卡莎338 (已結業)

千辛萬苦終於等到星期五啦！好感動！男朋友話呢個星期做得太辛苦，所以係happy Friday 一定要好好飲番杯由於唔想去咁遠，所以我哋揀咗一間係男朋友附近嘅餐廳食飯。入到去，牆身畫左好多壁畫，感覺好有feel男朋友先叫咗一杯啤酒- Kwak，飲落會有啲果味，幾啱女仔飲！同埋佢個杯身好似一支巨型試管咁，好過癮講番食物方面，蒜蓉包即點即做。所以上枱嘅時候仲係熱辣辣同埋好香蒜蓉味，唔錯！呢個鮮蝦野菌忌廉墨魚汁意粉$98 好有驚喜意粉軟硬度適中 ，蝦都算大隻同新鮮，肉質爽口彈牙，味道同我之前係ruby tuexxxx 食嘅真係差不多，但價錢差幾倍，呢到相對嚟講CP值好高之後我哋仲揀咗個自選12吋pizza $78，醬汁方面揀咗千島醬，而配料方面我哋就揀咗沙樂美腸、白菌同菠蘿。全部都係我鍾意食嘅嘢！批底比較薄身，食落比較香脆。同埋個落咗大量芝士Pizza，雖然好邪惡但咁樣食法真係好爽！由於唔想飲啤酒，見佢價錢唔貴，只係加百幾蚊就可以有1枝酒，所以就索性叫咗一枝白酒啦！飲落甜甜地有啲花香嘅感覺，都係都幾啱女仔飲嘅口味，唔錯如果每日都可以好似星期五咁，輕輕鬆鬆咁飲番杯，咁就太好啦!！

今晚和朋友經過長沙灣，見到casa338算是四周環境較舒服的餐廳，便進去同吃晚餐。細看餐牌，發現價錢算很抵，一人點左一個餐再share 加兩隻焗蠔! 餐湯餐包-羅宋湯雜菜鮮，微酸開胃。蒜蓉包香脆。今餐小食加左＄20要咗兩隻芝士焗蠔，好足料嘅芝士配上多汁的蠔，口感不錯主菜一：黑松露野菌鮮蝦意大利飯＄138。蝦肉新鮮很彈牙，忌廉汁剛剛好，吃下去和飯一起攪拌不會太乾身，而且每一啖黑松露香味重，很滋味。主菜二：原隻德國豬手配蜜糖芥末汁＄168：德國豬手係店員推介嘅，所以我地決定試吓。主菜來到時，份量驚人，原來原隻豬手係有成兩大塊，好適合一起分享。豬手皮脆肉嫩，親熱食好好味。特別一讚係蜜糖芥末汁，又甜又香，係自家製特別嘅味道。最後點了兩杯餐飲，熱檸水同凍檸茶，檸檬是新鮮的很香。飲飽食飽而且價錢合理，實在難得！

舊同事飯局，有幾年冇見佢了，真系好開心，我地系長沙灣站東京街出口一直去到尾就見到個間餐廳，佢介紹去亦都係大家第一次試哩間，食物份量都幾大份，我同事叫左個$168豬手，唔太記得個名叫嘜啦，只見到份量幾大舊下啦，不過佢話比出面其他地方食到既哩間就味道偏淡，外皮唔太脆口，口感一半，已我食既牛仔骨還Ok, 但配菜就好油，味道方面就一般，應該下次唔會選擇再去。服務還可以，座位及環境就麻麻，座位細又窄，我唔太鐘意啦。其實咁嘅質素咁嘅價錢；其他地方都好過佢哩間，真係覺得唔抵食。

呢間位於長沙灣既casa338裝修比較華麗, 偏向高級餐廳但價錢大多數介於70-100左右性價比黎講算高~唔太貴.如果叫晚市既set, 一般都有送湯同包湯有時係紅湯有時係白湯, 唔係次次有得選!要注意~斧頭扒呢d特色小小會貴d 就288但未食過斧頭扒既人 可以黎呢到一試!一般出去食斧頭扒多數350up 本人食過最貴都過千~呢間算平! 近骨身既肉比較軟,同鮮, 扒身7成熟我覺得岩岩好, 會有黑汁係旁讓客人點用!呢到pizza平得黎幾好食,主要好食係個批底,好鬆軟,帶左幾次朋友黎食都係話唔錯~pizza料方面係任客人選~自由配,呢樣野唔錯^^但選料如果再多d會更好^^整體黎講服務不錯, 價錢平, 性價比高! 值得一試~會再黎!

我諗  我除左去深水埗 都好少過長沙環呢頭今次我都唔例如 去完黃金買少少野 見時間唔早唔晏就慢慢行過去長沙環個邊食飯你唔好以為長沙環冇咩野食呀  其實有好多專做街坊生意既食店今晚我地就試試呢間喇每人叫左一個SET 個SET 包餐湯 + 蒜容麵包  唔錯呀 話咁快就俾我飲哂食哂天時暑熱 朋友叫左杯雪糕紅豆冰黎飲不過咁岩當日餐廳雪櫃壞左  所以冇雪糕不過唔緊要大大杯 夠哂解渴喇!我就叫左杯檸檬柚子蜜杯黎飲 冰冰涼涼  正小食方面跟餐可以加少少錢叫小食  我地一共叫左兩個香煎雞翼非常好脆 外面表皮咬落去仲有少少聲嫁內層肉質唔太油同時又唔太乾!法式田螺焗薯茸其實上係田螺同薯茸上面仲有少少芝士簡直將成個小食升左個LEVEL   而田螺都冇因為焗而變得太乾到主角出場喇香煎澳洲肉眼扒 (6成熟)擺上枱 賣相唔錯 沙津薯條份量足而肉眼扒咬落去非常JUICY建議唔中意食太濃味既可以學我叫燒汁 唔會搶左塊扒既鮮味!香煎加拿大牛仔骨同樣賣相唔錯 而牛仔骨肉質非常好食牛仔骨最怕就係食既時候 因為夠骨而攪到狼狽不過唔洗擔心 咬落去好易就做到骨肉分離正!朋友指定動作  食完野緊係要食甜品今晚都唔例外   跟餐加錢

比想像中大，好像有兩邊店面可以坐。氣氛都不錯，偏向昏暗帶上點浪漫~牆上的畫都挺有特色~我們點了一個晚餐澳洲和牛肉眼配飯，特價的蠔set (包括法國花城之蠔N4、南非納米比亞N3和法國迪斯蠔N1) 不過後來有款剛好沒貨更換了別的）還有卡邦尼意粉。餐會跟上湯、包及餐飲~先上的意粉屬於正常不過不失，配料的火腿洋蔥等比較少個人喜歡醬會多點 令其更加Creamy會更惹味啊上桌時看見份量也挺多的，一大塊的。肉眼點了六成熟，一切下去已經感受到肉汁 口感不俗(肉質嫩口)放到口邊香氣四溢再加上黑椒汁又是另一風味，可以加多碗飯了！蠔要趕快吃，海水味不重 未有很鮮甜的感覺不過價錢和質素算是正比，一過口癮亦無妨整體吃得舒服，挺適合和朋友放工後輕輕鬆鬆地吃個晚餐。

第一次到呢間餐廳食感覺不錯！好多套餐選擇~又有生供應！！9pm後啤酒仲買一送一岩哂同朋友食飯吹水！！夠哂抵呢款kwak生啤比較重小麥味~~餘韻帶dd焦糖既甘甜！！好易入口又夠哂大杯好抵飲生蠔有幾款供應~為番都係大概$10一隻~~部份size比較細隻！！但係全部都鮮味有幾隻仲係好有海水既咸香！！食得過 燒烤蘑菇美國安格斯牛肉芝士漢堡有埋薯條！！最頂既大蘑菇非常厚身~~好香菇味！！好清新既感覺安格斯牛肉亦好濃牛肉味~~醬汁滿瀉配埋一齊食好得呀

同事有病入左明愛醫院，今天放工約埋其他同事一齊去探望他，在此祝福他早日康復！之後我們行返出去長沙灣附近找地方吃飯，行到東京街，見到有間餐廳名叫Casa 338,地方雅潔，門口放有食物餐牌，見到岩食，我們便入座了！我們要了2份晚餐，晚餐包括：是日餐湯、蒜蓉包、主菜、餐飲。第一款主菜是美式鐵板雜扒：有豬扒、雞扒、火腿、腸仔、蛋和薯條，配黑椒汁，豬扒和雞扒都很入味，特別一提是塊鐵板，餐廳是用一塊石做主板，然後用鐵圍邊，所有食物都放在石板中，石板有極佳的保溫效果，所以當食完之後，石板仍然是熱的，就連石板下的枱面也相當熱的，侍應收走石板後，可以用手感覺一下，問過老闆，他說：因為客人用餐時會和朋友傾下講下，室內又有冷氣，食物容易凍了，所以就用這方法保溫，老闆非常貼心，值得一讚👍第二款主菜是鮮蝦忌廉野菌墨魚汁意粉：大大隻蝦很爽口，野菌、墨魚汁加埋意粉，配合濃濃的忌廉汁，非常惹味可口！餐飲我們選了一杯檸檬茶，另一杯加錢要啤酒（Bels Pilsner)！另外我們還點了2款美食：意大利水牛芝士薄餅：芝士夠份量，可以拉絲，餅底很薄，所以食落很卜卜脆，加上濃濃的芝士，非常惹味！特價4款蠔Set：見到隔離枱食

之前去過呢間餐廳隔離嗰間酒吧之後知道原來呢兩間野係打通嘅一直都好想試吓，又驚好貴今日終於搵到契機可以去！端午節食西餐真係爽YY先講服務，侍應真係好好招待同埋非常之醒目，例如好醒目咁問需唔需要多個碗多個碟，好細心同埋啲食物上得好快，唔需要等好耐不過我同屋企人都覺得張枱就細咗啲放食物的話都有啲逼不過都係可以接受嘅總括而言，環境可以，服務良好，食物都好而且價錢都唔算好貴，好快會encore！下次一定要試吓斧頭扒！期待下次再去酒吧，到時候再同大家匯報

放工約朋友晚餐，由於佢last day，所以揀間近大家公司附近，由長沙灣地鐵話行入去7-8mins左右，閒日唔會太多人，但客人一枱接一枱，證明都好有吸引之處。先研究一下餐牌， 晚餐價錢由$48-288，原來選擇多，而且價錢也很化算，難怪吸引原少街坊熟客，焗飯/意粉才$48-78。不過最吸引我地都是和牛肉眼，雖然價錢較高，但物有所值，另外再點了自選12吋pizza，保證夠飽肚之餘，大家share價錢就平均好多。當日餐湯是羅宋湯，茄糕味幾重，微酸不辣，仲很夠熱辣辣，味道不錯。而蒜蓉多士等了一陣係有原因，法包塗滿蒜蓉及香草，烘得脆身又香。自選12吋pizza,我地的配搭是雞肉、菠蘿、白菌、千島醬，薄餅是非常薄身，但也十分香脆，而且放得滿滿材料和芝士，很豐富。勁多雙色芝士，拉到少少絲，但芝士味濃又夠香，白菌夠濕潤，菠蘿多果汁，還有煎過的雞肉粒配開胃滋味千島醬，好難唔好食囉。我地竟然一次食哂，每人4塊，好味到停唔到口，由於薄餅夠薄，所以食完唔膩，剛剛好。澳洲和牛肉眼 配 薯菜，好大塊好靚的牛扒，我地點左5成熟，切來看看先。熟度剛好的粉紅嫩肉，油脂分佈平均，仲很有油香。肉質柔嫩易咬，牛味濃郁又多肉

晚飯時分，又在長沙灣、荔枝角一帶找點吃的，今府見到這家神秘的Casa338。外面看起來像屋村茶餐廳，但菜式看起來卻像是高級西餐廳。就在好奇心驅使下，我倆徐徐步入餐廳。嗯，餐廳內的裝潢，只可說跟餐牌內的菜式並不算配合吧，但人已經在餐廳內，那就直接點一個晚餐一起吃罷了。 一個套餐還包含了湯跟多士，湯嘛，沒有特別，多士嘛，是淋身的蒜蓉包。 等了大概45分鐘，終於見到我們的食物。其實我們點的是美國頂級安格斯16安士連骨斧頭扒，但來的好像是澳洲頂級和牛肉眼扒，都是五成熟的，而且價錢一樣，都是$288，所以我們就接受了，始終要用多45分鐘去等的話，這個時間價值並不化算。至於這塊和牛肉眼扒呢，是靚的，肉味也夠濃郁，可惜火候卻掌握得不夠好，以致扒的熟透程度不一，約五成熟到七成熟吧，幸好兩者我也接受的。嗯..至於整體嘛，個人而言，一份餐的價錢並不算便宜，要是能改善一下，感覺會得多。

相約長沙灣晚飯 朋友話食過一個餐廳係東京街都唔錯 咁我有bus直達 回家時亦方便原來餐廳有兩邊架 不過兩邊唔同感覺的 坐下伙計即遞上Menu 亦見枱面有推介生蠔的Menu 非常吸引可惜係個肚唔爭氣唔敢食生野住 下次必試 $78就可試晒4款法國生蠔 好抵呀每人揀左個晚餐 餐已包左餐湯，蒜蓉多士，主菜同餐飲 D 香煎澳洲牛肉眼配薯菜跟燒汁 $108肉眼夠份量 juicy 5成熟剛剛好 菜salad醋汁 解膩 熱辣辣薯條 F 西班牙鮮茄牛胸腩意大利飯呢間飯用上鮮茄 再用上牛胸腩牛味濃 煮得鬆軟無比 兩樣配合唔錯 無落任何芝士變得唔膩 12吋 巴哈馬火腿pizza 最鐘意這種脆薄底 唔會太飽 我朋友話佢可以食到一個喎 我就食三片 真係唔覺太 heavy 因為d餡料剛剛好 手工beer選擇多 我揀左一隻係香蕉味wells banana bread 5.2%Alcohol 成熟香蕉味 飲落係香蕉麵包 好易入口 配pizza都夾到 多款手工Beer介紹 睇個人喜好選擇心水 傾計嘆Beer無得輸 cafe牆壁

最近就同舊同事一齊去食飯聚舊，揀咗間位於長沙灣嘅西餐廳。餐牌有平有貴，平有平食貴有貴食。自定pizza（千島醬雞肉菠蘿蕃茄）＄78薄餅個餅底比較薄，都係最近最興嘅做法，最正就係材料可以自行配搭，自己想食咩就揀咩，可以有一個醬汁，一款肉類同埋兩款蔬菜類，我哋當然配搭得好好，所以食粒無論係口感定係味道都一流，質素都真心唔錯，有芝士呀！香煎澳洲牛肉眼意粉＄108牛肉眼就唔算太厚，不過裏面紅紅地都可以。比較多筋位⋯⋯質感都可以嘅。同價錢差唔多啦～招牌德國鹹豬手配蜜糖芥末汁＄168德國鹹豬手真係好大隻，影相嘅時候都好靚，但係之後就諗起切鹹豬手嘅問題，最後由我哋幾個gentleman夾手手切，都切左一段時間，唔知本身店員會唔會幫手切，但見佢哋冇主動講起我都費事問～好尷尬！鹹豬手果然鹹香十足，但係又唔會過咸，個皮仲有啲脆。焗蘇格蘭石蠔即開即焗$20大大隻，可惜係朋友食，睇落好鬼正，仲有個黑色嘅板載着～法式田螺焗薯蓉＄28就普普通通，不過不失，味道比較鹹。法國Gillardeau $38 x2生蠔就真心海水未夠重，不過又唔會太過過分，唔係太食到好濃味的都可以食。

今次黎長沙灣，就係要試下呢間新出既和牛餐呀！呢間Cafe除咗食之外，仲有準備Broadgame比大家玩嘅！ 如果約左班Friend黎吹水Hea時間，都係唔錯選擇啦。講返食野，我地就無叫兩人餐，反而叫左兩個晚餐！1. 必食和牛 (7成熟)唔知係咪因為牛肉太熟，牛味唔太出，但係好食既！ 至少同其他肉眼牛扒餐嘅牛肉味唔同，而且易咬口呀！2. 鮮蝦墨魚味意大利粉雖然蝦肉唔係新降嘅，但墨魚味同意粉好Match, 至少唔似其他醬汁 同 意粉 分開呀！3. 一定要飲啤酒呢到跟餐轉飲特式啤酒係抵似嘅，而且易入口，唔會太多小麥味呀！

今日黎到長沙灣,行左好耐都無咩餐廳,本身想去睇李鄭屋，點知咁岩關左😂6點就關咁我地就去附近d餐廳食^^咁就去左呢到見佢有個姐姐係門口坐 仲有個餐牌 有扒食 一於黎燭光晚餐🍻佢有2間連埋一齊 但係就多人先開暗d個邊 所以我地太早個邊味開我地就坐光d個度😭其實想坐暗d個邊,後生啊嘛 中意暗d☺️呢到環境都唔錯～之後點左二人斧頭扒套餐，點了7成熟，黑椒汁，入面仲有雞翼，春卷，炸魚薯條，蒜茸包，湯。個餐都好抵食架🍻仲點左杯KWAK斧頭扒一上到黎，香味濃郁，塊扒算靚野，唔係冷凍個d,肉質鮮嫩，都算易切，但都係我男朋友切哂😂🤞🏻我見隔離枱都係個男人切哂。 一切落去，雖然叫7成 應該有9成熟 不過勝在佢好軟腍腍，好咬唔un><><...加埋黑椒汁仲好食👍🏻👍🏻兩個人食岩岩好小食分量都好充足，岩岩好二人分量，薯條新鮮整出黎👍🏻最後講下杯KWAK,本身其實係我想飲😂最後成杯都係我男朋友飲 佢話幾易入口👍🏻餐牌個度仲寫住襯牛扒食一流之後我地走之前仲同個啊姐傾下計，原來出面個d台係俾環食煙同埋有養狗個d人食，都幾貼心^^下次會再黎過