南記粉麵 (已搬遷) 新店位置

價錢相對於分量同味道完全不對稱，絕對唔推介。番茄湯冇番茄味，牛肉牛腩唔入味。豆漿得個甜。完全冇豆漿味道。熱豆漿係冇溫度。三流河要56，但分類居然相等街外36。係我吃過牛腩粉又貴又唔好吃一間。居然有一百幾十個like，真係奇怪啦。真係俾老點來吃，冇下次，下次見到都離遠d。環境昏暗有少少壓抑。7蚊一小杯豆漿完全比唔上ok或者7仔買一支豆漿。下次晤可以貪圖方便更加唔可以信d like。點會有一百幾個like?

儲錢又要食午餐，便宜又好吃的米線專門店在哪，去食南記啦選一或兩款餸配麵底，只需要20幾元，超抵啦 指定招牌河就有三款餸，多左彈牙牛丸腩肉好薄好香口，入口即化，加埋兩條春卷（可以要4條，而相對腩肉少些）辣度可以選大，中，小，視乎自己能食幾辣加埋一杯豆漿，好滿意

米線對我黎講真係有種魔力 成日都好想食奈何南記嘅分店唔係咁多 而且要遷就朋友嘅口味 所以上次第一次食完之後都未有機會再試 不過今晚終於有機會啦今晚同朋友去行年宵之前決定去食南記不過我地一入到去 發現三層都已經坐滿哂人 今晚公眾假期好多人 所以等位都等左好一陣子 不過都無損我期待食南記嘅心情我嗌左個酸辣小窩米線 湯底酸酸辣辣好開胃 而且兩種味道好夾 唔會話邊一種搶味 搞到我忍唔住飲哂啲湯而配菜嘅話 識揀就緊係揀佢個招牌春卷啦 香口嘅腐皮包住魚肉 煙煙靭靭 好好味魚腐亦都好軟綿 而且索哂啲湯入去 好惹味加埋韮菜 芽菜 酸菜各種配料真係無得彈我朋友嗌左個雙拼蕃茄濃湯米線 試左佢個湯底一啖 覺得同出面嘅好唔同！！ 湯底有好多蕃茄肉 而且佢真係保留左蕃茄果種酸酸甜甜嘅味道 好natural 唔似出面果啲 一飲就覺得好甜好好味 但同時都知道係加工嘅估唔到一碗價格相宜嘅米線都可以做到呢個質素不過有個位值得留意嘅 就係店內部lift壞左 我去拎返個餐上去嘅時候覺得有啲吃力 因為兩個餐加埋有啲重 然後又驚倒瀉啲湯 又驚撞到人 所以行樓梯上去嘅時候真係步步驚心 但撇除呢樣 南記嘅米線真係值得一試再試

以前中環番工，生於無飯家庭的我日日都食又貴又難食的飯盒，想當年朋友介紹我食南記，一食就愛上個佢最出名的春卷！ 家下鰂魚涌番工，遺憾是公司同屋企的附近都沒有南記，食到的機會微乎其微。 今次一枝公去銅鑼灣做treatment，諗住九點先搞掂，屆時求其食串燒賣當晚餐。點知八點已經完工，可以食番個豐富d既晚餐架啦！ 銅鑼灣食肆林立，但全部都唔係我杯茶！因為無。飯。腳！ 所以去食我的comfort food ，因為即使無飯腳都可以食得開開心心！以前南記湯底好簡單，家下選擇越黎越多，清湯太清覺得唔夠滿足，朋友講小鍋米線的酸辣好味唔太辣（因為我唔食得辣）就一於嗌春卷小鍋米線啦！ 果然啱我心水，辣得啱啱好，酸菜夠多，米線入晒酸辣湯底的味，令到簡單的春卷米線更惹味又過癮！等我仲怕辣，嗌埋杯凍檸茶。我習慣食完先飲野，一試有驚喜，原來南記的檸茶都唔錯喎！茶膽可媲美茶餐廳，又無苦澀味！如果下次又一枝公去銅鑼灣，我都會再食南記！

南記10年如一春卷真係好好味,再配上當食附上既辣椒醬,咁多年都風味衣舊,而我最鐘意食南記因為可以揀面底,唔洗一味食米線,其實酸辣湯底配米粉先最正呀~~不過價錢真係貴左好多,懷念以前招牌粉面都係賣18蚊

雖然仍然懷念南記以前在香港仔老店的時光，但也很欣賞他們把店舖現代化了，以及把業務形式轉變了的「與時並進」。他們的市場推廣員工真的抵讚，能夠以「香港仔」—> 一名香港的男仔，令本身是地方名香港仔的地區性淡化了，繼而衝出香港仔，並在港九各區開店。這裡馳名的是其招牌春卷，今次點了春卷魚片雙併米粉，一貫的水準，無論何時來也很多人，但員工的效率快，食客的流動性也大，個個都是食完就走，所以很快就能找到位。但近排發現，粉麵已在一年之內加了兩次價，不過仍然相對於其他粉麵店來說是屬於便宜的選擇。

南記都係港島區呢頭會多返 今日好掛住佢個春卷咁就去食南記啦 叫左個牛三寶 有牛腩肥牛同埋牛丸 肥牛夠鮮 牛腩夠林唔會食落覺得好硬 仲有係食左個春燒卷 條形狀 都唔錯外脆內魚肉夠彈牙

我們今天齊齊向往南記米線，超耐無食，又便宜又好吃又多料招牌有好多材料：墨魚丸，牛丸，春卷，好抵食丸類新鮮爽口，春卷系好出名，食過記知好多紫菜，好香，整碗米線都變成紫色，米線彈牙爽口豬肉好有咬口，嫩滑，加埋春卷，簡直絕配食得辣，可以調較辣度想要唔同湯汁，可以選擇蕃茄味湯底，好香蕃茄味

好耐無食南記啦，今晚有機會同班姊妹黎食返下，回味吓細個食的感覺！👶🏻👦🏻👧🏻南記宜家連九龍都有分店，唔洗黎港島先有得食！晚上黎到，原來咁多客人！這間是有2層的，但都好多人，滿滿的，有等外賣、有堂食，工作人員真係忙到係停手囉！我們叫了不同的粉麵， 好多選擇，有不同的湯底選我選擇了最清淡的招牌春卷竹笙加腐皮河粉我覺得有竹笙選好好，健康些又爽口，春卷比起以前無咁好食，但都可以！ 加腐皮好食， 又大塊又滑！

喺銅鑼灣呢d 旺區, 要搵抵食既野食一d 都唔容易架, 咁啱行過見到有間南記粉麵, 價錢喺2017年黎講亦都算價廉物美, 行到餓餓地緊係入去歎番碗啦撈左招牌辣醬既招牌河, 再加幾滴鮮魚露, 撈一撈個湯底, 等d 河粉更入味食辣食到個人熱熱地, 歎番杯冰凍檸樂簡直係一流

同榮記一樣，細細個就開始食南記，食足咁多年都係唔會厭！印象中以前係銅鑼灣有幾間分店，依家好似爭返一間，位置仲要有啲唔就腳，而且上樓要行樓梯。今日部𨋢壞左，對老人家上落無咁方便。平時食開墨丸春卷小鍋米，今日唔想食辣，所以叫左招牌河。招牌河有牛丸，魚蛋同春卷。依個價錢有3款餸其實幾抵食！不過覺得魚蛋無以前咁好食，牛丸都彈牙，河粉夠滑。至於春卷，是必食的！春卷簡直係南記既靈魂，一如既往，超 好 食！！唔需要形容有幾好食，識食南記的人，你懂的！以前冬菜係任加架，依家冬菜都無埋⋯⋯除春卷外，質素係無以前咁好⋯⋯ 但為左春卷都會繼續食！

話說吃完銅鑼灣希慎廣場那家日本「空氣」鬆餅後，肚子仍空空如也。我的「無敵胃」相信過一會就會跟我投訴，所以我們打算去南記吃碗麵。南記米線是我最喜歡吃的米線之一，晚上7時，下層已經坐滿了人，只好坐上層。收銀處排滿了人，來過幾次沒用過自助八達通機點，今次獻出我的第一次，誰知😪待會說。點了一份辣豬腩肉小窩米線。份量多年來勉強可以維持，但價錢十多年來該有10多年的升幅了。嚐一口湯底，哇！好辣😭那種辣不是放了無數香料的香辣，而是純粹放多了辣椒醬的辣，辣而無味。我才記起原來我這幾次來吃都會點少辣，算了！都是自助售賣記惹的禍，浪費了我的小窩米線，奉勸各位吃不了辣的，記得記得要求小辣，原來這十多年來，南記的辣味升級了。撇開湯底不說，配菜有韭菜、芽菜、酸菜和腐皮等，我特別喜歡吃酸菜，特別是莖的部分，去掉了鹹味，酸酸的，又帶有點甜，深得我心。米線是幼米線，吸附了湯汁，也是辣勁十足😭辣豬腩肉無敵，暫時沒有一間米線店的辣豬腩肉做得比他更出色腩肉醃得相當入味，薄薄一片瘦腩肉，微辣很過癮。米線依然出色，但吃不了辣的就記得一定要少辣。

晚上9:30 在銅鑼灣放學 朋友剛放工  2個好肚餓的人 實在無心情在茫茫的餐廳海中找餐廳 2人只想隨便食碗平平地的粉麵 誰知現在的銅鑼灣 無咩食正餐的店係低過 $40還要時間已經唔早 可能最方便係拉麵 但拉麵就唔係平平地 在這個情況最能滿足所有願望的 可能只有南記    又方便 無咁早收 價錢親民 食物簡單 飽肚這間分店在2樓 有兩層座位在2和3樓 但有lift上落 這個時間2層都可以坐了7成客人現在還有d自助點餐 touch screen booth 好似快餐店那種 在其他分店好似未install我叫左最簡單的春卷和丸 河粉 $28朋友叫了當日promote的set 有麵 加魚片頭 和細豆漿 到左夜晚d河粉都ok 和日頭差唔多 碗粉好大碗！淨係食碗粉都已經好飽2個人仲要share埋個 小食 普通魚片頭 見到以為加左 鹽酥雞d味粉 （叫咩名？）但又唔似 d分令人好想繼續食。直到估到係咩為止 

想食平平哋又唔難食嘅南記真係一個very good嘅choice~~~ 銅鑼灣有兩層通常都有位坐 而且佢係快餐形式嘢食好快就到👍🏻朋友話要試新野叫咗番茄湯底牛腩春卷米線$4x~~~~~蕃茄湯味道有少少假 牛腩唔夠淋 春卷就依舊係好食嘅😆我就叫左魚蛋牛丸春卷河粉$27咋~~~~~如果加豆漿就$6 呢啲價錢嘅粉面加上質素依銅鑼灣真係唔知邊度搵到~~~~不過有樣嘢唔好就係份量鋪譚仔嗰啲咁多如果男仔食嘅話有機會會唔夠😆

在未認識潭仔的時候，港島人一定更熟悉南記。在我讀中學的時候，有一次同學帶我去吃南記，這間南的位置很特別，在天后地鐵站和銅鑼灣地鐵站交界，正確來說就在中央圖書館附近。店舖在2樓和3樓，但生意非常好，每次去都要排隊買餐，眼見外賣客也有不少。剛開始南記只在港島開店，分店也不多，後來品牌重整，標榜「香港仔的南記」，裝修也年輕不少，以橙色為基調。後來分店愈開愈多，連九龍也有南記了。墨丸春卷小窩米線，味道依舊，我尤其喜歡他的米線，跟一般的粗粗的米線不同，他的幼一點，但很好吃。配菜有酸菜、芽菜和韭菜等，非常惹味湯底很好喝，酸酸辣辣，但不是麻辣，更不是那種吃下去就要狂喝水那種，他的辣恰當好處，所以每次喔都幾乎把湯喝光墨魚丸很彈牙，春卷是這裡特有的，不油膩，春卷皮包著魚肉，不知不覺，就會把整碗米線吃光魚餃相對沒那麼特別，現在的米線還有很多特別的湯底，都是以前沒試過，下次再試試吧