博多拉麵別天神 (已結業)

This ramen shop is quite specious here with four-ppl table, it’s better for gathering, the environment is also fine Lobster salad is indeed yumm with quite a lot of lobster meat insides, such a good seaweed roll  Hot dumplings are quite good but just a bit smallPrawn Miso Ramen set having many shrimps on the top of the ramen, the taste is ok, maybe Hakata ramen is better for me haHakata Style Ramen set is pretty good with strong pork flavor, the pork texture is in the middle, not so soft or so h

今日收工同朋友係公司附近食埋野先返屋企，朋友特別鐘情呢間拉麵，話好味過x 蘭喎，我就認為d 餸係多d, 我都會簡呢間全場得兩款麵，我地每次都係一人一款，朋友中意櫻花蝦，呢款係蔥同粟米。我每次都係食木耳配蔥，仲有兩大塊日本叉燒咖，大家記得叫套餐，平少少之餘仲多隻溫泉蛋。我地兩個都超中意個龍蝦沙律，百吃不厭，紫菜卷住來食簡直一流😋😋😋。餃子都好食嘅，不過相對沙律來講就失色左dd 啦😊仲有，我欣賞可以自己無限加辣芽菜，蒜泥，芝麻........仲有每張台都有temple 紙巾，呢樣真係要加分仲有一壺凍冰冰的茶自行添飲

今晚同朋友食咗間好有人情味嘅拉麵店，拉麵師傅同侍應都係一班年輕人，令整間食店充滿生氣同活力。我地用自動售票機買食券，然後將食券交俾店員，嗰刻覺得自己身處喺博多嘅拉麵店。我叫左個別天神套餐，前菜係小龍蝦蟹子沙律，龍蝦肉同蟹子撈埋一齊個味好夾，鮮甜可口，粒粒爽口彈牙，就咁食會覺得龍蝦味重左D，有香脆嘅紫菜包住味道恰到好處，係一道有驚喜嘅前菜。我食嗰碗係豚骨拉麵，豚骨湯底好濃郁，骨膠豐富，我相信師傅花左七、八小時以上才可淆到呢個濃度。幼麵條硬身有口感，配上半肥瘦嘅豚肉叉燒，肉質結實有彈性。還有我至愛嘅嫩滑溏心蛋和爽口嘅黑木耳，木耳可以吸收湯底嘅油脂，食得舒服。朋友喜歡海鮮湯底，點左碗蝦味增豚骨拉麵，櫻花蝦好鮮甜、好有嚼勁。櫻花蝦配豚骨湯底好出味，鮮味刺激了味蕾。櫻花蝦和粟米份量都多，朋友仲分左D俾為食嘅我。如鍾意濃味嘅湯底，設勿錯過！套餐還有餃子，果然係拉麵的最佳配搭，餃子皮薄，咬落去好juicy，個皮仲脆㗎！唔會煎到過咗火喉，熱辣辣，好味！另外店主有圖解教大家如何自行調製隱藏口味：例如七味粉+辣芽菜+蒜蓉=特辣版；拉麵汁+蒜蓉+辣芽菜=特濃版。所以喜歡重口味嘅朋友不妨挑戰一下。值得一讚嘅係

連外國人都黎食既拉麵店亞士厘道一向多餐廳，而今日就同爹嗲去左依條街搵食。經過間拉麵店俾牆身吸引就入左去，一點鐘星期六時段未見太多人，而店內是採取自助點餐同自助飲水，餐廳食物選擇跟傳統日本拉麵店一樣不會有太多選擇，以豚骨湯同蝦味噌做主打。我跟老爸分別點了一份蝦味噌豚骨湯麵和別天神套餐（豚骨湯麵+餃子4件+小龍蝦蟹子沙津）。先説豚骨湯麵，麵團軟硬適中，份量很足；豚骨湯很香濃，不會過鹹；叉燒很軟滑和薄切，一咬就斷了；木耳絲也很脆口新鮮；整碗麵非常美味😋😋，值得推介。至於蝦味噌豚骨麵同樣出色，小蝦份量很多，令湯底充滿濃濃的蝦味，吃完十分滿足。🥰小龍蝦蟹子沙律夠冰凍，一小球配上紫菜吃，一粒粒蟹子在口腔內增添口感。煎餃子外脆，內餡是豬肉，配上醬汁十分juicy...埋單每人大概100蚊，但以食物質素同環境來說很抵啊！唔怪之得外國人都會入嚟食啦！🙂

已經係吾知第三定第四次黎到食轉多拉麵別天神既拉麵了，選擇黎呢到食既原因有好多，除左單純鍾意呢間店覺得要支拎外，佢地食物既性價比真心十分高，即使要排隊都會選擇黎呢到。🔷蝦味噌豚骨湯湯麵 💰85 💙85/100味度做到好統一，同之前食既品質有增無減，呢款拉麵面頭照舊放左爽口既粟米粒，仲有多不勝數既櫻花蝦，浸落個湯到食格外好味，原因在於櫻花蝦吸入左豚骨湯底。拉麵偏向中等軟硬度，麵條既麵款算係幼身類但都吾覺淋。湯底非常香濃，次次黎都忍吾住飲左大半碗。🔷豚骨湯麵 💰75 💙80/100呢款可以稱得上係原味拉麵，所以餐廳都提供另一款加左佢地提供既辣芽菜及蒜泥既另一食法，卡比都幾鍾愛呢種食法添，但不能吃辣既朋友要適量地放辣芽菜，因為佢地既辣芽菜真係一啲都吾兒嬉。叉燒並無太肥，咬落又淋又入味，今次呢碗既糖心蛋好糖心，食到拍拍手。🔷龍蝦沙津 💰35 💙75/100呢款龍蝦沙律係真系會食到小龍蝦肉系入邊，相比起就咁食，卡比會較為喜歡將餐廳配埋既紫菜包住黎食，咁樣食到紫菜脆外仲中和到沙律醬個味。🔷餃子 💰35 💙75/100今次都跟餐，有4隻加左＄30，單價買就有6隻。餃子皮係薄得黎又有咬口，煎得底部帶微焦

今晚收工後同男朋友出咗尖沙咀， 佢講話好想食拉麵已經講左好一陣子，咁就滿足下佢啦😂佢揀左呢間博多，店舖小小但感覺幾正宗，可隨意調較自己對拉麵既喜好😀👍兩個人點左一個豚骨拉麵同蝦味噌拉麵，其中一個轉咗套餐，多咗小龍蝦沙律同四件餃子😋豚骨拉麵個湯底清淡得黎帶啲濃郁，入口幾順滑😀 重點係冇味精同無其他添加劑，真係慢慢用真材實料餚出嚟👏拉麵偏幼身，麵質軟硬啱啱好，叉燒煎得幾香脆，肥瘦適中～蝦味噌湯底相對比較濃，幾重蝦既香味同味噌既咸鮮味，完全兩種不同感覺😯雞蛋煮得好溏心，好滑，香濃蛋味👍餃子香脆唔油膩，皮薄餡靚😁雖然店舖細細但人流不斷，突然覺得拉麵其實都係快餐店以外一個速食嘅好選擇，又健康啲👏

2020年第一日返工要對自己好啲，所以就去咗食博多拉麵別天神，佢嘅拉麵真係好正宗好似去咗日本食嘅一樣，門口係用自動販賣機買券，再交俾店員會自動送上拉麵同小食，同日本一模一樣嘅係有自助冰水同冰麥茶，我冰麥茶好好飲，我叫咗別天神套餐，有一碗叉燒拉麵同埋四隻餃子，碗麵好大碗食完勁飽，湯底奶白色好濃豬骨味，另外有原隻糖心蛋非常之正，叉燒方面係有在每一片再燒過嘅有個濃濃的焦香味，麵質爽口彈牙，另外餃子係椰菜豬肉餃子，正宗日本餃子嘅味道，無可挑剔！店舖最特別嘅係座位頂層有一排Temple紙巾俾客人使用，其實都相當揼本👍🏻

不知不覺佢好似已經好多分店都係第一次黎朝聖( ´▽｀)有好多日式許願版痴哂喺成間餐廳既牆係貼紙黎既 而都睇到啲字唔同字跡 所以相信係唔同既人寫入店之前其實已經用自動販賣機買左係之後先見到呢款menu 所以之後先發現買貴左(｡ ́︿ ̀｡)叫左個豚骨拉麵加蛋加餃子所以而家睇會覺得別天神餐好抵咁拉麵就到啦 即係本來既配料就係得叉燒 葱 木耳 我再另外加左十蚊既蛋我硬係覺得拉麵係一定要有蛋送！個湯係濃厚既豬骨湯食落唔會係死鹹既！之後忽然望到呢張野先發現！ 係喎碗拉麵唔辣！難怪咁啱我口味( ´▽｀) 不過即刻想按佢教咁試因為我覺得個湯真係已經夠好味所以我就只落左芽菜同蒜蓉芽菜少辣 蒜蓉係真係蓉 食落係滑冇一粒粒食哂啲芽菜之後我再繼續加。。又真係幾好食喎！個濃度啊各樣野係真係好好個面既硬度又ok我覺得真係拍得住日本個感覺(⊙_⊙)而同行人士嫌唔夠濃 可以再重手啲不過我覺得再重手就過份左 而家咁樣最好碗底寫左幾隻字唔知係咪同 x蘭一樣定就咁係完既意思( ´▽｀) 最後係額外加既餃子係熱既！因為都要等一段仔時間所以估計係即煎唔係翻煎雖然擺碟唔夠整齊但唔影響味道既！所以 總結黎講 係好食同值得推薦既！

上次試過北角店，今次再試尖沙咀店。牆上也是佈滿了大家的心願。尖沙咀比北角店更加寬敞，除了水吧位，也有4人枱，能夠三五成群前來享用。豚骨拉麵（太多蔥）永恆不衰的豚骨湯底，不用多加額外的調味料，已經十分濃稠美味。而且不會太重口味，需要大量水份中和。另外，糖心蛋仍然保持水準，流心蛋黃非常吸引和入味。再加上，大量的木耳絲很有咬口、又爽口又彈牙，配搭拉麵一齊食增加口感。最後，拉麵方面與北角店相比，口感差一點點，沒有那麼彈牙和順滑。整體而言，兩間分店拉麵的質素差不多，保持到該有的水準和服務。所以可以放心食用！

平時行過亞士厘道 見到呢一間拉麵小店經常排長龍今日特登早少少過嚟 幸運地真係唔使排隊！鋪頭細細但係甚都日本風格睇啱食咩 就去食券機點餐先 再安排入座基本上同喺日本食拉麵不無多樣其實餐廳貴精不貴多～做得夠專先會特別出色 呢間拉麵店menu一眼睇晒而且佢哋標榜用全豚骨熬製嘅湯底 絕不加味精或者添加任何奶類蝦味噌套餐蝦味噌豚骨湯面、小龍蝦蟹子沙律、餃子三樣有齊 啱晒我呢啲貪心咩都想試嘅人淨係睇賣相都已經覺得好好食啦叉燒、櫻花蝦、溫泉蛋、粟米、香蔥舖滿左成碗 一條麵我都見唔到雖然係蝦湯底 但係一啲都唔腥 同味噌口味好夾！豚骨拉麵招牌菜賣相雖然簡單 但係見到又白又滑嘅豬骨湯 真係食到最後成碗湯都清晒坐吧枱可以睇住師傅用心製作嘅過程之後再上網睇 原來呢間拉麵小店 喺香港仲有其他分店 下次如果行經我都會想再食一次啊

博多拉麵別天神·分店挺多的，而尖沙咀呢間分店，店鋪嘅牆身全是滿滿「香港人·字句」❣️是晚跟舊同事聚餐，我們分別點了：❤️《蝦味噌豚骨拉麵》碗內有好多迷你蝦乾仔，很可愛及增加了咬口，而蝦的味道令湯底更濃郁及鹹味也很夠勁。🧡《別天神套餐》包括有豚骨拉麵、小龍蝦沙律、餃子🥟前菜先上沙律，小龍蝦份量頗多，加上蟹籽增添口感，用紫菜包住嚟食，感覺幾得意🥰豚骨拉麵，湯底濃郁，食完都唔會覺口渴，真正冇味精湯底👍🏻拉麵配料有溏心蛋、3片叉燒。最後食埋餃子，餃子皮薄，內裏有豬肉餡加蔥花😌呢個餐實在無得彈，大滿足！溫馨提示：每張枱都有調味料可自行調配隱藏口味，如需飲用水也是自助形式的啊❣️

#tastytommy良心食店 (罷市 連儂牆 派卡套 之前有學生買一送一優惠為香港人打氣💛)豚骨拉麵+小龍蝦蟹子沙律💛 $105好想食拉麵🤤🤤 佢要係門口自助售票機購票 不過淨係接受八達通付款 但你知宜家八達通幾咁安全架啦🤯 識玩一定借刀用店員張卡拍 比返現金佢🤫前菜係龍蝦沙律球配紫菜 啖啖龍蝦肉 仲有陣陣芥末香 估唔到又幾夾🤯奶白色既豚骨湯好吸引 幾鮮甜 少濃厚 我幾中意😍 同幼身既拉麵好夾! 不知不覺飲左好多湯😇 叉燒彈牙好入味但唔夠淋 溏心蛋好正😍 仲可以任加枱面既蒜泥同辣芽菜😛

去到尖沙咀食嘢，見到呢一間排長龍嘅拉麵，非常受歡迎，一定好好食。於是我同朋友等咗一陣，大概15分鐘左右，就到我哋啦！其實都算快。一到去發現原來只有兩種麵，一種就係普通嘅豚骨拉麵，另外一種就加左蝦乾嘅豚骨拉麵啦 。咁我哋就叫咗兩個套餐呀一個就跟沙律另外一個跟餃子。蟹子沙律好似有少少wasabi味呀，感覺都幾清新。但係我就比較鍾意餃子多啲啦，入面都有唔少嘅蔬菜，感覺好健康，而且煎得啱啱好，幾香口。蝦味噌豚骨拉麵個湯底好濃，個口味都算幾重呀，如果想要淡味啲，就都係建議叫番豚骨拉麵。 溏心蛋超好食，又甜又滑！叉燒都燒得唔錯。豚骨湯麵湯底據說是反覆煲2至3次，共約7至8小時才成，湯色奶白而清澈豬骨味道濃郁。拉麵幼身順滑兼彈牙。由廚師重點炮製的叉燒肥瘦均勻，味道可口，但只得2片，吊人胃口。同碗仲有一隻流心蛋微甜軟滑不太膩。整體性價比不俗，難怪可以日賣過百碗。

作為連鎖拉麵黃店之首，今日我決定要大大力懲罰佢唔知係咪因為時間尚早，竟然冇乜人之前去過旺角嗰間，都係喺門口有八達通機即刻點拉麵，仲可以比信用卡，10分先進牆身貼滿左好多兩年後你希望點嘅紙條餃子煎得好好食 皮薄餡靚煎得好脆一向好欣賞佢嘅龍蝦沙律大大舊龍蝦肉加蟹籽沙律再加脆到爆嘅紫菜好好食呢個原味豬骨湯博多拉麵嘅湯底係奶白色，好香濃嘅豬骨香，標榜係100%冇味精製作客人可以自行加辣芽菜加蒜蓉再加七味粉去製作辣味拉麵糖心蛋整得超級好，拉麵嘅軟硬度都啱啱好另外我要左蝦味增拉麵，一上枱就聞到超級香嘅海鮮味，湯底都有好濃烈嘅蝦味，成件事超級鮮甜其餘配料都係咁出色惠顧任何食物都可以免費得到一個RFID卡套，佢哋仲有出自己聯乘幪面超人嘅product,各位和理非要大大力支持呀

今日突然好想食拉麵，呢間店只有兩款拉麵，選擇困難症嘅我，諗都唔使諗梗係各一啦🤣加多$30就有餃子同沙律，加一份試下無妨😬呢個小龍蝦蟹籽沙律，用紫菜夾住一啖擺落口，特別的食法，特別的味道，真係食到一粒粒蟹籽，又有龍蝦鮮味，仲見到有一絲絲小龍蝦肉！煎餃子有日本風味，雖然咬開就見到入面嘅餡料唔算多，但份量同比例都啱啱好，似日本小店食嘅餃子🥟 豚肉拉麵🍜個湯底真係好正，習慣先飲一啖湯，再食拉麵，呢個湯濃郁得黎唔會油膩，連續飲左幾啖😋之後見到原來仲有隱藏版，就係加拉麵汁，蒜蓉同辣芽菜，令到湯更加濃味，同埋帶點辣味！我都係食完拉麵先試呢個隱藏口味，中意辣既人要試下啦！至於拉麵配料就一眼睇曬啦，最回味都係溏心蛋😍個蛋黃整得岩岩好，同埋蛋黃都比較大，可以食到多啲半凝固的蛋黃，正呀！葱粒同黑木耳都比食開的新鮮爽脆，唔知點解仲有啲甜🤔蝦味噌拉麵，食落感覺係好唔同，可能只係豚骨湯加左蝦味噌，但已經有濃烈的蝦味，好香同帶點蝦乾的鹹香，配料換左粟米粒，友人表示都係甜同非常爽口。下次我要再試下蝦味噌先👍🏻👍🏻