南記粉麵 (已搬遷) 新店位置

午餐諗唔到食乜，跟同事叫南記，清清地叫咗個4寶米，我係叫外賣嘅，本身無咩期待，結果不過不失，很味就講唔上，勝在夠快(快d食完繼續工作)同CP值高，湯同米粉係分開裝，唔錯。

南記真係香港的粉麵，每次都食小鍋酸辣米線，今次試下清湯招牌米線先，下午茶時段黎買都是$27，真是超級抵。講到南記必食的是炸春捲，一份有2條，通常食完都會覺得唔夠喉，春捲煙煙韌韌，似魚膠，但非常香，不油膩。魚片加牛丸不過不失啦，米線彈牙爽口，價錢實在太抵。

南記一向出名平、靚、正嘅粉麵店 ！最近新出咗一個炸春卷！佢個炸春卷好香囗都脆口的，亦是另外上不浸湯，本人覺得超好味的新食物！大家不防去試下包你們都覺得正！本人評價80分👍🏽

係銅鑼灣返工放lunch唔知有咩好食，朋友就帶左我去食呢間南記粉麵，間店唔大，細細間，但買餐嘅人好多，排左成條龍，我自己就買左清湯雙拼米線加配紫菜，都只係$36,餐到手時見到啲配料好多，即刻好開心， 然後食落口時又有驚喜，好入味，味道偏重，但我鍾意！ 之後睇番餐牌，原來十一點半之前，雙拼粉麵只係24蚊，仲有得送一杯嘢飲，真係超抵！

無論係有錢的老闆，抑或是我們打工蟻民，都會喜歡吃南記。選擇南記多數是因為以下的幾個原因之一。1.出餐快：如果是外賣自取的話最快。先在公司一次過落單，然後行過去，到收銀台付款，你的外賣已準備好。在午餐時間，爭分奪秒休息是常識吧！所以最怕等2.快有位：南記的坐位非常多，而且吃粉麵，快來快去，會停留的客人不多，所以很快便有位子。3.價錢合宜：在銅鑼灣地段$30-40的餐點已買少見少。這次我選了最有名的小鍋腩肉米線加魚肉春卷，超愛其湯底，酸酸的，很適合夏天食！

好耐好耐無食南記喇！🤤雖然而家譚仔一類既米線開到周街都係但以連鎖餐廳黎講南記真係贏成條街贏在個湯底真係食好多唔會太重味精越食越口渴而且佢個春卷真係幾脆好好食我一定去南記都唔去譚仔啦🤷🏻‍♂️

銅鑼灣好多嘢食， 但早餐千篇一律30以上， 仲要不是間間都好食，如果針對每日都外出食早餐的人， 感到厭和高消費， 我要介紹一間開心大發現，今日經過南記發現佢嘅早餐有些新意， 用牛腩切𢇁魚片條炒腸粉， 真係比都好食嘅沙嗲牛肉麵， 更難得呀！當然，糯米雞收你＄22 有嘢飲，仲有招牌春卷河粉加街頭小食混醬腸粉，食落都唔錯呀， 沒有乾爭爭的感覺！坐低食又得，拎走又得！ 平時成日最食得多就係下午茶套餐，＄20 不用食粉麵，淨係食餸，汔水或豆漿，不會過飽！ 銅鑼灣鬧市不錯的選擇！

一直都好欣賞南記既酸辣米線，味道好上隱，食到停唔到口，湯都飲埋先收到口。不嬲都有黎開銅鑼灣呢間分店，通常都係堂食，好大碗。今日中午黎左買外賣，照舊，酸辣湯底，春卷，貢丸，加腐皮。味道覺得好淡，飲啲湯冇酸味，唔知係咪關腐皮，但我平時堂食加腐皮，個湯都有味，結果食唔曬，因為淡某某。外賣份量亦比堂食少，米線吸左好多湯，你亦可以選擇分湯，但要加一蚊，呢一蚊可能都值既，但好唔環保。春卷同貢丸依舊好味。但個外賣湯底真係要搞搞佢。

粉麵就食得多,但我就係第一次去「南記」食粉麵。星期日去到 ,有三層高的南記，坐到滿座，仲要等位。Affordable price 讓眾人蜂擁而至.魚片頭、牛丸, 芽菜又多, 份量夠多, 味道十足，28元認真抵食.魚肉捲、墨魚、牛丸湯粉，墨魚超彈牙,魚肉捲夠香口.熱奶茶只售12蚊 ,夠熱香滑.人氣推介三牛小鍋,必食。下午茶時間超多人, 不過等位都係值得.第一樓層已滿座.第二樓層又滿座.第三樓層繼續滿座。Clementine色的裝潢，令人聯想起同級對手大快活。

如果唔係 外國朋友堅持要嚟呢度食春卷我都唔會再返嚟呢度的確適合一大班人坐但係夜晚十點呢段時間竟然仲有排隊嘅現象食得出嚟佢啲味精輕手咗比起譚仔的確 味精輕手啲以前南記開到周圍都係應該畀譚仔搶咗唔少生意唔通味精越多越受人歡迎？？？但係啲春捲越炸越燶啲粉愈嚟愈厚同埋我唔明點解佢會變咗做半透明狀態會唔會而家係機器做所以無論外型口感都同以前完全唔同外國朋友覺得好好食因為夠香夠辣佢哋都提過 麻辣好食啲酸辣唔夠麻辣辣食完嘴部紅腫勝在係夠大碗魚蛋唔夠彈牙

《Tasting report • 南記》💰$20/9粒平時去南記一定食最受歡迎既春卷💕，而家新出左春卷脆粒...微脆既咬感，再加左椒鹽 好惹味🤤一粒一口，食起來超方便！.............................👇🏻地址👇🏻南記粉麵 銅鑼灣怡和街56號新基商業中心一,二及三樓

銅鑼灣分店有2層，但因為係旺區既關係一直keep住好多人，所以我通常都會買外賣，但佢有樣好係人手足夠，好多時都啱需要等好耐。一講起南記，一定會諗起酸辣先，但其實南記既清湯都好出色，最中意食佢既招牌春卷同埋冬菇。招牌春卷外脆內軟，魚肉味重，又唔會太咸，配埋個清湯揀直冇得輸。招牌春卷仲可以另外單買，唔夠喉既可以試下。好多人都唔會嗌冬菇做配菜，但南記既冬菇比起外面食既大粒好多，仲好夠淋好夠味，以甘平民既價錢有呢個質素真係掂下午茶仲有杯豆漿送tim。

-又係南記😋見到南記出新野就去試下🤗-春卷脆粒😋（$20）其實係炸春卷，春卷皮炸到卜卜脆，外脆內軟，唔錯👍🏻南記嘅招牌春卷係最正😍-珍寶米線☺️（蕃茄🍅湯底）($58)材料有招牌春卷，牛丸，魚蛋，魚皮餃，墨魚丸🤗今次覺得米線比較淋，而最愛一定係南記嘅招牌春卷，腐皮包住魚肉，食落煙煙靱靱，超好食，索曬湯底，好入味😎d丸都好彈牙，配埋蕃茄湯底真係唔錯，番茄湯底都幾濃郁🍅🍅-酸辣米線🍜(招牌春卷，冬菇，招牌辣豬肉)（$46）湯底酸酸辣辣，食落幾好開胃，招牌春卷是必食，味道口感不變😍每次食南記一定要食春卷🤤好大個冬菇，煮到好淋，好入味🤤正啊🤗招牌辣豬肉係第一次食，食落有小小辣，但味道都唔錯👍🏻-

草根一早聽過南記粉麵，知道佢好出名，但一直都未食過呢一晚特登行完街去食!去到先知原來一共有3層，好犀利啊!點先可以係銅鑼灣有3層鋪位?但係又真係好多食客，完全係駱驛不絕!!keep住有人排隊買野食!不過當日落單嘅姐姐好霸氣!餐牌好多選擇，除左有得散叫，仲有d set好嘅米線餐招牌春卷。辣豬肉。麻辣米線 ($48+$8牛筋)👩🏻👧🏻草根姐妹特登因為南記粉麵嘅春卷而慕名而來⭐️⭐️⭐️春卷講得係招牌菜式，味道真係唔錯! 應該係用腐皮包住魚肉，春卷有咬口👅食落有少少煙煙韌韌。辣豬肉🔪切成薄片，🐷豬肉入味又唔油膩，不過草根都係偏心春卷多D😍~~另外，貪心嘅草妹仲加左$8叫牛筋，軟軟腍腍都幾正，但份量就唔多。米線麵質偏腍🤨唔夠煙韌😭呢點有少少失分，🔥🔥🔥但係小辣湯底係正嘅👍🏻人氣套餐 ($45)(自選單/雙拼。清湯粉麵 + 魚片頭5件 + 細豆漿)見個人氣套餐有包粉麵、小食同飲品，好抵食🥢岩晒唔食得辣又多心嘅草根姐姐👅✌🏻揀咗雙拼-魚蛋加貢丸，魚蛋唔彈牙好一般，但貢丸唔錯。偷食左草妹嘅春卷，果然幾好食，難怪係招牌菜🙈下次我都要叫😤麵就腍左d。小食嘅魚片頭好厚身，所以食落有質感👍🏻魚片頭炸到外面脆身😍內

繁忙時間去好似做賊咁。。。平時唔係行開灣仔，不過今日過黎政府大樓有野做。一點就度度都多人架喇，咁都無乜所謂既，不過質素就真係好大分別。叫左個全日餐a2，errrrrrr，佢居然話南記無米線🤢🤢🤢🤢🤢佢問我幾多辣，咁就小辣啦。點知出到黎。。。先知寫左酸辣。。。我明明係想食麻辣架囉，貴兩蚊架！快快手趕住就求其skip左唔問！？咁唯有照食啦，個米線硬到明顯無乜煮過。塊魚蛋片。。。。凍既，浸熱都懶🌚🌚🌚🌚🌚🌚食連鎖店都唔求特別好食，求穩定啫。出品咁求其，都係過隔離大家樂啦！