卡莎338 (已結業)

最近跟友好聚舊減少了出尖沙咀和銅鑼灣，只因很多在此兩黃金地段的食肆都設時限和分兩個時段，對於愛吃愛談天的女士來說真的不能盡興。友人家住太子附近，推薦了這間位處工廈區的扒房，既然鄰近地鐵站，不妨一試。時間尚早，客人不算多，餐廳的特色璧畫頗吸引。原來還有我喜愛的新鮮生蠔，而且價錢比貴價食肆平一大截，有點喜出望外，馬上點了兩款。法國蠔價錢比南非蠔稍貴，但仍很抵吃，肉身亦較豐厚，蠔味重而鮮甜。南非蠔蠔身較小，但也鮮甜可口，只需18元一隻，很超值。主菜方面選擇也不少。pizza可以自選餡料和醬料十分具彈性，而且份量足4人用，即叫即做，剛出爐薄薄的餅身很酥軟而餅邊帶脆，三文魚亦很軟滑，水準不錯。友人想鋸扒，選了價錢較安格斯牛扒較高的澳洲和牛，可伴以沙律菜和意粉。個人不太懂日本和牛和澳洲和牛有何分別。食物味道最實際，此款牛扒勝在油脂不算多而又能保持質感和煙靭度適中，雖然不算厚身，但味道和肉質都比普通牛扒出色，可說物有所值。

長沙灣真係愈來愈多野食，今次帶大家黎到哩間中價位既餐廳食西餐！係咪好似做飲食節目既腔？😂 長沙灣哩區都唔算咩有錢人既地方，所以餐廳最緊要就係可以令人afford得到，哩度仲有特價晚市套餐，平均五十蚊就有交易！不過今次黎我就轉戰佢既斧頭扒同紫薯pizza，因為哩兩樣唔係度度有嫁！特價４款蠔set... 有黎自法國同南非兩地，唔係好識分辨，不過整體都幾新甜嫁！每隻都帶少少海水既咸味，當中唔好睇少最細果隻，佢係咁多隻之中最好味，甜味同蠔味都俾其他既重。如果想食厚肉既就點其餘三隻喇！美國頂級安格斯１６安士連骨斧頭扒配薯菜… 牛骨好長，望落真係超巨型既牛扒！不過肉既份量一個人食岩岩好，食得出有牛味，肉質有咬口之餘都幾juicy，哩個係六成熟都冇叫錯，想食熟d既朋友可以order時同侍應講，不過就唔好過八成呀甜脆紫薯薄餅…12吋真係唔野少！一上枱就好香，薄餅鋪滿紫薯蓉，又鋪滿芝士不過紫薯蓉帶少少酸味，唔知係咪溝左千島醬、沙律醬之類既野呢🙈芝士焗蠔…跟餐加$20就有一隻，芝士味好香好足料，蠔肉就不過不失啦，肚位好飽滿juicy!KWAK... 黎自德國既啤酒，外型好特別，帶小麥香，又有少少水果同焦糖

今日和朋友往卡莎338食晚餐, 我點了烤焗澳洲西冷牛扒(蒜蓉包, 羅宋湯和凍奶茶), 四式小食拼盤和朱古力窩夫配朱古力雪糕。烤焗澳洲西冷牛扒我點了黑椒汁7成熟, 肉質鮮嫩, 牛肉鬆軟, 入口即熔, 十分好食, 配上黑椒汁味道剛剛好, 不會太辣；另外配菜好豐富, 沙律菜好新鮮爽口, 配上黑醋汁食落十分美味, 白飯有飯香好綿；蒜蓉包香脆, 食落有啖啖蒜蓉味；羅宋湯夠熱, 味道適中, 不會太酸或太辣, 香味濃郁,很好飲；凍奶茶茶味濃, 有香滑奶味, 整個扒餐十分豐富美食, 好滿足；四式小食拼盤好足料, 有燒排骨, 雞翼、香草腸和薯條, 燒排骨醬汁酸酸甜甜, 很開胃惹味, 排骨十分嫩滑, 食落啖啖肉；雞翼燒得香脆, 皮脆肉嫩, 送酒一流；香草腸份量適中,食落去彈牙而不油膩, 香草味濃, 食落爽脆美味, 甚有口感；薯條炸得剛剛好, 而且薯條長度和厚度適中, 外表香脆之餘沒有燒焦, 配上茄汁更能帶出薯條的惹味；朱古力窩夫, 窩夫夠熱而且好有蛋香, 配上朱古力醬食落更加美味, 朱古力醬濃度適中, 不會蓋了原本窩夫的味道, 而朱古力雪糕朱古力味道香濃,高質素的甜品,；餐廳環境格調一流, 食物美味, 而

朋友介紹下上個星期六去左長沙灣食依間西餐廳，比較少踏足長沙灣，但餐廳非常易搵，地鐵站a2一出一直向前行就到。餐廳分開兩邊，我地就係比較黑有情調d個邊，牆上嘅油畫加上枱上嘅小蠟燭，睇得出餐廳係裝修下左點心機。我地一行四人總共叫左3份set dinner加啲小食share，跟餐會有餐湯，蒜蓉包同沙律，頭盤已經非常豐富。今日餐湯係一般嘅忌廉粟米湯，加芝麻醬沙律，蒜蓉焗得剛好，不會太燶或太軟。香煎雞翼配薯角跟斧頭扒餐送嘅小食，我地就揀左雞翼同薯角，即叫即炸的，兩樣野上到枱都仲好脆口。生蠔併盤總共叫左9隻生蠔，size偏細，但非常新鮮，有海水味，而且細細隻夠鮮甜。香煎厚切美國牛脷伴薯條牛脷非常嫩滑，夠厚份量足，意料之外係足足有5舊牛脷，配上蒜蓉汁，而配菜都好有心機，唔係平時出面食個d清水冇味配菜，全部都好夠味。烤焗紐西蘭羊架配薯菜羊架切開上有三舊，份量適中，肉質嫩滑，唔會太硬，冇羊騷味，配薯菜剛好可以解肉嘅膩，薯角炸得剛好，夠脆口。美國頂級安格斯16安士連骨斧頭扒伴意粉牛扒份量十分大，果然十足十一把斧頭，大份到係牛扒連骨會大話隻碟，熟嘅程度剛好，唔會太硬，切嘅時候有勁多肉汁漏出嚟，配上黑椒汁，但

又去支持小店上網見到一間食生蠔鋸扒既西餐，一於收工去try try佢。位置唔算難揾，係長沙灣a2出口一直行幾個街口就見到係門口已經見到生蠔既簡介特價既晚餐價錢由$98-$288不等除左鋸扒，小店仲有pizza類同焗飯意粉類食晚餐需要一杯酒忙碌左一整天，要好好放鬆下餐牌上仲溫馨提示邊隻酒配食咩係最夾先黎一杯修道院啤酒，好搞笑既名主要以小麥、燕麥同大麥釀製。味道帶點花香，幾易入口跟餐會跟埋餐湯同蒜蓉包，餐湯入面有粒粒粟米同肉粒。生蠔可以單隻叫，又或者係尼款4款蠔set，都係$78幾抵。入面包括法國花城之蠔、南非納米比亞、法國迪斯蠔同法國gillardeau No。雖然係小店，但生蠔都夠生鮮唔太腥，有冰鎮可以keep住生蠔個溫度食完生既整隻熟既，跟餐加每隻$20蚊。滿滿的芝士，夠晒味愛好紫薯既我發現有紫薯pizza，心心眼一定要叫黎試下Pizza足足有12吋都幾大個。上面係紫薯蓉同滿滿既芝士，好邪惡尼隻芝士唔係好拉到絲，但都有芝士味既，利申之前食過d芝士係無味不過個紫薯就無紫薯味啦，似溝左d酸忌廉之類的。雖然無紫薯味但味道都不過不失的重頭戲有尼個斧頭扒，真係好大好大好似斧頭賣相一流，相機食先

今晚又同男朋友撐枱腳！突然好想食德國咸豬手，於是發現左長沙灣依間估唔到有咁多選擇，真係心大心細揀唔落手，最後揀左豪華二人套餐($398)超抵食仲有我想食嘅咸豬手！！！餐湯方面得一款揀，今晚係蕃茄雜菜湯湯料都豐富有洋蔥、椰菜、西芹，酸酸地好開胃。蒜蓉包依個係我目前食過最好味嘅蒜蓉包！依家睇到相都想再去食。真係無誇張，熱辣辣超鬆軟嘅法包，上面搽滿牛油同蒜蓉，好香好好味呀8安士澳洲頂級和牛肉眼配薯菜肉眼扒偏薄身，大過一隻手掌。五成熟嘅肉眼扒煎到表面深啡，中間粉紅，切開無血水滲出。肉質鮮嫩多汁，咬落一啲都唔韌，仲好有牛味好juicy呀！熱辣辣嘅薯條炸到外脆內軟，比快餐店嘅薯條更好食，令人一口接一口食唔停。配菜方面，除左有新鮮沙律菜，仲有煎香過嘅露筍、茄子同翠肉瓜。間中食下配菜可以中和一下油膩感。另外醬汁有3款選擇: 燒汁、蒜蓉同黑椒汁。招牌德國咸豬手配蜜糖芥末汁(半隻)每次去餐廳見到有德國咸豬手都必叫一份。原來半隻咸豬手都好大份好多肉。豬手外皮炸到好脆卜卜，裡面嘅肉比較軟腍而且非常入味，皮同肉之間有層肥膏，食落一啲都唔肥膩，反而膠質好豐富。酸椰菜酸味適中可以中和豬手既油膩感，可惜份量不足，如果

今日同細佬食生日飯，去咗長沙灣一間西餐廳嗰度食，環境都不錯，平日來講估唔到都滿座。我哋大約7:10到餐廳，咁就一人叫咗一個set ,再加幾款小食。燒烤蘑菇牛肉芝士漢堡＄168可能製作需時，都等左一陣先至上菜，呢個漢堡同平時食嘅唔一樣，係用蘑菇當作係包皮下面係牛肉芝士再配一個漢堡包皮，唔好睇佢細細份其實都幾飽，牛肉頗有咬口，而且厚度十足，大啡菇充滿牛油香味，旁邊嘅薯條份量不少，而且炸得好香口。芝士蛋糕＄25本身想叫心太軟，但可惜餐廳話今日冇提供，所以轉左要芝士蛋糕，芝士味濃，食完之後好飽，好滿足。香煎澳洲牛肉眼扒 $108大約等左15分鐘終於上菜啦，我地都好期待，肉眼扒外面煎得脆裏面肉汁軟，味道不錯，分量足夠一位男仕享用！另配上少計蔬菜，食下去不會太油膩！加上配以蒜蓉汁，令五成熟肉眼扒更加好食，而且白飯分量都不少。Tiramisu $25呢個就係細佬食嘅，佢話味道不錯，奶味足夠，蛋糕軟身，甜度啱啱好。炸蝦春卷三條 $20賣相感覺似越南春卷，內裏有蝦粒，食落香脆可口，餐前小食可以叫呢款！法式田螺焗薯蓉 $28薯蓉好香，田螺薯蓉入口綿密, 加芝士同焗加強濃烈奶香味，薯蓉好幼滑, 但味道略淡，

大致上唔錯，環境都唔差。食物水準還有改善空間：德國豬手和漢堡牛肉有點乾和硬。最欣賞佢哋嘅生蠔，雖然價錢平，但水準非常好。最開心有花收；後來發現到有一個角落放有少量玩具，可供小朋友玩。餐廳老闆很細心喔！會再幫襯。

一個月之前是浪漫的情人節，雖然老公唔算好浪漫，當日冇食燭光晚餐冇送花，但感情深厚嘅我哋又點會計較呢啲嘢呢……不過適逢今日3月14號白色情人節，我哋兩個又咁啱早收工，得閑拍下拖，經過路經呢間看似幾浪漫格調有幾簡單的西餐廳，於是入內食個飯裝修唔係走華麗氣派嘅路線，但內裏嘅環境比到我一種好舒服嘅感覺，佢叫casa338 ，casa 係家嘅意思，想店主應該想餐廳俾人一種家的感覺吧，坐低之後侍應亦都好親切咁樣招呼我哋。每台都有鮮花做擺設，別具心思。而且木造的餐枱餐椅比佢仲好溫馨嘅感覺！呢度食飯真係豐儉由人，看餐牌都係＄100左右可以有一個餐，算係幾抵食，例如我老公咗嗰個燒春雞set dinner都只不過係＄98，而我就想試下個和牛扒，300都唔使就可以食到和牛扒！個餐有湯有沙律有包包，都幾齊全，我哋兩個都叫咗羅宋湯，幾開胃。兩個沙律成雙成對放在一起，睇落特別可愛，沙律菜幾新鮮，特別喜歡沙律中放車厘茄，酸酸地又開胃，放了芝麻醬有少少日式味，而且係我最喜歡的沙律醬汁因為佢同沙律菜的爽、香、甜好配。牛扒上菜了，我叫左medium 的，雖然牛扒係算比較薄身，但係冇因為咁樣而over cooked，依然都

扒餐正常我地揀自選Pizza 餡, pizza賣相好,味道好,簿簿地2人埋單2XX, 好飽weekdays 去,靜靜地5-8 mins walk from A2 exit of MTR

無意中係openrice見到呢間都幾多好評...訂即晚都有9折就黎試下食物大多數都唔錯份量夠不過仲有改善空間環境暗暗地都幾岩傾計 枱與枱之間都有適當空間下次可以去試埋個2人餐羅宋湯無影到 味道好濃同酸左少少同蒜蓉包一齊食會蓋哂蒜蓉包d味蒜蓉包 一上枱就聞到好香 夠脆夠熱沙律有黑醋汁幾開胃肉眼扒夠捻味道幾好薯條都脆配菜好食 唔會有陣怪味西冷扒有筋 相比起肉眼就相對失色好香 咖哩配埋芝士好夾雞扒好滑薯蓉唔夠滑 有少少鹹左d

老公話呢間評價唔錯, 話帶我一齊黎試下原來餐廳好大, 應該有三個鋪位裝修唔錯企理乾淨, 同時都有兩大枱人團聚緊, 唔怕無大枱平時喜歡食扒,  咁啱呢到推介平時比較少見既斧頭扒, 有16安士, 仲係二人餐, 一於試下, 啱哂叫左7成, 可以選擇黑椒汁/ 蒜蓉汁/ 燒汁留意樓頂擺左好多手工啤, 原本有興趣飲手工啤, 但侍應無主動俾drink list見侍應太忙, 又成日出餐, 所以都無叫佢, 放棄左手工啤, 反正二人餐有飲品二人餐跟的餐湯和小食拼盤餐湯係南瓜忌廉湯, 味道一般, 南瓜味唔突出 但配湯的蒜蓉包唔錯, 濃郁蒜蓉味, 很香脆小食係雞翼, 炸魚薯條同春卷炸魚都唔算厚粉, 黎到仲好熱, 雞翼都唔錯, 夠香脆斧頭扒, 幾巨形, 油脂幾多, 但骨頭唔係好大條, 只係好幼既骨斧頭扒很軟腍, 很易切開, 肉味香濃單單落鹽&黑椒已可以食到香濃肉味, 切開時, 還有不少肉汁滲出配菜要左薯菜, 由於斧頭扒太多肉汁, 令旁邊既薯條淋哂, 攪到有D 失望, 希望可以用個碗仔另上薯條食完之後, 個胃不夠滿足, 如果二人餐可以包埋甜品就好了最後要了兩杯凍檸茶少甜, 但仲好甜, 可能每個人既標準唔同

這天下班後約了朋友到長沙灣吃晚餐，因為朋友這天在那邊工作。我們選了一間名為「卡莎338」的店，在長沙灣地鐵站A2出口出了後再走4分鐘就到，幾乎不用轉彎，很易找。店面很大、很霸氣，有三面玻璃窗向着行人路，離遠也能看見：裏面氣氛不錯，座位看上去很舒適：因為那時只是晚上六時半，所以店內並沒有太多人，我們可以坐卡座。餐單的設計很簡單，令人一目了然：最後我們點了兩個套餐和一個特價12吋Pizza。田園沙律蔬菜很新鮮，包括生菜和番茄，吃得出味道非常清新。醬料方面，用了麻醬和黑醋，既美味又開胃。忌廉湯份量剛好，不會太多，我們的胃有足夠容量去吃其他食物。蒜蓉包這是用來配忌廉湯一起吃的，蒜蓉薄薄的一層，麵包烤得很香脆，不錯。紅酒燴紐西蘭羊後膝＄148非常足料，有薯條、西蘭花、翠玉瓜和紅蘿蔔，幸好我們沒有點薯條，否則就重複了。忘了說，薯條可以配茄汁吃，外脆內軟，薯香十足。羊後膝肉質鮮嫩，軟硬度適中，跟醬汁很配襯。唯一美中不足的是騷味太重，如果可以輕一點就好。招牌德國鹹豬手配蜜糖芥末汁（原隻） ＄168上菜時我們幾乎嚇呆了，有兩大件，絕對足料。外皮煮得香脆，皮下脂肪不算太肥膩，但厚度充足。裏面的肉又香又軟，

好耐冇陪男朋友食飯，佢今日特登過嚟接我放工，我就喺附近揀咗有蠔食嘅卡莎美食，爭取時間唔好行咁遠，可以坐耐啲。卡莎美食喺大馬路嘅角落位，好大間好容易搵到，而且成間店舖嘅位好多，裏面有20幾張枱，間左兩邊。晚餐都幾多選擇，我哋叫咗兩個set dinner，再加三隻蠔。跟餐嘅沙律啲菜都幾新鮮，而且醬汁嘅份量都教得幾好，唔會話太多浸住啲菜，又唔會話好似乾食菜咁。蒜蓉包炸到脆卜卜，蒜蓉嘅份量鋪滿成個包面，好香嘅蒜蓉味。忌廉湯好白好白，好重忌廉味道，飲完都有啲飽啦😂3隻蠔餐＄38之後睇落都幾雪白，幾大隻，咁抵嘅價錢，性價比都幾高，入口都有海水味，蠔殼清得乾淨，蠔身食落甜甜地，係抵食自選。香煎厚切美國牛舌伴薯條＄98呢個美國牛舌份量好多，牛市除咗真係好似之餘，仲好大塊添，非常夠食，鹹鹹地，表面煎得香脆，非常有口感，定要趁熱食，凍左啲肥膏就會有少少積聚，咁就會有少少酥味。正宗德國鹹豬手配蜜糖芥末汁＄168鹹豬手不嬲都係我嘅至愛，每逢見到餐牌有都忍唔住要點，呢度嘅鹹豬手外皮揸得夠晒脆，鹹得來夠甘香，豬手嘅肉都好滑，我最鍾意就係個蜜糖芥末汁，可以中和啲咸嘅味道，甜甜地好易入口。每日嘅甜品加＄10雪糕伴窩夫

長沙灣很多性價比高的餐廳,casa 338是其中一家。 看看餐牌,dinner set選項由數十元到數百元都有,豐儉由人。 這晚我選了豐🙈,即是$288 16安士連骨斧頭扒,套餐已包餐湯,沙律,蒜容包及餐飲。 16安士斧頭扒也不至於太巨型,也勉強可算是一人份量, 肉質軟嫩,質素不錯。 蒜容包可以再脆一點。湯是羅宋湯,如果可以濃一點點就好了。 餐飲我選了凍檸茶,個人認為太甜了。店方也可考慮把糖漿分開上,讓顧客自行加入適合份量。 整個套餐份量都很多,價錢又不算貴,味道也不錯,是個不錯的開飯點。