發記 (已結業)

📍上水 發記7月29號last day😢呢間係我飯堂之一，性價比超高嘅街坊小店，好唔捨得😭希望後會有期🙏🏻𓇠 常餐：番茄濃湯牛肉螺絲粉配火腿奄列跟牛油方包 $48 𓇠牛肉同螺絲粉嘅份量都超多，食唔曬🙈有勁多番茄粒🍅應該落咗唔少茄膏先咁鮮紅色同濃郁，但酸咗少少🤏🏻仲有少少洋蔥🧅同西芹粒，係酸版羅宋湯😂跟餐有牛油方包同火腿奄列，轉厚多士加$1，建議轉！而且厚/薄同價。多士好軟熟同好香牛油味😋火腿奄列一大片，但煮得太熟，無乜蛋汁🍳 𓇠 常餐：四川擔擔麵配酥炸豬扒跟牛油方包 $48 𓇠一坐低姨姨就會問你要唔要例湯，今次係紅蘿蔔節瓜豬踭湯，無味精，好清甜，我飲曬成碗😋炸醬要自己撈勻，辣度屬於BB辣，食到花生味🥜有芽菜。麵量超多，自問大食嘅我都食唔曬🙈素麵會索曬啲湯，姨姨好好人，問我使唔使要麵湯👍🏻豬扒分開上，已切件，我影咗陣相仲係酥脆，帶少少肥膏🐷𓇠 招牌酸辣魚湯米線餐 $48 𓇠大大碗米線🍜份量足，女仔可能食唔曬😂湯底可以揀麻辣/唔辣，餸就有豬扒/雞翼/牛腩/魚片/肥牛。而每碗米線都有芽菜、豆卜、金菇、雪菜同鮑片。我叫咗BB辣，魚味就唔太食到🐟面頭有啲辣醬食到嘴會發麻🌶️但酸度唔夠。米線同魚片

📌上水 😢又一間小店告別，即將走入歷史熟食市場往往都代表住一個城市最地道既味道。今次同大家介紹返，紮根上水石湖墟市政大廈三十幾年，將於7月29結業既平民飯堂 一 發記 ⭐️椒鹽豬扒雞翼飯 $48正常茶記水準，豬扒雞翼都醃得入味，加埋洋蒽、辣椒、椒鹽爆炸，更加惹味🤤👍🏻📍發記地址：上水石湖墟市政大廈2f

今日下晝去去石湖墟街市熟食市場咁就順便喺度食午餐行到最入見到呢間就坐低午餐都係40幾蚊今次試咗呢個川味水煮肥牛飯味道OK唔太辣，個汁都幾濃，啱晒送飯食完都飽飽了

好多人印象中嘅街市熟食中心，都係賣d普普通通嘅炒粉麵，但其實只要細心搵吓，街市都有特式野食嫁～常餐🌟蕃茄濃湯牛肉螺絲粉淨望落去已經見到個湯底顏色超級紅😍，用匙羹𢳂一𢳂見至好多新鮮蕃茄粒，估計佢應該係用左新鮮蕃茄再加大量茄膏煲成🤩，味道非常濃郁，除左蕃茄，湯底仲加左西芹同洋蔥，所以飲落隻味好似羅宋湯咁～而牛肉份量都好多，每件都好淋！螺絲粉軟硬適中，好易掛湯，好正！🌟火腿奄列+牛油方包奄列入面充滿火腿，但略嫌過熟，冇乜蛋汁～方包好軟熟，再加埋塗左薄簿一層牛油，食落唔錯～常餐仲包埋杯飲品，只係賣40幾蚊，好抵呀！

每次經過上水街市 都想試下佢熟食中心 今次終於有時間 見到發記呢間舖頭老闆很 熱心地招呼每一個客人所以走去試試佢 佢有好多選擇有常餐就有ABCD餐今次就試咗常餐估唔到咁好味 下次有機會試試其他餐

今朝去到上水石湖墟街市上面嘅熟食中心食早餐，入面都有好多餐廳選擇，但我每次去都係鍾意去發記，今次叫咗個英式歐陸早晨全餐。香炸吉列魚柳跟茄汁豆配炒蛋 ，跟鮮油菠蘿包 $37吉列魚柳炸得都幾脆，都唔錯；菠蘿包就好軟熟，可惜菠蘿皮就唔脆囉。茄汁豆原來係冇整熱，要食熱嘅記得要出聲講；滑蛋非常滑，正呀。煎麵包 $14煎麵包就烘過，入面就有牛油同煉奶，鹹鹹甜甜好好味呀，係香港冇乜地方可以食到，強烈推介。奶茶就正正常常啦。

富有人情味，良心小店   ((´^ω^))甚少來到上水搵食，因為之前實在太多人，每分每秒都在閃避拖著車子嘅人們。在疫症開始之後，回復了平靜。剛好來到這邊，便隨便走走，探索一下，看看附近還是不是老樣子。跟隨著人們飄流，來到上水熟食中心，多年沒來了，還是老樣子，可能有幾間小店轉了擺設，或是鋪頂的招牌換了個樣，轉了幾個字。看到發記兩隻字，身體自然跟住招牌走了過去。＂呢邊有位，食咩呀＂溫柔的叫聲，店員甚至坐下我身旁下單，彷彿好像要一起進食似的。人情味啊，在呢個世代，大家各有苦楚之時，隨口的安慰，笑容就好似藥物一樣，好治癒。講遠了點。店員態度的確很好，食物就，一般般吧，對得住價錢有突。叫了一個鹹菜胡椒豬肚雜配米線，同埋英式歐陸早餐全餐（點了香炸吉列豬扒跟茄汁豆，配搭煙肉，鮮油豬仔包）都不錯。但豬仔包呢，同我想像有點出入。鹹菜胡椒那個米線，胡椒味唔太出。但整體體驗係幾好。▧ 鹹菜胡椒豬肚雜配米線▧ 英式歐陸早餐全餐

係上水放lunch期間，無啦啦落大雨，嚇到我唔敢周圍去！唯有係商場度周圍行睇下有咩食。不過來來去去都係果幾款，心癢癢無聊就走左去個街市熟食中心。嘩原來個中心都幾乾淨，同我想像中既污糟環境好唔同。（不過所謂乾淨，係比較同類熟食中心，相對上佢地方係比較大，位置多，走廊闊，亦冇明顯地下濕晒咁，暫時見唔到咩老鼠等生物，算唔錯）搵左間都幾多人食既餐廳食飯，叫做發記。食物黎講價錢質素都還可以啦，但要讚既係，佢地既態度真係好好。笑笑口又會同人講笑。本身冇咩期望但係佢地既好態度令我幾鐘意。

今日如常約街坊朋友到發記食午餐！ 每兩星期既廚師推介， 今次好多都好正！ 今日就試食「野山椒酸菜魚片飯」！ 嘩！ 我都算食特一般辣。但今日真係有啲辣， 不過真係好味！ 魚片有黏粉漿， 做得夠滑！ 湯頭夠味！ 湯底仲配芽菜， 豆卜、甜椒絲同大量粉絲！ 細食既唔駛食個飯都夠飽！ 加埋涷飲先$42.-！ 今時今日邊度搵！ 大滿足！店員大部分都非常有禮貌， 仲會走過來問好唔好食！ 食物水準當然重要， 但人情味更能錦上添花！ 呢個價錢， 相對CP值超高！ 所以係我既飯堂！

係附近返工，最中意去發記食飯，平靚正，又大碟！e個飯上到台果陣，好熱辣辣！食落感覺就好似沙嗲牛肉麵，只係轉左飯！如果中意食沙嗲味，e信飯就好岩問題，最後因為兜餸太多，飯都食唔晒！

發記上水街市入面嘅發記🥰 最鐘意就係佢個常餐，今個星期係忌廉蘑菇湯豬扒螺絲粉 配 牛油麵包加火腿奄列忌廉蘑菇湯非常之濃味，豬扒沾上左濃濃啲忌廉蘑菇湯😋正啊豬扒唔un, 相當易咬而牛油麵包，個麵包相當軟熟，火腿奄列煎得恰到好處順帶一提，佢個常餐間唔中會轉，有時會係蕃茄汁肉片，都非常正

第一次食發記，支持黃店首先姐姐態度招呼好好，而且見到牆上都貼左有免費漂白水派，良心食店。朋友叫左一碗胡椒白蘿蔔湯豬手河粉，我簡左碗肥牛麻辣米線。飲凍奶茶同凍鴛鴦，今時今日凍飲都只係加$1咋！雖然味道一般我落單時叫麻辣大辣，姐姐怕我食唔到，提議將個麻辣醬另上，好貼心啊！麻辣米線好大碗，本身包左配菜有豆卜、酸菜、芽菜 仲有好特別既鮑片。仲有肥牛但有點韌，個麻辣好惹味個胡椒湯好有驚喜真係可以當湯咁飲，蘿蔔都好入味，唔會有渣。埋單時見到有提供文宣拎

上水係我由細到大長大既地方，但係街市食午餐呢個習慣都係呢幾年先有！點解咁多餐廳 會揀中發記呢？原因1: 大件夾抵食😭😭😭男朋友最中意食呢度既炒飯，menu只有五香肉丁炒飯，但佢話由中學到而加都會嗌「五香肉丁加餐肉炒飯」😂😂😂，仲要嗌「多飯」。結果果度既姨姨送餐黎果陣就會話：「富士山咁高既炒飯呀！」個個都望住😂😂而我最鐘意既係佢唔單止足料，仲要啲飯係粒粒分明！小貼士係可以加埋枱上既辣椒油撈埋食，係另一番風味！我就食佢地既魚湯米線，可以揀餸雞翼可以嗌另上，食果陣仲係脆架！雖然魚湯米線已經冇第一次食果陣咁好味，但係勝在份量比出面多！(豬扒都大份夾好食！）同埋佢地既凍奶茶係好好飲，個人覺得好滑😍街市食飯既環境當然會迫啲，之前又比東張西望報有啲位冇咩冷氣，但勝在人情味好濃厚，姨姨同埋有個成日問有冇人飲湯既哥哥都好友善，大家得閒可以試下！

上水熟食中心一向係我讀書果陣嘅飯堂嚟無他嘅 皆因呢度除左食店林立 易搵位外 仲有唔少平靚正嘅選擇 今次叫左佢地嘅常餐 入面包左一碗大大碗嘅蕃茄湯牛肉螺絲粉 一份omelette 配方包 再跟熱飲 先講碗螺絲粉 蕃茄湯香濃 應該係大量茄膏底再加鮮茄肉 牛肉係新鮮牛肉 份量都幾足料 今次呢碗有8 9塊牛肉 誠意十足 唯一要講下佢用果隻螺絲粉係比都粉果隻質地 我個人就唔太鐘意啦Omelette 就普普通通 但要讚下入面火腿絲份量好夠 方包正常 埋單36蚊 非常滿意 順帶一題 佢地lunch日日都會轉meun咁濟 所以係佢地專頁check左個meun係有咩先去會無咁失預算嘅

上水街市及熟食中心出咗名大排檔嘅嘢食都唔錯， 之前就食過一間大排檔， 都幾夠鑊氣。價錢又唔算太貴，但要一大班人先叫得多款啲嘅嘢食。今日下晝自己一個人食， 去咗呢間發紀，叫咗個鹹魚雞粒炒飯。賣相就。。如圖，普通啦~ 鑊氣係唔錯嘅啲飯都粒粒分明，同埋夠乾身。 飯底唔會有一層油喺度。 個飯略嫌唔夠鹹味, 雖然鹹魚嘅鹹香味係食得出嘅。杯奶茶就幾好飲， 冇茶嘅苦澀味但都幾香。 奶味唔太重都幾啱我口味。 唔記得咗叫小甜不過佢唔算太甜~