影片
港铁天后站 A2 出口, 步行约2分钟
继续阅读
电话号码
93649678
开饭介绍
叁尝的副线，主打港式火锅。食材新鲜，包括多款特别的牛肉部位及从外地进口的刺身。装潢以古式茶档、香港电影等为主题，处处都是充满特色的打卡点。
继续阅读
附加资料
房間設最低消費： $3500
营业时间
今日营业
18:00 - 00:00
星期一至日
18:00 - 00:00
公众假期
18:00 - 00:00
公众假期前夕
18:00 - 00:00
以上资料只供参考，请与餐厅确认详情
有关奖赏计划
相关文章
近排天氣轉涼梗係要去打邊爐暖吓身暖吓胃. 呢間天后樓上充滿懷舊大排檔氣息嘅火鍋店「叁不館」超火熱勁高人氣，平日夜晚都爆，真係唔講得笑. 呢度環境好啱打卡，坐得舒適，食物高質多選擇而且不乏特別菜式. 餐牌以報紙形式呈現設計好有心思. 店員態度友善，好有心同我哋講解最佳食用方法. 坐低店員先送上開胃小食有手拍車瓜同花生. 先來一渣竹蔗茅根海底椰，清涼鮮甜解渴. 如果飲酒嘅朋友而家仲做緊限時特價，只要讚好社交平台就可以享受一蚊一支啤酒優惠，$10有成10支咁多😱，一大班人去啤啤佢啱晒. 湯底同材料高質之餘，醬料更加提升食物層次所以都好重要㗎. 呢度醬料有超過10款，蔥蒜沙茶醬辣醬等等超級惹味，自家製蔥頭油不得不試令人一試愛上. ⭐️鴛鴦鍋兩個湯底分別揀咗🌹玫瑰花花藥膳湯🌶️麻辣湯. 前者夠特別又養生，除咗幽幽花香味仲有濃濃酒香夠滋補，店員特別叮囑落料之前先飲一碗湯暖胃,味道出色. 麻辣鍋辣得出色有層次用嚟煮肉不得了. 值得一讚湯底打得耐再加湯都唔會淡味. ⭐️養生類大愛花膠、鯊魚唇，入口滿滿骨膠原，啱晒女士. 呢兩個真係唔係間間有得食. ⭐️海鮮蘇格蘭蟶子、日本扇貝啖啖肉，珊瑚蚌夠爽口，海鮮款款新鮮鮮甜夠高質. ⭐️肉類🔥🐮牛魔王拼盤真係啱晒牛魔王，有六款不同部位各六片，有本地手切肥牛、牛頸脊、牛脷丶牛柳粒仲有牛板鍵，可惜是日未能供應. 但係餐廳會喺其餘幾款牛補返份量，果然夠老實. 整體牛味十足肉質嫩滑. 🐑蒙古羊肉片香而不氈⭐️手打五寶丸一次過試晒五款丸抵食又滿足. 蝦丸、墨魚丸、鯪魚球丸、牛丸、貢丸，粒粒爽口彈牙真材實料. ⭐️ 雜菜拼盤健康之選，份量大種類多. 有蕃茄、粟米、金菇、木耳、仲有多款時令新鮮蔬菜. 就嚟聖誕新年約朋友又多個好選擇👍
继续阅读
朋友推介天后叁不館火鍋，整間店舖裝潢充滿九龍城寨味道，到處都係打卡位。而家做緊限時優惠，Follow 社交平台就可享$1/支啤酒，$10就有10支醇滑嘉士伯或青島。醬料有成十款，特別推介自家製蔥頭油，令食物味道更昇華。手拍青瓜+花生：開胃小食。香茜茜皮蛋湯：滿滿芫茜味，加左皮蛋、淮山和魚湯熬製，芳香濃郁，店員建議我哋先飲湯，才開始打邊爐。自家製鮮蝦雲吞拼自家製韮菜餃：皮薄餡料足。手打五寶丸：豬肉丸、鯪魚丸、牛丸、墨魚丸、蝦丸各2粒，手打份外爽彈。豬頸肉片：入口爽脆有彈性。原條鮮活桂花魚：原條切片上，肉質嫩滑。南非鮑魚：店員已幫忙去殼，肉質帶嚼勁，鮮味十足。海中蝦半份：新鮮又大隻，肉質結實彈牙。雜菜拼盤：有蕃茄、萵筍、木耳、粟米和多款時蔬，非常豐富。竹庶茅根海底椰：自家製，真材實料。總結，食材新鮮，份量十足，店員服務殷勤，聚餐之選。
继续阅读
一間十分用心嘅打邊爐餐廳🫶🏻由一踏出電梯，見到門口前嘅裝橫，到入到店舖感受到各種懷舊嘅大排檔裝橫，最後再睇到佢好似舊報紙咁嘅Menu設計，真係好有風味好用心❤️淨係醬料佢哋都有成十款，我想講佢自家製蔥頭油好正，原來有得買走，$58樽！而火鍋🍲湯底和食材都十分新鮮👍🏻個人今次點了「莫生氣椰椰雞」，店員會將一整個椰青水倒入去鍋入邊，好瘋狂！海鮮方面，個人都好喜歡，所以今次叫咗半份海中蝦同呢兩隻蟶子，十分新鮮鮮甜！之後，椒鹽雞軟骨，炸得啱啱好，唔會有油嘅感覺同味道，很好！頂級安格斯牛頸脊，我哋叫左例牌，佢個肉嘅質地入口好軟淋，軟淋得嚟帶小小口感，不過想食肉味濃啲嘅，建議可以叫封門柳，都好正😊原條活鮮桂花魚，十分新鮮 ，分量亦都比我想像中多，桂花魚食落好嫩滑❤️另外，我地仲有叫到蝦膠油炸鬼、檸檬薏米水（榨）同白菜仔，呢啲都係十分不錯的選擇👍🏻我見到佢哋有個promotion，啤酒🍻$10有10支，真係好Crazy!!!（而且飲唔哂，可以留喺餐廳，佢可以幫手keep 90日)
继续阅读
呢間#叄不館 嘅懷舊大排檔裝修十分之打卡able📸 舊式報紙咁嘅menu加上街頭都手寫字句都令人會心微笑🗞️好正～野食當然都係賣點，食材十分新鮮，必定要點佢地嘅特色鍋、牛肉同海鮮！仲有🔟蚊🔟支啤酒🍻（一定要10支，留唔晒可留喺餐廳下次再飲），岩晒同班fds嚟！ 一盤十款醬油，其中蔥頭油係佢地自家製，仲有一樽樽賣架（$58）🧂 🍲 《 卜卜蜆豬骨煲 💲228 》 呢個我喺澳門食過！個鍋嘅蜆好多，蜆肉好嫩，豬骨湯底嘅豬骨好大件，有筋有肉幾有咬口～🥣邊爐前可以飲湯先！🦪《 日本扇貝 💲78/2只 》 好鮮味彈牙～🦐《 海中蝦 （半份）💲88 》 新鮮到個個讚！👍🏻🥩《 滑牛肉 💲148 》 份量好多，好有牛肉味～🥓《 豬頸肉片 💲68 》 口感爽而不韌～🥟《 招牌芫荽餃 💲90 》** 拼韭菜餃（$10）每粒漲卜卜，餡多唔會咸～ 🐟《 棉花魚肚 💲88 》 即係花膠嚕～ 大大塊，膠原滿滿～🦆《 新鮮鴨血 💲68 》 好滑嫩～🥗《 雜菜拼盤 💲88 》 好豐富～🫙《 檸檬薏米水 💲48/榨 》 都係自家製，淡甜清新，岩晒唔中意加糖水嘅我～▫️醬油費 💲18/人▫️開胃小食 💲40/2碟▫️*加一服務費* 服務：友善有禮，又會主動介紹及換碟～
继续阅读
已經三訪呢間火鍋店，大推👍食物質素好有保證😋最近做緊推廣優惠，一蚊就有啤酒啦🍺好鍾意呢度港式懷舊火鍋餐廳的熱鬧氣氛和裝潢，從餐廳的色彩選擇到器皿擺設，都散發著一種濃厚的懷舊情懷和親切感，有手切牛肉檔的擺設造型，十分盏鬼~各種調味料讓食客可以根據個人喜好自行調配🥰無論係家庭或商務朋友聚會，都好適合🥳呢度嘅椒鹽小食係10分推介👍椒鹽粟米係好鮮甜！椒鹽雞軟骨($72)表面金黃香脆，以椒鹽調味，炸得啱啱好，唔會太油膩。擺上一啲清新嘅嫩苗，增加視覺同口感上嘅對比，好適合做開胃小食。火鍋方面湯底揀咗卜卜蜆豬骨鍋($238)湯底用上豬骨熬製，配上大量鮮胡椒，味道鮮甜，卜卜蜆亦極鮮甜，先飲湯再打邊爐，好濃厚好鮮味😍海鮮都好高質，新鮮的海中蝦($88)和扇貝($76)冰鎮得恰到好處以保持其新鮮，仲新鮮到識郁！加少少豉油極其鮮甜🤩頂級安格斯牛頸脊🥩($308)肉質嫩滑多汁，厚切又油花充足，牛味濃郁；芝士墨魚丸拼芝士蝦丸($108) 墨魚丸同蝦丸加入咗芝士，超過彈牙！味道濃郁香濃🤤配著火鍋嘅還有不同嘅醬料，例如芝麻醬、蒜蓉辣醬等，食客可以隨喜好自配，豐富火鍋嘅口感。總體來講，呢家火鍋餐廳嘅食物選擇豐富，食材新鮮，湯底及配菜都保持咗高水準嘅質感，加上獨特香脆嘅椒鹽雞軟骨，讓人嘅食慾大增，絕對值得一試👍
继续阅读
您可能会有兴趣的...