南駅 (已結業)

東大街出名食好西, 南駅是已經幫襯幾次。每次都沒令我失望,保準到食物質素的平水同服務質素。每次黎親都必食既就係海南雞飯, 而東張西望早前亦有介紹過此店的海南雞飯。海南雞飯有兩款 龍崗雞及貴一點的清遠雞。今次叫左龍崗雞。食落口好嫩滑, 即使不點醬沐都好夠味。湯是用小茶壺盛裝除了可保溫亦帶來雅致的感覺。如果食油飯的話就要再加錢。餃子雞翼表皮炸得香脆可口, 無骨可以大口大口咁咬落去。咬落去好JUICE , 之而重有少許芝士起入面,好好味。黑松露忌廉汁什菌意大利粉好香的的黑松露味, 意粉煮得岩岩好 唔會太硬又唔會末軟。味道岩岩好唔會太重味。籠仔蒜香海鮮糯米飯 - 同MENU張相一模一樣 有大蝦、帶子同珊瑚蚌，真材實料。賣相仲好吸引加埋D蔥花真係好鬼香又惹味, 一流!

早前因爲練行山嘅關係，經常約朋友行完山就食餐好嘅獎勵自己，今次去完紫羅蘭山同大潭水塘就坐車去到筲箕灣開餐，搵搵下見到呢間餐廳唔錯又唔使等位，就即刻入去醫下肚先我地見海南雞飯嘅人氣好似比較高，梗係要試下，揀左清遠麻雞海南雞飯，同我每次見親餐牌有都會點嘅饅魚系列，呢間餐廳特別在係饅魚籠仔糯米飯。其實另外仲叫左個pizza，不過當日冇影到相海南雞飯好快送到，原來除左飯同雞仲有一壺蔬菜湯，一set用透明玻璃碟盛放住好靚，雞肉肉質滑嫩，而且有三種醬料，分別係白醋汁、甜醬油同日本麵豉醬，大家可自己選擇用來沾雞肉，而油飯好香，可以食幾碗都得。另外壺中嘅蔬菜湯都好清甜，可以襯托出海南雞飯嘅鮮味而饅魚籠仔糯米飯亦好出色，上菜時熱辣辣，蒸得香噴噴，饅魚配上有荷葉香嘅糯米飯真係令人食指大動餐廳環境都算舒適，我地可以悠閒地傾計同品嚐美食，食完呢餐我地仲去左附近出名食燒賣同其他地道小食嘅鋪頭幫襯，東大街果然有好多正嘢食

肥妹仔我今日去完柴灣拜山落番筲箕灣已經1:40pm, 雖然肥妹仔今朝啪咗兩個三角飯團, 果下真係未肚餓,但係肥妹仔既親戚一行4人都仲未食午餐,所以決定去東大街果邊食飯!肥妹仔阿哥推薦呢間野食, 好!一於就試下佢啦!肥妹仔一入到去,見到差唔多枱枱都叫海南雞飯, 所以肥妹仔就估海南雞飯應該係呢度既signature,唔駛諗其他, 就海南雞飯啦!!!清遠海南雞油飯 $80睇過樣係咪好靚呢????睇落去D雞係咪好滑呢??? Nope Nope Nope!!!!凡事淨係睇表面就唔得啦!!!肥妹仔我用筷子了開上面兩舊雞,嘩!!!!!下面全部都係雞胸肉黎, WTH????算, 如果佢既雞胸肉係整得好食,咁肥妹仔我都算數,但係佢又唔係bor!!!先講個雞胸肉先, 肉質好柴, 而且一食就知係雪藏貨色,無味!!!!一定要靠點佢提供既甜醬油/面豉醬(日式果隻)/白醋汁去調味, 真係好fail!!!!因為肥妹仔我係講緊佢既海南雞飯係賣緊$80一份!!!!咁既價錢但俾D咁質數俾肥妹仔我?!雞油飯老實講, 佢既雞飯真係高水過佢既海南雞N倍!!!最起碼個雞飯係有陣雞油味, 唔會太油或太乾, 肥妹仔我係扒晒成碗飯!!

原本上網Search鰻魚飯~搵到呢間叫南駅既店係10大~所以就專登嚟會一會佢~去到啱啱好有兩個位~唔洗排隊~但係由門口入去同坐底呢個短短時間裏面...我哋已經改變咗主意~見到人哋叫海南雞飯~所以我哋叫咗原本嚟食鰻魚飯~點知叫咗 蒜香海鮮籠仔糯米飯如果佢唔係糯米飯的話~可能會好食啲~因為佢哋糯米飯原全都吸唔到佢啲蒜香同海鮮味~最後我哋仲叫咗個 鵝肚多士~呢個真係好味~下次再返嚟食返個鰻魚返啦~

同朋友放假去大潭行山，行完後搭巴士去筲箕灣醫肚，一向都知東大街有好多好嘢食，行下行下見到呢間舖頭仲好旺場，接近三點都居然仲要等位，應該係好嘢嚟嘅，所以就決定試下呢間Menu賣相好吸引，搞到好多嘢都想試，好彩我哋一行幾人，可以樣樣叫嚟試下，正！估唔到實物嘅賣相同menu好似，特別係籠仔蒜香海鮮糯米飯，好吸引，至於味道就樣樣都好味，夠哂真材實料，有機會一定再嚟食其他嘢！

平時落東大街都係食泰國菜同魚蛋粉多，咁岩同事推介我試南駅嘅海南雞飯，終是今晚特登帶老公同奶奶去筲箕灣覓食。打開餐牌，真係有選擇困難症，睇圖就好多都好想試，同事話除左海南雞之外，炸物都好好食，但最衰老公喉嚨發炎未清，無緣試炸物。前菜試個黑松露海膽豆腐，雖然豆腐冇豆味，但夠滑，配埋又滑又甜嘅海膽，仲有黑松露醬，一啖食落去，滿意！海南雞飯就一定要試啦，可以選擇海南雞飯、半隻雞同全隻雞，雞亦可以選擇龍崗雞同清遠麻雞。我細食d，就食海南雞飯，老公試半隻雞。上菜之後好後悔，半隻雞份量多好多之餘，仲有雞脾位⋯平時唔食雞皮嘅我都忍唔到口，又滑又嫩，連雞胸嘅肉質都係嫩嫁！海南雞飯半隻雞再試埋蒜蓉海鮮籠仔糯米飯，有蝦仁、帶子同珊瑚蚌，蒜蓉好香口。以後落東大街又多一個選擇喇！

南瓜汁海鮮伴翡翠苗 $88菜苗堆得像一個綠色圓柱體，內裡有蝦、帶子，爽口彈牙。金黃的南瓜汁，香香甜甜之餘帶忌廉味，配上幼嫩的菜苗，入口除了有幼滑香濃外，更添一股清新菜香。

揾食中，好彩冇猶疑有位即入座，遲一分鐘的話，就要等位。我之後果兩位起碼等廿分鐘。聽聞APM分店，就仲多人排隊。坐位唔多，款式亦唔太多。出名海南雞，必然試啦。冬天，食糯米飯好正常，但呢樹唔係臘味糯米飯，係海鮮，梅菜扣肉同鰻魚飯。選擇了海鮮，此終扣肉邪惡左少少。追加一客，避風塘炸雞腿。賣相精美。選擇了清遠雞，嫰滑d.冇咁肥。三個醬汁，我個人鍾意甜豆豉醬。糯米飯，唔好以為好多，一層約半下多d的飯。但糯米係好飽肚的。豉油味ok,唔油膩，唔夠的話，可用海南雞飯的“黑油“添味。避風塘雞膇，老實話就冇乜特別。小食一道。如果，下次有機會，又唔駛排隊，會再幫襯。環境舒適，服務好。

為了攞聖誕禮物，約了朋友仔聚餐，我好少去筲箕灣，朋友推介左這間，整條東大街，最有人氣就這間店龍崗雞，好滑好爽，有雞味，有三種醬汁可以調味，配菜有脆肉瓜，紅蘿蔔飯不油但好香，有一小小湯壺，倒入一隻碗內浸泡朋友試過龍崗雞，今次她試下青遠雞，都是爽嫩滑溜，一樣好味好香奶菜

你去過都知催三催四，似快餐，因為根本係快餐！門口/門內餐牌無一頁寫住+10% service  charge，見佢完全唔會比客人坐多一陣，密密收碗筷、門口字條又寫住「餐廳繁忙，限食一個鐘.....」嘅warning, 貪佢快趣先入去食佢有比水、麥當勞都一樣有比水、佢送餐、麥當勞一樣有送餐、唯一唔同嘅係麥記唔會催客人走，但佢會！無服務唔梗要，做街坊生意姐！點知埋單先見收據寫住加一服務費，O 曬，真係唔知邊度有服務囉⋯⋯咁樣黎藉故收多人幾十蚊，厚顏無恥

等位等好耐，到我啦，又話要人齊先可以入，但眼見鋪頭裏面有好多張枱都未齊人,都可以係裏面等人,點解我唔可以,職員態度又唔好,狗眼看人低,今時今日咁既服務態度,我本人一定唔會再去,因為食一餐飯都係想開開心心咁食，點知遇到間咁既野，東大街唔係得一間餐廳,還有好多選擇

行完山搭巴士會經過筲箕灣, 於是大家一齊搵下呢度有咩好食, 見OPENRICE呢間 有好多評所以朋友揀左食呢間, 入到去發現都有好多不同國家既野食可以揀, 有沙律, 海南雞, PIZZA 等....我地叫左D 野食SHARE 食! 海南雞幾好味, 肉質鮮嫩, 雞味濃!點埋D 醬汁食, 好MATCH !五會過咸!怕d 油飯太油, 所以叫左白飯，飯粒粒分明，幾好咬口!咖喱炸豬飯, 塊豬扒都幾大份, 好香口, 咖哩汁好濃, 撈飯一流!辣肉腸薄餅，一上枱已經聞到濃濃既芝士味，pizza 好足料, 有好好多辣肉腸 !

下午時段，見到餐廳環境不錯，叫了一杯 cappuccino 和 雞胸肉三文治、喝了一口咖啡、飲得出沖泡技術很好！美味的一頓下午茶、還有服務員非常细心、看見我怕冷、主動提出換位給我！坐久了、也沒有任何不悦態度、非常enjoy的下午茶！

好耐都無黎東大街食野，今晚黎到試下新餐廳先～行左大半條街，呢間最多人等位。等左十五分鐘左右就可以入座。餐間環境簡單有格調，但面積不大，所以二人的多數要搭枱。負責帶我們入座的員工很有禮貌食物有星馬咖哩、籠仔飯、海南雞及西式意粉薄餅，選揀也不小。雞都有得揀，我揀左龍崗雞，下次要試埋另一款先知分別。飯可揀油飯或白飯，我揀左油飯，食落比我之前在第二間食既感覺無咁油，其實就咁食個飯都好好味，唔洗夾餸我鍾意食海南雞因為無骨又啖啖肉～有雞味，嫩滑唔點醬都好食，三個醬分別係辣、酸和甜，各有特色。仲有個好清既湯，有朵雪耳～爽口有益。此辣肉腸薄餅，咬一啖慢慢咀嚼，濃濃既芝士味慢慢走出來，超回味。配上薄脆餅底，令成件事唔會覺得heavy，辣肉腸完全被芝士搶晒鏡～新鮮熱辣，色澤不一，有啲濃左小小，入面係cream cheese, 雖然叫一口芝士，但千其唔好成粒放入口，因為好熱架～～

今次係次回食海南雞飯。不談食物，只是要點讚樓面工作人員的積極態度。細心觀察之下，可以看到，僱員們都是精心挑選，眼觀四面，耳聽八方，一心一意服務客人。他們隨時補上同事的縫隙，合作無間，高度的團隊精神，令客人讚嘆不已。