卷族

营业中

休息中

話說尋日見卷族新出左個雞飯，諗住試試佢，點知12:30去到已經賣哂！🥲sad老細叫我可以lunch前WhatsApp落定order，咁佢就會留一盒比我～🥹所以我今日就真係預早走左去order～終於比我食到，又真係幾好味wo🤤聽老細講個飯係用雞湯煲，唔怪之得咁香啦！😳食落個雞又幾滑，不過個調味唔太重（重口味人士表示要more咸🤭），好彩佢有配搭一份秘製蔥油同海南雞醬油，加埋一齊個味就啱啱好😋不得不提既係，個蔥油幾特別，有一陣麻油香，食落咸咸地仲有少許薑蔥味，配落個雞度真係一流！👍🏻仲有！盒飯既份量都唔惹少….個盒大過我個頭….真係好飽…但係個雞湯飯實在太好食😂所以飽都忍唔住食哂🫣🤭🤭老闆加油！繼續出多啲新款菜式💪🏻（成日見佢有新野出😂）btw老細幾好人同幾好傾😂

經開新紀元廣場，心諗幾時開左間小食店，然後就出於好奇入去試下。聽老闆講，由於正處於試業階段，菜單款式仲有待調整，所以就按佢推薦，點左份雞肉卷。等待嘅時間吾算長，粗糙計過大概3～4分鐘左右就有得食。送到我手上嘅雞肉卷熱辣辣，雖然稱吾上大份夾抵食，但絕對冇偷工減料，滿滿嘅雞肉咬落去甚至會多到瀉出黎。就性價比而言，已是合格有餘。係口感方面，啱啱整好嘅餅皮表面酥脆，入面嘅生菜蕃茄用料新鮮，吾會有戈種霉霉嘅感覺；作為主菜嘅雞肉煮得軟硬適中，醬汁份量亦恰到好處，食落都幾juicy~

尋日同朋友去試左呢間新開張既卷物小食店，叫左一個bbq 豬肉卷試下。老闆好好人，野食又好快整好。間店舖環境好乾淨同埋設計幾靚，而且又有位置比我地企係度食埋先行，野食熱辣辣，然後d豬肉又好好味，同埋個卷入面有好多新鮮蔬菜例如番茄、洋蔥、生菜同埋cheese，所以一d都唔覺得油膩，最正係個醬汁，好惹味同埋開胃🤤，成個配搭都好夾同埋好有層次。食完好想再叫多個，我朋友都話越食越好味一個完全唔夠喉，下次一定會再去幫襯呀！