卡莎338 (已結業)

又到星期三 又係同媽媽搵食時間今晚同事推介我去食casa338 唔洗諗 又係西餐 緊係去啦喂啊 好鐘意佢地幅牆啊 勁有特色呢隻我都好鐘意 餐廳晚餐都幾多野食㨂 真係有啲花多眼亂不過唔想煩 我地就㨂左二人餐有湯有包有小食有主打嘅斧頭扒 正丫是日餐湯 甘荀忌廉湯配香脆蒜蓉包蒜蓉包堅係粒粒蒜蓉架喎 好正小食 雞翼配春卷 即叫即炸不過雞翼途經非洲😂😂最後係最期待嘅斧頭扒 勁大塊！！！好有咬口 牛肉嘅汁係口腔內打圈圈唔洗點黑椒汁都已經好好味最愛嘅炸薯角 勁香脆 脆玉瓜好鮮甜 中和一下

Casa 338位於長沙灣東京街50號地下，長沙灣港鐵站A2出口直行三數分鐘即達。但其處於長沙灣這區，人流稍為稀疏。兩邊牆上均畫上油畫，專程聘請設計師以人手繪畫，蠻有本土特色。坊間的斧頭扒餐動軋近千元，而這裡的二人餐卻是$338，如此划算，我亦未看得通透。火腿粟米餐湯，說不出甚麼大道理，味道正常，屬餐湯質素。炸蝦春卷+炸雞翼各有四件，炸物新鮮炸起，非常熱騰騰，春卷香酥可口，還有大粒蝦仁。16安士肉眼斧頭扒: 店方建議五成熟，微有血水，更為鮮香有肉味。邊位的脂肪稍有煎香，油脂極為香濃，半肉半脂的夾著吃更為美味。肉汁雖不算豐富，但亦不乾。觀其價錢，已值回票價。二人另加兩杯餐酒連加一只需$414元，除了說極高性價比，都不知道說啥。

斧頭幫喺星爺電影中都眾所周知，街知巷聞。而長沙灣呢間轉角西餐廳，就值住他們嘅斧頭扒想打響明堂-----卡莎338記得上次幫親呢個位，係間團購米線，估唔到而家已經變成西餐廳，而且裝修都轉左型格，燈光都變得有情調。我們點左倆個晚餐，有餐湯，蒜蓉麵包，沙律，主食，同餐飲田園沙律，新鮮度一般餐湯分別有紅湯，表面睇起有層油，但飲落唔算膩，而且蕃茄同香草味都好濃忌廉南瓜白湯，就略為失色，味道没想像中濃郁蒜蓉麵包主角登場果然成把斧頭咁大，係美國頂級連肉眼，油香十足，肉汁滿滿，七成熟煮得剛好配有蒜汁香煎比目魚配香草忌廉醬，魚扒與忌廉互相襯托，唯獨意粉竟然没配上任何汁料令我大感失望雪糕紅豆冰，紅豆份量唔多，但原來加上朱古力雪糕係另有一番風味原本就好想試呢度嘅手功啤酒，可惜餐廳未領取到酒牌，所以暫時停售。但老闆見我係個多口水嘅惜酒人，所以就請我飲呢杯熱情果味嘅手功啤，入口清新，酒味唔濃，帶酸，好岩女仔飲

無論是食物還是煮法，到最後都一樣要用料新鮮，新鮮的食材再加上廚師出色的廚㙯，食物難食極都有個譜，這間位於東京街的「卡沙338」正正就有以上所講的原素食材新鮮👍🏻廚師出色是日餐湯加蒜茸包 - 湯非常濃厚，酸味適中很開胃田園沙律 - 味道清新可囗，沙律菜很爽脆特價生蠔 - 4款不同味，非常新鮮鮮味，海水味重，冇鏽味，估唔到細細鋪都吃到如此質素，非常感動法式田螺焗薯茸 - 熱辣辣的薯茸芝士味夠濃香，田螺嫰口香煎厚切美國牛脷伴薯條 - 厚厚牛脷非常嫰滑，而且份量也不少，配菜也很有誠意，西蘭花和青瓜都有底味，不是平時用水煮的那種，看得出廚師花了很多心機👍🏻👏🏻

還記得上一次光顧這個位置是一家米線店，大概是一年多以前吧，那時米線店仍是新開不久，沒想到今次經過這裡已經變成一家西餐廳。晚上7時，看到店內也算多客人，食物應該不差吧，今晚晚飯就在此解決！打開餐牌，發現有數款手工啤，愛酒友人當然不容錯過，先點一杯喝著再點菜。不過店員告知他們其實還未取得酒牌，所以不能售賣酒類，但可以請我們喝一杯，太好了吧！！先聞一聞，是清新香甜的果味，嚐一口發現是熱情果味，很易入口，甜甜的酒味不重，很適合女孩喝~我們一行四人，點了4份set dinner share 吃~每款都有跟沙律，餐湯，蒜蓉多士，飲品。正宗德國咸豬手配蜜糖芥末汁 $168非常大的一份，肉質嫩，膠質豐富，充滿咸香，就是皮不夠脆~自選12吋pizza $78可以選一款醬汁，一款肉類，兩款蔬菜我們的組合是千島汁，三文魚，彩椒，蕃茄是我最愛的超薄批底，吃多也不怕，邊位脆卜卜最吸引了~香煎比目魚柳配香草忌廉汁 $168也是厚大的一塊..魚肉嫩滑有汁，外皮煎得微脆有魚脂香，與香草忌廉汁味道很搭配~跟餐的紅湯不過不失~還有香脆的蒜蓉多士~沙律菜簡單以黑醋調味，清新爽脆~

又果喜歡喝手工啤的人一定要去試下，因爲有成二十幾三十種❤️️👍同食野又5貴100-250到 個斧頭排又大件又好食 同個芝士火鍋都係168 有雞排丶火腿丶薯條等 有9樣野咁多

叫左芝士火鍋，芝士好濃，有青口雞扒火腿之類的，推薦！10蚊生蠔淋d芝士上去好正，一d都唔腥。生蠔食落口好新鮮，即叫即開，有時多人食都要等成15分鐘。仲叫左杯熱情果(好似系)，小小酸酸地，甜味重，好合唔識飲酒葛我，48蚊一杯ok啦，價錢算好平民。到環境方面啦，佢好似分bar同西餐區，bar環境影相好有feel，西餐木地板會好有屋企葛感覺，因為自己本身住附近，經常幫襯，食過幾次就好有親切感。會繼續幫襯。

斧頭牛扒套餐，超薄，超硬，餐湯煲燶照比客人飮，同侍應反映，佢話今日煲燶湯，價錢不合理，完全唔專業，問生蠔係邊種，只能回答法國蠔。唔會再去。

相隔一段時間,都會心思思到這餐廳吃飯,這𥚃的斧頭扒水準不錯,須比一般的薄,但相對價格較便宜,小食亦相當吸引,蝦春卷,厚切薯條,炸魚等,味道下錯,還有來自各地數十款手工啤酒,不自覺地,相約朋友到此消磨一個晚上

去到仲有下午茶，點完餐個女話凍就轉位，當時個待應都知我地轉位。最後㨂左冇冷氣既出面。等左好耐先知冇落單，本身已經嬲嬲地，再點過話我過左下午茶時段，叫我食晚餐。嬲到即時閃人😡😡😡😡😡仲攪到我錯過其他地方下午茶時段😡😡😡真係好明白一間公司，員工既重要性

晚飯時間去到casa338, 點了一個澳洲肉眼扒餐配意粉、一個海鮮意大利飯，加了6隻生蠔，兩杯不同口味的手工啤。先來的兩杯手工啤，各有特式，尤其是熱情果味的那款，有很香的果味，容易入口。另外，肉眼扒也不錯。生蠔跟餐每隻十元，非常抵食。但餐湯麻麻，海鮮意大利飯，味道不太差，但叫西班牙海鮮飯會更適合。

印象中呢個位置轉過幾次手，不過路過見到什扒餐$48，生蠔$10隻所以就試下~我哋一家三口被安排坐喺角落嘅一張枱，枱有d細~一上多兩樣嘢就已經無位~同埋果個位有d熱，一家三口食到出晒汗食物質素都ok嘅，寶貝好欣賞佢哋嘅蒜蓉多士，一個人食晒兩件

屋企附近意式餐廳不多 今天經過這裡 決定一試環境算幾好 讓人用餐都感到舒適有幅大壁畫呢前菜 忌廉湯加牛角酥 好味這道菜的名字好長-煙肉洋蔥芝士焗大磨菇一咬蘑菇汁必出來 配上上面的芝士來食好惹味黑松露野菌雞肉意粉 加 即磨咖啡意粉麵條有口感 配上濃烈的忌廉汁 適合重口味的人再慢慢歎杯咖啡 comfortable !

到長沙灣探屋企人，經過樓下，被一系列手工啤酒吸引，款式多，有成60幾款，價錢亦比起出面平，亦驚喜地有我最喜歡的比利時手工生啤。服務員之後向我推介有10蚊生蠔，見10蚊，就試半打，估唔到俾想像中大隻，亦好夠新鮮。最後叫多個炸件拼盤送下酒。2個人，一人飲杯啤，一人半打蠔，加埋小食，埋單一人唔使200，抵呀

第一次食Casa，非常驚喜。喺長沙灣區食lunch, 見到一個黑松露雞肉pasta 只係賣四十幾蚊，有埋嘢飲，本來心中有譜，預咗係普通質素……點知，侍應生端來的Pasta 賣相很好，好足料，聞起來亦好香。食咗一兩啖後，已經忍唔住叫旁邊朋友一齊分享。黑松露好香，cream ， cheese底一啲都唔「漏」，味道剛剛好。另外，特別讚揚金色頭髮的四眼侍應生，相當有禮貌，態度親切，好留意客人的需要。其他侍應生都不乏笑容，幫襯呢間餐廳會覺得開心。廚房出食物有效率又好食，抵讚。我地一班朋友以後會繼續來幫襯。