南記粉麵 (已搬遷) 新店位置

由於係午膳時間黎食依度嘅米線，所以即使南記粉麵有兩層都好。係銅鑼灣依個旺區自然座無虛席。所以我同友人一去到就自己等位，大概等左15分鐘到就已經有位。以繁忙時段黎計都已經算快嫁啦望一望個餐牌，都算有好多選擇。而價錢同其他連鎖米線鋪差唔多。唔會話特別貴，當然都唔算好平啦不過如果係好食嘅都值得嘅！我今次就試咗酸辣湯底嘅三牛米線（牛丸、牛腩、牛筋）等左唔洗5分鐘就已經有得去櫃面拎我第一時間飲左一啖湯底，覺得比一般米線鋪嘅酸辣湯底冇咁辣。所以更加飲到湯底入邊嗰份鮮味，令人越食越開胃而米線又唔會太硬，非常之容易入口牛丸十分juicy,咬一啖之後會湧出酸辣湯底味牛腩同牛筋一放入口就已經融化左，真係超好食丫如果唯一要批評嘅地方就係太少餸啦，不自覺咁好快食晒D餸最後剩食米線

由佢係糖街一間好up dup嘅 麵檔變成銅鑼灣有幾間分店我都一路有幫襯直至最近擴展到全港九新界嘅時候佢一路死守嘅品質保證已經淪陷本身已經 不停退步緊 連佢最耍家嘅春捲已經 唔好食咬落去好淋又好鹹得個鹹字冇其他味it was awful因為成本關係你要將啲餸切好一舊舊到上枱嘅時候先放喺湯入面我好明白但係至少你都要整到佢熱熱地一咬入去係凍嘅即刻扣分十分先連啲湯 都失守了先唔講佢嘅味精以前大辣 夠惹味而家只係辣水酸菜好硬咬唔爛今次應該係我最後一次係呢間南記食又或者係我最後一次喺南記食

前日到銅鑼灣南記叫左兩碗肥牛米缐，啲肥牛煮得太老根本食唔到，平時我最鐘意去南記食酸辣米線，因為我覺得佢酸辣米線好食過譚仔同雲桂香，希望南記肥牛呢方面有改善，我仲想繼續食d咁好食米線

每次去銅鑼灣都會去南記食番碗春卷酸辣米線， 喜歡去這分店，有兩層， 多座位，坐得比其他分店舒服。先買票，後取食物，雖然人多，但出餐快。份量唔細，中辣；可接受，春卷包魚肉，魚肉有口感，煙韌，蘸南記的自家製辣椒醬，辣勁特濃，香味又稍有分別，二合為一，辣味更有層次。辣椒醬跟辣椒油的分別是不加油，純粹把材料打爛成醬，鮮椒的氣味也更突出。食到滿頭大汗，溫馨提示“最好唔好飲湯，雖然有時忍不住飲了幾啖湯，之後一定要搵飲料解渴！

是日點餐：酸辣招牌春卷魚片米線湯底：- 酸辣味夠，互相輝映; - 唯酸菜退步了，甜了點 (自問是好甜一族)味道：- 春卷魚片調味適中，不太鹹不太淡- 後者更是新鮮彈牙份量足 - 2條春卷 + 3片魚片番食指數：＊＊＊ 

自從返工地方不近南記的關係，已經很少來。前兩天，有朋友講起南記有蕃茄湯底，幾好味之類，見今天路過這裡，就試一試。點了推介蕃茄春卷牛腩小鍋米線再加杯凍奶茶。凍奶茶水準保持到。難得。$13/杯係抵到爛既價錢講返個米線，整體味道不錯，春卷果然係招牌，依然彈牙得黎味道適中。牛腩就比想像中實，但仍可接受，我諗我下次會試下辣豬肉。比起一般的小鍋米線，我比較鍾意蕃茄湯，因為小鍋會有好多配料，芽菜、腐皮之類，我本人不太好。反之，蕃茄湯只有豆卜條同蕃茄粒，感覺多左個餸。第一次食晒碗內所有野。份量啱啱好，如果你已經好耐無黎南記而又不抗拒蕃茄的，可以一試！

超愛食南記 既我一星期食五日😂有時清湯 有時酸辣小窩 食極都唔厭😍春卷同貢丸真係冇敵 不過由於春卷太肥 肥妹有時會改食墨丸食清湯既話要落醋辣妹 仲會落大量辣油 辣椒醬😛連放假都想食 我諗我癲左😂

對上一次食南記 已經係十二月頭既事因為我一直食唔到粉麵 一食就痛 詳情唔講啦😔最近我暫時解決到食野既問題 但就未有機會食佢今日終於可以寵幸佢啦 好感動😭😭😭酸辣湯底勁好食 配埋大量辣油又酸又辣真係幾大碗都食得哂😍南記真係我最愛😚

對呢度嘅春卷 硬係有種心癮真係要時不時進貢畀佢雖然佢已經唔係好似以前咁成條連入面都熱嘅見到成碗麵熱騰騰一咬落舊春卷到中間竟然係凍嘅真係成個失望曬魚片都好有咬口又滑溜熱騰騰好好味但係我不嬲唔食佢嘅魚片 見佢套餐有得食於是抱著一試無妨嘅心態咁樣食好似抵食啲咁但係佢嘅小鍋米線湯底依然非常引人入勝雖然佢既大辣都未達到我嘅目標以前會一把鼻涕一把口水咁因為真係好辣但係而家湯底好似冇以前咁足料所以決定下次都係加兩蚊試下個麻辣樓面收嘢都算 勤快

I like Nam Kee! I usually go to Nam Kee for Lunch and/or Dinner!But this time... not really...Taste was a bit different from normal...and Spiciness was changed (I did not order to change it)Too many people during lunch.

春卷小鍋米線 🍜 大辣🌶🌶🌶·越食越失望⋯N年前，學韓文時由韓藉老師🇰🇷介紹之下，一食愛上，由銅鑼灣，食到去中環，最高峰期一星期番五日工可以食足5日，無計，中環食野貴，對於我依個窮L，南記一碗麵咁嘅價錢算係抵了！成日食到，外賣到同啲姐姐都熟晒！·大家總會盛傳邊間好味啲，因為咩咩咩～我以前就幫襯開中環2層個間（近扶手電梯），樓上仲要係會員先入得，lunch time 12點🕛開始已經開始有人潮，遲啲真係無位，但當樓上個層開始轉型，我就開始幫襯中環另一間方店，雖然人多，但姐姐快手又好人。·雖然試過一次咁大把係麵到發現一條又長又黑嘅頭髮，都算啦，講真，唔多唔少，失手總會有嘅⋯👉🏻 直至，南記係尖沙咀開咗分店，我又去食，點一樣嘅麵，湯唔熱，湯底唔係大辣嘅辣度（我食開大辣🌶🌶🌶），我又諗：嗯，可能啱啱開⋯👉🏻 又直到今日我路經銅鑼灣，再食南記，腐皮，我找不到，有的是腐皮碎，麵真的，內裡仲係有啲硬，辣，別提⋯😑我印象中真材實料嘅南記，唔通只能在回憶中回味？😞😞唔通我只能番番某間分店？·不可否認，南記一直尋求進步，飲品，湯底或擴張，但對於有啲食開南記嘅人會唔會好似我咁會失望呢？

南記嬲都覺佢好味道，因為佢每碗煮味道吾太濃又夠香辣，成日經過開都忍吾到要去食下，今日經過銅鑼灣竟然見到新野幾特別喎……招牌春卷牛腩蕃茄米線 $42。當然二話不說就入去試下啦，大約等左吾洗十分鐘就可以拿啦……但睇落好似冇平時辣果d咁多料同顏色吾算很濃的感覺…之後食落去就好失望，蕃茄味唔濃，牛腩唔淋，米線亦有少少硬身，只有春卷依舊維持水準。見到宣傳海報咁吸引，但理想同現實始終係兩樣野，可以唔使試。下次都係食返傳統好點。

$26的南記招牌河粉相信大家都不覺得陌生， 曾經或者以前年輕的時候，大人想食平平哋嘅連鎖店粉面， 都會想起在香港有很多分店的南記。 好多粉麵的價錢已經面目全非，比以前貴了很多， 物價飛漲也是不能避免的事情。 味道也可以，至少春卷沒有之前的變味情況，而且丸物亦非常彈牙。 湯底顯然是清湯，以前有一種類似很香濃的花生辣醬。 可是現在只有普通的辣椒油選擇， 如果想吃麻辣或酸辣的話就一定要點比較昂貴的米線。 如果對辣湯底沒有追求的話，其實點一個粉面吃也很抵食！ 南記粉麵 銅鑼灣怡和街56-58號新基商業中心1-3樓

銅鑼灣平食晚餐之選，有乜抵食得過南記？30蚊唔洗一個春卷麵，完全唔hea 你足4條長春卷，因為怕肥冇叫到最愛ge 河粉而要左麵，麵彈牙有咬口，不過清湯都咸左少少，不過出街食野多數都偏濃味⋯⋯春卷就完全講唔出缺點，腐皮包住魚肉，香口好味，仲要有4條！因為太愛春卷所以每次泥南記都係要單拼，就可以有4條食到好滿足！

晚上九時半，怡和街的南記仍然食客滿滿，及至二樓餐房才覓得座位(此店共樓高三層)。南記始於八十年代，多年來已由傳統粉麵店發展成快餐形式，港九共十多間分店。㸃了最喜愛，亦是南記馳名的魚餃和招牌春卷，再加紫菜。因為實在愛吃魚餃，購買了額外分量。最初接觸南記是他們的香港仔舊店。因為年代久遠，店舖的位置及模樣，已模糊不清；一試難忘(亦不時重温)是魚皮餃那軟糯不黏、滑溜彈牙、厚度適中、具咬口又帶㸃魚鮮味的餃子皮；當中的肉餡幼細而綿滑，亦非常討好。招牌春卷以腐皮裹著魚肉，魚肉口感微微煙韌，春卷炸過，甘香冶味。兩者再佐以放入清湯的紫菜，添一分鮮美。吃得滿足的一餐既經濟又實惠。南記的配料，除上述滋味的魚餃及春卷，其他如墨丸、貢丸、魚蛋等等均可外賣；踏入深秋，天氣顯著轉涼，配料買回家作打邊爐之用，熱熱鬧鬧，烚下烚下，也是不錯的選擇。