口甜舌滑 (已結業)

食完粗菜館，個fd仲想食糖水，又去左食楊枝甘露&蛋白豆腐花~　-楊枝甘露：料足而不好味...只覺食緊西米露芒！果肉溝芒果汁...-黑白豆腐花其實係豆腐花溝芝麻糊，但豆腐花既水份化淡左芝麻糊...　認真麻麻......

最愛雞翼+ 生果下午茶，幾抵，每次食都覺得好味！木瓜奶幾好！

我同邊個去~都只會叫芒果涼粉同蜜瓜奶~^^其實我唔係試過o個度既好多野~但呢兩樣野真係絕配~~v~~芒果涼粉--好多芒果~切得好厚好大件~d涼粉切得大大粒~好爽~好多碗架~而且係自己落糖水既~~甜度就可以自己控制啦~^^!蜜瓜奶--好清甜~^_^~// 我都飲過木瓜奶~不過"傑"得滯~麻麻地~_~ 結果都係飲番蜜瓜奶~~w~~// 稀"傑"度適中~近排仲好似特價添~^^~ 夏天買番杯行街都幾正~~抵飲過許留山~~

見她門外貼的甜品相片頗誘人，一心入去吃那些西米米撈的，但發然原來有中式糖水供應，所以最後還是叫了芝麻糊。 來到時我很失望，因為見到好似開粉咁o既樣，食慾已減了大半，舀一匙入口，哇！極甜，而且有點漿口，真係唔掂，但我也硬著頭皮食完整碗"糖"水…>_<

食完晚飯，早早地就去呢度食甜品！先先叫左碗楊枝金露，一黎到....0華！咁大碗，就拿拿林hold住兩碗細既榴槤飄飄轉碗大size！咁兩碗三個人食！先講楊枝金露，唔錯，雖然$26但都值既！我覺得同佐敦松記有得fight！不過西柚就少左D啦！榴槤飄飄，正！好香，又有D榴槤肉喎，仲有D唔知係咩黎既，食落口"short short"聲，好鬼過癮！連我有個同事唔食榴槤都忍唔住食左幾羹！真係太好食，所以買多兩碗返屋企同屋企人分享！^.^Total叫左：-(堂食)一碗楊枝金露，一碗大既榴槤飄飄(取走)兩碗細既榴槤飄飄，一盒花生糯米"池"都係$104，都唔係太貴！

芒果布甸:唔滑,太甜,無口感,有啫哩粉味黑糯米:太杰,唔夠爛

好唔掂!我同兩個朋友一齊,吃奇異果西米撈,奇異果汁底用爛生果做,一入口就有爛生果味,兩個朋友都試過,覺得唔掂就向老闆娘投訴,佢唔認奇異果有問題唔肯退不特止,仲一直目露凶光咁望住你.$18買碗爛奇異果,仲要受氣,以後點幫襯佢呀.做生果甜品最緊要生果新鮮,有唔新鮮生果,好易有爛生果的味道.我諗間舖用唔新鮮的生果打果汁,而面上舖的果肉就新鮮的, 想騙人可惜爛味一入口便知試出.

喂,得喎~~尋晚,一行四人黎左呢間食甜品,點知,D甜品真係超乎我.想像咁好味,雖然我淨係叫左杯kiwi juice走甜,我個friend叫左楊枝金露,我男朋友就叫左個西瓜汁走甜,講下0個兩杯野飲先,,,一睇就知有誠意啦,佢地淨係落左好少冰,打出黎仲一D都唔稀,杰杰地,有口感!讚!至於我個friend碗楊枝金露,正啦,,,,好大碗,我諗係平時0既2倍,佢攪一攪,先見到勁多料,好多mango,真係好足料呀,唔怪得賣二十六蚊一碗咁鬼貴啦,原來真係咁把炮!

黑珍珠大菜糕, 麻麻, 反而大榭菠蘿大菜糕OK ~不過$15 一碗既價錢黎講都OK, 但下次就唔會去幫襯囉!呢間D位好逼!

木瓜汁特價$10, 無落糖水o架, 好!!榴槤飄飄細碗$28, 底係西米, 放o左兩舊榴槤肉同西柚肉o係中間, 再淋上打碎o既榴槤汁, 好味喎~~ 不過記住搞混先食喎, 否則底o既西米無味o架~

呢度D楊枝金露加o左大量芒果肉同芒果汁，幾攪鬼；質地好杰，食落去其實似芒果西米撈加花奶加西柚肉多過似楊枝金露。喜歡食芒果的可以試下；但係鍾唔鍾意就見仁見智喇！傳統糖水呢度當然唔掂；不過大熱天時去食下佢D乜乜物物撈，都不失為一個消暑妙法o既！

有次睇完跌打, 過去食碗芝麻糊, 普普通通咁啦, 睇下牆上o的剪報, 嘩! 乜捧到咁誇張呀.......咁人地源記滿記點算呀!?