可可店 (聯威新樓)

营业中

休息中

今次係本人第一次光顧的經歷。因為今日想食碗粥就完成晚餐。所以同事推介我試這間食店。因為收得比較夜。我可以慢慢嘆。其實開始時我係抱著應該會好平價的心態去光顧。但我太天真了⋯⋯那裡粥的款式真係很少⋯但這裡選擇又很多元化。有人食小食、有人食飯、有人食甜品。各式各樣大家可以自由選擇。我今次選擇了雞粥。因為想試吓這裡的生滾粥夠唔夠棉。老實講真係幾好食。雞件夠大件。當然件數又唔算多。但都幾夾。沒有花生和只有少許蔥花。喜歡食這兩樣的朋友留意。個碗都夠大。一個女人仔食宵夜都接受到。最後我想講這裡人手安排都幾亂。我點單後等了很久都沒有食物。但人哋隔離遲啲到都已經食緊。還要係飯類。但又未至於唔夠人手。只是人手安排方面差少少。最後總結：如果想食粥唔推介。因為堅城其實很多粥店選擇更多。但甜品我就好想試一試。因為我見佢哋用粥碗盛裝。那變相碗甜品就好大碗

做野做到半夜三間一定係會好肚餓啦夜麻麻唔想落街又想食野梗係叫外賣啦朋有介紹我呢間外賣小店款式繁多花多眼亂我自己就最鐘意脆炸雲吞同埋燒賣魚蛋炸雲吞絕對唔會因爲外賣送黎變淋真係正到痺

可可店一直都是區內十分出名的小食店，位於港鐵站堅尼地城出口，行約五分鐘便可到達。由於小食店價格便宜，食物種類繁多，由小食燒賣、腸粉、魚旦粉、雲吞麵、蠔餅、糖水，什至是干炒牛河、叫餸食飯都可在「可可店」食到，而且營業時間長，所以吸引到許多HKU的學生到來幫趁我特別喜歡食腸粉加蛋 $20 燒鴨瀨粉 $31 另外點了糖水「熱腐竹糖水」$19糖水不太甜蜜桃綠茶 $16 味道比較淡最後，兩人共食了$96很飽 在區內而言是不錯的小食店

跟朋友食完晚飯，揸車來到這裡食糖水。芝麻糊，$19，滑，無渣；腐竹鷄蛋糖水，$20，朋友話好味；新鮮雜果涼粉，$23；鴛鴦豆，$19，ok；腸粉，$19，煎香，加蛋更好味。

其實依間餐廳黎過好多次架啦不過好耐無食前幾日食完先回味返個味道所以決定要寫返篇食評先得好多食物我都食過以下係我既必食之選排名不分先後1,炸雞脾炸到外脆內嫩，仲有肉汁加埋茄汁，正！2,炸水餃雖然$3x先得4，5隻不過我夠膽講句唔試你就走寶啦！暫時係我心目中炸水餃黎講仲係排第一3,干炒牛河/雞粒炒飯依間野d師父真係有料架人地話一間餐廳好唔好食睇下佢干炒牛河就知夠哂獲氣，油膩同太乾之間取到一個平衡點牛肉嫩口，加上辣醬係好食到不得了4,芒果冰冰同埋椰汁涼粉西米咁熱既天氣消暑一流味道都完勝出面好多糖水鋪總之可可店係真係必食之選仲成日幫大學學生你睇下佢牆上幾多感謝狀大家得閒就去試下啦

小妹讀大學嘅時成日食嘅飯堂，真係好耐冇食過啦經過西環好懷念個個時候嘅飯堂，即刻過嚟望吓啦<杏汁燉豬肺$36>近排有兩聲咳見到有好多滋補靚湯可以揀，叫咗個杏汁燉豬肺黎潤下肺結果個湯真係超級滋潤，杏味超重飲完之後成個胃暖好似真係咳少咗兩聲<乾炒肉片河$44>由於有人唔鍾意食牛肉，所以就將牛肉改咗做豬肉，干炒肉片可超級有鑊氣，肉片份量幾多，炒得唔會太油，真係好懷念大學嘅味道<雞蛋煎腸粉$20>雞蛋煎腸粉每一次都要叫，每一條腸粉都比雞蛋包住，香口得來又蛋香味<芒果沙冰$23>芒果沙冰不過不失啦，芒果味唔算好重，都係用嚟解渴姐

食完雞脾再過一條街就係念念不忘的可可店！之前總共食過2次，第一次印象最好，因為個炒腸粉超級好食！第二次帶埋朋友再encore，炒腸粉失了色，但其他炸水餃、蠔餅等卻又令人留下了好印象！今次再有目的地專程黎試個炒腸粉及網上有人推介的芝麻糊！不過原來期望越大，失望越大！明明一坐低同個阿姐話個腸粉要煎香啲，講左3次，到佢同廚房講完再提佢一次，最後都係無。腸粉更可以話完全睇唔到有炒嘅痕跡，上枱未食都知，所以碟炒腸粉，係完全不合格的！朋友話其實價錢都偏貴，仲要做得唔好，無得原諒～至於芝麻糊，是即沖芝麻糊質素，沒芝麻味。整體黎講，係失望的。小店水準飄忽，有期望黎就真係會失望，所以不抱期望黎最為合適！

而聽聞港大附近這間價錢大眾化的食店好耐，今日路過終於有機會試試，各位想試的朋友要注營業時間！招牌菜 - 香煎腸粉雞蛋。普通煎蝦米腸粉已經好好食，這裡的煎腸粉更多了份蛋香！味道真係好唔錯，話咁快就清了碟！土魷蒸肉餅飯呢度既肉餅真係唔錯，用上半肥瘦既肉，既有肉感又滑口，唔會過份焾，土魷份量足，餸飯真係一流！以呢個價錢來說真係無得輸！乾炒牛河色水和賣相都好好，河粉炒得乾身，條條分明，唔算油，鑊氣夠！牛肉係用上鮮牛肉，肉質好，唔會有大量鬆肉粉的感覺。奶蓋綠茶本著一試無妨的心態，點來飲飲。當然無得同其他台式野飲專賣店比，但真係比預期好，奶蓋算不少，茶底也OK，尤其肉餅飯跟餐只係加7元就有得飲！性價比一流！

零晨一點幾肚仔餓，落街醫下肚，入到鋪頭客人有8成滿，西環真係好多夜貓😂望望餐牌，2個人隨便叫左幾樣野食咖哩蘿蔔豬皮魚蛋味道有d淡，不過勝在夠平囉！雞蛋煎腸粉係我既最愛，煎到出面脆，入面軟，加埋勁多既甜醬麻醬金針雲耳蒸雞就係平時食到既味道，配料好足，$40跟埋碗飯，仲想點？仲要咁夜都仲有得食乾炒牛河夠晒鑊氣不過食唔晒要打包芝麻糊綠豆就係芝麻味搶晒綠豆味囉薑母紅茶淡淡既薑味加紅茶味，夾埋好飲成餐加埋都係$177，抵食呀

收工想食番啲小食, 就去咗可可店, 嗌個街坊推介嘅雞蛋腸粉。<香煎腸粉雞蛋$20>可可店嘅香煎腸粉雞蛋, 腸粉底用咗蝦米腸。 將腸粉煎到金黃脆脆, 再混合咗份量都幾多嘅雞蛋, 最後淋上豉油同埋甜醬。 20蚊一份唔算特別平, 但係味道絕對係一流, 同時蝦米味都幾突出。

💓深宵食堂🌃🌌一間好多種類的一間小店🍜重點係營業🈺️至淩晨四點👧🏻重點推薦幾款俾你地😆🍳煎腸粉加雞蛋$19腸粉已經好有彈性，再配上雞蛋這個組合味道又幾夾的😆🦑土魷蒸肉餅飯$39肉餅唔會淋patpat,肉餅汁絕對係精華，可以完全餸哂一碗飯🤤

在西環堅尼地城住的街坊,都會識得這間店因為這間店價錢實惠,種類甚多如珍珠奶茶,雲吞麵,客飯,甜品等今晚在這裡吃了淨魚皮餃和珍珠奶茶.魚皮餃皮厚,一般.珍珠奶茶的珍珠不多,不過不失.小店為生存,以款多取勝,以價平取勝,所謂"窮則變,變則通."這店每晚都坐滿,足證這種做法有用.而且同街和鄰街的食店都相繼結業,而它仍然屹立,殊不簡單為這種精神,為這種多元化,支持小店,應該.

黎呢頭做野，順便搵間小食檔歇歇腳。坐低睇睇下餐牌，突然覺得幾肚餓，所以就叫左幾款小食試試。蒜蓉魚肉燒賣($16)係喺魚肉燒賣上加左炸蒜同熟油，味道都唔錯，不過燒賣咬口就爭啲，唔算好彈牙，都係小弟尖沙咀食開果間好啲。香煎腸粉加雞蛋($19)都唔夠香口，蛋味有，如果可以再花心機煎多陣，啲蛋香脆啲會更好。香煎蠔仔餅($33)係似茶樓煎薄罉果種質地，少少煙韌，都食得到落左好多粒蠔仔。至於蠔仔新鮮度就尚可，小食店嘅規模同流量黎講不能要求太多。炸鳳城水餃($33)反而有啲驚喜，餃皮炸得好脆唔油，入面嘅餡都大大舊、熱辣辣，點埋夠classic嘅沙律醬都幾開心。

喺附近行完山，落到嚟呢度堅尼地城食呢間。其實之前都聽過呢間嘅名，因為好多港大同學仔朋友都話呢個係講大飯堂。食咗佢嘅生炒牛肉飯，仲嗌咗一個雲耳蒸雞飯，兩個餸都好夠味好好食，仲嗌咗個燉湯，好足料好清甜，反而好出名嘅蛋炒腸粉就一般。。。

可可店是一眾港大生的回憶，尤其是住hall的朋友，每逢深宵肚餓嘴癢之際，總會打電話叫可可。我比較喜歡生炒牛肉飯，而且要加蛋加咖喱汁。可可的咖喱汁頗辣，配合炒飯吃挺惹味。至於炒飯頗有鑊氣，炒得香口，加上煎蛋增添層次，乃宵夜妙品。