雙辣 (已結業)

吾系第一次黎食之前黎食印象幾好 味道吾錯份量都夠今次叫左尖椒炒肥腸52蚊 吾期望佢會成碟都系腸但點都吾預計佢好似比人食淨廚餘咁款呢張相系未食過搵哂成碟得4舊肥腸 仲要有兩舊系營養不良問埋店員 佢都系話4舊系午餐標準我真系求其街邊買串炸大腸都多過佢究竟系我食腸吾知腸貴 定店家比既份量小器建議改名做尖椒洋蔥炒4舊肥腸 免得其他客人吾知情而中伏！另外同行朋友有叫咕嚕雞球一上枱好大陣醋味怕酸朋友記得吾好嗌 之前吾明點解呢間咁少客 宜家明喇店家值得擁有

川菜這些刺激料理一直是受大家歡迎的，今次介紹這間川菜店在屯門某商場內，對出有美食廣場，店內環境有中國風味，座位也多，算闊落酸菜鮮魚片🐟碗也大哦，魚片記得有碎骨😨這位置扣分，有薯粉，酸菜，萵筍片等配菜，不過味道不夠強烈😭黃金大蝦球🦐鹹蛋黃炸大蝦😆喜歡鹹蛋黃的你必須一試，不怕肥的你豈可錯過😏川味麻婆豆腐麻麻辣辣😆豆腐十分惹味，用來配飯一流奶油高山菜高山菜配上奶油，奶油味重，十分香濃，上面有一點點金華火腿在，高級了🥬雙辣屯門鄉事會路112-140號雅都商場Go Go Mall1樓S73號舖

冇服務，上菜又慢，落單又慢，分量少，唔係話特別好食衛生情況欠佳得三至四枱客，上菜要15-20分鐘，催佢仲要串返你轉頭，食到成肚火呀唔會再黎唔改善就快啲關門大吉啦

作為酸菜魚愛好者，我都食過好多間唔同嘅酸菜魚，去到屯門專登搵下有咩好店，呢間嘢係Openrice好多好評，諗住去試下啦呢度嘅枱、餐具都啲痴立立，我同朋友一坐低就用濕紙巾自行清潔。叫左個前菜黑醋小木耳，$38唔算好大碟，味道就一般，醬汁都幾多嘅，酸酸哋，本身鐘意黑醋嘅人都可以試下。黑醋小木耳($38)魚嘅份量好少，唔入味，湯又太鹹，底下就有薯粉、芽菜墊底。酸菜鮮魚片($138)本身仲叫左個麻辣乾鍋，但餐廳漏咗單，食完成盤魚都未上，見啲嘢食唔係咁啱食，所以都冇再提返餐廳了。

入到去完全冇同我地講 廚房落咗場 等左差唔多15分鐘 追問 先至講 完全浪費人時間 分量又小 酸菜魚得嗰兩三舊 🤢 叫4樣野 上錯2樣野 野食一般 叫左水煮魚上金湯好似啲調味包衝出尼咁 干鍋油浸咁 每一樣野都好油 總之就冇下次！

難得去到屯門，搵到依間餐廳，竟然中大伏！兩個人去食，見到午市套餐幾抵咁，就叫左酸菜魚餐，同埋乾鍋讚（腩肉，豬腸，萵筍，雞肉），再叫左花鵰酒雞翼。第一，份量好小，酸菜魚得3舊，乾鍋每樣餸都好小，得2舊到。第二，味道差，酸菜魚湯好淡，一條辣椒都無，干鍋配料唔入味，花雕酒雞翼完全唔入味。一個字形容：差！各位唔好去啊！

今日嚟到屯門 已經系我第2次回訪呢間 因為佢抵食之餘仲大大份😍 呢間主打食川辣菜 岩晒鐘意食辣既朋友仔！呢度嘅座位都唔少 燈光較暗 座位等好中國風 都坐得算舒服😍🍤黃金蝦球呢款大推 性價比好高 唔洗$100 面層沾滿鹹蛋黃 充滿䶢香味 炸到脆卜卜 好邪惡😍 裏面既蝦肉新鮮彈牙👍🏻👍🏻唔會好油膩🐥花雕醉雞上枱聞到陣陣既花雕香味 醉雞好滑溜 雞皮唔肥 索晒花雕酒既味道 好入味👍🏻🐟涼拌魚皮最近佢地推出左一款新既菜式 魚皮好爽口 新鮮無魚鄰 比較麻辣 值得試吓😆🍜四川擔擔麵+鎮江小排骨見到有我最愛既擔擔麵 一定要試吓啦 擔擔麵好香濃 但系比較辣🌶🌶🌶 食唔到辣既一定要小小小辣 麵質好爽口彈牙 排骨好入味軟淋 唔鞋口 好食！🍚四川回鍋肉佢地既午市套餐好抵食 一個套餐都只系50-60蚊 白飯加$4轉菜飯👍🏻👍🏻回鍋肉好有咬口煙韌 味道比較辣 椰菜好入味爽口 份量都唔少架！套餐仲送野飲 叫左杯豆漿 香甜滑溜 食辣飲反杯就正！

兩個人叫咗個辣炒雞軟骨同干鍋。雞軟骨90幾蚊得5-6粒嘅雞軟骨，好失望。啲辣椒仲多過雞軟骨，要係咁摷先搵到少少雞軟骨。干鍋啲料係烚完就咁撈落去啲辣椒油度🙂之前堂食都冇咁差，無下次！

天氣開始熱特別想食辣，屯門雅都商場有間川菜小店都幾好食，價錢合理，唔敢講係咪正宗，不過就好啱我胃口，可以再encore!水煮飄香毛血旺 $118毛血旺可以話係一道著名嘅四川傳統菜式，佢係用鴨血作為製作嘅主料，配埋一嘅毛肚雜碎，即係牛肚，豬大腸同午餐肉嘅材料，咁多種唔同嘅食材真係各有風味，水煮湯底辣得夠過癮香辣椒鹽豬扒 $80豬扒肉質食落鬆化軟滑，肉味濃郁，特別嘅係佢地用左美極嚟調味，香味十足，但係食落又唔會死鹹螞蟻上樹 $70「螞蟻上樹」都係另一道經典嘅川菜，而佢個名就係因為啲肉末細到好似螞蟻咁佈滿晒係粉絲上面，十足十係樹上爬爬螞蟻而得名嘅！呢度嘅螞蟻上樹夠晒獲氣，將爆香之後嘅肉末同埋吸滿晒辛辣調味料的粉絲一齊快炒，非常惹味蒜蓉炒萵筍 $60有陣時好食嘅野唔一定要好複雜，就好似呢道蒜蓉炒萵筍咁，新鮮萵筍夠清爽脆口，加少少蒜蓉調味，簡簡單單已經好好味

夜晚屯門睇完戲，出面落到🐶💩咁，咁就去gogo mall睇吓有咩食，見到有間食雞煲 烤魚咁，呢頭都比較少見，所以就入去試吓佢😙咁雞煲同烤魚之間，就揀咗烤魚食，要咗江團魚同酸菜湯底，佢有一個電磁爐滾住食，入面有非常多配料，粟米，菇，芽菜應有盡有👍🏻江團魚都幾肥美，食到淡淡魚油清香，肉質亦都好嫩滑☺️同個湯底都好夾下另外都叫咗個小菜，黃金蝦球，啲蝦都幾大隻下，又夠爽口，又唔使剝殼，個咸蛋又較得啱啱好，都幾好食😋份量亦都唔少叫咗個菜飯一齊食，整咗個酸菜湯飯😘整體呢間餐廳都係唔錯，想食烤魚想會再想嚟呢度食😚

今晚約左朋友食晚飯作為屯門地膽嘅佢就帶左我去GoGo Mall嘅雙辣裝修幾有中國風揀左幾款小菜都幾出色喎 冇介紹錯必食嘅自選乾鍋可以自選辣度 有幾十款配料可以揀作為bb級選手嘅我地就揀左香辣少辣配料就揀左牛肉片 雞軟骨 蓮藕片 雲南花菜一上枱見到咁多辣椒 勁驚呀大佬 我地bb嚟咋但好彩食落係好香好入味但唔會太辣 對我地嚟講啱啱好螞蟻上樹呢個少少辣好香豆瓣醬味勁多肉碎每啖都食到 粉絲索晒啲汁好好味又彈牙椒鹽豬扒啲豬扒都幾大件厚身 椒鹽味好香好惹味蔥油海蜇頭揀番個清淡少少嘅 海蜇超爽脆配埋青瓜好fresh可以清下味蕾

未通關！未通關！唯有喺香港搵返啲酸菜食下啦🤣🤣近近哋喺Gogo mall這間雙辣 地道正宗 很不錯👍地方很大，仲有大枱添，裝修古色古香，店員服務周到點咗酸菜鲜魚片， 用上新鮮鱸魚，完全冇骨 厚度適中，非常之嫩滑 用新鮮魚片，口感就是不一樣！而且湯底清淡得來麻麻辣辣，非常不錯😌配菜還很多呢 大量粉皮、酸菜芽菜連飯都唔使叫呀🤣🤣蔥油海蜇頭爽脆 非常有咬口 下酒菜🫢🫢所以忍唔住叫咗兩支啤酒飲下🤩🤩乾扁四季豆夠曬鑊氣 鹹香爽脆，用嚟下酒都幾健康喎😬😬喺屯門嚟講算是一間高質川菜，絕對有下次😋

由於見到好多人好評雙辣，就襯放假試試個lunch酸菜魚！對佢有好大嘅期望假期Lunch 時段人唔多，得4枱客，唔知係咪位置嘅關係!入到店舖，侍應的服務態度一般般，經過啲枱，好多都未執～可能忙完一輪好啦，坐底點餐，喺自己手寫點餐，寫咗個乾鍋同埋酸菜魚，再加兩個小食-🔸乾鍋飯 $55自選4餸，叫咗牛丸、大腸、萵荀、雞肉！牛丸一粒、大腸3塊！雞肉好重雪味！整體份量同味道都好一般！🔸酸菜魚飯 $55唔夠酸唔夠辣，面且魚肉份量好少，得幾塊，唔抵食🔸海哲頭 $16海哲本身冇味，所以好靠啲汁去提味，可惜哩個小食嘅汁都冇乜味精🔸鎮江排骨$16調味Ok，但排骨質地好梅-整體感覺一般，無論喺服務態度同食物質素上！但會再比機會試多一次晚市，希望會比lunch好！

🌶雙辣🌶📍:屯門雅都商場Go Go Mall1樓S73號舖今日嚟到屯門 行過雅都商場 見到呢間食川辣菜嘅雙辣 望到佢哋嘅餐牌好吸引 所以就入咗去試吓👍🏻呢度除左有干鍋、酸菜魚、雞煲等之外 晏晝亦有午市套餐 價錢都只係50幾蚊 真係抵食㗎！呢度嘅座位好闊落舒適 燈光比較陰暗 座位等好古色古香 充滿中國風 都唔錯😍🍤黃金蝦球見到呢度有黃金蝦球 又唔使過百 即刻叫一碟試吓😍 一碟有大約10隻左右 面層沾滿鹹蛋黃香 外皮鬆脆 裏面嘅鮮蝦好彈牙 大粒😍呢個真係必叫！🦑椒鹽鮮魷炸得好鬆脆 魷魚好新鮮 好煙韌 略嫌外層嘅皮比較厚 同埋味道比較淡！🐜螞蟻上樹份量滿滿一碗 炒到好香口 我哋叫咗小辣 亦都有蔥花、蒜蓉等炒香 再加埋肉碎 醬汁比粉絲吸收晒 唔會太乾 食落亦都唔會覺得太油膩！🍚四川回鍋肉叫咗個午市套餐 白飯加$4轉菜飯 回鍋肉好有咬口煙韌 味道香辣正宗 啲椰菜好入味 食唔停口 撈飯食真係一流！🌶招牌香辣乾鍋再叫咗個招牌香辣乾鍋 可以10款配料裏面揀四款 要咗五餐肉、肥腸、炸枝竹同五花腩片 好入味 花椒味重 好有麻辣香 細細碟一人份量都幾抵食！再加左$16花雕雞翼 一碟有三隻 凍冰冰好香花雕味

雙辣 (屯門)屯門屯門鄉事會路112-140號雅都商場1樓73號舖今日公眾假期，突然之間好凍，好大風落大雨，令到個人好想暖，好想食辣嘢，屯門GOGO MALL 入邊有間好靚嘅川菜，坐得又闊落，梳化又舒服😌咁就同爸爸嚟咗食辣嘢🥵好想食烤魚，爸爸話鱸魚好食😋$268 村府香辣、麻辣、家鄉酸辣或者豉油汁任君選擇，我哋就揀咗家鄉酸辣，小辣。好大條魚，上枱時候熱辣辣出晒煙，酸辣適中，好易入口，配菜超多，雜菌類非常新鮮。薯粉透薄，入口細滑，鱸魚食落去就有鮮甜味，證明夠新鮮。魚骨唔多，啖啖肉開心🥳食粟米嗰陣時，好驚喜，好甜。$68涼拌麻辣脆海蜇頭大大塊，勁爽口，芝麻味多，落樓之後佢開始慢慢麻出來，然之後成個嘴就會痺痺，好刺激。必食之選擇，作為前菜令人好開胃👏🏻$10豆漿好好飲，有大支，平過便利店買，解辣清涼。勞動節就食返餐好嘅🥳🥳🥳