南翔饅頭店 (已結業)

2人套餐極差, 6:00pm 到, 首先來過茶, 要等十分鐘, 冷盤已到, 仲要催先得, 但未飲茶豆漿已到, 都唔知飲邊杯先, 定一起飲. 跟住再飲湯, 竹笙雞湯=豉油湯, 竹笙三小塊, 雞連骨一小塊(似茶樓飲茶的排骨大小). 冷盤:四季豆又是油膩, 再上不停, 跟本2人桌沒有空間再放其他食物. (現在香港很多食肆的慣性). 小籠包食之無味, 上海粗炒=齋麵加菜, 很難有肉絲見到.d油肥到... 再食桂花拉糕, 桂花乾哂, 無味年糕. 又是油糕. 埋單二百幾蚊, 咁既質素點值??? 無一可取! 去街邊小店吃, 好過佢十倍.

晚上約6點15分, 入到去仍很少客, 我們好彩地仍有近窗的卡位. 晚上6點後, 客人必需付8蚊的茶位, 但也很值的, 因為是各人自選花茶or 各式中茶.我就選了淨菊花, 桂花烏龍.由於太早唔想吃咁多因10點後約左其他朋友宵夜, 就只叫了小籠包1籠, 醬爆蟹黃炸蝦丸, 上海炒年糕.小籠包都唔錯, 多汁....上海炒年糕亦很好味, 因為個汁很濃, 但就嫌師傅切年糕太粗糙, 很大塊, 變得炒得部份太厚唔入味. 整體味道賣相都ok.醬爆蟹黃炸蝦丸, 呢個就反而最唔好吃, 我係上海吃個款雖則無蟹黃, 但好味同口感好食好多, 今次這個就落了蟹黃可能蟹黃唔靚關係就算滾熱辣都好腥, 超難食. 其實如果叫個2人餐都幾抵食, 210.00 很豐富, 但因晚上還要宵夜就小吃這些算了, 下次會再來試試.伙記就很欣勤, 但人手就開始踏入7點後就忙得很, 埋單or 沖茶都要吼人即遞手..唔係就唔知又要等幾耐了.

為免等位食飯等到自己煩躁，入到餐廳後係咁挑人骨頭，所以今次都係選擇可以用VIP咭訂位的南翔。除咗人手好似緊拙咗d，要睇準時機叫人落單，其他都好ok。負責我哋張枱個waitress雖然好忙，但依然好好笑容又有禮貌，仲識自動幫我CHECK單睇有冇食物未嚟。食到差不多個經理仲幫我哋清理張枱上甜品，肯落手落腳同員工一齊努力的主管真係唔多，最睇唔過眼d經理淨係識點人做扮到高高在上‧‧‧食物味道都keep到，不過就好快凍，真係要趁熱食。6個人食到飽飽先5百蚊，中菜嚟講真係好抵！

　　下午二時抵達，人潮已散去，可惜未能安排坐在窗旁卡座，二人位位置也頗擠逼，幸好鄰座無客。　　下午優惠時段，一客主食加一客點心只需四十元，二人叫了炒年糕，鹹肉蝦仁炒飯，小籠包，另加一客高力豆沙。先來鹹肉蝦仁炒飯，份量相當小，大概分得每人一飯碗（不是大的飯碗），鹹肉的確似是正宗鹹肉（老爸是上海人，經常從上海帶回土產鹹肉），蝦仁都只是一般急凍貨色，但份量都算多，味道不過不失。　　跟小籠包出場，由於下午茶關係，只得三隻，皮不太薄，但我反而喜歡，實在厭倦了港式小籠包標榜的薄皮，往往一挾即爛。內裏的湯汁依然燙口，肉味也算濃郁，在香港來說，這質素的小籠包我覺得算OK，當然比起上海老店，不論味道，還是氣勢（每張的小籠包閒閒地十幾籠，放在上比人還高，仲要每人最少喫一籠｛十幾隻｝），都有很大差距吧！　　再來我的摯愛炒年糕，份量一般，味道也不太濃，不過年糕煙煙，通常不太差的話，我都照單全收的了。　　最後登場的高力豆沙，我覺得是此餐最美味的，起碼吃來還是熱騰騰的，豆沙不太多，正好，不太甜。比起很多冷冰冰的高力豆沙，這個最抵讚！　　兩個人埋單連加一八十八元，OK！

我是10點過後才到, last order 10:30 食到11:30左右兩旁的臺都幾密腰果酥幾好味(最好一到就食)東坡肉都不錯叫了蟹肉小龍包, 不是蟹粉, 有些失敗三絲炒年糕, 不過不失

綠楊坊新開張,去試試,服務態度極度差,那個黑衫所謂經理,塊面仲黑過件衫,好似唔駛錢咁,想不到會咁的。去到十點幾,內裡只有三,四枱人,個侍應帶我地去一張小型枱,半隻手距離就觸摸到隔離枱,於是我們要求另一張,那個黑衫所謂經理在我們隔離講緊手電,就勁啤住我們。只不過想食得舒服d,都要換來這樣的服務。

南翔開張時, 吃過一次, 印象模糊得很。日前, 妹妹從美國回來, 一行七人南翔吃洗塵飯。看過餐牌, 由於套餐選擇限制大, 最後決定散叫:1 賽螃蟹---- 算是最理想的一個, 但僅記必須下醋2 鮮肉小籠---- 肉太實, 湯汁亦不算多3 蟹黃小籠---- 比鮮肉軟熟, 但不覺有好多蟹黃4 回鍋肉---- 普普通通5 鹹肉青菜炒飯---- 飯是炒得不錯, 一粒粒的, 但幾油6 王炒鱔糊---- 上一會, 醬油便「瓊」成一PAT7 火腿津白---- 火腿過鹹8 高力豆沙---- 夠晒甜9 豆沙鍋餅---- 不夠脆環境都過得去, 不過非會員就冇得訂位, 搞到我一個人要預早半個鐘去霸七個人的.....

20070919坊間滬揚風味、乃至京川滬風味的食店何止百間，吃得到馬蘭頭的卻沒有多少。論出身也不過是一介野菜，只不過時下原始純樸的菜蔬遠比魚翅鮑魚更有市場，加上產量不多，馬蘭頭也就矜貴起來。剁得碎碎的，混著豆腐沫，一點麻油，拌起來，很是清新，叫一籠蒸饅頭來搭配，很有些返璞歸真的風味：）同桌的還有半打野菜小籠包與一碟糟溜魚片，都是清清淡淡，就算有芡汁，也是薄薄的，雖然比不上鮮肉小籠包那股濃香，偶爾轉轉口味也還不錯：）喜歡這裏上茶的方式，一人一個晶瑩的有蓋茶杯，有茶隔很是方便，而且味道也比大壺沖出來的好，只收8元茶錢，是超值了。如果多一兩個人，就可以早點預訂，坐到窗邊的私人卡位，更添意趣：）

鮮肉小籠包$30(四隻) - 皮算薄得唔易穿, 肉味濃, 好味. 已經係近排食過比較好小籠包! 還記得以前小籠包剛剛流行時, 有得賣地方唔多, 每次食到都覺得製作精美兼好食. 但隨著潮流過去, 現在係茶樓都可以食到, 但品質就差好多啦. 就連掛著小籠包名義舖頭, 味道都比以前遜色了. 這兒一樣差了, 但還可以吧.三鮮湯年糕- 清清地, 年糕都幾煙, 算ok啦.高力豆沙- 唔夠熱, 唔似即叫即做, 但味道都唔錯, 大粒餡足.桂花酒釀丸子- 都唔錯wo, 有酒香味又夠甜.裝修新潮. 茶錢$8/位, 款款茶名都好似好靚咁, 其實咪又係茶樓d普洱香片鐵觀音. 服務一般啦, 都係收碟收得太快, 成日係我夾起最後一隻小籠包時候, 就即刻收碟醋...

前晚去了此處.這陣子吃了不且地方的小籠包今次再試.入到去入知,原來要叫茶,還要8元一位,可真有大陸風格.叫了桂花烏龍,比平時免費的質素是好了一點點,不過不值8元.食物方面小籠包:不叫其他創作款式,只要最普通的.味道是中上的,皮較厚,有肉汁,突然想起超巿急凍的南翔小籠包,還可以找更好的.鎮江肴肉:普普通通,ok既.醉雞(糟雞):肉好梅,吃不完.非常失望火腿津白:津白過腍.總括:如果想食小籠包,可以有更好的選擇,價錢太貴.不會回頭.

好難先做到會員, 但打親電話都book唔到枱, 職員態度又差, 一次話"我地每日booking都有quota", 一次又話"最快都要九點先有枱, 你早幾日打來訂", 如果我九點先食飯, 都唔駛book枱啦! 本人覺得會員優惠有欺騙成份, 請大家留意

與中同老友兼波友食飯，對於觀塘的食肆，大家都心裡有數。加上各位也是港島人，銅鑼灣是較好選擇。時屆九點，很多店子也要排隊。只有這裡空位多多。1)貢品杭菊茶錢收$8，是酒樓價，不過貨色好啎同。各人點自己的一杯茶。貢品杭菊這個名有點誇張，認真在可見的一朵朵菊花，味清淡。2)鮮肉小籠包現在好多地方的小籠包也做得相當有水準，不容南翔老店獨大。不過既然是招牌菜，一定有其可食之處。四人點了兩籠，一人三件。粉皮不算特別的薄，也不易爛；肉質相當鮮嫩，湯汁處理得很好，有豐富的肉味。3)京蔥三洋拌麵材料主要為蔥，不好蔥者勿試。京蔥的蔥味不大，醬汁卻濃，一淡一濃與軟身得來又不粘口的拌麵一起吃，效果相當滿意。4)酸辣湯麵重點在於酸辣湯底上，酸辣度各適中，用料頗多，所以味道也豐厚。採用了幼麵，質地軟滑易入口，賣相也討好。5)京蔥牛柳絲炒粗麵牛柳絲少，蔥多，主角是粗麵，好有彈性，味道調配得得宜，不會過重又不會過淡，油多了一點。6)蝦仁雞火炒飯飯炒得乾身，油不算很多。蝦仁爽口，飯爽身不粘，清脆利落，有雞火粒的鹹吊味，又有蛋絲，不算寡。7)三鮮炒年糕喜歡吃年糕煙煙韌韌的口感，質地第一，味道次要。黃芽白、木耳、蝦與豬肉已

可能香港人多數鍾意皮薄既小籠包, 所以食唔慣呢度既. 但對於我個人黎講, 就覺得佢既皮係恰到好處, 入面既餡更加係我既至愛. 因為出面好多小籠包既餡都撈左薑蔥等材料, 同埋會帶有小小甜味, 呢樣野我好鬼憎. 所以南翔呢間野既小籠包就o岩晒我口味, 皆因佢齋肉味, 正! 哈哈, 我終於搵到我要既小籠包喇!! 之前去上海時食過, 果時要企係度食, 感覺好辛苦, 不過都覺得好好味(都係因為佢既純肉味餡). 反而可能因為而家有得坐係度食舒服d, 覺得香港仲好味過上海!我同男友二人叫左兩籠小籠包, 酸辣湯, 四喜烤夫, 酒釀丸子.小籠包: 之前提左, 好味!酸辣湯: 酸辣味都balance得唔錯.四喜烤夫: 冷盤, 食左好開胃. 烤夫撈左冬菇, 黃花菜, 筍.酒釀丸子: 好香既桂花味, 唔會太甜. 又係好好味!茶錢每位$8, 我地揀左貢品杭菊, 好清香同消滯.d staff既服務都好好, 好有禮貌.整體而言, 對呢餐都好滿意. 一定會再黎!

前晚同男朋友去左食晚飯,可能時間尚早(7:00)所以唔使等位就入左去了我地叫了個鮮肉小籠包, 燻魚, 燻蛋同埋京蔥牛肉絲粗炒小籠包有水準,有好多肉汁, 但點都係上海食好食d, 但在香港就好難找到了, 所以佢己好好食燻魚同燻蛋, 一流好味, 燻魚d骨好林, 吞得下, 好味道, 燻蛋就真係無得頂, 半生熟的蛋黃真係好香好"迷人”！！抵得一試！！個粗炒就好正宗，　點解咁講，　因好甜囉，對唔食憤上海野的人嚟講就真係太甜呢，　但賣相唔差距！

1行10人o黎食叫左好多o野ok la~價錢都抵ge海參好食鱔糊粗炒都做得唔錯，夠乾身，唔太油桂花拉糕比平時食到透明杞子o個d更好!碗豆包都ok~ 但我都係like 黃家沙o既碗豆湯圓埋單$1000