南記粉麵 (愛定商場)

营业中

休息中

旅行完回到香港，想吃粉麵，選了鄰近的南記粉面，全港有約34間分店👍在香港有三十多年，陪伴我們成長。 老公說以前窮食時喜歡吃招牌 #鴛鴦河 魚蛋及春卷， 當年約$28抵食之選😋我最愛吃招牌酸辣湯底有薄瘦腩肉片、魚肉春卷及幼滑煙韌米線🍜。招牌滋味小鍋套餐 $65 另有魚片冬菇好味😋另見有新品鱻套餐 $57配搭魚片🐟、魚肚、魚腐、麻辣蕃茄🍅都幾辣非常惹味🌶️♨️ 另有不辣蕃茄芝士🧀選擇，下次可試😋紅油抄手 (加配價$18）原來是冷的😅新產品 #熱情果鴨屎香茶 （餐飲）清新微甜，適合吃辣後喝👍🏻豆漿 （餐飲）略甜了一點加$5有菜食，份量比預期多，都算抵食。收銀姐姐提我有買$300現金劵送$80優惠券，好超值😋👍吸引我地下次要再來食#香港美食#飲食情侶🥰

酸辣豬肉米粉^再加豬肉中辣首先佢嘅辣豬肉～個辣豬肉嘅感覺好似有啲似豬肉乾，但係好好食好入味嘅感覺～醃肉出面好似搵唔到好似得南記先有酸辣湯底中辣超惹味超正～個米粉都好好味起碼唔容易斷成條

牛魔王小窩套餐 $64叫咗麻酸辣湯底，味道其實都唔錯，麻辣食得到過癮，酸味夠開胃，係辣度會辣少少。牛丸同牛腩都有牛味，牛丸夠彈牙，牛腩夠淋，係會再想食嘅選擇。春捲牛腩小窩套餐 $61肚腩同上一碗差唔多，一樣咁高質，春捲就係淋嗰隻，類似平時食開嘅齋肉條，春捲餡都夠結實，夠曬飽肚。呢碗嗌咗蕃茄湯，係我最推薦嘅湯底，蕃茄未夠香燶，食唔曬個粉都要飲曬個湯佢。香辣紫菜雞翼 套餐+$22 你半煎炸雞翼上面配上紫菜，老實講似兩樣食材夾硬放埋一齊，雞翼無紫菜味。不過其實兩樣都好好食，雞翼都夠脆，紫菜似韓式紫菜，有油香亦都夠脆，咸咸地，唔錯嘅小食。整得黎講所有嘢都好好食，價錢就感覺貴左少少。

今日買左蒜泥白肉加一碗面連野飲$120，本身都唔算平，而個蒜泥白肉就收$38，返到屋企睇下，下。。。原來得5塊咁大把，簡直離鐠，真不如隔離間譚仔， 人地差不多價都唔會得5塊咁離鐠，起碼都有一碟滿，呢間南記好意思收客人$38／得5塊白肉，虧佢哋拎得出黎賣，打開個盒完全打左個突，除左寫食評，真係無語，真心係非常差唯有提醒自己下次唔好買

廿年前在港島區第一次試到南記嘅招牌河已經深深被吸引，當時諗如果屯門都有佢嘅分店就好喇，廿年後終於被我等到呢一日🥹招牌河套餐- 套餐有招牌河（牛丸、魚肉春卷、魚片）+油菜+飲品。因為休魚期，所以冇魚蛋供應，改為魚片，油菜選了生菜，飲品選了豆漿。- 招牌河仍維持住當年嘅水準👍🏽，特別是魚肉春卷，是當中嘅靈魂，獨特嘅鹹香，有少許彈牙，越咬味道越出👍🏽，牛丸味道唔算濃但彈牙，魚片有魚味和爽彈👍🏽，湯底是甜👍🏽，而我每次都一定會落佢獨有嘅辣醬，令整碗河粉嘅吸引力提升，好惹味。- 生菜和豆漿都正常，沒有太大特別，但以營養攝取嘅角度來說，外出食嘅一餐已經符合均衡飲食。- 特別要讚一讚收銀姐姐，我原本是招牌河加碟油菜散叫，佢好好心提我不如轉套餐抵啲，仲有多杯飲品，值得表揚👍🏽

太耐無嚟友愛呢邊，居然開左間南記👏 屯門嘅朋友又多個選擇啦👍🏼 雖然食南記少於五次，但感覺到湯底進步不少，又有特色湯底嘅套餐🍜 剩係啲餸都出色不少😋😋胡椒豬肚酸菜湯 配 紅胡椒菠蘿特飲（$58）想飲嘢嘅話叫呢個餐都幾抵，最鐘意個風琴豆腐，索曬啲汁最正！唔想食辣嘅都可以試下呢款🙆🏻‍♀️ 我揀左經典配撘：腩肉春卷酸辣湯米線🥢之前只係食過呢個，覺得個湯底味道濃厚咗，腩肉一如既往瘦瘦地大大塊，鹵得夠入味👍🏼米線軟硬適中，總括嚟講都係實力派😝仲有！佢哋個辣椒醬酸酸哋，好正！有啲似客家口味嘅辣醬🌶️

南記🍜💛話說我對於南記嘅印象就係聽聞幾好食，不過新界區冇分店😂所以作為屯門牛嘅我，做咗廿幾年人淨係食過一次咁大把🤣估唔到今次經過屯門某一個屋村商場，竟然發現到南記嘅蹤跡👀於是就入去食餐便飯🤟🏻珍寶米線蕃茄湯$63呢度嘅蕃茄湯底真係好有蕃茄味，絕對唔係茄膏加水嗰種！同埋米線入面嘅蕃茄加加埋埋起碼有一個半咁多，唔講真係以為自己嗌咗蕃茄做餸😂呢個珍寶米線嘅餸包括有兩條招牌春卷、三粒魚皮餃、兩粒牛丸，三粒墨丸同埋兩粒魚蛋，有冇人可以解答吓呢啲餸嘅份量係咪隨機？😂😂究竟點解有啲兩粒有啲三粒？🤔🤔我覺得招牌春卷係咁多個餸入面最好食嘅，其他就不過不失啦，不過一碗麵入面有咁多粒唔同嘅丸，感覺上都幾豐富幾滿足㗎！招牌辣豬肉麻酸湯$56辣豬肉切到好薄，所以好容易咬開，我好欣賞佢呢個肉質同埋厚薄💓💓💓可能因為切到好薄，所以啖啖都咁入味！下次再嚟食嘅話，我應該會再叫辣豬肉做餸🫶🏻 而麻酸湯就正常發揮，唔會話太酸，食得辣嘅朋友加一羹辣椒油會更加好食！🌶️🌶️

冬天最適合不過的南記💝🐮今次點左招牌春卷牛腩麵🍜✔️牛腩味夠晒濃😍😍✔️口感剛剛好，好好咬口，唔會「鞋」🥰🥰✔️春卷入晒牛腩味不得了😋😋👍🏻整體都係好抵食嘅一餐，會再幫襯😋