古月

营业中

休息中

一直知有尼間餐廳，一直未有機會試，今日咁arm行到附近，就試下。服務好好，要加葱有加葱，價錢適中，日中無落場，幾點去都得。鹵面啫係幾種鹵水料加個面比你，滲滲要加兩蚊，啫係米粉油面各一半。D料好食，湯底夠濃，多不多味精名位食家自己自評， 我接受到😅連凍檸茶，六十埋單，如果個湯可以再熱d就好😃另外佢個雞飯，蝦面同蝴蝶腩都好吸引，有機會會再去多次。尼條街其實有好多野食，各位食家諗唔到食乜可以黎一黎，實有一間arm你。

新加坡和馬來西亞菜是我和女朋友都相當喜歡的菜系，我很喜歡吃海南雞飯和Laksa,她很喜歡滲滲。上次在北角附近吃過另一間有質素的馬拉菜,所以這次再對北角區投以信心一票,加上這是米豬蓮黃店,特別有期望。然而,這間店卻對不住新加坡菜的名聲,更對不住黃店及米豬蓮的評價。古滑雞飯 1/5分  - 奇怪的配搭: 冰鮮雞件(還以為是新鮮/海南雞,這個是我自己問題啦)、豬耳底(在新加坡或馬拉都未見過)、略為濕潤的黃飯(但不入味),吃不到新加坡的味道咖哩滲滲 1/5分 - 滲滲其實是米粉和黃面條混合的意思,正常會將兩者混合一起吃出兩種口感,但這碗滲滲卻明顯是先煮米粉放底,然後再加面條在上面,失敗!另外,配料方面極少,蝦只有1小隻(還要切半),2小條魷魚,我以為我正在吃淨滲滲呢。湯底只有淡淡的咖哩味,椰奶味很重,缺乏新加坡菜應有的超濃口味,即使是遷就香港人口味也不是這麼淡。最後,女朋友不喜歡吃蔥,所以點菜時有詢問過是否可以分開上蔥蒜,服務人員二話不說答應,但到上菜時卻直接灑滿蔥蒜在面上,是忘記了還是不可以呢?如果不可以的話,直接跟我倆說就行,我沒有問題的。ROTI(咖央) 2/5分 - 分數是給香脆的印度

古月 #北角 #黃店💛💛💛呢間既係黃店💛又要連續四年米芝蓮推介嘅餐廳🥳價錢唔太貴，仲要係食香港較為少有嘅新加坡菜，當然要鼎力支持！古滑雞飯🐔$60無骨雞上脾、古惑配料、自製雞汁、油飯雞肉雖然份量唔算好多，但的確幾嫩，而且用上自家製嘅配料同埋雞汁，所以味道同一般嘅海南雞飯有分別，個雞汁比起一般嘅更加杰，而且配料帶酸，確實係幾特別，配埋雞油飯一齊食都唔錯！另外居然仲有雞腎係啲雞俾肉嘅下面添！味道:4/5性價比: 4/5古月招牌肉骨茶配古月茶及米粉/飯🐷🍜$80肉骨茶好香胡椒味，絕對滿足到呢個胡椒愛好者，而且個湯仲要係任添，唔驚唔夠飽。肉骨茶入面有兩大舊排骨，肉質夠腍，另外仲有一大舊煲到淋晒入晒味嘅蒜頭添。味道:4/5性價比: 3.8/5餐廳走平民風，價錢適宜。雖然餐廳細細選擇唔算好多，但係味道都算唔錯，未到驚為天人但係絕對係值得支持嘅黃店🥰🥰🥰。

雞有雪味，雞髀肉仲整得硬過雞胸。米芝蓮鐘意食屎嗎？ 🤮 肉骨茶垃圾落好多胡椒清走臭豬味，掩蓋冰鮮味。服務員態度惡劣，以為攞獎就可以態度差。希望大睇完，而仲有勇氣去試，祝大家好運。係你食緊個陣會無端端搬走你食緊嘅嘢，同你講嘢有人要搭枱，老奉態度，務求要你食完就快D走，如果米芝蓮係用錢買的話，佢一定係買嘅🤯 奉勸各位真係食之前有心理準備，比錢買難受，食臭雞，又趕你走。 劣食時常有，無諗過係米Q蓮推介餐廳姐！👿

其實我也不知道歸類於馬拉 還是新加坡古月的味道比星馬傳統味道 更為升華 特別香而不攻的香辛味道 就是因為特別的口味喜歡的人會被他吸引著古月唐排肉骨茶👉本身以係藥材的一個肉骨茶 誰知係帶有蒜香及濃濃胡椒味的👍 飲完會感覺很暖 喉嚨幾舒服👍 肉排煲到離骨 鬆化而不老 入曬味古滑雞飯👍有一層帶有油香的茨汁 使雞肉更為滑嫩👍有雞味 脂肪比較好 配上一個油飯💁服務: 雖然一間小店, 人手不足, 仍會聘請殘障人士 值得讚賞, 員工亦很helpful 良心企業⛲環境: 木色系帶有動畫公仔元素 有趣壁畫

今日約左朋友係北角食午餐 係錦屏街後街有幾間食肆 質素都很不錯 而今次想食新加坡野 所以就黎左試食古月 黎到餐廳差不多兩點鐘 都仲好多人食緊 好彩仲有最後兩個位入坐除左傳統的肉骨茶，今次就決定試另一款 古滑雞飯 古滑雞飯到啦！ 飯的分量適中，雞都嫩口 而且都有六舊左右 唔會食食下就冇餸食 佢配的醬汁都好match 用黎送飯一流 另外仲叫左杯班蘭奶茶 味道好夾 食完飯再加返杯奶茶 好滿足。唯一係店面比較細 有d 座位要比較瘦的人先坐到入去😅😅

奧爾加曾經係北角搵食兩年，最近返去探朋友，路過諗起呢間隱世既平民米芝蓮食堂 - 古月。呢間野係北角地鐵站B4一出就走入書局街後既小巷先搵到。無錯，今日黎食新加坡菜！其實我次次黎都叫古滑雞飯，野飲就推介班蘭奶茶古滑雞飯係必食，口感鮮美，汁多而且唔會覺得好油咁！班蘭奶茶好香，絕對一試難忘！寫完又掛住北角既美食啦，係時候約朋友一齊去食返餐好！成餐都唔駛60蚊，係咪好抵食呢？想有高質既新加坡菜又要平價抵食，一定係黎古月啦！

又係太夜食飯嘅關係，所以choices 少左。係呢條街有好多間黄店，所以夜咗都仲係好多店排滿咗長龍，呢一間相對少啲人排隊(應該因為turnover 比較快)，所以我哋就入咗去食。然後發現佢唔止係黄店米豬連，仲係真正米芝蓮推介！佢間店細細地，係食馬來西亞菜，牆上好多明星幫襯嘅相同馬來西亞/新加坡有關嘅壁畫，我地本來係想食肉骨茶，點知因為太夜肉骨茶已經sold out... 最後我叫左呢個鴨肉鹵水麵，個湯睇上去好深色，但唔會好鹹，係完全可以飲嘅湯，而且幾好味。但個麵因為比較唔掛湯嘅質地，所以唔夠入味。另外個名唔係叫海南雞飯但實際上係海南雞飯嘅飯，幾好食，雞都滑嘅。跟住呢個係一個辣醬拌麵，佢最中間嗰度有啲辣醬，雖然唔係好多，但應該係啲乾辣椒整成嘅，所以好少就已經好辣，所以應該係咁佢會配個湯比你嘅。overall啲食物都唔錯嘅，價錢都唔算好貴啦，下次可以再嚟試一試d肉骨茶。

今晚唔好俾佢停，繼續懲罰!本來想去個幾間唔係無開就係full booking, 係唔行太遠既情況下就入左呢間古月啦～招牌辣椒板麵 $50佢竟然唔係menu上最多辣椒既XD 但呢都幾好食架，加多兩羹辣辣就更perfect!個麵底似係林身既上海麵咁另有一碗仔包一粒魚丸一粒豬肉丸既有味水咖哩麵 $60佢似無辣味既laksa,但個味都唔差架! 而個麵底似油麵男人話加尐辣辣，又係好開心!雪梨乾柑桔蜜 $30正正常常，但偏甜結論.. 最好食係個辣醬XD

星期五下班後再來古月，一入街口，遠遠見一群人在門口等候，再等一會，有位再來幫襯。我記得以前來這餐廳，餐廳細細但係仍然覺得有空間感，服務員都不錯，但是現在古月再得到第四年米之蓮餐廳的榮耀，所以食客多了很多，但是餐廳內常滿屋，人貼人，空間感相對窄，而且服務員也比較忙，結賬也要自己走到前台結賬，像是茶餐廳般。至於食物質數係高，因為香港島吃好味肉骨茶的店舖不多，如果平日可以在六點來應該比較好。今次吃這個，好味道加上這個欖汁，更加開胃，值得一試！

今次室友帶我去食米芝蓮推介餐廳🍴，唔係我推介㗎，係真係果個米芝蓮呀🤭睇吓我同佢嘅標準一唔一樣先🙈1️⃣招牌辣椒板麵🌶 $50用咗秘製乾辣椒🌶️，肉碎，魚乾，溫泉蛋🥚同蔥花，加上爽口彈牙嘅板麵，口感層次豐富。辣度係譚仔中辣🤪撈勻d材料同麵之後，一定要一啖麵一啖湯！如果就咁喝d湯就會有少少腥，但係一啖麵一啖湯嘅話感覺完全唔同，味道好特別。湯入面嘅魚蛋都幾彈牙。🙆🏻‍♀️美味指數:7/102️⃣咖央厚多士 $24呢個厚多士真係好多事🤭佈滿咖央醬嘅厚多士鬆軟，不過我覺得茶記嘅咖央多士好味啲啦🤭🙆🏻‍♀️美味指數:6/10💡整體來講，板麵幾特別可以一試！古月地址🐾: 北角錦屏街後街29號A舖地下

這間是連續4年都獲得米芝蓮推介，食物的質素上有一定保證。主打新加坡菜的餐廳在香港都算少見。晚飯時間都是滿座。都要預留時段。牆上畫上了很多可愛的公仔，都非常有新加坡特色。包括了獅身人象和雙子塔。新加坡風味特濃！古滑雞飯無骨的雞件真正的啖啖肉，而且非常滑嫩。海南雞飯的醬汁好濃，又有少少咸味，搭配油飯一流。重點是雞件下面，還有隱藏鴨舌，超軟笪笪。藥膳肉骨茶藥膳味道不算太濃，蒜頭作湯底很有蒜味。對於習慣淡味的人已經製足味。再加上有兩大件五花肥豬肉、金菇、豆卜和油炸鬼。肥豬肉很入味，而不會過於粗糙。油炸鬼不夠脆身，但出現於肉骨茶很特別。三色奶茶 和 青檸鮮橙芒果梳打三色奶茶比較甜身，但茶味較少。青檸鮮橙芒果梳打是少少酸，但非常開胃。

由於是小店，食物種類唔算夠多，不過食物質素就好好啦。味道一流，又平。晚餐食飯都只係一百蚊左右。又吾洗等位，坐得又舒服，很適合普通家常便飯。圖中係古滑雞，除咗雞，仲有鴨舌，個鴨舌整得好入味，一流！另一邊就係肉骨茶，都好正。另外我哋叫咗炸雞小食，串燒。都唔錯架！拉茶，飲品冇得跟餐叫，全部散叫嘅。熱飲$20杯，凍飲大概$30。仲有個冬瓜茶龍眼冰嘅，唔記得影相，呢杯飲品都幾滋潤幾好味，喺呢個啱啱入秋天嘅時間飲就真係剛剛好，潤喉。

係北角同女朋友食飯，見到呢間米芝蓮推介既新加坡菜，小店貼滿明星幫襯既相，口碑咁好，我地都忍唔住要入去試下。古滑雞飯雞如其名，肉質真係幾嫩滑，唔肥，調味亦唔會過鹹；點埋佢個汁就更好食，個汁酸酸甜甜，好開胃，亦唔怕食太多雞會膩；佢個飯係雞油飯，好香！而腫下面仲有啲滷水豬耳，滷得入味，爽脆！鹵麵佢既腩肉肥瘦均勻，而肥膏既部分肥而不膩，唔會食到成口油，係有膠質既感覺，蛋、豆腐、鴨腳都滷得入味又唔會太鹹；麵就有啲似油麵，湯底係鹵水味再唔係好鹹，小小甜豉油味；整體黎講都唔錯！青檸芒橙梳打好重芒果味，加埋青檸同橙既酸，好fresh好岩夏天飲！

米芝蓮推介既餐廳唔一定好貴，古月係其中一間，位置有點隱蔽，要朋友帶路先識去🙈餐廳主打星馬菜，受歡迎既有新加坡肉骨茶、辣椒板麵、椰漿飯等，我個日去食都不用等位，但餐廳都接近坐滿－－－－－－菜式1. 椰漿飯配雞翼、雞鎚 4/52. 古滑雞飯 3.8/5椰漿飯配雞翼、雞鎚、江魚仔、花生以及辣醬，咸咸既江魚仔好酥脆，再加埋花生配飯一流，雞翼同雞鎚不油膩，炸得好脆口🤤飯雖然聞唔到椰漿香氣，但食落每啖都有濃濃椰漿味古滑雞飯其實係冇骨雞配上油飯，雞肉既分量唔少同埋真係幾滑，上面既醬汁有少少甜，仲有隱藏既雞腎🤤