古早牛肉麵 (已結業)

古早牛肉麵都幾出名，位於深水埗，地鐵站行幾分鐘就到，都幾方便。同一條街都有好多食店，競爭好激烈啊，不過今晚接近8:30pm 入面都唔少人。Menu都幾多選擇，仲有好多小食例如甜不辣，蛋餅，由於我一個人淨係叫左牛三薈，即係牛腱、牛筋同牛肚麵，仲有一杯蜂蜜蘆薈烏龍茶加珍珠。首先，講下個麵條。麵條非常有咬勁，啖啖都係彈牙。之前特登睇食評d人話好淋，可能水準飄忽d？個湯底喺牛骨熬成，有好濃嘅牛肉香味，仲帶有啲甜味，再香辣多少少就正啦。牛腱、牛筋同牛肚。佢哋嘅牛腱好腍，喺口中好易化開，同時帶有淡淡嘅牛肉味，同埋好大舊啊！牛筋方面，經過長時間炖煮，變得非常腍滑，口感好好。至於牛肚就正常發揮，有彈性。飲品我叫左蜂蜜蘆薈烏龍茶加珍珠，非常解渴。蘆薈同珍珠勁大杯，特別珍珠好彈牙，非常好味。

前日喺深水埗行街亂打亂撞就入咗一間裝飾好有去咗台灣感覺嘅餐廳。餐廳冇下午茶選擇，散嗌叫咗一碗紅燒牛肉麵同埋三牛薈（牛腱、牛筋、牛肚)，味道還可以，份量好大，啲面都好煙韌。跟餐加咗$12 要杯朱古力珍珠奶茶，味道都唔錯，同埋超級大杯！甜品都唔錯，芋圓好大粒，同埋好煙韌。唔好睇佢好似一間快餐咁，服務非常好，職員好nice! 😋: 3/5🤑: ~$120

每次去到深水埗都好難揀野食，因為實在太多選擇，呢次一支公係深水埗四圍閒逛，行到咁上下見到古早牛肉麵既招牌，門口勁光鮮，望入去裝修企理有特色，自己又好掛念台灣家鄉既味道，於是就行入去坐低了，一入內，果然花過心思係裝潢到，好多唔同既裝修同道具突出出國去左台灣既感覺，唔駛搭飛機都可以幻想下自己離開香港，餐牌簡單易明，用筆係牌上面勾畫一下就完成，其實我樣樣都想食，但得一個人黎，試唔到幾多食物，係咁易叫左個牛筋牛肚麵同埋蛋餅就算了！古早牛筋牛肚牛骨湯麵$64上枱既擺盆有啲心思，我鍾意，薄切左既牛肚入口仍然有咬口，牛味濃郁，而牛筋一向係我Favourite，呢碗既料就認真唔錯，咬落去腍身有味，吸哂湯汁既精華但又唔係腍到一餅野，最出色我覺得係件蘿蔔同埋個麵，蘿蔔完全掛上湯汁同鹵汁，甜到入心，麵底則有口感又非常之彈牙，令人一啖又一啖咁扒哂入口起司蛋手抓捲餅$40上枱仍然熱辣辣，有別於平時其他台灣舖食既，呢個比較乾身，香脆可口，入面係芝士同梛菜既配搭，一個人食哂四件都幾飽肚架

Lunch叫外賣，揀咗呢間台式料理試下。好想食蛋餅，不過呢度無蛋餅，叫咗芝士蛋手抓餅食。手抓餅一開4件，大小不一，外賣嚟到仲keep到暖，都幾好食！不過價錢貴咗啲，要$48一份。反而麻辣牛肚絲幾抵食，$38份量好多！食極都仲有，不過個汁比較鹹，要飲多啲水先可以繼續食😂

之前已食過一次牛肉麵，下午茶時間行經附近諗起想再食多次，試下其他麵食。店面走古早味路線，四處都貼了舊舊的圖片、票尾之類，有特色。今次點左下午茶餐，招牌牛筋麵（下午茶餐連熱飲）的牛筋有兩大兩小，炆得夠腍且入味；滷水牛肚麵（下午茶餐連熱飲）的牛肚份量也多，但略嫌有較十陣內臟氣味，滷水也蓋不住唔夠新鮮的味道，下次唔會再點牛肚。甘梅地瓜條是加$10點的，和晚巿套餐的份量同等，大碟得黎地瓜條炸得夠脆，好好食！至於飲品，就分別加$3轉凍飲，同埋加$10轉檸檬愛玉。凍檸檬紅茶無乜特別，正常凍檸茶一杯；檸檬愛玉的愛玉稍少，唔知係咪$10加飲價會少啲？但味道是可以嘅。

對於我嚟講，深水埗係舊區，呢間餐廳選址呢度真係好符合個格調，係鬧市中嘅小小台灣。可能因為下午茶時間，所以人少，坐得好舒服，上菜速度都好快嚟食下午茶，叫咗招牌牛筋湯麵。牛筋腩好淋，蘿蔔好鮮甜，麵條好似手打麵新鮮拉出嚟咁，大大碗仲有牛肉香蔥手抓捲餅手抓餅香辣，入面係牛展、椰菜絲，一層層，榨菜辣度適中食手抓餅一定要配杯奶茶，十分之香，如果唔係好乾，同埋味道好夾加珍珠都係+$4，好抵! 但係我唔係好鍾意呢款杯，如果係透明就會靚啲而全餐入面我最鍾意食嘅，就係甜品—蘆薈芋圓仙草凍!所有嘢食放埋一齊嘅顏色好靚，見到都食慾大開。呢個價錢來講，質素都算高，抵食嘅同埋入邊嘅裝修好有台灣特色

假日覓食到深水埗，一間台式店好有懷舊街邊感覺同時去咗另一個空間恍似去咗台灣咁下午茶蚵仔麵線$37湯底厚身味道適中，仲勁多蠔仔🦪，豐富極了+$18呢個價錢絕對唔抵食份量太少涼拌小黃瓜台式小香腸份量太少唔大睇🧋台式奶茶加紅豆大大紅豆🫘口感好粉，奶茶嘅味道唔太甜，呢個組合超好飲👍🏻整體分數🌕🌕🌕🌗

中午放飯，唔知食咩好，喺深水埗黃金附近行嚟行去，見到有一間台灣風味濃厚嘅餐廳，叫古早牛肉麵入邊嘅環境就好似去咗台灣嘅舊餐廳咁，充滿台灣風味，而且入邊嘅侍應都非常好禮貌見到佢嘅午餐選擇非常多，仲可以加$18追加一款小食，熱飲仲係免費，不過因為出邊天氣熱，我叫咗個鳳梨多度再加咗蘆薈飲品出得好快，好快就幫我戒煙，味道都唔錯好鍾意食牛筋，但係又想試吓佢啲牛肉，所以我叫咗個古早半筋半肉嘅肉燥飯佢哋嘅牛肉好好味，仲大大嚿，入口即溶牛筋都唔錯，充滿骨膠原小食方面想試吓台灣嘅宜蘭迷你蔥肉咸餅，只需要加$18就有三件，入邊係豬肉家蔥一食落口即刻爆汁，入邊仲啖啖肉，非常抵讚最後加加埋埋一個人大約食咗90幾蚊，食咗咁多嘢仲有嘢飲，性價比算高

久違既一人晚餐時段，當然行過去平時教會附近既深水埗食街睇下有咩好野食，睇左一輪揀左間充滿台灣夜市風既餐廳試試。未入去已經有人招呼感覺都幾好，行入去見到裝修有好多台灣地道燈箱招牌，同我係台灣必去既夜市有幾分相似，打卡都幾有復古風。呢間名叫古早味牛肉麵店，黎到當然要點佢招牌既古早牛肉麵試下，我點左一向我最愛既半筋半肉配上牛骨湯米粉，米粉黎到係新竹米粉好吸湯，越食越想食落去，湯頭亦唔會太咸有陣陣牛肉味，我幾乎飲哂都唔見口喝特別要提既係佢哋既牛肉係類似牛展咁都幾厚切卻唔韌，共有3大塊，加埋份量都幾多既牛筋，配料量對於女仔黎講我就覺得好夠食，食完啲配料，啲米粉都食唔哂，仲有我加配左既皮蛋豆腐未食皮蛋豆腐入面配有酸薑十分符合台菜傳統，皮蛋醬料咸香配上凍滑豆腐真係一流，建議配飯食更加好。呢餐真係好飽又抵食，$100左右已經食到台灣牛肉麵+小食，地點又方便，直行已經到深水埗港鐵站，約朋友傾計簡單食一餐係唔錯既選擇招牌好搶眼又傳統中意食撈可以揀拌麵，睇隔離枱食都幾惹味啲飲品睇落都好吸引 2人可選呢個套餐更抵食

幾年冇去台灣了，特別掛住台灣美食。朋友介紹我去古早牛肉麵，一見到門面，就充滿了台灣情懷，有些店員還會講國語，真係好似去咗台灣一樣。店內環境好寬敞，仲有很多懐舊的poster，非常特別，令人印象深刻。食物種類非常多，因為我想試多啲野，就叫左特盛台灣牛肉配麻辣醬乾拌麵加黑糖珍珠奶茶。顧名思義特盛即係大大碗，多種食材，有花枝丸、貢丸、牛腱、豬軟骨，再加上麻香較重的麻辣醬乾拌麵，適合食辣的初哥，枱上仲有辣菜脯，加少少同麵一齊食仲滋味。花枝丸、貢丸爽口彈牙、牛腱鬆軟入味、豬軟骨軟綿容易入口，咀嚼一點也不費力👍🏻，麵面的青瓜絲令油膩的感覺一掃而空，黑糖珍珠奶茶的珍珠煙靭有咬口，甜度適中。而店員服務態度很好，細心留意客人的需要。所以會極力推薦這間店俾朋友。

晏晝又同朋友食台灣嘢，今次嚟到深水埗嘅呢間，午飯時間都要等一等先入到去，店員好有禮貌，都安排得好快，座位都密，但坐落唔會話逼我哋點咗雞排肉燥飯、牛筋牛肉麻辣乾拌麵、煎餡餅、無糖烏龍同珍珠奶茶雞排好大塊，飯都好大碗，欣賞佢用珍珠米，但啲飯就有少少濕牛筋牛肉都夠淋同入味，麻辣醬夠多，加埋枱面嘅辣菜甫，味道就啱啱好，欣賞佢有青瓜絲，感覺健康啲，兩杯飲品不過不失，如果奶茶嘅茶味濃啲就好喇煎餅啲餡都夠多，味道都ok，如果煎得再香脆啲就天好

局長今日去SSP買電腦 係黃金買完等緊佢砌機既途中就覺得有D肚餓 所以決定係附近搵下野食就見到哩一間古早牛肉麵啦!話哂局長都算係半個牛肉麵達人真係好喜歡食 所以就入去會一會佢入面環境真係好似去左台灣咁搞到局長我好想去台灣旅行呀!選擇係台式餐廳黎講算非常之足夠但一場黎到 緊係要食多D台灣野 過下口癮!前菜叫左個小黃瓜 清一清個味蕾打開食慾 爽脆 唔會太重口味 清新加少少麻油同蒜 不錯另一個前菜係局長最愛既花枝丸爽口彈牙 食到一粒粒既花枝係入面唔係成口粉 亦炸得香口 唔會有雪味 加少少椒鹽落去吊味 想再ENCORE!肉鬆蛋餅 勁足料基本上係爆哂肉鬆而且蛋味都好香 我覺得佢粉同蛋既BALANCE好好推薦!主菜當然係牛肉麵牛肉麵的味道很好湯頭濃郁有少少藥材味香氣令人難以找到形容詞表達出它的味道牛肉入口即化 非常入味也很嫩滑仲具有一定的Q彈感覺且不粘牙醬料同優質的牛肉結合令人耳目一新！哩個芝士奶蓋 睇落好HEAVY但其實飲落去係好順口 芝士味係恰到好處茶底亦有一定水準完全唔會好膩 我差唔多一野飲哂食咁多野 先百零蚊邊度搵? 推薦比大家

深水埗美食好多，口痕好想食台灣野所以黎左呢間古早牛肉麵試下！裡面裝橫好有台灣風格，令人好似置身其中咁😍叫左佢既二人套餐，有兩個主食、小食、飲品，價錢只係188都幾抵食！叫左：⭐️鹽酥大雞排配滷肉乾拌麵⭐️三牛薈牛骨湯麵⭐️甜不辣(4件)⭐️宜蘭蔥肉餡餅(2件）⭐️芋香珍珠奶茶⭐️焦糖珍珠奶茶最中意係蔥肉餡餅，一咬落去爆汁既口感，蔥味都香口。係幾唔錯！另外三牛薈有牛腱、牛筋、牛肚，食落都好豐富😎想食抵食既台灣野食，經過深水埗都可以試一試😌

店裏面嘅環境十分有特色，向上嘅話好似以前讀書細個嘅教科書。店內嘅裝修同店名一樣充滿古早味。麻雀雖小，五臟俱全嚟到當然要食招牌嘅半筋半肉牛肉麵。一嚟到就知道碗麵好食！湯底唔同平時嘅台灣牛肉麵一樣咁深色，冇咁重口味，比較啱我喜好。麵條軟硬適中，煮得剛剛好，亦都食到麵粉嘅香味。面上嘅蔥花作為點綴，同啲面一齊食就更惹味。碗麵最為吸睛嘅地方就係嗰條白蘿蔔，足足有大半碗面咁長。味道10分清甜，而且一啲都冇查，亦都唔會住得過分入味。因為坊間有啲白蘿蔔會到煮到入邊充滿湯汁，但咁樣反而冇咗白蘿蔔嘅甜味。呢間舖頭嘅白蘿蔔就做到保持白蘿蔔嘅甜味，而且有湯底嘅味道。大家可以見到嗰間牛肉幾咁充滿油脂，筋肉分明。而且牛氣沖天！同行友人重點咗一碗牛肚牛筋麵，牛肚份量頗多，一個人食絕對夠飽。仲叫咗一杯古早仙草奶茶，叫咗微糖唔會好似死甜，茶底亦都非常特別。

最近好想食台灣嘢，所以就試吓呢間古早牛肉麵☺️佢哋嘅裝修都令我諗返起台灣嘅早餐店，未有得去旅行都可以回味下台灣感覺～喺門口店員已經好主動上前招呼我，所以感覺真係好親切😆見店員有時都會同其他客人閑聊下，感覺好warm～我今次嗌咗一個鹽酥大雞扒肉燥飯（$60）同埋輕芝士岩鹽奶蓋朱古力（原價$29，跟餐減$10）。其實除咗滷肉飯，佢都仲有其他選擇，例如拌麵、牛骨湯米等等，不過我今日比較想食飯😆個雞扒肉汁多，唔會只係勁多炸皮同好少肉，真係值得一讚😄個肉燥就比較普通啲，不過都好食，唔會話太乾。杯輕芝士岩鹽奶蓋朱古力都幾特別，個奶蓋鹹鹹地，中和返個甜味☺️佢係特別有一個輕芝士岩鹽奶蓋系列，所以大家都可以嗌吓其他combination試吓！