古味坊 (已結業)

經過千色，見到媽咪雞蛋仔對面新開咗 古味坊，來自台灣古早味嘅蛋糕 ，香噴噴吸引咗 過去😀😀全部百分百新鮮出爐 🤤🤤唔怪得知咁香啦😆款式都有六款咁多！ 分別有原味、流心鹹蛋芝士、黑糖 、抹茶 、朱古力&原味、抹茶&原味，一定揀到啱自己口味😍😍我就最想試 流心鹹蛋芝士味，雖然夠邪惡 ，但係芝士味濃郁 ，流沙嘅鹹蛋 口感真係一流 👍👍另外抹茶配原味都不失為一個唔錯嘅選擇🥰🥰抹茶味夠濃原味夠清香一齊食口感真係唔錯 口感非常鬆軟，攞嚟做早餐或者宵夜，都不失為一個好選擇👍店員好細心講解 ，擺喺雪櫃三日都得呀😬

今日小編放假，去左元朗同朋友食brunch。之後就圍行下，發現元朗變咗好多，仲多左好多蛋糕店。經過聞到真係好香，買左兩個翻屋企同屋企人一齊開心share💕💕🍰雙色配蛋糕 - $65依款係抹茶加原味，拎上手都覺得好重手，好大件。翻到屋企打開香氣撲鼻。食落仲十分鬆軟。正呀！🥚 流心咸蛋芝士蛋糕 - $75依個口味好特別，平時好少見。依個味真係推薦，入口即溶！咸蛋味香而濃，芝士味又吾會太重，蛋糕味十足。真係好夾，令小編食完一片又一片。💕💕屋企即刀吾鋒利，雖然切得吾靚，但都無損其口感！

嘩，終於比我等到啦，幾次路過都冇流心鹹蛋黃芝士味，今日遇到剛剛出爐，仲有原味同雙色原味加綠茶，即刻忍唔住買咗三舊返屋企，同班細路仔一齊食🤤🤤流心鹹蛋黃芝士味真係冇令我失望，返到屋企班小朋友一下就食晒，另外嗰兩款就唔俾佢哋食留返做早餐啦。真係好抵買，$50-70大大件，成家人做早餐都夠哂😂唯獨要睇彩數有邊樣味道出爐，我前幾次都淨係買到原味同埋黑糖味👍🏻今次食埋鹹蛋黃芝士，就所有味都試過晒啦！我自己最鍾意原味古早味蛋糕同埋抹茶古早味蛋糕，因為抹茶味唔甜同埋有濃濃嘅茶香，另外佢嘅古早味蛋糕非常鬆軟，每次買親小朋友都非常開心，成日都等唔到去第二日早餐都已經俾人食晒🤣🤣

嚟到元朗，見到有古法蛋糕，於是乎過去八卦吓。嘩，行近啲間舖，蛋香味已經飄緊出嚟😋😋於是乎即刻排隊去買了今次我買咗三款口味🌟原味蛋糕，蛋香味濃，小朋友好鍾意食🌟雙色蛋糕，原味加抹茶，茶香味十足，點點甘甜好好味，而且顏色紋路非常好看🌟黑糖蛋糕，黑糖味好香，但不會過甜

最近興起古早味蛋糕熱潮，我當然都要去湊熱鬧啦！今日經過，元朗看到有一家古早味蛋糕，而且不用在指定時間排隊買指定味道，方便我們即慶買蛋糕的人。一件古早味蛋糕，大概可以厚切到七片，兩個人食應該要兩三日先可以食完。因為新鮮製造，沒有加防腐劑，所以保質期比較短。室溫只能放一天，放雪櫃可以保存到三天。餐廳很細心地在每件蛋糕相放上牛油紙，好好保護蛋糕表面。*原味蛋糕（$50）最吃到師傅的功力，一定要先試原味蛋糕！新鮮焗起的蛋糕結構非常綿密，而且很濕潤，蛋味不過不失，不會太甜；本身有少少擔心，在雪櫃放了幾天，蛋糕的質感會差很遠，但擔心是多餘的。如果可以的話，轉一個保鮮放蛋糕，應該可以多放幾天。*流心鹹蛋芝士蛋糕（$75）原來一底流心鹹蛋芝士蛋糕需要焗四個鐘！所以一天產量不多，而且是熱賣款式，真的要有緣份才能吃到；鹹蛋芝士味較適合喜歡濃味的人士；個人認為新鮮焗起時即食口感最好；因為最近太懶，所以沒有試過放入焗爐翻熱。*雙色配蛋糕（$65）如果喜歡茶味，一定要試雙色配蛋糕！可以一次過品嚐到兩個味道，最適合貪心的朋友；個人認為雙色吃起來沒有悶的感覺；而且是茶味，所以口味不會太膩。

同班朋友仔食完晚餐，行行吓經過見到呢間古早味蛋糕，都多人買喎，睇嚟今晚個宵夜有着落。不過我哋黎得遲咗，本來想試吓流心鹹蛋芝士蛋糕，但就賣晒。買咗另外三款試吓好唔好味先。原味蛋糕，一打開個盒，面頭有張保鮮紙遮住，保持乾淨新鮮，蛋糕食落軟綿綿，而且夠綿密，鬆軟得來唔會有空氣感。黑糖蛋糕，淡淡黑糖香味，唔會太甜。抹茶配原味蛋糕，有茶香得來又有蛋香味，一啖可以試到兩個味道，唔錯。放落雪櫃可以保存三日，可以慢慢食。

台灣古早味蛋糕曾經風靡香港一時，每間都大排長龍，🙈雖然我一直都好想試下，但我咁懶既人真係唔想為左個蛋糕排咁耐隊。最近開始見唔洗排隊，就可以試下啦！🤤果日路過千色，見到隔離新開左一間，蛋糕望落超鬆軟，就買左三個同家人分享！兩件係雙色既，（抹茶配原味）、（黑糖配原味）、（黑糖味）。其中抹茶味最香醇，真係有日本抹茶粉既濃郁感。而黑糖味都冇我想像中甜，不錯！三款蛋糕咬落都好鬆軟，而且同時有彈性，蛋香味都濃郁，幾推薦👍🏻👍🏻👍🏻🤤

Spongy & Yummy ❤️ 100% Handmade Traditional Cake🍰🍴💫..呢日去大埔食飯，順路經過隔離既元朗，知道呢邊新開左間蛋糕店。見呢排都食開古祖味蛋糕有鋪癮，就心思思 又想試下其他既出品。.係大街新裝修既店舖，遠處都見到好光猛，從玻璃窗外，已經見到一個個好整齊、脹卜卜，熱騰騰，百分百新鮮出爐既蛋糕啦😍 好吸引啊。.買完仲暖烘烘，聞見蛋糕香💛 已經忍唔住想吃了。這家蛋糕店出品既蛋糕🍰 好綿密油潤，味道跟甜度亦剛好，吃下口感好moisture，真的滿滿驚喜，不枉我入元朗到他家呢。.ll：充滿香濃雞蛋糕的傳統原味道；ll：淡淡黑糖獨有的香氣味道 甜而不膩；ll：做到流沙咸香效果與味道。..熱食口感綿密香甜、鬆軟油潤，又Q又彈；雪凍食味道同樣相當出色💕，濕潤度保持到，口感跟莎利蛋糕差不多呢，還要是新鮮 香港製造🇭🇰 現烤手工的蛋糕，成份天然健康 更好味道。.款款都好吃，最愛咸蛋黃💛 下次入元朗要再吃他家別的味道啊啊啊。..×××××ש元朗西菁街9號富盛大廈地下45號舖..

第一次幫襯古早味蛋糕，經過見到有幾款口味，又有人幫襯緊，就買黎試吓。價錢同平時見開既古早味蛋糕差唔多，仲有幾款特別口味:抹茶，朱古力，芝士......1.芝士味 就係原味底，中間加咗層芝士，岩岩出爐熱辣辣時可以有小小拉絲！ 味道咸咸地既芝士味唔錯，又唔似原味咁dry，食落味道口感都豐富好多！2.抹茶味抹茶味比我想像中濃，偏向茶味重過奶味，比較不會膩。而且口感鬆軟，就算放咗雪櫃都唔會變硬，又唔會抽乾口中水分，所以依隻味可以食好多。

去朋友屋企聚一聚, 又未到晚飯時間, 經過呢間古法蛋糕, 買2個上去當下午茶先. 味道專注, 所以款式唔多, 有雙色選擇, 可以一次過食到兩款味道, 所以就買左黑白配(原味+黑糖)同雙色配(原味+抹茶), 因為朋友唔食芝士, 所以無買流心咸蛋芝士, 下次可以買黎試下.味道有呢幾種可以揀: 原味, 黑糖, 抹茶, 黑白配, 雙色配, 流心咸蛋芝士蛋糕.成個蛋糕裡面好鬆軟, 軟綿綿, 原味嗰邊好香蛋味, 黑糖同抹茶味道啱啱好, 同原味好夾, 份量足夠, 超抵食! 好彩早一步, 買完之後見到十幾人排隊.

古法蛋糕每天新鮮製作， 現烤 的手工蛋糕， 成分無添加天然食材， 購買後必需在三天內吃完， 及冷藏在雪櫃， 蛋糕質感鬆軟 、濕潤，輕盈似海綿蛋糕 ，甜度適中， 蛋香十分誘人。芝士口味$75 芝士蛋糕， 芝士呈現半溶狀態 ， 金黃色流心芝士夾在蛋糕中間， 入口帶陣陣芝士和 流沙鹹蛋的鹹香味， 十分邪惡 和滋味， 同蛋糕出奇地搭配。黑糖口味$60黑糖蛋糕， 外觀是黑糖的色澤 ， 蛋糕甜味來自黑糖，淡淡的黑糖味，唔會好甜， 十分健康。雙色配蛋糕(抹茶口味)$65雙色蛋糕 ， 入口既有啖啖抹香味， 清香四溢， 又有迷人蛋香， 味覺雙重享受， 抹茶控不可錯過。

近期爆紅的古早味蛋糕，用台灣人的話形容就是QQ彈彈，吃過之後的確會上癮。元朗市中心話大唔大，就有四、五間古早味蛋糕店，某啲係要定時定點出爐，搞到排晒長龍，上班一族邊有咁多時間又排隊又等出爐，好吾方便，近期發現呢間店位於千色店隔離，作為古早味蛋糕粉絲梗係要試試。透過玻璃看到QQ軟軟的蛋糕，大致上有四種口味，包括原味、黑糖、抹茶、鹹蛋芝士，另外有原味+黑糖的黑白配同原味+綠茶的雙色配。一個價錢有兩種口味，口感更加豐富。　聽講黑糖有補脾胃功效，尤其對女士有暖胃溫經之效，有助活血化瘀，蛋糕內加入黑糖取代白糖更加健康，甜度啱啱好，口感軟軟QQ，不會乾爭爭咁。原味配綠茶味嘅雙色配，以原味為底，上層係綠茶蛋糕，綠茶味堅濃香，順滑口感，味道好出色，一試難忘，加入原味中和味覺，層次又變得更加豐富，有相得益彰嘅效果。喺原味蛋糕裏面加入鹹蛋黃芝士，又係另一個新嘅嘗試，口味好特別，比原味更加層次豐富， 在這個端午佳節，令人諗起棕子里的咸蛋黎，喜歡吃鹹蛋又唔想吃糭子的你，可以試吓呢。

難得入元朗去探下朋友，點可以兩手fing fing😂 經過間古祖蛋糕店，見到有幾個人等緊，應該有蛋糕新鮮出爐，即管買返幾件去朋友度試下～.間野標榜100%無添加天然食材，係既話價錢都唔算貴，份量都幾大！蛋糕有6款：原味$50/黑糖$60/抹茶$60/黑白配$65/雙色配$65/流心咸蛋芝士$75花多眼亂，決定揀晒幾個mix，樣樣都試啲🤣.蛋糕夠濕潤鬆軟，甜度適中，雙色配係抹茶味+原味，抹茶味夠濃，黑白配係黑糖+原味，唔太覺有黑糖味，流心咸蛋芝士，2種味道都幾夾，仲真係流心添！咸咸地幾好味～

今日 賣甩個老公， 同個仔拍拖 入咗元朗 同一班媽媽谷嘅小朋友一齊玩 去得人哋屋企玩梗係要買啲手信上去啦， 聽元朗啲媽媽group講開，有間古早味蛋糕好好食， 入到元朗梗係要買返一兩個 做手信🤣🤣，大人細路都啱食吖嘛😋行咗一輪終於到 嘩估唔到都幾多人排隊 不過都唔係等咗好耐啫佢有好多隻味㗎 我就揀咗 黑白配 雙色配 同埋呢個 流心鹹蛋芝士蛋糕 黑白配嘅黑糖味唔係好濃完全冇遮到 原味蛋糕嘅香味， 雙色配嘅抹茶味香， 口感 軟熟好有童年回憶嘅味道 最後輪到最貴嘅 流心鹹蛋芝士蛋糕 ， 真係流心喇喎 淡淡嘅鹹蛋香加芝士配埋甜甜嘅蛋糕估唔到有幾夾喎 不過美中不足就係得一層 太少🤣🤣應該做多一層流心🤭🤭 呢個係我覺得三個中最好味嘅一個👍🏻👍🏻

最鍾意食古早味蛋糕，口感夠鬆軟，濕潤，蛋香夠重。今日去咗元朗玩，見到有間新開嘅古早味蛋糕店，仲有雙色蛋糕可以揀，諗住試多間睇下邊一間做得出色啲☺️ 最後因為揀咗好耐都揀唔到要邊款，所以就要咗一個原味 ($50)，抹茶($60)同埋黑白配蛋糕($65）咁入邊就係原味同埋黑糖味蛋糕～ 買咗蛋糕之後，為咗可以一次過試晒啲味道，所以就當晚餐食🤣 蛋糕食落又真係幾鬆軟冇令我失望🤣但係個人係呢間都係鍾意原味多啲！