博多拉麵別天神 (已結業)

成日行街都見到呢間自半自助式拉麵鋪，一開始用自助售賣機揀野食，我同女朋友揀左一人一個套餐，別天神套餐配煎餃子，蝦味噌套餐配小龍蝦蟹子沙津。別天神套餐配煎餃子湯底冇估錯係豚骨湯底，有全隻日本半熟蛋，但係蛋普普通通，有D太熟，麵底個軟硬度都好好食。入面有兩塊豚肉，都好大塊，脂肪比例都好唔錯，加上食到咁上下想轉下口味可以參考一下秘製調味，如果再唔夠可以加埋七味粉，都好好食。至於煎餃子，外脆內軟，好多肉汁，得4隻都好唔夠喉。蝦味噌套餐配小龍蝦蟹子沙津蝦味噌湯底更濃味，配上好多好多櫻花蝦籽，好有心思嘅配搭，周樣地都係兩塊豚肉同埋有全隻日本半熟蛋，雖然麵質都係差唔多，但男朋友中意食比較硬身麵，相對上麵質選擇就冇咁大，但係都可以試下秘製調味，相當唔錯。最有驚喜真係小龍蝦蟹子沙津，用紫菜包住食，好明顯食到一舊又一舊嘅小龍蝦肉，呢個真係必食。最後，餐廳係用天然竹割箸，姐係無漂白嘅竹筷子，好似健康同安全D咁。雖然係尖沙咀分店地理位置唔係好好，但係大家行開都可以一試。

之前通常都係自己搵食時去食拉麵，今次同朋友尖沙咀搵野食，拉麵癮起，拉左佢一齊去附近亞士厘道呢間別天神😌😌一人叫左一個set，拉麵就我食豚骨，佢食蝦味噌，小食就叫晒2款share食😎🥢 豚骨湯麵湯底香，對比起我之前中環分店食我覺得無咁張住個嘴，不過都係好濃郁😁 佢2塊肉都好厚🤩 蛋係適量嘅流心，麵個軟硬我覺得都適中👌🏻🥢 蝦味噌豚骨湯麵朋友話碗麵好豐富，除了一隻半熟蛋，仲有好吸引嘅係一大堆櫻花蝦！入面仲有兩大塊厚厚嘅叉燒，肥瘦適中，覺得幾好食。仲有一堆粟米和一塊紫菜添～佢鍾意別天神個麵底係幼麵，話掛湯力好好，一啖麵已經充滿左蝦味噌嘅香味，不過話如果麵條稍為硬多少少就更好喇。湯頭味道濃厚，但唔會好似有啲拉麵店咁死鹹，仲有蝦嘅鮮味。🦐🦐🥢 小龍蝦蟹子沙律朋友第一次食話估唔到配幾塊紫菜，好似食海膽咁包住啲小龍蝦沙律一齊食😆😆 覺得好正咁話😋 用紫菜包住小龍蝦，啲龍蝦肉都幾大舊架～🥢 餃子跟餐有4隻，散叫就6隻，每隻餃子都大小均勻，唔會痴住痴到啲皮都爛哂，唔錯呀～朋友滿意，我亦都滿足到自己拉麵癮😎😎 very good😁

要喺亂世中搵返一啲人情味食一頓有味道既飯 總係要尋覓一下 你會發覺近在咫尺-去尖沙咀唔知食咩好？咁就要先上網做下功課搵下邊間是良知餐廳-原來 從前既我都曾經幫襯過呢間拉麵店既其他分店一入到店就記起佢既小龍蝦蟹籽沙律--蟹籽沙律包在脆脆既紫菜當中一口接一口 必食推介！！！😍😍-同朋友一人一碗拉麵豚骨拉麵$75-蝦味增豚骨拉麵 $85味付玉子我比100分！！！-個人比較鍾意食蝦味增豚骨拉麵加上櫻花蝦，湯底更加香口-大家食既時候記得因應自己既口味加上枱上既醬汁、蒜味，因為每個人對湯底既味道喜好都唔同而呢碗拉麵既軟硬度係好岩我口味🥰-一路食 一路望到牆上其他食客寫既子句呢餐 真係份外有味道一定會再來光顧，反正油尖旺都有分店，經過食翻碗拉麵，味道唔錯之餘，最緊要食到良知。

晚上在尖沙咀上堂，想簡簡單單、快快趣趣食一餐，同時又有要求， 最好食日本拉麵。餐牌好簡單 主要只有兩款麵:🥘 別天神拉麵套餐， 好喜歡湯底唔鹹， 超濃白湯，湯味濃郁、有很多蔥花好香、叉燒厚薄肥瘦適中，都幾大塊。枱上放了自製調味的指示圖， 自製蒜蓉、辣芽菜，等等。我就自行攪碎芝麻放在湯麵上，立即把整碗湯麵的層次感提升。🍜 蝦味噌套餐， 湯底更加濃郁，層次更加豐富，細細隻的小蝦 一點兒都不鹹，好味。🥢 小龍蝦蟹子沙律，配上脆脆紫菜， 幾多龍蝦用， 食多幾件都得。

拉麵只有兩款口味，分別係豚骨湯底或者係蝦味噌湯底。拉麵底冇得選擇軟硬度，因為要相信廚師所做出來的一定是他最港意的質感。單叫淨拉麵豚骨湯麵 HK$75, 配小吃HK$105; 單叫蝦味噌湯麵HK$85配小吃HK$115。拉麵套餐配送開胃小吃，分別有得選擇龍蝦沙律或餃子四隻。我哋兩個人分別叫咗唔同味道嘅拉麵同唔同嘅小食，咁就一餐食曬成間鋪頭嘅嘢食啦！這個小龍蝦沙律絕對不應該錯過，細成一球以為係雪糕但其實全部都係龍蝦肉，味道除了鮮甜之外，驚喜嘅係有芥末在內，不過不會嗆鼻，反而好好味！餃子入口脆口，外皮亦夠柔軟，菜肉餡不算很多，但比例啱啱好，咬落會有少許肉汁流出。分別兩款拉麵都可以感覺到沒有落味精，湯底濃郁不油膩。（食完完全冇口渴）兩片叉燒、木耳絲、蔥、溏心蛋一定係一碗拉麵必有嘅配搭。蝦味噌湯底個碗，味道再濃郁一點點，再加入左唔少櫻花蝦、香蔥、粟米粒，多左份清甜口感。

雖然只有一個服務員，但服務速度很快，而且很貼心。要預先在販賣機購買拉麵，再給單據予服務員，才可以坐下。雖然環境很小，但配套設施很齊全。不但提供紙巾，而且是貴牌子Temple，每張台都有一個加料盤：芝麻、胡椒粉、豉油、醃芽菜、紅薑、蒜蓉和七味粉作配搭，自家炒的辣芽菜實在超乎想像的好味呢。豚骨汤麵加味付玉子：湯底濃烈，有一陣牛奶味，很香甜。麵底較普通，軟韌適中，燒肉厚度適中，偏瘦肉，沒有肥膏，最適合減肥人士！小龍蝦蟹籽沙律：龍蝦和蟹子是攪碎了，有淡淡的龍蝦肉，但份量小。餃子的餡是普通，但煎得夠香。

阿士厘道都算係細細地既食街，有一間都算好好味既日本拉麫店，今晚就去咗試一試啦！佢有兩款拉麵，點咗套餐，小食可以二選一，就每人揀一款黎食啦！有小龍蝦蟹子沙律同餃子，個沙律幾特別，可以用紫菜包住食，一口一啖咁！餃子都不過不失啦，都不錯啊～～係日本餃子既味道啊🤤櫻花蝦味噌拉麵濃味人士之選，湯底係超級濃郁既蝦味湯，有海量既櫻花蝦同海量既粟米，拉麵係幼身個款，煮得幾彈牙，一啖食落會有飽滿既感覺😍最有驚喜既係豚骨拉麫湯底，以為係啲清淡既湯底，點知都好有誠意，濃濃既豚骨味，仲有隻半熟既溫泉蛋，唔錯唔錯～旁邊仲有拉麫既調味料，有新鮮蒜蓉同拉麵汁，適合重口味人士！

今晚係尖沙咀聼講座，去咗附近拉麵店醫肚先，費時餓住囉囉攣，唔想太夜食嘢。別天神套餐湯底味道濃郁唔會太杰身，麵條有彈性，超多嘅木耳絲同葱粒，兩塊叉燒，帶少少肥肉，幾腍滑，半熟蛋一隻。小龍蝦蟹子沙律 ，沙律少少酸，食到蟹籽同龍蝦仔肉，挾係紫菜上面一齊食。蝦味噌套餐櫻花蝦係主角，有鮮味，叉燒變咗大配角，多葱粒同粟米，湯底多咗d 蝦味。煎餃子，皮薄，煎香口D 會更好味。有醃製薑條同蒜泥任 

想到吃拉麵，我經常第一時間便想起別天神，而且他們分店也多，像這天逛海港城，便去了亞士厘道這間。這間有自助購票點餐，更有日本feel ，但卻多了電子收費更方便。喜歡他們專心只做2款湯底，就算沒很多選擇，仍然能吸引到人回頭。雖然只有2款湯底，但這裡備有不同調味料，可自行調製隱藏口味。別天神套餐 $105套餐有豚骨拉麵及1個小食，每款拉麵也有跟溏心蛋、叉燒和香蔥，豚骨拉麵另配有木耳絲。這啖豬骨湯底味濃又夠香而不味精，口味微稠而不油不膩，會讓人想一喝再喝。麵條口感順滑有彈性，掛湯力十足。叉燒大大塊，脂肪比例剛口又分佈平均，口感油潤軟嫩。溏心蛋夠溏心夠入味，味道帶微甜又不會太鹹，口感軟滑有蛋香。蝦味噌套餐 $115同樣是一碗拉麵加小食，蝦味噌拉麵配料則轉了粟米和櫻花蝦，其湯頭用甜蝦頭熬製，入口啖啖蝦鮮味。餃子大大隻夠飽滿，皮薄餡料足，調味亦比例恰到好處。這個小龍蝦蟹子沙律真的很對我口味，內裏有不少小龍蝦肉，加上打碎的薯仔蓉，用紫菜包着很好吃。博多別天神拉麵真的算是價錢親民，百元多點已有麵有小食，值得多多支持。

作為拉面控，目標緊係試曬香港嘅拉面店啦 ! 平時都有聽朋友推介呢間博多拉面別天神，今日一於去食下 ! 一入到去原來要用佢個售賣機簡好自己想食嘅拉面，都幾有趣 。呢到既拉面選擇主要有2種，為左豚骨同埋蝦味湯底，所以同朋友各試一款，但都想試下呢到嘅小食，所以叫左個別天神套餐，有埋餃子同埋小龍蝦蟹籽沙律，幾抵食。 小龍蝦蟹籽沙律都幾有驚喜，睇落唔算好大，但係每一啖都食到龍蝦肉 ! 如果配埋紫菜夾住黎食仲正啊 ! 餃子都係係水準之肉，餃子皮薄。拉面湯底好濃郁，食到好濃既豬骨味，塊叉燒都係厚切，而且本身個面底都幾大，最後食到好飽 ! 個蝦湯底有D櫻花蝦係面，整體海鮮味較濃。 呢到仲有個辣豆芽配菜幾好食 ! 如果想念日式拉面，絕對可以黎呢到一試 !

曾幾何時拉麵店在香港十分盛行，如今好像被酸菜魚、手調飲品等美食搶晒focus，今晚突然想起好耐冇食拉麵，就到了阿士厘道的博多拉麵別天神。首先讚一讚別天神是良心食店，每位食客都能以繪馬貼紙寫上眼下香港最逼切的訴求。一直很欣賞博多拉麵的香濃豬骨湯，這次也點了一碗，男友的是櫻花蝦味噌。豬骨湯頭呈奶白色，味道較味噌湯較濃，桌上亦放有各式調味品及指引，讓客人再微調出適合自己的湯底。除了湯底，兩碗拉麵的配料大致一樣，筆者和男友一致認為店家的叉燒很高質，肥瘦合度；溏心蛋的蛋黃亦呈橙黃色的啫喱狀，入口滑溜，超好食～拉麵本身份量很足，亦算彈牙，沒有煮糊，整體十分出色。除了拉麵我們還加了一客沙律和一客餃子。沙律是全晚最驚喜的一道菜，小龍蝦挺爽滑，夾住爽脆的紫菜食超正～餃子亦是合格以上。想吃拉麵的朋友可定期到訪呢

朋友想食,同佢一齊食。星期6下午去,好多人食,食完又有人去食,自助下單,確係幾方便。叫左2個別天神套餐,一個係豬骨湯($105),一個係蝦湯($115)。之前係北角分店食左個豬骨湯,今次係呢度都KEEP到個味同水準,上菜速度都係快的,D面都係軟硬度岩岩好,糖心蛋仍是流心的,蛋黃汁混埋D拉面食好正。蝦湯拉面($115)個湯,中間好多櫻花蝦,加埋個湯好香好濃好味,兩個拉面加埋d芝麻,更加高一個層次,又可以食下d免費芽菜同薑。拉面一個配煎餃子,一個配沙律。8

知道佢係黃店，特登黎幫襯佢。我地叫咗一個豚骨湯麵一個蝦味噌豚骨湯麵，另外加咗個餃子同小龍蝦蟹子沙律。先黎餃子，仲係熱既，煎到少少脆，幾好食。之後既小龍蝦沙律十分開胃，味道唔錯，幾有驚喜！ 但豚骨拉麵十分普通，湯,麵及叉燒都無令人有深刻印象。 蝦味噌湯面頭有d櫻花蝦，賣相唔錯，湯底亦有蝦味，但比較淡，加少少佢既醬油吊一吊味會更香。呢到好處係有幾款自助配料如芽菜等等，可以自己配搭出啱自己既口味，但呢度最大問題係鋪頭十分熱！ 整個店完全無風扇，冷氣，一路食一路滴哂汗，建議要食可以去另一邊既分店。總括而言係不過不失，呢度小食比主菜做得更出色！

放工7:00pm，又到搵食咩嘅晚餐時間啦🤔🤔朋友仔話今日好攰，唔想行咁遠，所以就係附近搵搵。尖沙咀係海防道穿過去呀士厘道一條街都是不同的食肆店鋪，選擇多得是！最後朋友仔决定想食拉麵🍜行經呢間別天神，見幾多人，應該唔會伏🤪🤪係門口位置有部售票機先自行購買食物，再入店內搵位坐低等候，店員會送上食物（同日本模式一樣）👍🏼👍🏼我地分別叫左兩個套餐🍜🍜💁🏻‍♀️蝦味噌套餐蝦味好濃郁，鍾意海鮮嘅人必點😍😍值得一讚係店舖標榜不加味精同乳制品成分👍🏼👍🏼100%真材實料💁🏻‍♀️別天神套餐濃濃的豬骨湯底，仲有最愛的糖心蛋🤤🤤好大塊的日式叉燒💁🏻‍♀️套餐小食有小龍蝦蟹子沙律🥗同餃子🥟

星期五，走到去尖沙咀食拉麵門口有部自助點餐機，有d布遮一遮入面同埋有bar台位，間鋪嘅門面同日本嘅拉麵店好似嗌咗一款豚味同一款蝦味拉麵，其中一個跟套餐，有餃子同沙律，幾抵食餃子個皮薄，唔錯！小龍蝦蟹子沙律濃味，真係會食到小龍蝦肉，連埋紫菜一齊食又幾夾推薦拉麵湯底濃，豚肉肥瘦啱啱好，厚身。流心蛋一啖放入口，蛋黃係口入面流出嚟個感覺好正，必食！朋友嘅蝦味拉麵都係用同一個湯底，上面加咗大量櫻花蝦，超級香，鍾意蝦味拉麵嘅一定要試下。重口味人士可以試下跟佢咁自製加料：整體質素唔錯，最緊要環境有風味同特色