮肉小籠包 總共有5件，皮厚度適中，餡料肉量普通，咬落口有肉汁流出，但小籠包唔係熱辣辣感覺，感覺差左小小。 招牌生煎包 依個生煎包就比較失色，皮太厚有D 硬，咬落去食餡料偏少，亦都較為乾身，肉汁已經被入面既面粉吸哂。 蝦仁蛋炒飯 炒得幾乾身，蝦仁數量都夠，算係一個唔錯既炒飯。埋單一人150蚊左右，價格合理。

與媽媽在於週六下午路經尖沙咀，想找個舒服的地方吃個清淡一點點的下午茶，想也不想便到The One。貪這𥚃的南小館位置闊落，落地玻璃設計令店裏光線充足。下午茶沒有點很多，都是以輕量為主。南小館四小拼，清新的冷盤分別選了：秋葵木耳、涼拌海草、葱油海蜇頭和花雕白雞。個人最喜歡葱油海蜇頭，爽脆的口感和葱油獨特的香氣，配合起來在夏天十分討喜。菜肉餛飩湯，清淡得來享受餛飩皮薄滑溜的感覺。老味道葱油餅令我吃得最津津有味，鬆軟温熱又香脆，二人分吃分量恰到好處。

晚市去等三張枱就食得，可惜服務員態度奇差。不想被安排洗手間門口位置，卻遭受黑面🌚內裡的環境不錯，夠安靜，我有點怕很嘈吵的地方用餐。坐下後食了才知道枱上的被以為免費的小前菜是要收費，也要茶芥後再加一，價錢不太相宜，且無人添茶，要叫幾次才有人過來斟茶。食物很一般，炸銀絲卷亦是放涼了才上枱，粗炒是暖的，唯一覺得不錯的是小籠包，特快，下單不夠五分鐘就有得食😂，湯汁好多，肉頂好香甜，只係層皮厚了點。最後兩人買單過$350，如此價錢下次情願食小南國。

是日本來是要去"吉邊"，aka吉野家邊爐，但朋友有點喉嚨痛怕熱氣，剛好我們在THE ONE閒逛中，就懶得再出去找餐廳了，逛了一回就決定在上海餐廳南小館停下來。店子裝橫也算簡單摩登，服務質素也是standard的不錯，free的前菜有花生和榨菜，這個榨茶我自己是不太喜歡的，有點放太久的感覺。我地看了一會menu，雖然說了要避免熱氣，也忍不住叫了有辣的菜(笑)。上菜的速度真是奇快，我想下單不夠5分鐘菜就開始上了，我地叫了個南小館四小拼(HKD$78)，分別選了秋葵木耳，糖醋排骨，花鵰白雞和薑蔥海蜇。糖醋排骨醋味十分夠，肉也很鬆化，吃了一塊又一塊;花鵰白雞酒味濃，我自己很喜歡，不過不好酒的朋友可能會嫌味有點嗆;木耳可以再濃味一點，有點淡;而海蜇我是不大喜歡的，一來我本來就不喜歡看下去太白雪雪的海蜇，而且這個海蜇口感比較脆，總之就不是my cup of tea吧。叫個招牌小籠包(HKD$45)是一定的，我嫌它的皮厚了一點，但肉汁多味也鮮彌補了不足，連鎖店的xiaolongbao我還是比較喜歡鼎泰豐。想不到這晚上我的最愛竟然是一碟蒜蓉炒芥蘭(HKD$42)，not sure if the pho