古朴年代咖啡．酒館 (已結業)

今日去左呢間餐廳，叫完嘢食，等左45mins 都未有嘢食送嚟，周圍D遲入嚟嘅客人已經有曬嘢食，我地只係嚟左兩杯嘢飲，杯嘢飲確實太甜嘅，加入好多糖水😣！之後禮貌地叫左侍應比張櫈擺個背囊，竟然冇禮貌咁移張櫈來整到我先生隻腳而冇道歉又走左去，都算了…等左40mins ，仲未有嘢食來，我地禮貌地催單，又話等多幾分鐘，之後催極都冇來，原來仲要再漏單，最火係仲要冇道歉，還黑我地面，激氣之下比左飲品＄就走了！還要繼續冇禮貌黑面歡送，請問咩服務呢？勸大家唔好再去！態度超劣！小女一向對人態度好，忍耐力強，竟然都睇唔過眼要上來劣評，可想而知😡😡😡😡

好耐無見嘅朋友話約食飯，哩到正好適合坐低邊飲邊食邊吹水。雖然比原正訂枱時間遲咗20分鐘到，不過都有留枱俾我點咗頭盤香蒜魷魚圈，BBQ rib, 西班牙海鮮飯，吹水梗要啤下嘅就每人一杯1664。頭盤無蒜味之餘魷魚圈淡而無味BBQ rib就醬有醬味，肉得肉味海鮮飯算不錯，看似細碟但禾稈冚珍珠，確實係好多海鮮；味道都ok因為送酒關係，再加多個德國腸拼薯條，份量都幾多架！因為經OpenRice 訂枱所以有5% 折扣，三個人連飲連食收費算係咁啦～

4月尾有日閒日放假, 黎左呢間餐廳試下~ 入到去暗暗地, 環境幾寬敞舒服, 幾好情調, 佈置幾靚丫~ 因為係閒日, 有個"Weekday Lunch Set", 咁我估比weekend既lunch set係平d~我叫左個"溫泉蛋卡邦尼意粉", $58 有埋熱飲, 價錢唔算貴~ 可能都比較少人, 等左一陣就有得食啦~ 個意粉煮得幾好食啵, 煮意粉其實幾考功夫, 因為自己試過失敗好多次~ 呢度煮得幾彈牙又唔硬~ 都算係近期食過最好味既carbonara啦 (未計自己煮既XD), 而且好足料, 有好多煙肉同埋多款唔同類型既菇~ 中間仲有隻溫泉蛋! 個汁味道都幾好, 同埋d汁又唔會太多/太少~ 而即磨咖啡幾香, 入口唔會苦澀, 都唔錯丫~最後埋單原來唔洗加一添,  相當滿意,下次都可以再黎食其他款~

今日約左朋友係大圍食野～諗左好耐都唔知食咩 周圍行下就見到依間咖啡店估唔到有室外位置 仲有埋冷氣入到去環境好好 好熱鬧 我地兩個人 一人叫左一碟意粉同埋兩杯野飲我叫左白酒牛肉硯肉意粉好好味 好多料 硯肉都好多友人叫左燒帶子墨魚汁意粉帶子好大粒好鮮甜

幾年前黎過呢間坐outdoor 食dinner,印象覺得環境幾好。餐廳裝修幾vintage 幾好feel,呢日帶朋友去古朴年代一下......But 今次坐𥚃面感覺一般，個meal d字好濛又有點舊，食物水準並沒有特別改進，的確有些失望⋯⋯Vintage 橫裝特備午夜音樂會All day breakfast 腸仔比較油冇乜特別，個egg benedict叫做流心，尚算可以蜆肉意粉個粉煮得剛好，有咬感風乾香草意粉香草味濃郁但略嫌乾身Latte 奶味過多完全滝蓋了僅余的咖啡香味

今日同老公帶埋亞B去大圍, 要係大圍搵間有BB凳嘅餐廳其實都幾難!! 突然諗起呢間餐廳, 於是就問下有冇BB凳, 竟然有, 咁當然就入去食啦!!我地入去個時係Tea Time, 當然叫Tea Set!! 我地叫咗個英式All Day Breakfast, 同肉醬焗薯條!!英式All Day Breakfast個班尼迪蛋依舊咁好味!! 份量真係好多, 我同老公share就岩岩好!! 肉醬焗薯條份量適中, 肉醬加芝士配薯條, 無得輸, 非常香口!! 好耐無嚟食, 食物水準依舊!! 讃!!

去完泥涌之後，直落返大圍覓食最初唔係試依間ge，但果間要等位所以就同朋友轉戰依間新開ge酒。咖啡屋，一入去位都唔洗等，店員就帶我地坐底左，好鍾意個環境，因為有一種懷舊風，整體傢具同店鋪格調襯托得唔錯！食物方面，我地3個人叫左3款食物，分別係小食-巴馬火腿配蜜瓜、主菜-鵝肝野菌寬條麵及墨魚汁海鮮飯（2人用）。先講個小食，本身以為巴馬火腿會整得好咸，但食落比想像中好，再配埋粒蜜瓜，食落幾清新同開胃，可以當做餐前開胃小食。之後，到兩款主菜，第一款主菜食落味道唔錯，唔會太油膩，因為配雜菌個感覺好鮮甜，鵝肝配雜菌幾夾👍🏼跟住個墨魚汁海鮮飯，食頭幾啖都覺得唔錯ge，但慢慢食多左就覺得有d偏咸，一路食一路要飲水🙈好彩有免費水提供。飲品方面，我地叫左枝Rose beer，俾個外型吸引左，因為係全粉紅色好靚咁，同班fd都想試下🤣飲落都唔錯ge。題外話：服務方面，覺得個侍應反應好快同細心，因為我等廁所期間，得一格女廁同男廁，個店員見到我響門外等緊，佢反應好快地就行去男廁開門睇，起初以為佢係去廁所，點知佢開完廁所門，見到入邊無人就問我介唔介意，感覺佢好細心，好快就睇到客人ge需要！依個值得一讚

之前聽朋友講大圍有間好友風格嘅餐廳一路都未有機會試今日經過終於有得試啦沙律份量都唔算細而且好新鮮嘅芝士片碎好Fresh啊鮮帶子墨魚汁意大利粉啲帶子超大粒而且煎得啱啱好好彈啊仲有呢個黑松露雜菌長通粉賣相好靚呀而且啲長通粉煮得啱啱好好有咬口飲埋呢一杯朱古力咖啡就啱啱好啦真係好滿足呀經過大圍可以一試啊

假期一個人狗留留，唔想呆坐家中，咁就出去搵食。行咗去大圍，見到間咖啡店，又咁啱有全日早餐，中晒今日嘅心願清單，就入咗去幫襯。入到去，第一感覺係入咗暗黑，因為燈光非常嘅昏暗，睇餐牌亦有難度，的確係一間黑漆漆的店。叫咗份英式早餐，再加杯凍牛奶咖啡，都幾快就有得食。正常嘅一杯凍啡，不是最好，又不是太差。飲咗陣啡，主角上枱:碟內有菜，茄汁豆，三種腸，當然仲有兩件egg benedict。講真自己不太喜愛食茄汁豆，在唔浪費嘅情況下都食晒唔好嘥。沙律菜幾好，係份量比較少。三種腸共六條，應該係豬，牛，雞各二，份量多，應該係非常多，一個人其實無乜可能係一餐內食六條腸！水波蛋係今日主角，整體可以叫合格，只因個荷蘭醬偏咸，影響晒整個水波蛋，而食晒成碟嘢後，又唔知點解成個碟底都係水？埋單收加一，走時全店已經滿坐，唔通係名店？

好暗嘅餐廳, 午飯時間入去, 差啲睇唔到嘢。睇餐牌都有難度。價錢同質素算正比, 不算是好味道, 但不難吃。食物賣相不服務都不錯。有特別嘅地方是, 星期五, 六或公眾假, 有歌唱表演, 現場亦有少少物品寄賣。蜆肉意粉, 份量少, 男士一定唔夠食,而且有少少沙。跟餐配即磨咖啡(好稀, 不像即磨)或蘋果綠茶(應該你道地個隻)兩個全日早餐所配嘅沙律菜,都係無配香醋橄欖油, 寡咗啲。美式全日早餐, 牛角包好好味, 配有三文魚, 煙肉, 都係一般, 幾款嘅腸都不外如是, 完全無好食的感覺。英式全日早餐, 好彩蛋都算不過不失, 但個包底就。。。差咗啲, 未開蛋, 已經又濕又"林", 腸仔同美式嘅基本相同。

Dined with a friend a few weeks ago and had a pleasant experience. Booking was for 8pm but my friend didn't arrive until later, the manager made sure that I had everything I needed. We requested for seats outside. The tables were relatively small but it was a cool day, so it felt wrong to pass up the chance. For people who want to sit outside: the road can get quite busy, so be prepared to have to speak up a bit every now and then when cars pass by/honk. While waiting for my friend, I had an ice

抱住太大期望，千辛萬苦先叫到我大佬車我去食，都怪自己太遲出門口，侍應哥哥話俾我知lunch Menu已經冇咗，想食意粉，明天請早，死死地氣只好食飯Tea set Menu 入面嘅我哋All day breakfast....點知：英式全日早餐 $88感覺材料相當簡單，無咩驚喜，薯格上枱時已經唔熱。+25蚊先有野飲😓😓😓總結：價錢中規中矩，驚喜欠奉，唔太需要山長水遠去幫襯。但可能午市有驚喜，唯有下次早啲黎食啦😭😭😭

每次假日呢間cafe仲會排滿人，今日平日下午茶時間，人唔多，一於要試下！今日天氣好好，所以我地選擇左outdoor坐，見得之前睇TBB啲劇集，成日都會係度取景，的確呢度佈置得好有feel！可以坐一個下晝都得！要扮文青，影相呃like，呢度無得頂！我地叫左兩個set，吞拿魚牛角包！店家對吞拿魚一啲都唔手軟！牛角包非常鬆化！推薦！黑松露雜菌長通粉，味道唔錯，亦係我喜歡嘅硬身口感！而咖啡嘅質素，尚有進步嘅空間！

聽朋友講大圍多左好多不錯的餐廳，今晚終於試到古朴年代咖啡．酒館。因為訂左位可以馬上入坐，一入到去環境很舒服，充滿懷舊氣息。晚餐都有好多選擇，不過都係選D穏陣之選。先來自家制炸芝士，芝士非常流心，不過唔太夠熱，同埋味道偏清淡，如果可以俾埋椒鹽粉就更好啦~溫泉蛋蟹肉意大利飯 - 分量都好足，意大利飯軟硬適中，不過都幾重忌廉味，蟹肉味道一般。芝士焗肉醬意粉釀大茄子 -雖然最後都係茄子同肉醬意粉分開來食， 但比想像中好食，反而舖低的瓜同菇有D偏咸。黑松露野菌寬條麵 - 落足料的黑松露，而且野菌好大粒同新鮮，值得推薦。蜂蜜洛神花甜莓茶 - 蜂蜜味太重，反而飲唔到洛神花同甜莓的味道，但都係好飲的。因為逢星期五、六及公眾假期 9pm-11pm有音樂會，而難得係星期六晚，都特登聽左首歌先走，有埋音樂氣氛真係相當不錯。整體而言，雖然價錢唔算平，但食物質素同環境都不錯，想休閒下來古朴年代都係唔錯的。

下午六時多，由於要等朋友，來了這環境及氣氛都不錯的地方，諗住飲杯野嘆下。好可惜，我杯朱古力等了二十分鐘都沒有出現，而我見到水吧前有一杯飲品沒人理會，我用眼神向當席的manager 示意，他才發現並急急拿來給我。在剛才二十分鐘的等待時間，水吧的同事都表現得好悠閒，輕鬆歡樂，卻沒發現漏了我的飲品在水吧上。好的餐廳除了食物和環境外，服務也好重要，難不成事事也要manager親身做才可? 希望這裏的員工要好好改進，不要浪費這一間餐廳。