口甜舌滑 (已結業)

行完山個人散左，腳又痛，係巴士站一落車最近既糖水舖非呢間莫屬。平時經過都冇排隊，今次都一樣唔使排隊，店內得一個店員。今次第一次去食， 公治（公司三文治）大家就食得多，原來有公司涼粉，個心火盛，好熱氣，就叫個公司涼粉試下先，左面個碗就係啦，有紅豆，綠豆爽，花奶涼粉,彩色既個D人黎講唔太有興趣。相對其他糖水舖，味道較淡。冇咩要求既朋友話試下咁啦，叫比對腳休息下囉。

九龍城有好多出名甜品鋪，一到週末就大排長龍，而呢間喺近東方富豪酒店的口甜舌滑，就未有咁多fans，但其實都好正好好味👍🏻雖然鋪內地方不大，但不會坐到好迫！我星期四黎，人都不太多。呢間多數係傳統糖水，首推芒果西米撈，係用芒果肉打成汁加西米，加上半個大芒果，好香好甜。但因為唔係當做季節，所以我今次無叫芒果的甜點，叫左綠白，即係杏仁豆腐花加綠豆沙。杏仁豆腐花好香杏仁味，不會蓋過豆香味，而且好滑😋下次可以試埋添其他配料！

九龍城的老式甜品店。老店鋪，傳統中式甜品，鮮果鮮奶、紅豆沙、花生糊、涼粉等等，再加上尤如街坊般既大姐問你食乜。店鋪冇甚裝修，想經歷七十年代的糖水店情懷，可來這裡，地方很細，外賣較多。由於這店既輩份，我不敢太多要求，簡單一份公司涼粉，感覺材料細細份但樣樣有些少。糖水自己加，廿六蚊唔該。如果有空，簡單一個下午，來懷念一下獅子山下昔日的糖水舖，大媽在鋪內營營役役地做甜品，中午更大炒花生，成間店舖都煙霧瀰漫，唔問都唔知炒花生係會炒到刮刮聲😅

今日突然間想食甜品就用左UberEat送嚟屋企食。首先就係小朋友期待已久嘅芒果布丁啦。一見到就覺得唔對路，點解個布丁唔係黃色嘅，反而係透明白色，好似大菜糕咁嘅樣。唔同搞錯左？但係冇理由兩碗都有錯姐！我個仔食左兩啖之後就話唔要，但係平時嘅芒果布丁係食唔停手架，咁我就知就一定有問題啦！我自己都食左一啖，冇咩味，一粒芒果都冇，質感怪怪地，一啲都唔似係芒果布丁囉！連平時嘅Jelly都好味過佢好多！仲搞到小朋友好失望添！講起榴蓮糯米糍就激氣啦！食落去有啲酸味，我以為係我味覺有問題！食第二粒嗰時就知唔係我嘅問題，係真係好似變壞左咁嘅味，連朋友都係咁講，難食到呢！最正常就係個杏仁糊啦，甜甜地都算幾好啦，都似係真係自己磨嗰啲咁！結論係一定唔會再嚟！p.s. 我向UberEat投訴，佢地比返$20 coupon我呀。

買左榴蓮糯米糍，聽人講呢間野出名唔會差得去邊。點知真係中伏。打開有榴蓮香，食落難食到痺，中間舊榴槤cream好酸，食唔出榴蓮味，反而似過期變味。食左2舊唔對路丟左。真係唔會再幫襯。

今晚元宵，諗住食完飯食甜品。其他九龍城入面大部分甜品鋪都冇位，祇有這間有位。叫了一碗紅豆沙，一碗花生湯圓。紅豆沙（$21）：第一次上枱時是溫的，好明顯未叮夠。之後，同老細講唔夠熱，佢都有幫我整返熱。不過，我都聽到叮一聲囉。老實說，21蚊食碗唔知已經煲好咗幾多日嘅紅豆沙，真係「物有所值」。花生湯圓（$21）五粒：皮厚饀少，饀的份量真係僅僅多過鼻屎。故事教訓：當其他餐廳其門如市時，而當中有一間門庭冷落，應該要知道箇中原因。中伏！

養顏杏仁露 ($23)-天氣雖然忽冷忽熱，不過都無阻司令想食熱野嘅心😂。未食已經聞到好香嘅杏仁味，入口濃得黎口感好滑，而且唔會太甜，味道唔錯喎🤔👍🏻。喱間係九龍城開左好多年，聽就聽得多，但真係好少食，以後應該會多啲幫襯。另外食咗個芒果西米撈，凍冰冰，原本驚啲芒果會唔甜，但老闆同我講唔使驚一定超甜，最終一試，老闆真係冇呃我，估唔到係冬天都食到啲咁甜嘅芒果，果然係招牌糖水之一，以後會多啲嚟食啦。

是晚在九龍城吃完晚飯, 經過"口甜舌滑", 忍不住走了進去.我點了公司涼粉, 老婆點了芝麻糊湯圓.公司涼粉:我其實沒有吃涼粉的習慣, 但最近看多了飲食的書, 發覺涼粉好像是很多老一輩的人兒時的回憶.涼粉清涼, 加上其他配料如紅豆, 綠豆等, 口感豐富.忽然看見老婆臉色有變, 我小聲問:"不好吃?"她點一點頭, 結果我要幫她吃大半碗芝麻糊湯圓.味道真的普通, 但又不是完全放不入口. 芝麻糊味淡, 湯圓則較難咬開.作為總結, 一個中上, 一個中下, 算是中規中矩的甜品店.

想食中式糖水，其實係男朋友唔俾我冬天食凍野🙄間間甜品店都咁多人，行過見到呢間就入去。新一年都要團團圓圓，雖然唔係農曆不過新一年都想有一個好開始。叫咗男朋友好鍾意食薑汁機就黎試吓係個薑汁花生湯圓5粒$21，我就鍾意食腐竹蛋嘅，所以就叫腐竹（侍應哥哥問我要唔要蛋，我話好吖，但原來無蛋既😂加三粒芝麻湯圓＄29。佢哋用啲矮身細瓦煲做碗，但係個碗圍住有啲黑色邊🙄薑汁都幾夠辣，佢地應該連埋湯圓一齊滾，因為湯圓啲澱粉同個薑汁撈埋，薑湯個色就唔清，而且佢地應該用左冰糖唔係用黃糖，咁樣其實好易搞風個肚會唔舒服架。花生湯圓圖片係圓轆轆脹卜卜，見到真嗰陣就扁左，不過都大粒嘅，花生餡料就係花心茸無粒粒都好。蓮子腐竹芝麻湯圓，有幾粒煮到好林嘅蓮子，因為真係煮得好耐啦，連啲腐竹都見唔到樣，好似飲緊熱豆漿多啲🙄其實應該有啲腐皮飄飄下好啲，芝麻湯圓正常味無特別。

原本想食嗰間休息,咁就是但去咗呢間口甜舌滑,呢度係間食中式糖水嘅小店.個餐牌都幾得意.朋友叫咗芝麻糊同合桃露,餐牌寫兩碗都係手磨,食落分別唔係好大,芝麻糊就甜香啲啲,合桃露就多咗啲啲果仁味.我哋仲叫多碗椰汁喳咋,入面有芋頭,紅豆,綠豆,眉豆,紅腰豆,三角豆同西米等等,佢嘅色調比起我之前晌其他糖水店食過嘅清澈,不過好在質感濃稠而唔稀,佢嘅甜度屬於輕微,豆類煮得軟腍而有咬口,但係椰汁味唔夠突出。呢度糖水表現OK,如果晌附近食完嘢嚟又或者對於係附近居住嘅人嚟講都唔差嘅.

本來我們打算去吃合成的......怎知去到門口發現沒有開門, 於是就隨便在附近一找間糖水店坐下啦!!我點的是腐竹雞蛋糖水+清心丸,,,,,腐竹一片都不見, 全部都煮至溶爛掉~除此之外就只有4粒蓮子, 還有我額外加$5的清心丸~這樣子的質素也要$30, 真是無下次!!

話說嚟九龍城食左一餐很不爽的海鮮餐，飯後甜品潤一潤嚟彌補胃部的失落感是常識吧～但剛剛中伏嘅內心陰霾不去，經過附近有間口甜舌滑糖水鋪⋯未試過，真係驚伏完又伏⋯但為左胃仔，一於搏多鋪啦～點了一個楊枝金露同一個清心丸紫米露外賣$60。老闆好有禮貌，感覺還不錯喔！清心丸紫米露我只試了一啖，味道中規中矩，紫米煲到粒中帶糊，不錯！如果加入花奶，相信會更畫龍點睛！重點係楊枝甘露～真係好足料，西米粒粒分明，柚子肉粒粒漲卜卜，芒果唔酸仲帶小甜，成個糖水質感調教得啱啱好，唔會太稀亦都唔會太杰，所以相當易入口，成碗楊枝甘露甜度恰到好處，只係小小甜！好味，仲大大碗！食到有啲飽添～最重要係感覺到誠意嘅存在，用心去製造一份食物，完全食得出！口甜舌滑，下次到九龍可以再試試堂食，算係有多一間糖水鋪選擇！

今晚黎到九龍城食好＂甜＂西！朋友仔介紹話呢間野好好食，一於去試下何芳神聖先！去到門口，鋪仔細細，老實講感覺上地方唔算好企理，不過，美味撘夠，甜品真材實料！叫左＂榴連飄飄＂同＂芒果西米露＂！伙記一放低呢碗榴連飄飄，嘩！味道好強烈。而食落味道係非常濃郁，好足料，間中食到一絲絲果肉，另外加上有d透明嘅爽脆珠珠，令成件事當堂清新唔油膩，口感倍增！榴連發燒千萬唔好錯過＂榴連飄飄＂呀！另外嘅芒果西米露雖然冇榴連飄飄甘凸出，但都係足料貨，熟透嘅芒果肉粒好甜好香，加上芒果肉打成嘅果蓉溝埋d西米露，簡直係消暑佳品甜入心呀！

口甜舌滑既芒果西米露一直都大份夾好食但今次就食左芒果黑糯米，對比西米露就差左D啦 ，黑糯米略嫌太甜，搶左芒果味，芒果份量多呢點可以贊下見朋友話ok但食剩半碗，就試左啖，芝麻糊帶苦架囉…出左舖頭問朋友你咁都話ok，佢答: ok難食…………佢話帶苦帶咸，花生湯丸味道俾芝麻糊掩蓋哂……都係食番佢既芒果西米露啦

是晚與好友在九龍城晚飯，總係欠個甜品，於是來此老店。說實在，很久也沒再到過此老店，是怎樣的也忘記了。店舖小小，數張枱，裝修很普通，也可算沒什麼裝修可言，簡單普通的枱椅，單純實用，沒華麗可言，牆上只貼著十數張甜品的相片。可是店內的角落，卻養著一隻很大的龜，店長說是盾臂龜，養了十多年的了，是食素的，是否作招徠，就不得而知了。我要了一客凍的杏仁露，雖然凍的，仍有很香的杏仁香味，甜味剛好，濃稠稠的，而且有著細小粒粒狀的，那就是手磨杏仁的證明，絶對的真材實料。好友則要了一客芋蓉西米杏仁豆腐花，芋蓉西米香滑，西米粒粒的，並沒有沾成一塊塊，豆腐花初感較粗，可是看到我的杏仁露，才明白那是手磨杏仁混合而成，豆腐花除了杏仁香味，也可算是很滑的，令好友大為驚喜。雖然我們較夜才此店，店舖內只餘下我們兩位，可是一直有著客人到訪外賣，可見大家都因為此店著名中式甜品的香滑而來。