台灣郎

营业中

休息中

餐廳的營業時間並非由早上7:30開始。剛剛打電話去問過，營業時間大概是早上11時吧。很久之前有提供早餐，但已經有好一段日子沒有提供早餐。這有點可惜。以往，這間餐廳過往提供的早餐還是不錯的。

入到店內，沒有客人，店員話隨便坐，我哋選咗張六人枱坐，睇睇吓餐牌，朋友話想改坐另一張枱，我哋去另一張六人枱坐低，點知有個瘦削大嬸粗聲粗氣話唔坐得，要我哋坐番原先張枱，佢話依張六人枱，我哋二人唔可以坐，我話原先張枱都係六人枱有乜問題，佢話因為已擺好餐具，不可調位！佢跟住放個留座牌在枱面唔比我哋坐！今時今日生意唔好都唔駛咁對客人嘅，你估你間店舖係寶咩！

阿姨态度超级烂，非要买贵的便当。自己发现下午茶餐更便宜后坚称已经入单，又在那里说没多多少钱，嚷地整个餐厅的人都听到，非说不能改，压着人多付钱 长见识了真牛真牛👍

紅燒牛肉麵 ($78)突然想食台灣牛肉麵的一晚～小店係由台灣人主理，牛肉麵底味道濃郁，帶甜味，配料有紅蘿蔔同白蘿蔔，兩款都煲到軟淋淋，而且入味均勻，充滿同湯底一樣嘅牛肉味，碗內亦都有唔少酸菜（麵食配料中的最愛）。麵條對我黎講都係未夠硬身，不過勝在都算彈牙，而且麵質都幾掛湯。主角牛肉份量足夠，但係肉質較為鬆散。整體黎講係中規中矩嘅牛肉麵，唯獨湯底幾出色，不過以依個價錢黎講性價比就未必好高～.餐廳室內裝潢會令人有種去咗十份﹑九份嘅感覺，好多天燈裝飾，桌椅都係台式小店會見到嘅木質家具，坐得舒服，適日平日休閒用餐。

“台南魯肉飯”“台灣馳名鹹酥雞”其實真係好鍾意食台灣菜🤩所以就搵咗晚去屋企附近呢間台灣郎食嘢😆相比起肉燥飯,我更鍾意魯肉飯😆貪佢有滿滿嘅肥豬肉粒🐷🤣不過略嫌呢道嘅魯肉飯乾咗啲🙈食到尾唔夠汁撈飯😂另外叫咗份馳名鹹酥雞🐔用個雞仔造型嘅籃裝住好得意😝啲雞炸到外脆,入面啲肉都唔會柴☺如果有多啲炸九層塔就更正😍台灣郎西環西營盤德輔道西260號正德大廈地下

西環地段真的什麼種類的菜麵都有，今次到食台灣菜。點了門口招牌寫著主打湯底的牛肉麵，果然真的十分出色。湯底應該用牛骨煮了很長時間，十分濃郁的牛肉味。連配料紅蘿蔔和蘿蔔都滲透了湯底的味道。麵條亦彈牙可口，連湯一起食，十分享受。再點了香芋珍珠奶茶，少甜的味道剛好，飲到香芋的味道，珍珠亦非常彈牙。最差的算是黑糖奶菜，明明點的是黑糖珍珠奶茶，卻少了珍珠，雖然味道正常，但總是好似欠缺了一點點口感。但因為外賣自取關係，沒法退換。

如題，外賣買了一份52$的紅燒牛肉湯麵份量多和很熱有薑和6件牛肉外賣用的紙碗很厚附送一珍珠奶茶(原價$6)有提供膠餐具(叉，湯匙)餐廳室內可以坐大約8人，目前限制大約4人左右。

香港疫情迎黎第三波, 今次新增左一條晚六朝五禁堂食嘅措施夜晚無得出街食飯, 唯有嗌外賣自取返屋企食啦咁啱去開西營盤果頭, 於是去左附近嘅台灣郎買外賣<台南魯肉飯>台灣郎嘅魯肉偏瘦, 食落有陣幾重嘅八角味, 份量幾多, 但唔係好有台灣風味<廟口肉燥飯>肉燥同樣係偏瘦<72小時慢煮豬軟骨飯套餐>72小時慢煮豬軟骨非常入味而且軟爛, 豬軟骨入口即溶, 唔錯<經典台灣香腸>台灣香腸蒜味十足, 推介<酥炸五香雞卷>酥炸五香雞卷五香粉味好濃, 鍾意與否見仁見智

雖然而家疫情嚴重，但無奈地我哋仲未有得在家辦公，唯有繼續我嘅中午搵食之旅！ 喺openrice search下search下， 搵到一間從未食過嘅台灣小店，一於一試！環境：普普通通，但都叫做坐得舒服，而且順帶一提，呢度嘅防疫措施做得幾足， 佢真係有跟規矩每一台都隔得幾開，又有做曬探熱等措施，總算食得安心。食物：嚟到見到午市有個套餐都算平，而且選擇都算多，頭盤主菜同埋飲品都係成為66蚊，港島區嚟講呢個價錢算唔錯啦。頭盤方面我就叫咗沙律，主菜香炸醋肉，仲配埋一碗新竹米粉，夠曬飽呀！最有驚喜嘅位係估唔到新竹米粉仲有餸配埋，而且都唔少，兩粒墨魚丸兩粒貢丸，同埋兩片豬肉，老老豆豆，有可能淨係食呢碗米粉都已經夠飽，哈哈！ 沙律方面其實比較普通唔算話太好味， 但係頭盤嚟講算係咁啦。主菜香炸醋肉肉質就比較鞋同埋酸咗少少，真心覺得一般，如果下次再嚟我會試第二樣餸。結論：整體而言，喺呢度食午市都算唔錯，夠平夠多嘢食，而且仲要多選擇，但係味道方面就唔好抱太高嘅期望喇！

又到午飯時間，難得今日比較空閒，決定自己一個行遠少少食。途中見到呢間台灣郎，先察覺到自己好耐都冇食台式野，所以決定食呢間。 $66一個lunch set有前菜主菜飯同飲品算抵食，每款仲有四個選擇。最後我揀咗上湯浸時蔬、台灣馳名鹹酥雞、台南魯肉飯加蜂蜜薑茶。上湯浸時蔬係用娃娃菜，味道不過不失。鹹酥雞雖然皮厚左少少但係炸得好脆又唔會太鹹。魯肉飯好好味仲有半隻蛋，又唔會好似真係台灣嘅魯肉飯咁多油。最後佢杯蜂蜜薑茶超辣，夠甜但係蜂蜜味冇乜，好適合女仔飲。

突然想食台灣野，就近選擇了台灣郎店內的裝潢似上海菜，不似台灣菜雞卷：見很多人推介，但一點也不好食。切了片的雞卷完全吃不出雞味，只吃到一口的油牛肉麵：最滿意的菜，有很濃很香的香料調味，麵的軟硬適中，掛湯能力足夠肉燥飯：普通肉燥飯味，平平無奇，不過不失飲品：普通，沒有什麼特別

我平時成日去呢間餐廳 岩岩去食lunch 然後一捧上黎碟飯有隻反左肚但仲識郁嘅曱甴 我同朋友嚇親 冇影相 就叫人黎收返佢 d員工完全冇感覺 就咁收返碟飯sorry都冇聲 好似成日都發生咁 都算.......我地趕時間照食........食完埋單個陣 我地好有禮貌咁同收銀講: 「我地岩岩碟飯有曱甴」然後佢仲要好似我地有問題咁答：「我知呀！咪即刻換左碟新嘅俾你囉！」以後都吾會去食。勸大家都吾好去食。員工俾客人之前連睇都冇睇過有冇問題。仲要咁嘅態度。

呢度嘅臺南魯肉飯好好食，我整日都會黎食，因為超足料，而且魯肉都好入味，糖心蛋都好正，一啖肉一啖飯簡直無得頂。鳳梨甜酸蝦球酸酸甜甜，個蝦好彈牙生鮮，每次黎都會嗌。仲有紅燒牛肉麵，湯底好濃蘿蔔入曬味好正，個牛肉好厚身好腍，面好彈牙，真係好正噶。

今日下午無無聊聊，個見到有間台灣店， 叫咗個肉燥飯，豬軟骨，酥炸五香雞卷， 加咗杯芋香珍珠， 肉燥飯一般， 豬軟骨太林 ;連骨林曬;冇咬呀！！杯珍珠完全冇芋香味; 同飲奶水冇分別！ 五香雞卷就根本唔在食咩！ 我淨係知裏面有啲馬蹄芫茜！！！

本身就好鐘意食臺灣小食，所以都會經常打卡各種臺灣店，呢間臺灣郎店面好有臺灣感覺，雖然無係特別靚，招牌菜係牛肉麵，好值得一試，而且分量夠曬大，然後當然要點小食蚵仔煎啦，最後來個鹵水拼盤，值得再來。