南龍冰室 (已結業)

今早同兩位同事8:45去到呢間餐廳，見門囗有人等外賣。於是行入去餐廳內，望見所有座位已滿。而收銀員就叫我地上樓上。上到樓上見到有零散兩、三個座位。以為話比樓面待應知我地三位佢會安排，點知個待應態度差不突止，重話樓上無位你上黎都無用。於是乎我就同佢講話係樓下收銀員叫我地上黎。而佢就話咁你叫個收銀搵位比你啦。聽到真係火滾，即刻出聲指責佢D態度，跟住就轉身落樓走。落到樓下重聽到個收銀員話叫左D人喺門口等，唔信咪自己上樓上睇吓有無位囉！原來D待應樓上同樓下欠缺溝通，繁忙時間又做到忞憎。呢間咁嘅垃圾餐廳，D員工溝通不足，完全無任何管理技巧，個別員工又無禮貌。唉！米芝蓮咁嘅食物質素都無用啦！

難得放假，當然想出去Hea下。今日日頭出咗去銅鑼灣，諗住行下街食個靚飯，點知都係比一間舊式冰室吸引住！外面望落去好有懷舊feel，唔似而家嗰啲話係舊式冰室但係讕係潮嘅裝飾。嗰個鐵閘真係好有王家衛嘅風格。可能因為唔係繁忙時間，所以冇乜人，特別好坐。啲侍應亦都好快手，招呼好好。我同朋友一人帶一個餐，佢叫營養餐，我嗌極品常餐，聽個名都知搞笑！但估唔到都幾好食。我嗰個餐其實就係包括火腿奄列、豬扒鮑片公仔麵同埋一個菠蘿油。講真好食嘅菠蘿油買少見少，佢呢個真係幾唔錯，個皮非常趣。唯一美中不足就係唔夠熱囉！記得叫埋佢杯凍啡，好好飲。咁又一日嚕！

公司叫下午茶外賣，見飲品有得揀樽裝朱古力鮮奶，要加錢，不過貪新鮮叫黎試下。黎到搵左一陣唔見支奶，後來發現竟然用熱飲杯裝左，應該係唔想麻煩收返個樽，但一支裝份量點會係呢個杯的size？其他同事飲凍飲係有隻大d凍飲杯，加左錢唔比樽都唔緊要，做咩要扣減份量，真係嬲嬲地。同事叫左豉椒排骨炒河，味道ok，有鑊氣，不過份量真係少左d，呢個餐都要$40~，即係價錢同份量成正比，下午茶餐唔會特別平，銅鑼灣區係咁上下。我叫左餐肉治，餐肉係厚切，包唔知有無查牛油，有都係少到食唔出。建議要食都係堂食好d，外賣真係揸流攤。

早餐時段, 偶爾也會光顧南龍冰室的外賣麵包.這天點了一個菠蘿包($7), 外層脆皮鬆化, 口感很好, 重要是又不會像有餡料的麵包這麼飽肚子. 外賣回公司, 配上一杯熱檸檬菜或者是一杯熱咖啡, 也是相當不錯的選擇.而且取價公道, 在銅鑼灣實在是非常價廉物美的了!

我黎過呢間南龍冰室食早餐不下數次，之後仲介紹朋友黎食😂真係好鐘意食呢度早餐，因為真係好豐富，抵食就唔算得上，但真係豪華，小鳥胃的女生一定食唔曬😂特別裝修，座位闊落，舒服早餐選擇有兩版，普通ABC餐要$34，銅鑼灣黎講，差唔多啦沙嗲牛肉麵，其實好難唔好食，餐肉煎蛋配餐包，大大份，咩都有曬。講下我最愛的極品早餐，$45元，甘貴的早餐，有咩甘吸引？就是隻熱狗🌭️餐牌上有單點熱狗🌭️$33，但我又想食麵，又想食蛋，呢個極品餐就岩曬我😂熱狗都只是普通熱狗腸，菜絲，番茄，沙律醬，加牛油麵包，但唔知點解，加起來成件事就變得好好食，一口咬落去，好豐富的口感仲有大碗仿鮑片出前一丁麵，係咪好滿足先，食完午餐都唔使食。久不久食一次，不錯

中年男性侍應生(戴眼鏡，黑面)服務態度惡劣，叫餐時呼呼喝喝，冇下次。自問都好有禮貌地請佢幫手落單，都一早揀好食咩，只係問下特飲係咪加5蚊。其他侍應服務都Ok,食物都中規中矩，但係食到一肚氣，各位自行決定試唔試啦…

9點幾夜媽媽先食晚餐，又凍又餓諗住食個快餐，於是就揀咗呢間茶記 - 南龍冰室。一入去就見到天花吊咗好多鳥籠(入面當然冇雀仔)做裝飾，有黑色同白色拼湊而成，好特別。打開餐牌，有好多種常餐，有咩健康餐，營養餐等，Kiwi我就揀咗最平果個常餐，約40-50蚊有埋嘢飲，晚餐嚟講超級平。嘢食好快就上。先嚟嘅係火腿奄列+牛油多士。火腿奄列一啲都唔Hea，煎蛋入面有足料嘅火腿，而牛油多士烘得剛剛好，多士唔會硬亦有香香嘅牛油味。再嚟就係火腿通粉。其實佢有多好種餸揀，如餐肉，五香肉丁，連司華力腸都有，但個人比較鍾意食火腿，所以食火腿奄列都仲要叫火腿做餸食埋呢個熱騰騰嘅通粉，飽曬。

最近因為朋友生咗bb，所以成日都會去銅鑼灣探佢哋。今日去之前又有少少肚餓，所以去左南龍冰室外賣下午茶上去。想食酸酸甜甜嘅嘢所以揀左焗豬扒飯，外賣個樣的確幾唔靚仔，我打開嘅時候都嚇咗一跳，但食落都ok。豬扒都幾厚身而且有肉，加埋酸酸甜甜嘅番茄汁同芝士一齊焗，唔使我講大家都知味道超match！但唯獨是個炒飯底比較差，偏濕而且冇乜蛋絲，完全唔似炒飯，話係普通白飯都應該有人信。不過$43咁大盒仲包埋一杯嘢飲，有乜好投訴吖？！

番工放飯break，諗住去食個豪華早餐嘅吉列魚柳，點知最後成肚氣咁走20分order咗自己同另一同事A嘅極品早餐，30分再幫同事order多三個普通早餐大約35分左右同事A嘅餐已經嚟齊，40分左右嗰三個普通早餐都嚟晒d蛋，包同餐飲去到45分我忍唔住，好聲好氣向個帶圓幼框眼鏡，紥低馬尾嘅阿姐問：唔該可唔可以幫我跟下個魚柳啊，我趕時間啊點知個阿姐一句兇埋嚟：你張枱大把野都未到啦！！我都忍住怒火話：所以我咪催下你囉！之後佢冇應我就走咗到50分我坐其他枱嘅同事都食晒準備走喇，我又問下阿姐，佢又愛理不理話聲好就走咗去到55分，我都就嚟遲到，就再問多次，佢又係hea應我隔咗一兩分鐘，佢終於行過嚟，丟低四個字：冇魚柳喎一句唔好意思都冇，態度仲要帶d不屑我真係火都嚟，問佢：冇魚柳你唔一早講？要我等足咁耐？佢仲好理直氣壯話：我啱啱先知咋喎我又問佢：我落單超過半個鐘，你宜家先話啱啱知我個餐冇？？咁之前問你三次你又唔講？佢仲大聲過我話：我啱啱親自落樓幫你問架！之後仲即刻話你知啦！我真係嬲到震，同佢講：你喺度番工，唔係你問唔通我要自己入廚房問啊？佢仲諸多藉口，態度極差，半點唔好意思都冇，最後仲類似講咗句咁廚房

基本每個月星期六, 日 or 放假好多時都會同朋友係銅鑼灣呢邊行街食飯, 每次其實都會去呢間餐廳食晚夜餐,  一黎無甘多遊客, 二黎價錢合理,  三就係員工態度好好.  不過經過今晚既服務態度之後, 我有所改變同都唔會再幫親. 原來我們100%本土香港人去幫親本土老牌冰室會備人歧視,  可能因為我地由細到大都會好有禮貌甘講[ 唔該前] [ 唔該后] 睇完之後, 你可以話我小器, 不過如果換轉角色係你, 你又會點諗?事情係甘:我地2個人7點幾到行入餐廳, 都示意左我地係2個人,  我FD講左一句, 門口前而面卡位(4人台), 之後背住佢地坐底左. 我望到個新既員工, (好似第1次見, 連名牌都無, 高高瘦瘦, 頭髮長長, 男仔)同另一個經理阿姐(高馬尾)示意叫我地坐另一張, 其實都係4人台, 我地無理照坐門口個張, 之後男既好大聲甘同個經理阿姐一起唱雙簧講男: [ 話坐邊咪坐邊lol , 無話唔備你坐既] 女:聽到甘......其實我地想走....黎食野好似受氣甘.  之後舉手落單, 個經理阿姐見到, 不過都好似唔想同我地落甘, 係甘叫我地等等, 等佢入埋另一台客既單先wow, 其實當

呢個所謂霸王雞同我想像嘅有好大出入依碟雞我個人認為應該被番蒸過無數次 雞肉已經鞋到一個點 仲要好多件雞都好多骨 雞皮厚肉質鞋 雞肉上枱係瘀黑色如果佢係一間老字號 就唔應該俾啲咁嘅人野客人食 講真普通一間燒臘舖嘅油雞都好食過佢 不知所謂的鋪頭 剩係得個名唔做得好耐其實今時今日買雪雞係好普遍 但雪雞整得好其實都好好食 其實一間咁嘅老字號點解可以經營咁耐但食物水準係咁參差 一個餐都要成＄80幾 其實係好多地方都食得到有餘 依間鋪頭我應該唔會再幫襯

喺銅鑼灣行街行到攰攰哋,想搵間餐廳食個tea。我最終去咗南龍冰室, 一入到去見到好懷舊嘅裝修,好闊落嘅卡位。 因為太肚餓所以我就急急叫咗個菠蘿油, 熱辣辣嘅菠蘿油夾住一塊新鮮牛油!正呀!!到主角啦 ,焗咖哩牛腩飯同炸魚柳薯條 ,首先講個牛腩先,咖哩味好濃厚,牛腩好淋好入味,魚柳就外脆內軟 !絕對有下次!

一個晚上，兩夫妻來到這間設計懷舊，特別是天花板上的鳥籠最為吸睛的新派冰室吃了一頓二人晚餐。 雖然這夜冰室下層已經接近全場滿座，幸好這冰室還有一樓可供客人用餐，所以我倆便登上一樓，在上面寧靜的環境下享用我倆的晚膳。 兩道小菜，分別是「支竹火腩煲」和「菠蘿咕嚕肉」。前者份量頗多，火腩也靚，肥瘦比例平均，支竹和火腩都非常入味，水準不錯。 後者水準中規中矩，不特別好吃，可也吃得過，啖啖是肉的肉排頗為開胃。還有一碟「清炒時蔬」，點了「清炒白菜仔」，是有點油，份量也偏少，但吃來味道尚佳。兩肉一菜，兩碗白飯，加多兩碗例湯，再加兩杯凍飲，又是一餐。

真係好誇張，次次星期六日黎食早餐都坐滿哂人咁濟。d伙記真係好勁，個個都好似可以一個頂十個咁，快得黎都仲好有禮貌對客人，真係值得一讚！平時佢地出餐都好快，等幾分鐘都有得食，今次可能真係唔夠人手，但我地都係等左十分鐘左右。我叫左個早餐搭杯熱檸水。炸魚柳：新鮮炸起，魚肉雖然唔係新鮮貨，但大大件食落口又唔會梅哂咁腸仔：其實冇特別，但唔會好似有d茶記咁入d品質勁差ge腸仔太陽蛋：最愛未熟蛋黃，同多士一齊食勁正多士：外脆內軟，一流！野食好服務好，難怪咁多客幫襯啦。

和朋友三人本來想吃撈丁，但見到餐牌有三人小菜套餐包湯、三個煲或小炒、一碟炒時蔬、三杯熱飲，共$248都好似好抵食。最愛茄子嘅我先揀了漁香茄子煲，不過不失啦，我幾喜歡魚香味唔重，唔會太咸，但味道唔足，而且太太太油喇！只可以講，夠多茄子囉...第二款小菜係豬頸肉炒什菌，一放片豬頸肉入口，真係燥咗！完全冇味，同滾水淥過一樣，簡直食唔到入口，完全暴殄天物反而野菌好味好多！起碼有食到醬汁味。最後再黎多個粟子雞煲，終於正正常常，雖然粟子唔淋，但起碼入味，能放入口，而且雞件都夠滑，送飯唔錯。食完同侍應講咗啲食物麻麻，佢都坦白同我哋講，嚟呢到真係唔好食小菜！下次真係再黎，只可以叫常餐或撈丁。平心而論，環境就唔錯有好多雀籠吊在天花板做裝飾，而且牆上好多舊紙塊廣告，幾特別。