南昌冰室

营业中

休息中

夜晚唔知食咩，去開深水埗，是但試下呢間港式茶記。唔算多人，落單之後都唔洗等好耐，簡簡單單叫咗個菜食，飲返碗湯，一杯熱檸茶，都夠飽了。以前以為食local food會平啲，原來都唔係價錢唔算平之餘質素又冇特別提高，如圖所見，係得幾件鮮魷⋯⋯不過湯都足料嘅作為一間港式餐廳，有待改善呀！

上次就可以堂食，今次媽咪咁岩去買餸經過，就外賣俾我哋食啦。買咗佢最鍾意嘅公司三文治，雖然外賣拎到咁遠，但啲包都唔會林啤啤。而且呢間嘅公司三文治真係好足料好大份。食咗一半已經飽咗。上次食過佢嘅乾炒牛河真心唔錯。今次買外賣又買多碟乾炒牛河。真係要讚嘅，佢啲乾炒牛河炒得乾身得來，又唔會過分多油！平時叫外賣乾炒牛河，食到個底一定有諗諗，而且發泡膠溶晒。呢度用嘅係可入微波爐嘅膠兜。咁樣就食得安心好多啦！而且食完都唔會成盒底都係油👍🏻👍🏻

乾炒牛河夠鑊氣又唔太油，炒得夠乾身，好食。牛肉淋得嚟又唔會霉，唔似一般茶記用粉嗱到霉晒咁！ 雖然話係下午茶，但好大碟，唔似平時啲迷你版！當午餐都夠食！呢杯 維他奶雪糕紅豆冰好好飲，估佢唔到咁夾！ 其實平時我好怕飲紅豆冰，因為一般餐廳啲紅豆冰用花奶加大量糖水，加埋紅豆沙，真係甜到牙都痛埋！ 呢杯甜度剛剛好，而且啲紅豆大大粒，夠淋又唔好太爛，留返啲口感，好正！ 而且加埋雪糕真係絕配👍🏻👍🏻👍🏻👍🏻

第一道菜是涼瓜菜譜煎蛋。涼瓜炆菜譜有特殊風味，味道各有特色，拼合在一齊就有新嘅口味，煎蛋也是舅父的最愛，簡直跟媽媽煮的菜一樣。第二道菜是沙拉豬扒。豬扒非常新鮮，生熟度剛好，而且做到非常之貼心，唔會太鹹。有少少酸甜的感覺。西蘭花食得出非常有口感，無論觀感以及整體味道，別出心裁。綜合以上各點，必定跟舅父再來試一次。下次都想試他們被製的咖喱牛腩。😊

見到呢一間南昌冰室，隔兩個鋪位竟然又開多間新分店，印象中啱啱開嗰陣食過一次，而質素都唔差，今次就試下佢嘅下午茶餐。呢一間冰室入面都比較full，兩個人去食都一定要搭枱，今次就嗌咗兩個套餐同男朋友share食。點完餐之後搭枱嘅兩個女人不停咁投訴佢哋乾炒牛河凍，而且瑞士汁炒乾炒牛河冇瑞士汁味，我睇落去都覺得冇乜嘢，果兩個女人走咗之後我同男朋友討論，仲覺得：呀⋯呢兩個女人要求都幾高。豬扒炒公仔麵 上到枱見到個豬扒炒公仔麵出晒煙，直覺熱辣辣應該幾好食，擺落個口度，下，凍㗎？扒多兩啖，真係凍㗎。我同男朋友簡直唔敢相信自己嘅味蕾同視覺咁大分別，亦都明白嗰兩個女人唔係要求高，而係真係唔夠熱。其實食落去味道都唔差，但係炒公仔麵唔夠熱同鑊氣真係一個大問題，好失望。咖映西多士 雖然冇乜咖映味 但係炸得都算唔錯 唔會揸得太乾身，仲保持到麵包嘅質感，外脆內軟。食落去脆口，而且炸得幾香，都唔錯。總括嚟講個豬扒炒公仔麵，竟然係凍，其實真係令人失望，我都好懷疑佢已經炒定晒所有嘅炒粉麵，然後當客人叫嘅時候，再落鑊炒熱佢，因為好明顯佢炒麵中間係凍，外面係熱嘅。作為一間餐廳唔應該咁做嘅，應該即叫即炒，所以都好失望，但整體

深水步食嘢一向價廉物美～我都超鍾意係深水步搵食。最近有人係深水步派錢，所以好多人🤣🤣🤣🤣想搵食都難，但唔得都要照食😛😛聽住深水步嘅友人講有昌茶餐廳新開唔錯，但求食個下午茶無所謂啦！因為距離食夜晚時間好近，所以唔想食咁多嘢～我揀咗個下午茶夾牛治😜先唔講味道，你見到佢嘅份量都會覺得即刻抵哂！佢勁大份，企你話勁好味又唔係，正常不過啦！但勝在餐廳坐得舒服！我仲叫咗杯熱華田～正呀！😆😆😆

Lunch time 一大班人唔知食咩好有人就提議呢間冰室勝在連平日午餐都可以打電話book枱雖然附近有好多更出名既冰室例如老鳳同老爺但呢間勝在夠大仲有閣樓～雖然樓底矮d但起碼唔洗等~因為今日都唔特別肚餓就只係嗌左個常餐豬軟骨既份量都幾多（我都食唔晒）另外加杯熱奶茶仲有塊多士（冇影相）都係$42 咋見到佢餐牌有冰條奶茶似乎所有冰室都會喺凍奶茶上面做小小工夫!的確好飲既奶茶係會令人上癮既～總括黎講間野既食物質素還可以至少乾淨企理！

😋😋鮑....魚火腿絲通粉、煎雙蛋 + 熱咖啡 $30蛋煎得好靚，流汁蛋黃，蛋白全熟，啱啱好! 有驚喜！*(凍飲+$2)好多時到其他餐廳食親蛋白都嚡霎霎、蛋黃熟晒，若轉叫太陽蛋，蛋白係太陽，但蛋白好多時都係透明未熟。

今天行經深水埗一帶，上網搜尋一吓附近有咩好餐廳，就發現了這間冰室。 這間冰室位於汝州街204-206號，距離深水埗地鐵站A2出口僅不到5分鐘的步程。 冰室裝修不錯，而佢嘅下午茶套餐選擇亦唔少。 點了美極生炒牛肉飯和豬扒炒公仔麵。兩樣之中我認為豬扒炒公仔麵更為出色，因為豬扒大小適中，而且不乾身。至於美極生炒牛肉飯，牛肉碎不明顯，但勝左飯香夠濃。而凍檸茶都不錯。個人認為，這間冰室整體表現不錯，值得一試。 期待下次能嘗試晚餐，因為見到晚餐餐牌上有很多小菜可選擇。

身為深水埗街坊嘅我，點都要嚟“南昌冰室”飲番一杯特色冰條奶茶啦。好期待😁😁唔知會係咩味架啦～WOW😍😍凍茶冰條原整一條冰條上，茶底好奶茶滑仲好順喉，越飲越有味😎👍🏻👍🏻真係值得大讚，單叫一杯都係$20超抵👌🏻👌🏻 夠曬凍😚😚 齋啜條冰條茶味極濃烈，如果唔喜歡濃茶的朋友，最好等佢慢慢融囉～🤣🤣飲到最後條冰條仲未融晒，飲得我#透心涼 😊😊 真係在夏天#最佳良伴 😉😉今個午餐真係可以話大滿足 😋😋用五隻雞蛋做的黑松露北海道牛乳炒蛋火腿多士🍳🥓🍞雞蛋厚嘅程度有3cm高，未食都聞到很強烈嘅gas味，哈哈🤣🤣🤣好吸引囉😁😁食落味道都ok, 蛋味香都算滑，火腿可以，多士都不錯，食咗5隻雞蛋感覺超飽肚😉😉配埋杯冰條奶茶，真係不得了👍🏻👍🏻

朋友介紹幾好，今天叫了紅豆冰。送來時樣貌都幾好，但開始進食時發覺有問題，問題是紅豆居然好像加了糊粉，像有漿糊黐埋在紅豆內一舊舊似的，問店員為什麼是這樣 ，她反應很大 好強調地說我地的紅豆冇問題，昨晚煮的，好新鮮。她沒有拿去了解，是否出現問題，我又冇要求退換，只是想她們跟進。作為一間食市，沒有去跟進及查證出售之食物是否出現問題。只是維護自己利益，是一間沒保證的食店。大家要慎重考慮是否應該進入。希望大家沒有我這經歷。

今日中午冇咩做出咗去深水埗👅因為早排來食過這間茶餐廳 ，😊所以今日再嚟幫襯 ，我哋一行五人我都冇幾耐叫嘢食嗰個阿姐真係串到乜 ，我話唔該落單😊 ，😬佢就大大聲😬你講啦~講啦~講啦~ 😬你講我就聽到㗎啦~😬食乜呀~真係 唔知咩態度😑😑😑😑我哋叫咗燒鴨瀨 )賣相都唔差好味道😋 )雞髀薯條沙律 雞髀好🙌大隻 (但個沙律就麻麻地) 滑蛋牛角包 因為上次食過今次再追加 👍唯一面頭嗰啲黑色松露 真係 好難食😣， 芒果醬西多士 。這個真係有新意 ，反傳統平時食西都會用糖漿但係佢就用芒果醬 ，好醒神好好味 ，我幾鍾意呢個芒果醬講服務呢度冇 👎，講好味呢度就有👍

叫左個瑞士汁乾炒牛河，成半個鐘都未到。催左幾次，啲侍應叫我等陣就當沒事。最後夠膽同我講話師傅整錯左，問我轉做炒公仔麵得唔得？我俾錢坐左半個鐘，杯熱野麵變凍飲，竟然要我食過另一碟野？隔離枱啲人遲過我地黎，人地成枱都食哂埋單，我碟野就岩岩先出，厲害👍

一直以來都是南昌冰室的支持者，在鬧市中可以找到一個落腳點的確不是一件容易的事。一直以來每個星期的聚餐都在冰室進行，我相信為冰室帶來很多新的客源估計唔到，今日竟然拒客人以千里，已經表明有朋友會加入，都不肯開放二樓。 話是老闆的指示。可以請到這樣的夥計，是老闆的不幸， 既然拒客以千里之外，我都不會勉強。我只是覺得非常失望，以後我們都不會出現。價錢貴，不是一個問題，好不好食都是次要，問題係要受氣，讓人覺得非常不滿。

呢間係舊年才開業嘅茶記, 打着冰室嘅旗號, 做的是包括了快餐小食以至小菜, 25 /June初試佢嘅下午茶套餐咖吔西多士$27 西多士炸得剛好, 沒有過淺或過深色, 咖吔醬都不會夾得過少, 美極生炒牛肉飯$37 美極好似唔太出反而老抽就見到色, 牛肉碎都係嗰種有與無之間, 飯炒得算係咁啦!06 /Sep 晚餐 $45麻婆荳腐 送例湯,白飯,熱飲, 45蚊係最低消費, 例湯都算有些料, 白飯用深啡色砵裝攤開睇感覺會多一點, 麻婆汁做到少少麻辣味點到即止啱大眾口味, 荳腐都算滑淨,份量完全足夠食飽一個麻甩佬, 都係收45蚊無投訴啦15 /Sep晚餐食到幾有水準嘅豉油皇炒麵, 主要係麵質夠幼身又彈牙, 豉油有色但咸度剛剛好, 一齊炒嘅料頭算係樣樣都有只係蔬菜的顏色單調咗一點,只有幾條青蔥能突出一下自己, 其實的都被啡黃色掩蓋過了, 另一個沙嗲牛肉麵套餐都算交足功課, 牛肉沒有被醃至味道全無, 熱飲未見突出, 但也唔難飲的,