古月

营业中

休息中

餐廳於七姊妹道轉角位內街屹立多年，平日午市坐無虛席。蝦麵，同平時食開嘅喇沙應該係一樣。麵質似日本拉麵，湯頭蝦味濃郁，椰奶味為副。頸青豬飯，娘惹咖哩椰香味比泰式港式咖喱重，後加青檸汁，感覺清新，唯豬頸肉口感一般，冇串燒豬頸肉嘅焦香。三色奶茶略帶焦糖味，同港式奶茶分別唔太大。大size飲品份量十足，一杯足夠2人飲用。價錢合理、，值得一試。

老實講齋聽個名唔知點解會覺得係食台灣嘢😂人地其實係食新加坡菜㗎！入到去坐低先知原來佢連續5年都係米芝連推介，即刻期待值拉滿🤣餐廳位置相當難搵🤯係書局街再轉入去嘅一條小街。裡面牆身同餐枱紙都有好多得意嘅插畫🎨幾有文青藝術風格㗎~ 餐廳面積唔大 座位唔算好闊落，而且要到齊人先可以入座🤔🌟NASI LEMAK 椰漿飯 ($65)小編對椰漿飯都有啲研究嘅😌次次食星馬菜 如果唔嗌大菜就一定叫椰漿飯。今次呢個椰漿飯椰香味係有嘅 但比較低調😄隔離放咗啲應該係叄巴醬黎調味，份量都足夠撈曬成個飯，撈完即刻惹味勁多😉 雞翼味道唔錯嘅幾juicy，但炸到有啲硬 唔夠酥脆。個蛋唔好睇佢白雪雪咁，小編就係無留意一口啪咗入口，鹹度...堪比鹹蛋🤯 整體味道不過不失啦，未去到會專程黎食嘅程度🤫🌟咖喱豬頸青飯 ($68)咖喱一啲都唔辣 味道偏甜🍛感覺似沙嗲王個白咖喱！唔知係咪果日水準發揮一般定對佢期待值太高，同行嘅人覺得豬頸肉肉質偏乾，味道普普🥺有啲失望添~味道：🌕🌕🌕🌘🌑環境：🌕🌕🌕🌕🌘價錢：🌕🌕🌕🌖🌑

之前曾經跟好友去了北角一條小巷錦屏街，因我想到一間新加坡餐廳《古月》吃星馬菜，這是一間米芝蓮推介的餐廳 (Michelin Guide Restaurant)，有很多美味的星馬菜式，肉骨茶、咖喱麵和蝦麵都很好味，我最喜歡古滑雞飯，雞肉真的很滑😋 另外，頸青豬飯也很棒，豬頸肉配上少辣的娘惹咖喱汁，簡直一試難忘💕 這裡的飲品和小食都不錯，亞羅街沙嗲串 (雞/豬)和炸蝦卷都很美味，而冰梅橄欖汁也是很特別，我個人喜歡雪梨乾柑桔蜜✨ 這晚吃了一頓溫馨的晚餐，像月亮下的童話故事那樣動人🍹🌙

作為連續5 年米芝蓮得主，相信都會係信心保證，而且價錢都幾親民🥰招牌辣椒板麵 $62係一款很惹味的辣拌麵，配料有炸蒜、魚乾、肉碎、溫泉蛋，食落唔會太乾，配合得岩岩好！套餐另外配有一碗胡椒味既魚蛋湯。蝦麵滲滲 $85蝦湯帶微辣既味道，相當特別！雖然蝦味不算好出，但湯底都幾開胃，配料有越南虎蝦、叉燒、魚蛋、肉丸、魚片和豆卜。三色奶茶 $30肉眼見到有明顯既三層，包括有椰糖、花奶同埋茶。飲落有好濃既茶香而且好滑，相當唔錯。手工仙草椰汁 $30朋友叫咗呢款表示好香椰味，但仙草味唔算好突出。總結：作為人均一百蚊左右既米芝蓮餐廳係抵食既，普遍食物都係無伏。另外餐廳的牆身畫滿壁畫，環境幾舒適。

今日嚟到北角食呢間係錦平街嘅人氣熱點：古月，今日難得人少少唔使排隊，即刻沖去食❗️❗️藥膳肉骨茶藥膳味重，好有馬來西亞風味，內裏配料十足：豆粕、金菇、仲有成粒洋蔥🧅啲肉又好入味，有夠淋，好食😋仲有一個白飯，一定夠飽❗️❗️招牌辣椒板面呢個辣椒板面要糖食先有得食，用唔同嘅辣椒整成，辣得來好有層次，撈麵嚟食好惹味❗️❗️咖央多士多士夠口又夠香脆，咖央醬又大，低食整體來講好好食，有機會一定過嚟食❗️❗️

餐廳既位置係內街，而成條街都係唔同既食肆。由於係內街，所以唔會好嘈好多人，又唔會有車係門口經過。門口放置了不少藝術相關的宣傳單張，加上餐廳入面有好多壁畫，充滿文青氣息。望到食客們都chill chill地咁，有少少似入左離島既感覺，非常舒服。古月招牌肉骨茶見到餐廳的名字叫「古月」再加上是星馬菜式，直覺話我知佢係同胡椒味有關。果然不出我所料，佢既肉骨茶係胡椒湯底，岩晒我中意重口味。另外比較特別既係有原隻蒜頭，煲到淋晒變成真正既「蒜蓉」， 好似薯蓉咁既質感，將d 蒜蓉撈落湯一齊飲都幾特別架!!餐廳有3款肉骨茶選擇，只有新加坡風味可以無限添湯。如果喜歡藥膳肉骨茶既朋友可以揀馬來西亞風味既藥膳黑肉骨茶啦，但呢款無得添湯架~古滑雞飯我中意佢用雞上脾肉，無骨入口啖啖肉。雞肉下面有豬耳伴碟小食，配上自製醬汁甜甜地咁好好食，豬耳夠入味，可惜油飯略嫌太黏。星期六日沒有套餐，所以我同朋友都沒有叫飲品，下次要再黎試其他食物!

五月試過一次呢間位於北角小巷嘅小店覺得非常好食，主打米芝蓮推薦嘅星馬菜☆〜（ゝ。∂）。食物選擇雖然唔多但全部都屬於水準之作，於是今次夜晚黎再戰。🌙✨btw佢張檯紙勁靚 TT好想拎張返屋企!!!；古滑雞飯 $60油飯嘅調味恰到好處，撈埋雞汁食好正。啲雞又滑又嫩，唔點汁都夠曬味，點埋就酸酸甜甜，風味更上一層樓，仲有豬耳做配菜。；辣椒板面 $60味道好豐富，有滿滿嘅菜圃、肉碎、小銀魚乾、豬油渣、炸蒜、蝦米、香蔥、溫泉蛋等等，超足料，個麵仲要超彈牙！個辣味係慢慢滲出黎，惹味之餘越食越辣，不過食到後期略鹹同埋乾咗啲，飲啖奉送嘅魚丸（？）肉丸（？）胡椒湯解解辣先。• 北角站b4出口一出轉右向前行嗰條小街就係，成條街都係餐廳黎㗎• 兩次黎都要等位，不過都係大約十五分鐘就有位，都算幾快~

Villa Villa條街真係好多嘢食，今次嚟到呢間米芝蓮星馬菜🇸🇬 🇲🇾覺得冇想像中咁好食，但見唔少人推介咖喱麵 · 頸青豬飯，有機會會再嚟食呢幾款🤣怕要排隊可以打電話book位，記住星期日唔開🙈 .🍛 古滑雞飯 🐔· $60.用咗無骨雞上髀🍗 幾厚實，雞味亦重，但未算好滑嫩，不過至少唔會乾🤣之所以叫古滑雞，係因為真係有古惑配料🤪雞下面竟然有豬耳🐷自製雞汁酸酸甜甜咁，撈油飯都幾夾幾好食🐣唔錯但無驚喜🙈.🍜 招牌辣椒板麵 🌶️ · $62.呢個只限堂食🙈板麵上鋪滿秘製乾辣椒 · 魚乾 · 炸蒜 · 肉碎 · 豬油渣 · 蝦米 · 仲有溫泉蛋🥚🐷有啲辣，幾香口，帶卜卜脆口感，但整體偏鹹🥺食開重口味先會接受到，我個人係接受到🤣麵口感覺得可以再韌啲🤏🏻而且唔係好夠醬汁，食到底會較齋🥺隨麵附送胡椒丸湯，店員話係分開食，但覺得偏鹹😵‍💫.🧈 咖央厚多士 🍞 · $28.多士幾厚身幾鬆軟，整體唔係唔好食，但真係完全食唔到咖央味🥺感覺上似食緊牛油煉奶多士多啲🍞.☕️ Teh Tarik 馬來拉茶 (斑蘭) 🇲🇾 · $28.呢個有得揀斑蘭或肉桂味， 個人唔太鍾意肉桂所以冇揀😶泡泡面頭有層斑蘭糖，但飲唔到

北角錦屏街有好幾間小店，種類全部都唔一樣，行到入去就自然會揀到想食咩，總有一款啱心水，今日一於試下Openrice經常出現嘅星洲菜，原來係連續5年米芝蓮推介小店👍 Menu 選擇不多，但輕食一個飯或一個麵都ok 🔔餐廳只收現金 古滑雞飯 ($60)💕睇落似海南雞飯，但多了一層自製雞汁，帶少少甜味。雞上脾真係滑嘅，滑得黎有咬口，肉質唔錯。油飯有一點薑味，夠醒神👍值得一提雞肉下面墊了豬耳，第一次食雞飯會有豬耳，幾特別 蝦麵滲滲 ($87)湯底帶濃濃蝦味，配料有越南虎蝦、魚片、豆卜、叉燒、魚丸肉丸，半油麵半米粉，米粉吸收湯精華，油麵就負責口感。好味指數 🌕🌕🌕🌕🌑抵食指數 🌕🌕🌕🌕🌑打卡指數 🌕🌕🌕🌑🌑推介指數 🌕🌕🌕🌕🌑推介菜式會以💕表示

今日嚟到北角食，呢條後巷雖然唔容易搵到，但就有好多唔同好食嘅餐廳，除咗好出名嘅Villa Villa之外，古月亦都係其中一間好出名嘅，今日就同大家試一試佢👍🏻👍🏻古月而家做緊外賣自取優惠，好抵食㗎！ ！頸青豬飯 $68叫咗個頸青豬飯，新加坡咖喱唔算太辣，甜甜地好惹味，豬頸肉好有咬口，好入味，好食❗️❗️❗️滷麵 $58又係另一驚喜之作，好足料好好食，面身又入味，又有滷水雞，滷蛋同滷肉，正👍🏻👍🏻👍🏻

今日收工，路經北角，上網一搵，北角原來有間米芝蓮餐廳，所以去左試試。雖然系小店，但員工人數非常充足，亦好有禮貌。 個椰漿飯非常香，配埋旁邊既sambal sauce ，超級好食，但略儼sauce太少 只夠食一半飯。配料味道一般，個魚仔偏梗，同埋d花生冇炒過，冇味，個蛋烚到冇晒色，當然食落亦冇味。Surprise 既系旁邊的3件雞系超好食，好香好juice。拉茶方面有斑斕同玉桂兩款可選，我選了斑斕，飲落好似m記既錫蘭紅茶，唔甜黎有好濃茶香。最後叫多杯Kopic, 冇咩特別,味道同超市賣既白咖啡一樣，叫左3樣野共115，算系平。

北角區小店眾多，今次放工獨自黎到依間係一條小巷既新加坡餐廳，見到有連續5年米芝連推介就去試下啦🤗🤗今次試既係佢地期間限定既咖哩豬頸青飯，份量都算比較少，整體都算十分普通，似平時係茶餐廳食到既碟頭飯，但飯面蓋上青瓜絲同紫洋蔥，令到成個presentation 好左同令到咖哩冇咁heavy😊除此之外仲叫左一杯特飲，奇怪的是外賣加飲品有半價優惠但堂食卻沒有，30元一杯都的確比較貴。總括來講，這間餐廳質素不算太差，但不值得大家專程黎試。

個日諗住去隔離餐廳食 但full booking去左隔離 薯薯妹話 佢個朋友話依間好好食食過最好食既一間我之前食蘇x已經覺得好好 滿足到我依家你話食過最好食 又即刻入去 好好彩未有好多人就入左去叫完野食已經有人排 真好彩前茶 椰奶 好重椰汁 我都講唔到其他野形容 咪香既椰奶水本身好驚中伏 叫左三色奶茶 最後見咁特別唔叫我驚後悔 就改變主意薯薯妹話好奇怪 但我接受到 可能本身鍾意食橄欖 飲落好清香 但冇梅味 但有特別野飲加左好多分黎左個肉丸湯 應該係跟板麵 一個字 咸到板麵 味道唔錯 材料每樣都比較重口味 同野味 整體好好食 到肉骨茶 米粉正常冇野講 主要講下肉骨茶 有藥材版 有正常牌我地叫左個正常版 肉有多骨同唔多骨版叫左多骨板 得好少肉食飲下個茶 臭既 臭既意思係肉臭味 好似有時豬肉出水既豬臭味好重胡椒味 但都遮唔住豬臭味不知所謂 最主打既其中一樣都做唔好可能藥材味會好啲 我都唔知

北角古月 - 古滑雞上髀飯雞上髀肉質不錯，解凍處理很好，保留雞肉味，沒用soda粉。飯很邪惡，會追住食，因為有很強的蒜香。用香甜的汁撈飯更加有層次。鹵水豬耳伴碟也不錯，夠入味，耳骨煙刃。想食雞髀會再來。👍🏻👍🏻👍🏻

書局街不算長，走到盡頭你會發現轉角還有一條小巷子。裡面全部都是食肆。午飯時間人流如鯽，其中一家人頭湧湧的，就是這間食肆了。一個人吃飯的好處是，你總能在人龍滿滿的隊列中找到堂食位置。這次也不例外，門外站滿了人，我第一時間就能進去。第一次來，穩穩陣陣就點了一碗麵招牌肉骨茶和斑蘭奶茶。盛惠87蚊。不消五分鐘，菜已上齊，是標準香港速度。湯上來的時候是能渴的溫度再稍熱一些。這點很滿意。味道也不錯，沒有中藥的味道，不過辣度我略嫌不夠，吃得出辣味是來自胡椒，但未至於辣到喉嚨，味道僅在口腔中就消散了。相反排骨就很好吃了。兩大條排骨是吃得出的新鮮。咬落有肉香味，肉汁散溢出來，而骨頭邊沿還有少少骨膠，非常好吃。要說不足的話，配菜有點少。其實這肉骨茶內就只有兩大條排骨和一整棵蒜頭，但我並不生吞蒜頭，所以菜餚的份量略嫌不足。至於斑蘭奶茶，就是拉茶上灑上斑蘭粉，對我而言略為甜了一點。整體來説是算是好吃，下次可以試試咖喱，看店裡還是頗多人點的。