叁不館

营业中

休息中

今次嚟到天后試咗一間地道火鍋，舖名用咗香港特色九龍城寨嘅特別狀況「叄不館」嚟命名，店內裝修都有種八十年代嘅電影海報設計、諧音廣東話方言、夜總會霓虹燈等，非常有親切感。食物方面十分高質，先嚟一個前菜椒鹽粟米，有種避風塘風味，但係粟米又好juicy，食完唔會覺得好口渴口乾，反而係開胃生津，而且炒得好惹味，夠晒鑊氣！食完前菜點咗一個花膠雞湯，個湯單飲都非常入味，配襯住花膠同原隻雞啖啖肉食，非常滿足！由於湯底本身隻雞都好大隻，如果多啲人嚟食就可以嗌多啲唔同嘅食物種類～然後叫咗一份牛魔王拼盤，一個價錢可以品嚐到不同部位，平過分開叫好多😋而且都係超大份，食完彈牙嫩滑嘅牛肉已經有少少飽飽地。美食一浪接一浪，再嚟超正海鮮拼盤，海蝦鮑魚仙貝等超新鮮😍其他配料例如蟶子、鯇魚片等都超級好味，今次唯一係唔夠多人嚟，推介大家帶多啲朋友嚟食返餐好嘅！

近來個個都響社交平台 講九龍城寨有幾好睇，無意中見到有個朋友嚟咗呢間都係同城寨有關嘅火鍋店打卡，見啲嘢食同埋環境都好似幾吸引，bookmark完今日終於有時間嚟試吓~ 一入到餐廳已經見到啲好有feel嘅霓虹燈同埋壁畫，裝修真係花足心思，希望嘢食都好食啦~ 因為我哋得兩個人所以都唔係叫咗好多嘢，我哋叫咗卜卜蜆鍋底已經好足料勁多蜆，所以配料我哋都唔需要叫太多~ 老公係牛魔王所以叫咗兩碟牛肉，雖然價錢唔平不過好高質素，牛味重肉質好，脂肪分布平均另外叫咗碟手工餃子，有午餐肉餃又有芫荽餃同埋菜餃，皮薄餡靚幾好食~ 另外餐廳嘅自製蔥頭油我哋都買咗罐返屋企，撈麵/點肉一流臨走前我哋仲見到餐廳有個一蚊啤酒優惠好似好吸引，不過我哋得兩個人就冇飲啤酒啦，但係一大班朋友嚟用呢個優惠應該幾開心! 總括嚟講餐廳質素都唔錯，下次可以帶埋屋企人或者朋友嚟就可以叫多啲嘢試多啲

映入眼簾的是充滿懷舊風情嘅古式茶檔、九龍皇帝嘅墨寶同香港電影主題嘅裝飾，令人彷彿置身於舊香港中，絕對是打卡影相嘅好地方。一入座就有開胃小菜：花生、麻辣黑木耳青瓜。店員都會拎火鍋醬料比我地自行搭配。不得不提係佢地自家製嘅「蔥頭油」，香氣撲鼻，用來點牛肉以及海鮮都非常突出。店內亦有瓶裝「自家製蔥頭油」售買，我立即買左一瓶，等下次係屋企打邊爐都有得用！我揀左「卜卜蜆豬骨煲」做湯底，真係有一塊巨型豬骨係煲中，亦都用左好多蜆去一齊煲，非常足料！非常鮮甜！牛魔王拼盤（包括極級本地手切肥牛、頂級安格斯牛頸脊、牛脷托、手切封門柳、鮮牛肉粒、黑安格斯牛板腱，各6片）。必須大讚「手切封門柳」！油花分佈均勻，入口即溶。海中蝦（半份）加南菲鮑魚（2隻）手打五寶丸（豬肉丸、鯪魚丸、牛丸、墨魚丸和蝦丸各2粒）真係手打先有嘅口感，而且有濃郁的肉同海鮮味。檸檬薏米水清爽解膩，非常適合配火鍋。店家仲有一個限時優惠，$10可以買到10支啤酒，並且90日內再訂座時可以協助寄存未開的啤酒，適合約埋一大班朋友聚會。

放工跟老公去打邊爐，今次選了這間充滿懷舊氣息的叄不館。坐枱有點像大排檔，餐廳各角都是懷舊的打咭位，播放的也是懷舊的金曲，許冠傑黎明鄭伊健等等。枱下有籃可以放袋，枱與枱之間也有足夠空間。湯底我們選了卜卜蜆豬骨煲，有超級多卜卜蜆，等於是叫了一份海鮮呢﹗全部蜆瞉都會打開很新豬，豬骨煲有大大舊豬骨連肉，煲得軟淋，湯底亦有濃濃胡椒味，有粟米等配料。店員建議先喝碗湯再打邊爐，果然可以暖暖胃品嘗清楚湯底鮮味。醬料也要好好介紹一下，因為是整個圓圓醬料盤上，很壯觀呢﹗推薦餐廳自家蔥頭油及沙爹醬，非常香口。另外麻醬很香滑，辣椒油跟蒜蓉也很不錯。我們二人點了海中蝦半份、2隻南非鮑魚、自家製四拼餃、手工五寶丸、頂級安格斯牛頸脊(大)、皇帝菜、稻庭烏冬和竹蔗矛根海底椰，飽到不行啊﹗海鮮用一個大盤冰鎮奉上，鮑魚已幫忙脫瞉，海蝦用籤插著，方面用手拎。鮑魚滾2-3分鐘已可以吃，飽滿彈牙。海蝦雖不大，但蝦身也彈牙的。頂級安格斯牛頸脊有分例牌跟大，由於我們只點一份肉，所以點了大。只需滾一滾便可以吃，牛肉片爽口有肉味，吃得出的新鮮和上乘。手工五寶丸有豬肉丸, 鯪魚丸, 牛丸, 墨魚丸, 蝦丸，當中鯪魚丸和牛丸最出色，鯪魚丸

天后好多餐廳都臥虎藏龍，今次搵到一間樓上嘅火鍋店係以老香港情懷為主題，無論裝修、餐具定係擺設都十足幾十年前嘅香港🇭🇰見到餐廳而家做緊大優惠【啤酒$1/支】😳要以$10買10支，飲唔晒唔緊要，可以暫架鋪頭，下次幫襯再飲過😆😆😆今晚卜卜蜆鍋 鍋底有好多選擇，今晚想食得清淡啲所以揀左卜卜蜆鍋，店員建議先食晒蜆同飲啖湯先開始打邊爐😆蜆肉大大隻，而且數量幾多，湯底亦鮮甜，鍋中仲有好多芽菜同娃娃菜，索晒蜆肉嘅精華頂級安格斯牛頸脊 牛頸脊牛味香濃，而且入口軟嫩，雪花分布平均蒙古羊肉片羊肉片同樣嫩滑，而且唔膻，脂肪唔算多，食落唔會覺得油膩蘇格蘭蟶子． 日本扇貝2款海鮮嘅size都好大隻，蟶子口感彈牙爽脆，扇貝煮完都keep 到好厚肉😂而且味道鮮甜，好好味白鱔片切得厚薄適中，肉質食落Q彈爽口，放落蜆湯煮更加鮮甜鮮墨魚滑墨魚滑撈埋蟹籽食落彈牙，好足料自製炸魚皮魚皮炸得金黃香脆，每塊都好大塊，口感十足雜菜拼盤．海帶結．稻庭烏冬打邊爐臨尾落埋啲蔬菜同烏冬索晒蜆肉、海鮮同牛肉嘅精神，非常鮮甜，蔬菜拼盤有雲耳、蕃茄、娃娃菜、唐菜、油麥菜等等，好多種類都可以一次過食晒

昨晚與爸爸到天后吃火鍋，我們走進位於樹林銀座7樓的叁不館，是一家獨具特色的港式火鍋店。店內四處充滿精心打造的懷舊港式風格裝修，讓人仿佛穿越時光回到上世紀的香港，猶如置身於懷舊的電影場景。叁不館在裝修上的用心之處可謂獨具匠心，讓人倍感愜意｡ 我們選了菜單上的玫瑰花花藥膳湯和香茜茜皮蛋湯作為湯底，清香彌漫而來，味道濃郁醇厚，我們在用餐前先喝兩口，令人回味無窮。自家製蔥頭油配上醬油、蒜蓉、辣椒等作調味，散發著誘人的香氣，讓人胃口大開｡ 我們先品嚐這裏的海鮮，包括有南非鮑魚和海中蝦，還有一款開胃小食，店員推介的椒鹽雞翼尖，確實不錯，香口惹味。之後我們還點選了多款食物，實在豐富，包括有鮮牛丸、鯪魚釀豆卜拼豬肉釀豆卜、海中蝦滑、鮮墨魚滑、水魷、唐生菜、雞脾菇、鮮冬菇、冬瓜片、菜心苗、蕃茄、蘿蔔片、白鱔片等，很多很多，數之不盡，每一款食材都很用心預備，新鮮而且美味｡ 此外，叁不館的服務更是一流。上菜的速度非常快，讓人不會感到等待的無聊，讓就餐過程更加流暢。服務人員的招呼周到，殷勤服務使人感受到賓至如歸的溫暖。加湯更是方便，隨傳隨到，讓人飲湯不愁。在享受美食的同時，服務人員也向我們介紹菜品，有禮貌周到

天后地鐵站一出，步行3分鐘便到，方便易揾。餐廳裝修很有懷舊香港風，有趣有特色，還很適合打咭。未正式開餐前，有清爽青瓜和鹹香花生作為開胃小菜，味道唔錯。醬油都有好多選擇，店員主推自家製葱頭油，很香葱油味。湯底揀左咯咯雞花膠湯，花膠湯非常濃郁，鮮甜可口，我們一口氣喝了3碗湯才捨得開始吃火鍋，真係不得了。花膠雞湯料非常豐富，每隻花膠都有手指咁大隻，入口軟滑，還有大半隻雞，非常滋味。手切封門柳脂肪較少，有韌性，牛味濃郁。手打五寶丸有豬肉丸，鯪魚丸，牛丸，墨魚丸和蝦丸。估唔到口感一流，好有彈性。其中牛丸特別jucy，大推。自家製四拼餃有齊韮菜餃，莞茜餃，午餐肉餃和蝦餃，粒粒都皮薄飽滿，打邊爐一流。南非鮑魚和蘇格蘭蟶子海鮮新鮮彈牙。紫菜炸響鈴響鈴吸哂湯嘅精華，好正。但放耐左會出油，記得要盡快食呀。炸墨魚餅唔似泰式蝦餅的硬實，質感係Q彈，都相當唔錯。枝裝可樂幾Q.店員服務態度主動細心又友善，要讚賞一下。依家餐廳仲做緊推廣優惠，只要follow 社交平台,就有$1啤酒， 必須以$10購買10支，啱哂一大班朋友一齊暢飲，加埋半價刺身優惠，真係要食多幾次呀。

睇完九龍城寨就去咗天后嘅叁不館打benno😎裝修勁有城寨港式風味，帶遊客嚟食佢哋應該會幾開心😆湯底揀咗椰子雞鍋，店員將原個椰子水倒入湯底，仲有一盤雞肉另上，勁足料鮮甜🥥🐔牛肉拼盤🐮雪花肥牛有牛味鮮蝦 元貝🦐好多新鮮海鮮選擇芝士竹輪🧀可以瘋狂食芝士竹輪好爽釀豆卜🐟完美組合紫菜響鈴鐺🥢新鮮炸起超香脆魚肚🐡好食冇腥味蜂巢豆腐🍲吸湯汁之選珊瑚蚌🌊充滿鮮味腐竹💛充滿豆香四拼手打丸🦑彈牙啖啖肉蔬菜拼盤🥬一次過食到多種蔬菜再加埋啤酒啤一啤🍻好有風味🇭🇰

天后地鐡A2出口行2分鐘到琉璃街轉角搭電梯7樓門面及店內裝修充滿九龍城寨大排檔風味食具用上舊式公雞碗、八十年代膠筷子、紅邊大瓦碟懷舊感覺滿分而且特別適合一大班人圍爐聚餐期間限定更有10蚊10支大嘉士伯/青島計落真係好抵 飲唔晒仲可以90日內嚟清埋佢食物價位雖然稍高 但用料及處理都係上級特別係上級封門柳用蝴蝶手切 厚身之餘又夠大塊醬料更有11種選擇 其中必落自家製蔥頭油香淳味厚胡椒豬肚雞湯 $198充滿膠質既濃雞湯煲滾時先飲一碗鮮甜而不漏仲好暖胃 鍋內仲有大量蟲草花及豬肚最後才放入大大份雞件 皮薄又啖啖肉十分滋味手切封門柳(大份) $358低溫處理下既靚封門柳十分甜而飽滿蝴蝶切令到本身根位熟左都不影響口感另外油脂較少啖啖肉軟而不韌食得多和牛不妨試下肉味十足既靚封門柳蝦滑油炸鬼 $78共8件既蝦籽及紫菜味既蝦滑配上脆身既油炸鬼十分盞鬼手打五寶丸 $98粒粒都咁足靚啖啖肉, 特別係墨魚丸及牛丸特別好食白柏葉 $48件件都大大塊好爽口、淥一淥就食得日本扇貝2隻 $76海中蝦半份 $88新鮮即開扇貝配蔥油好正、海蝦串起好易剝殼

星期日和朋友慶祝生日, 夜晚同朋友去左天后食火鍋。餐廳裝修走懷舊風格, 播放八九十年代歌曲, 好有香港特色。湯底就揀左胡椒豬肚鍋, 胡椒味突出, 湯底濃郁, 雞肉嫩滑。我哋叫左安格斯牛板腱, 肉質鮮嫩, 牛味香濃。手打五寶丸有豬肉丸, 鯪魚丸, 蝦丸, 墨魚丸和牛丸等, 其中最突出係牛丸, 牛肉味濃, 咬落多汁彈牙。海鮮揀左海蝦和扇貝, 海蝦新鮮彈牙, 帆立貝鮮甜。水魷好新鮮, 食落好爽口唔韌。飲品叫左竹庶茅根海底椰, 可以滋潤喉嚨和解熱氣。我哋成晚都食得好開心, 餐廳長期都爆, 如果去食要一早打去餐廳book位。

已經三訪呢間火鍋店，大推👍食物質素好有保證😋最近做緊推廣優惠，一蚊就有啤酒啦🍺好鍾意呢度港式懷舊火鍋餐廳的熱鬧氣氛和裝潢，從餐廳的色彩選擇到器皿擺設，都散發著一種濃厚的懷舊情懷和親切感，有手切牛肉檔的擺設造型，十分盏鬼~各種調味料讓食客可以根據個人喜好自行調配🥰無論係家庭或商務朋友聚會，都好適合🥳呢度嘅椒鹽小食係10分推介👍椒鹽粟米係好鮮甜！椒鹽雞軟骨($72)表面金黃香脆，以椒鹽調味，炸得啱啱好，唔會太油膩。擺上一啲清新嘅嫩苗，增加視覺同口感上嘅對比，好適合做開胃小食。火鍋方面湯底揀咗卜卜蜆豬骨鍋($238)湯底用上豬骨熬製，配上大量鮮胡椒，味道鮮甜，卜卜蜆亦極鮮甜，先飲湯再打邊爐，好濃厚好鮮味😍海鮮都好高質，新鮮的海中蝦($88)和扇貝($76)冰鎮得恰到好處以保持其新鮮，仲新鮮到識郁！加少少豉油極其鮮甜🤩頂級安格斯牛頸脊🥩($308)肉質嫩滑多汁，厚切又油花充足，牛味濃郁；芝士墨魚丸拼芝士蝦丸($108) 墨魚丸同蝦丸加入咗芝士，超過彈牙！味道濃郁香濃🤤配著火鍋嘅還有不同嘅醬料，例如芝麻醬、蒜蓉辣醬等，食客可以隨喜好自配，豐富火鍋嘅口感。總體來講，呢家火鍋餐廳嘅食物選擇豐富，食材

叁不館 (2/7/2024) 今日同朋友喺維多利亞公園游水，做完運動就喺附近食晚餐，這個朋友最喜歡打邊爐，咁就記得附近有人介紹有間好食嘅火鍋店， 火鍋店叫叁不館，位於天后電氣道68號樹林銀座7樓，港鐵天后站 A2 出口，步行2分鐘就到，十分方便。 電梯出來，就看見到牆上貼滿舊式香港日曆，仲有之前香港嘅舊舖麗花皇宮夜總會嘅霓虹燈牌，用來裝飾得幾吸引客人來打卡。進入火鍋店見到環境闊落，裝修得充滿港式情懷大排檔風格，枱櫈也是大排檔的格局，一坐低即刻送上兩款開胃小食，係自家秘製炸花生和有辣味嘅青瓜，食落口感都不錯，真係令人開胃。跟著來有10款不同醬料可以任你選擇來配搭食物，有蒜蓉、辣椒、蔥、莞茜、沙嗲醬、麻辣紅油、蔥頭油等，尤其是蔥頭油是自家製，點落令食物十分惹味，蔥頭油仲有樽裝，可以買返屋企享受好味道，價錢又唔貴，好正。 見到火鍋店嘅餐牌有飲勝一蚊啤酒嘅優惠，參加嘅方法係兩人以上及消費$500以上，就可以一蚊一支啤酒，必須買十支即係十蚊咋， 而且係飲醇滑嘉士伯同青島，飲唔曬唔可以帶走，可以留低下次90日內再來飲，取出餘下嘅啤酒就記得以WhatsApp定位啦，這個優惠都不錯。又喺餐牌見到一個好

又到星期日，一於黎打個港式邊爐呢間天后嘅邊爐都見有幾多好評，但都幾難book位所以我哋6:00就入咗去食了而家命有個優惠只要follow IG，就可以有$10 10支啤酒超抵飲唔晒仲可以留返下次再嚟幫襯嗰陣飲先揀個湯底想養顏當然要選花膠雞湯底打邊爐前先飲過湯，個湯好清甜，而且仲配有6塊花膠同埋半隻雞，好豐富海中蝦🦐非常新鮮，肉質爽甜南非鮑魚好大隻，肉質厚實，夠鮮甜估唔到完全一啲都唔韌，仲好有嚼勁極級本地手切肥牛花紋好靚，叫咗例牌，但都幾大碟食落肉味濃，唔會有好肥既感覺，岩哂女仔手打五寶丸有蝦丸，墨魚丸，牛丸，豬肉丸同埋鯪魚丸特別推薦牛丸，肉汁豐富，夠彈牙，真係冇得頂菜心，好鮮甜椒鹽豆腐有避風塘嘅味道，好有鑊氣，豆腐炸得好脆

最近懷舊風喺香港掀起一股熱潮，舊式大排檔嘅枱櫈、藤籃，就連餐牌都仿照舊式報紙嚟design😆餐前小食同小菜都好特別，蔥油更加要encore添，蘸下肉類同海鮮都幾夾👍🏻👍🏻🍲卜卜蜆豬骨煲湯底入面有好多蜆，食落都冇咩沙粒。豬骨都係大大條，豬骨肉都好淋身。加入栗米蘿蔔嘅豬骨湯底好清甜😝🐮牛魔王拼盤拼盤包括極級本地手切肥牛、頂級安格斯牛頸脊、手切封門柳、牛肉粒、牛胸尖同牛脷托。無論油香、肉香定肉嘅質感，依幾個部位都可以滿足哂。推薦極級本地手切肥牛，肉質柔軟得嚟又帶有脂肪，咬落油香十足，蘸啲蔥油更加好食🤤牛胸尖較少見，爽口得嚟又唔膩😋😋是日海鮮之選日本扇貝十分鮮甜嫩滑，粒粒都好飽滿，值得一試!!🦐草蝦好新鮮，一啲都唔霉，仲好彈牙🤭🦐蝦滑油炸鬼蝦滑釀左喺油炸鬼入面，加埋紫菜豐富左口感。但要注意烹調時間，太淋就冇左口感😃新鮮炸響鈴炸響鈴一定要新鮮炸起先最好食，每條都好大條，快手咁浸入湯汁再拎起，簡簡單單已經好好食😙😙依家用$10 就買到10枝啤酒，同朋友一齊飲勝就最啱🍻🍻🍻

位於天后嘅「叁不館」,為食客奉上一場嶄新且不可多得嘅打邊爐體驗。走進餐廳,你會首先被寬敞嘅環境所吸引,配合充滿港式情懷大排檔裝修，營造出舒適豪爽的用餐氛圍。四周牆壁掛滿各種港式茶餐廳大排檔道具，令整個空間充滿着濃厚的港式風情。當然,最吸引你目光的,必定係放置於桌上嘅煮爐。呢度提供多款優質食材,全部都出自海陸精選。首推「足料雞花膠湯」,湯頭濃郁鮮美,加入厚實嘅雞花膠,口感滑順回甘,暖胃又養生。此外,「龍蝦刺身」、「日本扇貝」和「海中蝦」都以新鮮度見稱,每一件都能在爐上迅速烹煮至完美,確保食材原汁原味。龍蝦刺身真係超….鮮甜抵食！呢度嘅侍應好細心講解，教我地食完刺身唔好浪費個龍蝦頭，可以放入湯底煮熟食，果然真係好好好….鮮甜呢！蝦頭都好多肉！大愛！除此之外,「手打五寶丸」和「頂級安格斯牛頸脊」同樣值得一試。前者以五種上等肉類精心製作,彈牙可口;後者則肥瘦適中,入口即化。最後,別忘了品嘗「竹蓆茅根海底椰」,清甜可口,正好作為清口解膩。無論係選擇任何一款食材,都能在「叁不館」體驗到頂級食材配以專業手藝的完美組合。期待下次再次前來品嚐更多美味!呢家仲做緊啤酒一蚊1一支優惠，最多可以10支可存貨9