古月

营业中

休息中

北角一向多臥虎藏龍既小店, 今次就試左呢間位於錦屏後街既米芝蓮推介- 古月。藥膳馬來西亞黑肉骨茶 (配飯)-         平時多數出街食都會叫胡椒味重既新加坡版本, 今次就試呢個馬拉黑肉骨茶, 有大大舊肉, 豆卜同金菇。-         藥膳味濃, 但湯底入口比較甜, 如果減少甜味更好。古滑雞飯-         雞肉肉質滑嫩, 可惜無雞味。-         青瓜片夠爽脆, 但如果醬汁分開另上會更好。另外仲叫左一杯 - 冰糖羅漢果冬瓜龍眼水, 平時我絕少叫凍飲, 怕傷胃。但呢杯入口清甜, 附有冬瓜肉及龍眼, 感覺消暑健康養生, 推介。由於呢日係星期六, 不設套餐, 全部要散叫, 如果平時 lunch time 黎食更抵。

💛 古月 💛.記得科勞  ٩(˃̶͈̀௰˂̶͈́)و些些！..............................Bookmark咗超耐 終於經過開呢邊可以試啦發現呢條街啲食店都好黃 大家可以嚟掃下黃🤩.🔅想知黃店原因請Dm💛..............................🍽古滑雞飯 $50（👏🏻8.5/10）.雞肉份量多 肉質較實唔算好滑 但好重雞味個汁應該係雞湯+abc醬油嘅味 撈飯都好正另外點雞嘅汁酸酸甜甜 好清爽好開胃油飯唔係黃薑style 雞味都幾濃🤩好味.🍽招牌辣椒板麵 $60（👏🏻4/10）.未撈睇個賣相都幾靚 但實際上撈落好乾佢跟咗碗丸丸湯 加咗啲落去撈 如果唔係撈唔勻食落好惹味 不過食咗幾啖就開始好膩😭我地一致認為古滑雞飯比較好食！(*¯︶¯*)...............................🎈 古月 (北角)北角錦屏街後街29號A舖地下..............................

貴為北角黃店街既熱門食店之一，仲要係賣香港少有既肉骨茶🤩尼一年黎已經幫襯過好幾次😋質素都維持到！ 而且店內既裝修好童趣，餐紙設計好可愛新加坡招牌肉骨茶。 8/10食過幾次，每次都叫招牌，冇叫唐排。店員話招牌會肥肉多啲，但食落又唔覺肥膩，好有肉香😋配個無限任添既湯底+大大粒蒜就係高分之作李先生咖喱飯。 8/10今日第一次食古月既咖哩飯，好食😋椰香味重，但同時又食到辣味同咖哩香唯一要改善既係啲雞件唔夠入味。流心煎堆。 7.5/10見佢係限量供應就叫左黎試，感覺幾有趣。上菜時熱辣辣，一咬就流晒陷出嚟😌芝麻味好香。斑斕拉茶。 7/10淡淡的斑斕味，拉茶甜度適中，出色

🇭🇰💛古月 Ancient Moon 肉骨茶去完🇸🇬新加玻返黎就成日掛住佢既肉骨茶🍲既感覺香港比較難搵到主打胡椒味既🇸🇬新加玻肉骨茶多數都係🇲🇾馬來西亞既藥膳味搵到間黃得黎而且有齊哂兩款既💛💛-🇸🇬古月招牌肉骨茶 配🍚白飯或🍜米粉 (💰$80)依款係可以無限加湯 食左好多次今次就配🍜米粉分左兩碗上 米粉湯底都有肉骨茶既味 但就淡好多🍖肉都係一咬就離骨🦴 湯底胡椒味勁重勁鐘意😍🥵🥵辣辣的 食完個人暖暖的不過以前食開 加湯都係一樣咁濃味原來依家加湯都係得淡淡的😟只係同米粉湯底一樣-🇲🇾藥膳馬來西亞肉骨茶 只可配飯（💰$88)依款依家就冇得加湯了 記得以前都仲可以🤨味道唔差🥰兩款其實真係唔同野黎有豆卜同大大舊肉🍖🧄蒜頭已經煮到好冧 可以就咁食唔會話辣🥵藥膳唔苦 反而係甜飲得出湯底用心做 不過飲太多會有點咸🤓-🍖亞羅街沙嗲串 雞肉 (💰$35/3串)一黎到份量已經覺得好少 😂得3串而且雞肉細粒得黎少少鞋沙嗲醬唔夠之剩食落冇咩大感覺可以叫第2樣😂-整體感覺有D唔同🧐好似有少少退步而且無得好似以前咁無限加湯/ 只加淡味湯😤感覺無以前咁抵食😣寧願佢加價做返以前咁😭😭

前排去附近食飯既時候見到呢間黃店,今次咁岩又係附近,就決定試試佢。叫左古月招牌肉骨茶同椰香雞配厚多士。招牌肉骨茶一上枱既時候,有少少呆左,同平時食既肉骨茶唔同,顏色上淺色好多,感覺似係屋企煲既豬骨湯,飲落去都有相同既感覺,無藥材味,但佢有個原粒蒜係入面,粒蒜煲到好淋,幾好食,肉點少少辣椒豉油食好唔錯,再睇多次餐牌先發現佢有另一個藥膳既肉骨茶。之後椰香雞食落有種食白咖哩既感覺,雞肉都算嫩唔會乾,味道就正常無咩大驚喜。🔸古月招牌肉骨茶🔸椰香雞配厚多士

我係馬來西亞人，今日跟我星加坡朋友去試下呢間店。點咗蝦麵，招牌辣椒版面。版面味道唔錯，辣度啱啱好，但係份量細少少。蝦麵呢，非常啲disappointing。第一，佢嘅湯唔夠蝦味。第二，好似用咗肉骨茶嘅湯當湯底，味道唔啱。第三，佢俾嘅参巴辣椒醬唔夠多，所以唔夠辣。我唔敢相信 米芝蓮會介紹呢店，跟我哋嘅本地餐相差有啲遠。I'm a Malaysian and I gave this store a try with my Singaporean friend today. We saw it was Michelin guide recommended, so we hoped it would be good. We ordered their prawn mee and signature chili pan mee. The pan mee was alright, spiciness was just about right, but portion was a bit small. Prawn mee, on the other hand, was disappointing.

米芝蓮推介嘅新加坡黃店💛好抵食 又唔收加一店內裝修幾特別 牆上面有好多塗鴉圖案可以打卡📸招牌辣椒板麵 $50有炸蒜 小魚干 香蔥 肉碎 豬油渣同埋溫泉蛋再配上乾辣椒🌶要將啲配料同埋個麵撈起嚟先食 食起嚟好脆口 辣辣地幾好食仲有碗胡椒味嘅湯 入面有一粒魚蛋同埋一粒貢丸咖喱麵 $50好有椰香味 辣辣地 有d 似平時嘅喇沙麵底用油麵 有啲肉絲豆卜同埋蝦咖咉roti $35即係印度嘅薄餅入面搽咗咖咉 又甜又鹹嘅感覺都幾好食 幾特別可以試吓

北角呢個舊區，大家都覺得一定係食傳統嘢出名啦，其實呢幾年都開咗好多新嘢食㗎，唔洗再局限係渣華道喇！今次同朋友就約咗去試一間好出名嘅米之蓮新加坡菜我哋好早就到， 7點前到鋪頭，都已經坐滿咗八成人，遲多少少都要排隊等位🙈我哋三個女仔都食唔到好多嘢，就要兩個主菜加小食算喇，唔少得嘅緊係出名嘅肉骨茶，朋友推介嘅咖喱麵，仲要咗個脆皮雞同咖央薄餅！先講肉骨茶，我地order新加坡式嘅，胡椒味較重，入邊有兩大舊肉，湯底顏色雖淺但都好濃味，配飯食一流，佢啲湯仲可以任添㗎！🥳我最鍾意反而係呢個咖喱麵，湯底濃厚仲有大量海鮮，麵底要咗滲滲，有哂油麵同米粉兩種口感😋脆皮雞同薄餅都唔錯，咖央薄餅做甜品，不過都凍得比較快，大家唔好好似我地咁蠢一開始就叫定😛飲品方便我地試咗咖央奶茶同三色奶茶，兩者相比我地覺得咖央奶茶味比較出啲好味啲

近排陪屋企人去北角睇中醫，所以就搵吓有乜好西食。之後就見到呢一間 古月，時間已經係中午既230左右 心唸咁晏先黎應該唔洗排隊啦？點知都要等一陣，真係好旺！望吓望吓先知原來佢係拎咗米芝連！ 入面既裝修插畫幾得意，因為太多人係度冇影到古滑雞飯$60雞飯自問食得多，雖然佢唔係好滑，但一定唔算”鞋”幾好食！佢就話呢個係自制既汁，食落就似鹵水加雞醬，仲有古惑配料應該係豬耳！估佢唔到真係 幾爽口！飯方面加咗啲脆片 口感同味道都唔錯！

呢間專賣特色星馬菜嘅古月自幾年前係北角開業之後一直都一起高企，仲攞埋好幾年嘅米芝蓮推介，小編自己都食過幾次喇，呢間仲要係良心店，呢日星期六去到有唔少人專程嚟食，一直keep住有人排隊，就證明佢有幾咁人氣高企啦！古月招牌肉骨茶(配米粉或白飯)呢間餐廳既餐牌選擇唔算好多，不過樣樣嘢都係招牌，除咗我食過勁推介嘅辣椒板麵同咖喱麵之外，呢個肉骨茶都係其中之一，可以揀米粉或者白飯，今次我揀呢個係新加坡式肉骨茶，湯底胡椒味超重，飲落好暖胃，重點係肉嘅份量超多！3－4大件肉排唔係淨係得骨，係勁多勁厚肉！食到啖啖已經煲到腍晒嘅肉，超滿足。椰香雞（白飯／厚多士）椰香雞有淡淡椰子味滲出嚟，甜甜地唔會太辣，撈飯一流，今次叫咗厚多士，多士就正正常常啦，雞件份量適中。冰糖羅漢果冬瓜龍眼水 夏天一定要飲啲消暑嘅飲品，呢款羅漢果水唔單止消暑，仲好健康養生，清清甜甜，另外仲有幾款柑桔水、冰橄欖水等消暑又健康嘅特飲，另外佢嘅三色奶茶都係好好飲架！人均消費：$100推介指數（10分為滿分）：9分

第一次進入呢條小巷，原來咁有特色 😊 目標係古月，因為聽聞佢係米芝蓮推介⋯⋯下晝兩點前嚟，兩個人等咗5分鐘就有枱。蝦麵同埋咖喱面都做得好有心，咖喱麵湯底正，蝦麵湯底都好，不過唔明點解叫做蝦麵，就因為面頭擺咗幾隻蝦？不過湯底好好飲，有肉骨茶嘅感覺，兩碗麵嘅料都好足，不過飲品就冇乜驚喜，中規中矩，服務都可以接受，環境有創意。生意好好，non peak hour 來就舒服啲，整體感覺良好，有心有質素，下次會再嚟試吓唔同嘅菜式⋯⋯

Follow @pigfoodiexhk for more food!🐷💛#pigfoodiexhk_黃店#pigfoodiexhk_馬拉菜========================📍超惹味咖哩麵 -- 古月🌛💛北角錦屏街雖然只係短短一條街，但入面已經有數間黃店，前幾日晚飯去試咗呢間主打馬拉菜嘅古月～💁🏻‍♀️------------------------------⭐️咖哩麵（$60）湯頭濃厚惹味，面頭仲有唔少香料同香蒜～飲落首先係一陣椰香，及後慢慢滲出辣勁🌶不過小編食辣嘅程度仲係初級🤣所以都越食越覺得辣，要飲下水🤣麵底用上油麵，份量好多，而且軟硬度拿捏得好好，食落爽口彈牙，亦夠掛湯👍餸方面嘅肉絲，豆卜，蝦仁味道正常～惟墨魚粒頗韌身，咬唔開🤭但整體嚟講湯底頗出色，亦夠足料👍❤️中意食辣嘅朋友仔應該會幾中意～------------------------------賣相：7.3/10味道：8/10性價比：7/10回頭度：7/10------------------------------

未試過要嬲到第一次係openrice比負評~！！😡😡😡😡😡之前食過幾次味道唔錯，今次再幫襯，去到時因為煩忙時間要等齊人先入得，我係門口等左一段時間，中途竟然有位食客未齊人都可以入，之後我見佢朋友過左一段時間先黎到，咁我朋友都差唔多到，我再問佢可唔可以入坐先，朋友行緊黎，最後職員話唔得，我就話點解另一個客人未齊都可以入坐，職員即刻轉身同其他職員傾偈唔理我。咁既態度同雙重標準，唔會再幫襯愈做愈差~！！😡😡😡😡😡（同埋宜家疫情問題，一個人都坐兩個位啦~！！咁我一個人入去坐著食先都唔得！？）

個豬面爽咖喱好正，香辣得黎又有椰香，唔會係果d完全無辣味既咖哩，但佢香辣得黎又唔會係果種長期停留係口，食完要飲水果種辣，而係清爽既辣，俾食既時候俾到個punch你，就算唔食得辣食落都無問題，調味不錯。爽脆既配料同青瓜絲為咖哩增添了口感，少量的青檸汁都為其增加了鮮味。主角豬面爽口感脆得黎肥瘦適中，所以材料既配搭都營造了清新爽滑既感覺。呢個價錢黎講好抵食，$68，都只不過係茶記價錢，係值得再幫襯既小店。

古月 (北角）-Lunch Set🔍 古滑雞飯 $50滑雞飯經濟又好食！名副其實滑雞，每舊雞都好嫩滑，而且亦都唔會好似出面啲雞咁夾咗好多骨或者肥膏。飯係好香嘅油飯，再配搭埋個汁，再多都可以食晒👍🏻-🔍 古月招牌肉骨茶 $80肉骨茶好香，而且好濃嘅味道，飲完都覺得個人暖一暖，不過個人覺得辣度就可能高左啲，所以要睇返個人口味！-食物質素：8/10環境氣氛：7/10回頭指數：8/10-📍古月 (北角)北角錦屏街後街29號A舖地下