叁不館

营业中

休息中

今次去懷舊主題特色打邊爐🤣不單止環境主題，餐品用具都充滿懷舊特色，氣氛一流。湯底﹕花膠雞湯底❤️❤️❤️❤️絕對抵食‼️花膠大大舊、肉厚、量多，食花嫪都可以食飽😊仲有半隻雞，肉質嫩滑，有雞味，加埋濃厚既湯底，放左花膠同雞後，記得飲返碗湯先食其他野～牛肉﹕大大碟，肉質牛味足，睇色就知夠新鮮，而且肥瘦岩岩好，唔會成片都係肥肉，加上切既厚薄岩岩好，正👍🏻海鮮﹕鮑魚大大隻，南非鮑，肉質爽口彈牙，鮮美，食得出分別～蝦﹕唔會梅肉，夠彈牙～海鮮基本上都好新鮮，而且有得叫半份，可以試多好多野手打滑﹕真材實料，食得出唔係溝左好多粉既滑，所以特別彈牙😌加埋滿滿蟹子，多左一重口感～正牛栢葉﹕爽口、新鮮，唔會入口太淋👍魚皮餃﹕獲得朋友盛讚，餃子皮有煙勒感，係好味正宗既魚皮餃～豬潤﹕洗得好干淨，大讚，新鮮，爽口飲酒既朋友有福了，真係好抵😂買左飲唔晒可以寄存，下次繼續飲👍🏻

呢間係天后超有特色既港式火鍋 湯底正 火鍋料又新鮮.今次食胡椒雞湯底，個湯好濃郁既雞湯 同胡椒有少少辣 其實唔需要醬料都好夠味👍🏻打邊爐必點本地手切牛 牛肉新鮮 淥熟完都係呈粉紅色 切得好厚 牛肉味濃！要左幾隻海蝦 同2隻鮑魚，鮑魚新鮮 淥3分鐘就食得 淥完都唔會縮水，又洗得乾淨 唔錯。新鮮鵝腸 唔係度度打邊爐都有 唔會太肥 淥一陣就熟 都幾爽口。另外雲吞拼午餐肉餃 雲吞足料多蝦 新鮮蝦黎既，午餐肉餃幾特別🤣響鈴都係好正，因為索啲湯汁 而且佢哋係自己新鮮炸起 好脆，夾起既時候要溫柔啲🤣餐廳環境幾特別 好靚 有大台有細台 人多人少都可以👍🏻👍🏻

星期中時間特別難過朋友話約出嚟打下邊爐吹下水 帶佢嚟叁不館 上年嚟食過一次 印象中食飯質素好高 今次再食都keep到水準 朋友一上到嚟嘩咗一聲 俾佢嘅設計吸引住走舊香港、大牌檔型格路線 霓虹燈、牛欄都齊晒近期睇完九龍城寨嘅應該會好鍾意餐牌選擇依然豐富 湯底有成十幾款牛肉豬肉都有好幾款 海鮮、各款火鍋配料、手打丸 仲有熟食而家仲有promo 喺IG打卡就可以用$10買到10枝啤酒飲唔晒仲可以留返下次嚟幫襯飲聽到我眼都凸埋 勁吸引 可惜朋友唔飲酒 如果唔係真係不醉無歸揀咗咯咯雞花膠湯底先飲湯 再淥花膠同雞嚟食湯底呈鮮黃色 好鮮甜 飲得出真材實料花膠好大塊好爽彈 食完感覺好滋補雞件份量好多 大大件但肉質又夠嫩滑頂級安格斯牛頸脊份量比想像中多鮮嫩嘅紅色 花紋好靚 食落去牛味香濃 肉質鮮嫩新鮮炸響鈴 同出面嘅唔同 大大件有好多層腐皮食落去比出面嘅更香脆更有口感南非鮑魚+海中蝦鮑魚勁大隻 淥3分鐘就食得 好爽彈海中蝦好新鮮 食落去都係好彈牙 打邊爐食蝦最正！Q彈鮮墨魚丸拼蝦丸雙拼加$10 但每款都有4粒 超多🤣而且2款都好彈牙 又勁大粒勁足料上面仲有蟹籽 好食😋海中蝦滑 打得好靚起晒膠入面仲睇到一

叁不館，裝修極之懷舊，牆上掛上六十年代廣告插畫，一枱一櫈，碗碗碟碟，甚至盛載食物嘅紅色筲箕都原全引領我地到去五、六十年代舊式大排檔嘅環境，一邊食一邊同朋友講番好多兒時回憶。而家店鋪做緊啤酒限時優惠，二人以上，消費$500以上，再follow ig 社交平台，就可以優惠價$10購買10支指定啤酒，今次飲唔晒，可以暫存於店鋪90日。火鍋店黎講贏在起跑線一定係要有新鮮嘅食材，而湯底都係重要環節，可以令食物提鮮，就係全靠湯底嘅功力。🥘卜卜蜆豬骨煲 - 奶白色嘅湯底，真材實料，入口非常濃郁，骨膠感豐富👍🏻，咸咸香香，非常惹味；白蜆肥大乾淨，加左大量白蜆，令到個湯底鮮味更加升級。🥢牛脷托 呢個係朋友介紹必點😋，口感非常好，只須係滾湯上淥幾下，入口軟嫩，第一次以牛脷作火鍋，非常好嘅體驗，比個讚👍🏻。🥢蘇格蘭聖子同海蝦，聖子預先拆肉離殼，貼心方便，爽口鮮甜；海蝦蝦頭蝦身緊緊連接，非常新鮮👍🏻。🥢白鱔片，一片片白雪雪，非常之新鮮，而且入口完全唔會有碎骨，值得一讚👍🏻。係熱湯輕輕拖數十秒，見倒肉身開始卷曲，呢個就係最佳入口時間，鱔片肉爽彈鮮嫩，鱔片皮煙韌黏滑，配埋掛汁嘅湯底，另鮮味更加提升。🥢頂級安格斯牛

店名/Shop Name：叁不館（天后）地址： 香港島 北角 天后電氣道68號7/F樹林銀座全層種類/Type：火鍋推介/Recommend：自家製炸墨魚餅， 卜卜蜆豬骨煲， 黑安格斯牛板腱， 海中蝦滑人均價錢：$600店舖環境: 特色香港懷舊氣氛又有型格嘅火鍋店交通:天后地鐵站A2出口行4分鐘上菜速度:⭐️⭐️⭐️⭐️⭐️服務態度:⭐️⭐️⭐️⭐️⭐️食物口味:⭐️⭐️⭐️⭐️⭐️自家製炸墨魚餅各自家製炸墨魚餅，外面金黃皮薄超脆，個墨魚餅肉質彈牙鮮甜，非常可口卜卜蜆豬骨煲卜卜蜆超級鮮嫩甜美，隻隻都冇沙，要讚一讚個湯底，龍龍嘅胡椒味，非常嫩胃惹味，啲豬骨都好多肉，點上佢哋嘅醬汁超級惹味蘇格蘭蟶子蟶子已經起肉，非常方便唔使連埋隻殼，聖子肉質鮮甜，一定要控制火候，非常鮮嫩及鮮甜海中蝦海中蝦肉質彈牙一食就知非常新鮮黑安格斯牛板腱個牛版見係必吃推介，睇落去個牛版見唔算肥，但係咬落口軟腍香滑有牛味蒙古羊肉片蒙古羊肉片新鮮，足夠，吃起上嚟有濃濃嘅羊肉香味，點上獨特嘅自家製嘅蔥頭油同埋醬料，非常惹味，店員話有得成樽蔥頭油賣，但係因為好少煮飯，留返下次嚟先再食海中蝦滑海中蝦滑絕對係用一隻隻嘅蝦製造，因為煮好之後仍然感受到一隻隻蝦嘅

📍叁不館 (天后)天后電氣道68號金輪天地7樓———————————————叄不館喺天后好有名氣，主打懷舊港式邊爐，店內嘅霓虹燈同大排檔佈置好有老香港情懷🇭🇰而且食物同樣新鮮高質，難怪冇乜負評啦💯醬油費 (💰: $18 hkd /位)有10款醬料可以選擇，推薦自家製蔥油醬，沙嗲醬同麻醬，再溝埋炸蒜同蔥，超級惹味黃金鮮魷💛 (💰: $98 hkd)鹹蛋黃外皮好香脆，包住彈牙魷魚，簡直係無得輸嘅小食，必點！卜卜蜆豬骨煲 (💰: $238 hkd)大推呢個湯底，有成二三十隻卜卜蜆，同3-4大舊豬筒骨都食得！軟骨連肉煮到好淋好好食！湯底呈現奶白色，店員建議打邊爐前先飲一碗，好鮮味頂級安格斯牛頸脊🥩 (💰: $268 hkd)脂肪少，有咬口，肉味濃郁，啱晒打邊爐西班牙黑毛豬🐗 (💰: $138 hkd)大大片厚薄適中，肉味濃郁又唔韌，唔比牛輸蝕蘇格蘭蟶子x2 (💰: $138 hkd)日本扇貝x2 (💰: $76 hkd)海鮮方面，我哋揀咗蟶子同扇貝，蟶子新鮮有嚼勁，扇貝都超巨型雙籽鮮蝦雲吞🦐 (💰: $80 hkd)呢粒雲吞真心好食過好多雲吞麵舖，蝦肉超大隻彈牙，皮夠薄又唔易穿蝦膠油炸鬼

最近大熱嘅九龍城寨 係香港出色嘅電影代表作之一同時亦都令人緬懷昔日香港嘅種種情懷如果嚟到呢度 天后站行過嚟5分鐘都唔使無論係裝修設計 建築特色 餐具枱凳 甚至連店員嘅衣着法式打扮都真係充滿舊香港情懷火鍋配料醬料豐富 兩大自家製蒜頭油及沙嗲醬汁惹味無窮 最近有個一蚊一支啤酒活動 鍾意飲啤酒嘅可以睇睇咯咯雞花膠湯落花膠同雞之前記得先飲湯底 鮮甜 值得一讚咯咯雞即係幼雞 肉質嫩滑 花膠益腎養顏食到咁上下 再飲湯底 感覺味道唔同咗湯頭醇厚濃郁 花膠Q彈爽滑 入口柔滑細緻南非鮑魚 幫你切好晒 洗得乾淨手切封門柳 牛味最重嘅地方 大愛海蝦蝦殼薄 脆口 蝦肉彈牙

🥘叁不館🥘同好朋友去咗主打懷舊港式自選邊爐嘅單點火鍋店!餐廳嘅裝飾，點餐紙，職員嘅服飾全部都會令人諗起舊九龍城寨/舊香港🇭🇰 環境仲要乾淨，枱同枱之間好闊落，同好多朋友一齊食都唔會覺得好迫或者唔舒服! 唯一唔好嘅就係嘢食就有少少貴! 如果佢有任食嘅option就好啦一坐低店員就會好親切咁介紹唔同湯底同埋各款食材. 趁香港未完全去到夏天咁熱辣辣，就要抓緊最後嘅機會去同朋友享受打邊爐啦😍餐廳環境靚而食物都高水準，好適合同朋友一齊嚟打卡enjoy🥘————————————————覺得好好食嘅有:❆ 胡椒豬肚雞堡 $ 198❆ 竹蔗茅根海底椰＄48❆ 頂級安格斯牛頸脊＄328❆ 西班牙黑毛豬 ＄138❆ 時令海鮮 $192❆ 韭菜餃併魚皮餃$ 100❆ 手打五寶丸 $98❆ 新鮮炸響鈴 $ 68❆ 山水豆腐 $38❆ 蔬菜拼盤 $88❆ 自選醬油 $18 (一位)食物份量好多，質素又好好，無論係肉類定係海鮮都好鮮嫩/鮮甜💗肉類肉質鮮嫩，肉味濃厚，仲要每塊牛肉油脂分布平均，海鮮爽口彈牙, 完全係食完一樣又會想試第二樣,不斷encore! 的確係食物質素好，氣氛又好嘅一間打邊爐好選擇火鍋店🌟———

叁不館裝修得很有格調。看似大排檔，其實花了心思。給客人放物件的竹簍，很久波見了。一坐低就先送上小食，我覺得青瓜比較辣。醬料盤入邊有一款叫蔥頭油係店家自家製的。鍋底有很多選擇，選擇了卜卜蜆豬骨鍋。蜆都幾大隻，豬骨好入味又軟熟。火鍋主角揀咗頂級安格斯牛頸脊，好腍好好味。另外推介鬼馬油炸鬼。是油炸鬼釀咗蝦餃，上面再有蟹籽或者紫菜碎。除咗火鍋配料之外，還有熟食可以點。椒鹽豆腐其貌不揚，但係係新鮮炸起，好香口。飲品推介竹蔗茅根海底椰，好清甜。

今日同中學同學一齊過嚟，成間舖頭裝修都好有老香港情懷，勁有氣氛傾偈傾得超開心🌟而且播嘅歌全部都係學生時代嘅歌，好似去咗唱K咁🎶其他客人都傾偈傾得超開心，最估唔到係佢啲嘢食都好新鮮勁好食，仲有$1啤酒🤩🍲卜卜蜆豬骨煲湯底想清啲要咗卜卜蜆豬骨煲，勁多蜆同豬骨，去到後面落菜好清甜🤩🦐海鮮海中蝦、南非鮑魚、蟶子全部都好新鮮同埋肉質彈牙，但係真係唔好煮咁耐，如果唔係就會好老。🐮牛魔王拼盤超級大份，入面有本地手切肥牛、頂級安格斯牛頸脊、牛脷托、封門柳、鮮牛肉粒同埋黑安格斯牛板腱。最好食係牛頸脊肉味濃，本地手切肥牛油花比例啱啱好。💫紫菜炸響鈴係即炸，超級香脆，點湯3秒就好攞上嚟，咁就會有湯汁得嚟又香脆。🥟招牌午餐肉餃餃子入面係邪惡嘅午餐肉，配合埋竟然好好食，打邊爐必備。🍖西班牙黑毛豬肉味濃郁，肉質有咬口。⭐️蝦膠油炸鬼油炸鬼上面有蟹籽蝦膠，幾惹味。⚡️椒鹽豆腐用咗硬豆腐去整，所以入面冇軟豆腐咁滑，個人比較鍾意食軟豆腐嗰種。蔬菜類我哋叫咗娃娃菜同菜心苗，兩款都好新鮮同埋煮起之後食落去真係好清甜🙈

叁不館賣舊香港情懷，但同時執得企理乾淨，湯底食材選擇都多，同埋佢個自家製葱頭油真係超香，加落個醬汁成件事昇華咗唔少，剩係為咗佢都要幫襯多幾次。沙爹湯底依然咁出色，今次嗌埋個清淡嘅蕃茄湯平衡下蝦膠油炸鬼有特色，牛肉夠腍蔬菜又夠新鮮今次朋友建議嗌佢嘅手工餃，個饀味道有驚喜！響鈴即炸自然夠晒鬆脆，浸落沙爹湯不得了呢度嘅野飲係幾解渴，唔會太甜，我地4個人嗌兩榨就啱啱好推介港島區朋友去試下，去過一次就會keep住去🤣🤣🤣

哩間店主打一個懷舊情懷，環境好大排檔甘，但系又比大排檔乾淨衛生，性價比很高。蔔蔔蜆豬骨煲真系要比個贊距，豬骨同埋蔔蔔蜆噶湯底真系鮮上加鮮，非常鮮甜，我飲個個湯都飲左兩三碗，蔔蔔蜆都算幾大只，大約有30幾只拉，而且肉厚，豬骨上有滴肉，好淋啊，嗦曬滴湯入去肉裏面更加好味，好味到骨筒我都嗦埋。

最近睇完九龍城寨，上網見到呢間好有香港特色嘅火鍋店，就即刻忍唔住去試，呢度嘅裝飾好有九龍城寨大排檔嘅feel，好正！湯底我哋揀咗麻辣同埋沙嗲雙拼，我自己鍾意麻辣湯底多啲，辣度啱啱好又唔會好油，麻中帶香，值得一試。醬料都一啲都唔輸蝕，成盤醬料要乜有乜。我哋嗌咗一碟肥牛、黑毛豬、蝦、鮑魚同埋午餐肉餃，每碟份量都好大，三個人都食得飽，而且全部食材都好新鮮，食落肉味好香好鮮嫩，鮑魚都係好彈牙嘅，最特別一定係呢個午餐肉餃，真係第一次試，但一啲都唔伏，都幾特別，想試新嘢嘅絕對可以試吓！飲品方面我哋嗌咗三支啤酒，好適合一班朋友喺度飲吓酒打吓邊爐傾吓偈聚吓舊，雖然環境裝修係大排檔feel，但其實坐得好舒服，冷氣夠，位置又闊落，係一間唔錯嘅火鍋店，呢個價位食到呢個質素嘅火鍋，我覺得絕對係物超所值，下次想再打邊爐嘅話一定會再嚟呢間！

天后【叁不館】以懷舊香港主題為特色，帶食客回到六七十年代的香港，好有大排檔的感覺😍放工想同一班朋友吹水開心、放鬆下，依家見推出一蚊一支啤酒‼️ 啤一啤佢🍺好簡單，同行2位客人Follow社交平台, share post就搞掂🤩 (可享＄1/支 啤酒，要買＄10十支) 有得揀啤酒：醇滑嘉士伯/青島🍻 豬肚胡椒雞湯$198呢胡椒豬肚雞鍋，要先飲湯，全鍋濃雞湯熱辣辣，暖暖胃先呀😋再有一份鮮雞打邊爐😆草蝦半分$88大大隻草蝦好新鮮🦐南非鮑魚(兩隻$115)鮑魚爽彈，煮3分鐘食得頂級安格斯牛頸脊$268脂肪較少，有咬口、肉味濃郁，牛魔王必點🤤新鮮炸響鈴$68炸得酥脆，熱辣辣可以即食鮮墨魚滑$88人手打出新鮮墨魚滑，爽口彈牙雜菜拼盤$88新鮮鴨血$68喜歡鴨血嫩滑口感，火鍋必食!紅薯粉$38檸檬薏米水$48                       

《自選醬油》（$18一位）有多款醬料可以選擇，蔥、炸蒜、辣椒及沙爹醬等等，還有餐廳自製蒜頭油。蒜頭油很香，還可以在餐廳單獨購買，一罐$58。《咯咯雞花膠湯》（$298）這是湯底中最貴的一款，不過真材實料，有半隻雞，雞肉鮮嫩，花膠又大又厚，口感滑爽，而且湯頭呈奶白色，清香鮮甜，建議大家先喝一碗湯，再開始火鍋。《南非鮑魚》（2隻）（$116） & 《草蝦》（半份）（$88）鮑魚處理乾淨，吃起來很方便，蝦也已經串好，所以可以拿著竹籤涮蝦，更好控制火候。兩樣海鮮都很新鮮，彈牙爽口。《豬肚》（$58） & 《豬腰》（$58）香港比較少火鍋餐廳提供豬內臟，所以我們點了一份豬腰及豬肚，內臟處理得非常乾淨，豬肚軟嫩，豬腰爽口，沒有腥味。《招牌午餐肉餃》（$80）以午餐肉作為餃子餡料，非常特別，而且餃子粒粒飽滿，值得一試。《竹笙》（$98）、《白柏葉》（$48）白白胖胖的竹笙吸滿了雞湯的鮮甜，吃起來又爽又脈，推介。白柏葉也是一樣，口感爽脆。《冬瓜片》（$32）、《萵荀片》（$48）《竹蔗茅根海底椰》（榨）（$48）